Новиот градски пазар во Гевгелија ќе биде готов до крајот на 2014 Градежната компанија „Бауер БГ“ од Скопје ќе го гради новиот градски пазар во Гевгелија. Локалната самоуправа од градот потпиша договор со скопското претпријатие во вредност од 68.241.598 денари или над 1,1 милиони евра за реализација на првата етапа од проектот. Објектот поделен во три блока е предвидено да се гради на површина од 5.888 метри квадратни заедно со отворен паркинг простор, пристапни патеки и простор за контејнери за ѓубре. Идниот пазар ќе биде лоциран во северозападниот дел од Гевгелија во седмата урбана единица, за разлика од досегашниот кој се наоѓаше во строгиот центар на градот.  „Бауер БГ“ доби рок од 24 месеци за да го изгради градскиот пазар, а од Општината истакнуваат дека локацијата е веќе расчистена и подготвена за почеток на градежните работи. По комплетирањето на објектот, во втората фаза, на просторот ќе се изгради голем супермаркет од страна на приватен инвеститор. Зданието е дел од проектот „Гевгелија 2013“ со кој се планира изведба на нова меѓуградска автобуска станица и на модерен градски плоштад. На локацијата на некогашниот пазар во централното градско подрачје ќе се подигнат станбено – деловни објекти и подземен паркинг простор. # Објавено на 27.11.2012 во категорија Вести. Тагови: Автобуски станици, Бауер БГ, Гевгелија, Градска инфраструктура, Деловни, Инфраструктура, Комерцијални, Пазари, Паркинг, Плоштади, Подземни гаражи, Станбени, Супермаркети и хипермаркети

http://www.build.mk/?p=20674

камен темелник на градски пазар во Пробиштип

На денешен ден (25.04.2012) се поставува камен темелник на градски пазар во Пробиштип. Вака започнува текстот што е запишан во Повелбата, која беше ставена во стаклено шише и беше положена во темелите на новиот градски пазар во Пробиштип. Во присуство на неговото високо правосвештенство, Митрополитот брегалнички, господин Иларион, кој го изврши чинот на осветување на поставувањето на камен темелник во Пробиштип, Градоначалници од соседни општини, Советниците во Советот на општина Пробиштип, претставници од бизнис секторот во Пробиштип и голем број на посетители беше изведен чинот на осветување и поставување на камен темелник. По долго време во Пробиштип се поставува камен темелник на еден капитален објект.

Пробиштипјани не го криеја задоволството од отпочнувањето со изградба на новиот градски пазар, како од причина што конечно Пробиштип ќе добие пазар по сите стандарди, така и што конечно просторот каде ќе се гради конечно ќе биде оплеменет. Овој простор е во непосредна близина на центарот на градот, а заради својот несреден изглед оставаше една грда слика за градот, на овој начин целиот овој простор ќе биде оплеменет и ќе даде еден урбан лик, а воедно со ова ќе се прошири центарот на градот со што нема да се сведува само на една улица. Своето задоволство не го криеше ни првиот човек, градоначалникот Тони Тоневски, од причина што токму овој капитален објект беше еден од приоритетните проекти во неговата програма и истиот започнува да се реализира. „Сакам да го искажам моето длабоко верување дека  на крајот на оваа 2012 година повторно ќе се собереме овде и ќе имаме можност свечено да го пуштиме во употреба новиот градски пазар во Пробиштип!“ , рече меѓудругото Тоневски. Изградбата на пазарот е инвестиција вредна 53 милиони денари, средства обезбедени од буџетот на општина Пробиштип, истиот ќе се простира на површина од околу 8000 метри квадратни од кои бруто покриена површина изнесува 2300 квадрати, нето површината изнесува 2100 квадрати. Од оваа површина 1600 квадрати се наменети за земјоделски производи, 260 квадрати за продажба на текстил, 124 квадрати за продавници за сирење, јајца и млечни производи согласно ХАСАП системот, простор за млечен ресторант, јавни тоалети, 2700 квадрата простор за партерно уредување во кое се вклучени пристапни патишта, сообраќајници, паркинг простор, како и 3500 квадрата за хортикултурно уредување со поставување на урбана опрема за одмор на граѓаните.

http://www.probistip.gov.mk/index.php?option=com_content&view=article&id=610%3A2012-04-25-13-46-27&catid=41%3Anastani&Itemid=269&lang=mk

Реконструиран “Кванташкиот пазар“ во Струмица

Струмичкиот Кванташки пазар заедно со Сточниот пазар е целосно реконструиран и  повторно е ставен во функција на земјоделците и трговците. Кванташкиот пазар сега се простира на површина од 14.000 м², со асфалтирани 2.500 м², нова фекална и атмосферска канализација во должина од 870 метри, нова водоводна мрежа од 450 метри и дополнително осветлување. Вкупната инвестиција чинеше 5.830.000 денари, средства обезбедени од буџетот на општина Струмица, а оваа активност ја организираше ЈПКД “Комуналец“ Струмица, и истиот дава можност за проширување и адаптирање на дополнителен простор.
Со новата комплетна инфраструктура, Струмичкиот Кванташки пазар, за разлика од останатите во Македонија е направен многу помодерен, поорганизиран, каде што самите препродавачи и земјоделци од регионот и пошироко во многу подобри услови би ги нудиле своите производи.






http://www.strumica.gov.mk

Сликиве со од денеска. Ова е веќе поранешната зграда на пазарот во Тафталиџе. Пазарџиите се преместени во тезги надвор, за што негодуваа и негодуваат уште, ама никој не ги врти (дури им го покачиле и наемот на тезгите за 2000 ден.) - ама тоа е друга тема. Подоле се слики од објект со помали трговски единици, кој е во некоја завршна фаза на реновирање. Имав прилика да го видам проектот за новиот маркет. Тој ќе го задржи габаритот на стариот пазар, истата носива конструкција, а фасадно ќе биде обложен со панели, претпоставувам како на објективе кои се веќе завршени.

Еве и рендерче:

СЕ РЕНОВИРА ПАЗАРОТ ВО ОПШТИНА КАРПОШ Во Тафталиџе ќе се купува зеленчук на отворено Предвидено е покриениот пазар каде што сега се наоѓа пазарчето да се урне, новите тезгиња да се постават на отворено, да се покријат со натстрешник и секоја тезга да има приклучоци за вода, струја и за осветление Пазарчето во Тафталиџе ќе се реновира. Ќе се поставуваат нови тезгиња, кои за разлика од сегашните, ќе бидат на отворено, а ќе се гради и деловен објект веднаш до пазарчето. Предвидено е покриениот пазар каде што сега се наоѓа пазарчето да се урне и на негово место да се изгради новиот деловен објект. Старите тезгиња ќе се заменат со нови, со модерен изглед. Целиот простор каде што ќе биде пазарчето ќе биде покриен со натстрешник и секоја тезга ќе има приклучоци за вода, струја и за осветление. "Пазарџиите ќе имаат услови да работат и попладне. Ќе има мало покачување на цените за издавање на тезгињата, но тоа нема многу да отстапуваат од постојните цени", велат од "Скопски пазар". Деловниот објект пак ќе се гради на површина од 2.500 квадратни метри. Тој ќе биде на еден кат и во него ќе има супермаркет со површина од 1. 500 квадратни метри. Останата површина од 1.000 квадрати ќе биде адаптирана во дуќани.Предвидена е и изградба и на паркинг-простор за 85 возила. Новото пазарче ќе биде готово до крајот на годинава. (А.А.)

http://www.vest.com.mk/?ItemID=56A5CDD49915004C9117F142F29CFDD5

Edited by Cloverstack - 17-Aug-2011 at 23:41

Кавадарци ќе гради современ пазар

Кавадарчани ја оправдуваат потребата од современ пазар, бидејќи во новиот објект ќе има и подземен паркинг

Ангел Данов



КАВАДАРЦИ - Со заем од близу два милиона евра локалната самоуправа ќе гради пазар. Кавадарчани ја оправдуваат потребата од современ пазар, бидејќи во новиот објект ќе има и подземен паркинг. На тој начин ќе се реши проблемот со паркирањето.

Според одлуката на Советот, висината на задолжувањето изнесува 105 милиони денари, а ќе се реализира преку потпишување договор за подзаем со Министерството за финансии. Тоа се средства од проектот за подобрување на општинските услуги, финансиран со заем од Меѓународната банка за обнова и развој - Светска банка.

Опозицијата во Советот на Кавадарци побара максимална транспарентност пред и за време на реализацијата на проектот „Зелен пазар“. „Ние сме против задолжувањето на општината, оти граѓаните ќе треба да го враќаат долгот“, објасни советникот Тошо Радњански.

Одлуката ја бранеше градоначалникот Александар Панов, кој нагласи дека ќе биде привилегија Кавадарци да добие средства за кои владее вистински натпревар меѓу општините. На провокацијата од советникот Радњански дали скапиот проект има економска оправданост, Панов одговори дека и пазарџиите и купувачите ќе добијат многу подобри и посовремени услови.

Одлуката за задолжување ја поддржа советничката група на Панчо Минов. „Секогаш сум за реализација на капитални развојни проекти“, нагласи Минов. Според советникот и актуелен раководител на зелениот пазар, Љупчо Делов, изградбата на објектот е неминовна. „Притиснати сме од законските одредби за ХАЦЦП и од други обврски што мора да ги имплементираме“, објасни Делов.

Програмата за изградба на зелен пазар ќе се реализира во неколку фази, а вкупната вредност, според добиените податоци од пред физибилити- студијата, е 184.500.000 денари. Планирано е средствата да се обезбедат со кредит од Светска банка во износ од 105 милиони денари според направен скен на кредитоспособноста со податоци од буџетот на Општина Кавадарци, а останатите средства ќе се обезбедат преку јавно приватно партнерство.

http://www.utrinski.com.mk/?ItemID=0B07DF190126644B851BBB6A019A6E5A

Ќе се реконструира млечниот пазар во Прилеп Млечниот пазар во Прилеп комплетно ќе се реконструира, иако претходно е воведен ХАСАП-стандардот. Во план е да се подигне уште еден кат на објектот, додека другиот дел од околу 1.500 квадратни метри комплетно ќе се реновира. Инвестицијата ќе чини 250 илјади евра - Ја комплетираме документацијата и веднаш штом ќе дозволат условите, ќе почнеме со реконструкцијата со која ќе ги подобриме условите за продажба на млечни производи и јајца во пазарот - вели Пецо Димоски, директор на ЈКП „Пазари“. Во централниот пазар, пак, привршува поставувањето на покривната конструкција, што се врши со пари од фирмата и со кредит, а претходно заврши поплочувањето. http://novamakedonija.com.mk/NewsDetal.asp?vest=1028101039175&id=10&prilog=0&setIzdanie=22118

Прилеп ќе гради пазар на големо

Околу еден милион денари ќе вложи ЈП „Пазари“ од Прилеп за адаптација на неискористениот дел од сточниот пазар за простор за големопродажба на земјоделски и на други производи. Тоа е содржината на дел од кредитното задолжување од 3 милиони денари, за кое виза даде Советот на Општината, како основач на „Пазари“. Останатиот дел од кредитот ќе се инвестира во адаптација на руинираната управна зграда и ќе се доврши покривањето на градскиот пазар.

Просторот за големопродажба се резервира за продавачите на зелени производи на ангро, за превозниците со огревни дрва, песок, вар, за стари автоделови, за автопазар и други продавачи. Со овој потег ќе се растовари централното градско подрачје од продавачи со приколки.

- Еден милион денари се насочуваат за покривање на незавршениот дел од пазарот во центарот на површина од 2.200 квадратни метри. Со вториот дел од кредитот ќе се реновира управната зграда, а со еден милион денари ќе се уредуваат околу 4.000 квадратни метри од Сточното пазариште во пазар на големо. Таму ќе се инсталира водоводна и канализациска мрежа и ќе се тампонира до асфалтирање - вели Пецо Димоски, директор на ЈП „Пазари“.

Градскиот совет дозволи „Пазари“ да утврди месечен паушал од 3.300 денари за превозниците на дрва и на песок, а не по 600 до 700 денари за едно влегување и излегување. Советот му го пренесе на ЈП „Пазари“ да го стопанисува и просторот зад меморијалниот музеј „11 Октомври“ за адаптирање на платото за понуда на ракотворби и на сувенири. (Љ.М.)

http://www.dnevnik.com.mk/?ItemID=D4C7552FF2F4564BA679F29B32FABEED

Ќе се осовременува битолскиот пазар

ЈП „Пазари“ најави неколку инвестиции за осовременување на централниот градски пазар и на сточниот пазар во Битола.

- Во оваа календарска година ќе се изврши поплочување на градскиот пазар, промена на покривот и пребојадисување на управната зграда, адаптирање на халата за сирење според ХАЦЦП-стандардите, ќе создадеме подобри услови за продажба на јајца, маслинки и на зрнеста храна и ќе изградиме нов санитарен јазол - информираат од ЈП „Пазари“.

Според програмата за работа во 2010 година, „Пазари“ планира приходите од продажба на услугите на домашен пазар да изнесуваат 65 отсто, а приходите од наемнини да достигнат 32,49 процента, со што ќе се обезбеди стабилна финансиска состојба во претпријатието.  

Се уредува прилепскиот зелен пазар Прилепскиот пазар ќе се уредува, ќе се поплочува со бекатон-плочки, а ќе се копа и бунар за техничка вода, со која ќе се чисти пазарот. За дупчење на бунарот, ЈП „Пазари“ инвестира околу 5.000 евра. Директорот на „Пазари“, Пецо Димоски, вели дека со инвестицијата површината на градскиот пазар ќе се мие секој втор ден, а не само двапати неделно како досега, кога се користеше вода за пиење. Со вложените средства хигиената ќе се покрене на повисоко ниво, се штеди, а пазарџиите добиваат чистота и подобри услови за работа - вели Димоски. Тој вели дека пазарот ќе се уреди со бекатон-плочки на површината од околу 5.000 квадратни метри, инсталација на десетина чешми со пивка вода, канализација, осветление и канти за отпадоци. - Ќе се репарираат и тезгите што се селат од пазарот за дреболии на централниот пазар. Околу 180 трговци на конфекција и други стоки ќе бидат поблиску до потрошувачите. Просторот се чисти за почеток на градба на нова катна гаража - вели Димоски. Наскоро се предвидени и покривање на пазарот и инсталирање на тезги по ХАЦЦП-стандардите. http://dnevnik.com.mk/?itemID=356C2DD3CC76664195A65182B70BD17A&arc=1