Автобуски постојки и терминали

Утрово поставуваа нова постојка во Чаир. На сликата (од мобилен) се гледа и старата постојка поставена од општина Чаир.



Edited by Џоле - 17-Jul-2013 at 13:55

Има поставено пред УЈП на бул. 11 октомври , ја видов вчера.

Originally posted by BOJAN Мислам дека поставувањето на автобуските постојки оди преспоро, а нивната изведба е преедноставна. Не знам во што е проблемот и особено не знам од каде почнаа со поставувањето. Освен кај влада, во центарот на Скопје не можам да пронајдам од овие чудесија.

Јас видов денес во Ченто.

Тримакс мапи...
Зошто власта jа форсира таа фирма коjа е заглавена во времето со српско-хрватска транслитерациjа на улиците...

Сега видов има и кај Рамстор.

Поставени нови автобуски постојки на повеќе локации во Гази Баба



Градоначалникот на Гази Баба, Тони Трајковски и директорот на ЈСП Скопје, Мишо Николов ги промовираа новите настрешници на автобуските постојки на територијата на општина Гази Баба.

Во првата фаза ќе бидат поставени 12 настрешници, а до крајот на годината настрешници ќе се постават на сите автобуски постојки во урбаниот дел.

Секоја настрешница има клупа, канта за отпадоци, опколена е со стакло за атмосферска заштита и има плакат на кој е вознит ред за сообраќање на автобусите, изјави директорот Мишо Николов.

Градоначалникот Тони Трајковски истакна дека овој проект со ЈСП ќе се продолжи и во руралниот дел, односно оние настрешници кои се од урбаниот дел, а се функционални ќе се преместат во руралниот дел. Исто така во следниот период ќе се направат нови 10 настрешници, кои општина Гази Баба ќе ги постави во руралните населби.

http://lokalno.mk/index.php?option=com_content&view=article&id=25413%3A2013-06-14-18-51-49&catid=208%3A2012-11-19-15-02-08&Itemid=138&lang=mk

Edited by Џоле - 15-Jun-2013 at 16:10

Одличен проект, сега ќе можат една по една да ги пуштаат, на секое пуштање сликање, изјави за новинари, честитки. Генијална идеја, нема што

Ѓорче Петров доби нова автобуска постојка

Во Ѓорче Петров вчера беше промовирана првата автобуска постојка која е дел од новите 268 што ќе бидат поставени на територијата на цел град. Како што соопшти Општината, постојката е изградена на булеварот „Партизански одреди“, во близина на црквата „Св. Петар и Павле“.

Постојката е од метална конструкција со ПВЦ покривни и странични елементи, а има и клупи и корпи за отпадоци. На неа е поставена и информативна мапа на која се прикажани сите автобуски постојки во Скопје. Во иднина ќе бидат поставени и дисплеи преку кои граѓаните ќе се информираат за термините на тргнување и пристигнување на автобусите.

http://www.utrinski.com.mk/?ItemID=A38F2B6E6BF4194CB9912DC89B7894DD

браво интересен концепт и воедно многу по корисен од информативните табли што ги внесува моментално јсп ,само една работа повеќе ми се допаѓа кај таблата на јсп ,тоа е што таблата има мапа, е сега моја лична забелешка на таблата на јсп и на самото јсп што не воведува еден унифициран возен ред кој ќе биде за целата година или пак на станичните места возниот ред да биде физички одвоен и да пишува од кој до кој датум важи а кога ќе заврши тој период само таблата да се смени (онаа за возен ред), ова второво ми беше многу корисно во Словачка каде што се практикува (за Братислава не сум сигурен бидејќи јавен транспорт само два пати имам искористено но во останатите градови е многу добра работа)

Originally posted by kire85 1. Стварно не знам зошто морало да се прави дистинкција помеѓу летен и зимски распоред и каква е логиката во тоа. Тоа додатно само може да ги буни патниците, според мене сосема излишно. И од каде јас треба да знам од кога до кога точно е летен а од кога до кога зимски? Или треба таа информација да ја барам првин на таблата за да знам во која графа треба да гледам? 2. Потоа нема детална листа на сите постојки во графата за автобуските линии што е страшен пропуст. Вака како што е сега за да се најде за до која постојка со кој автобус се оди, треба едно саат време да зјапам во картана која и онака е доста непрегледна и пак ќе треба да имам претстава барем отприлика каде се наоѓа постојката. Пример...стојам на постојката кај поранешна Градска Болница во Центар и сакам да одам до да речеме салата Борис Трајковски. Како ќе знам кој автобус треба да го фатам? Ќе треба да гледам значи на картата....и сега погледнете ја картата во Центар како изгледа, со отприлика 100 кругчиња на сантиметар квадратен, замислете си дека не сте од Скопје и пробајте да одгатнете кој број на автобус ви треба. Еве ви занимација за цел ден. Еве на вакво нешто мислев: Многу едноставно и прегледно, името на постојката, бројот на превозното средство, детален план на постојките на кој застанува (па дури и со време означено во минути измеѓу истите за да знаете отприлика за колку време се стигнува) и потоа нели времињата на доаѓање на превозните средства. Но на нашиве им било побитно да има општи информации за Кисела Вода од ова другово. 3. Друга мала забелешка е што би требало да пишува „Недела и Празници“ а не само „Недела“, за да се знае дека возниот ред за време на празниците е како во недела, зошто не се подразбира сите да го знаат тоа. А за латиницата да не ни почнувам....Zhelezara...

Апсолутно! Со Гитар почнавме да правиме еден концепт, но кога ги ставија сите додатни услови во тендерот (како тоа да има место на таблата за 40 различни линии, се да е 3 јазично, информацијата за општината која е тотално непотребна и завзема премногу драгоцен простор) се откажавме. За после да испадне дека всушност решението кое е избрано НЕ ГИ ИСПОЛНУВА КРИТЕРИУМИТЕ НА ТЕНДЕРОТ! Пишав на ЈСП да ги претстават сите понудени решенија и се разбира нема одговор.

Со други зборови нашиот концепт ги содржи сите информации како во Берлин (ова всушност е меѓународна практика бидејќи е одлично и комплетно решение), но смеам да тврдам дека нашето е подобро пред се заради информацијата која се нуди на кои станици може да се направи трансфер со другите линии и затоа што ние користиме неколку нијанси на една боја, што го прави лоцирањето и разликувањето на информациите многу полесно.

Еве еден ран концепт на кој работевме со Гитар, за инфо на секоја линија. Како што може да се види содржи мнооогу повеќе и покорисна информација, која згора на се сметам дека е претставена на многу лесен и разбирлив начин. Значи целата информација не е точна, но разбирате што сакам да покажам:



Објаснување од лево кон десно:

* Првата колона претставува схематичен приказ на потекот на дадена линија.Со сиво се станиците веќе превозени од линијата, белата точка ја претставува станицата каде сега се наоѓаме (во овој случај Градска б-ца), а црвената преостанатиот дел на линијата. Ќе видите дека во делот кој на линијата и претстои се напишани и минутите за кои се оценува дека се потребни да се стигне до секоја станица посебно. Забаележете дека се употребуваат и симболи, кои се многу важни! Наместо да се бараат информации во текст, тие веднаш отскокнуваат и лесно се воочуваат.

* Втората колона се трансферите кон другите линии (баш во контекст на твојата теза да не се бараат информации на голема мапа) и од кои станици може да се оствари.

* Затоа што нема информации за секоја станица посебно кога пристигнуваат возилата, се решив за двоен пристап: 1) информација во колку часот автобусите поаѓаат од првата станица и 2) интервал на движење во дадени часовни зони, Така секој патник, насекаде може лесно да пресмета кога би му дошол автобусот и дали му се исплати да го чека. Многу поинформативно решение отколку само возен ред од последните станици, кои на средните станици од линијата апсолутно ништо не значат на патниците!

* Забележете дека саатите не се повторуваат имбецилно како на избраното решение. Таму ем се дадени часовните интервали (нпр. 5.00-6.00) ем во нивно продолжение повторно е испишана цифрата на часот (нпр. 5.15, 5.30, 5.45...). Ова е повторно непотребно и затоа ги пишував само чсовните интервали и минутите кои спаѓаат кон нив.

... и ова е само раната фаза на планирањето! А мајмуните го сменија тендерот за учество на сред постапка, кое не демотивираше и откажа, за потоа да се покаже дека немаат никаква намера да се држат до условите на тендерот. Како тогаш победил труд кој не ги исполнува условите на тендерот и зошто ЈСП не сака да ги објави и другите трудови е повеќе од симптоматично! Затоа и имаме накараден информативен систем! Мизерија бе да не се знае еден возен ред да се направи! МИЗЕРИЈА!


ВАЖНО! Да не замеруваат албанците на форумов, ова беше само почетна фаза на разработка и не се занимававме многу со преводот (кој е произволен и веројатно тотално несмислен), туку се посветивме на проучување како да вметнеме повеќе информација и како таа меѓусебно да комуницира со нејзино правилно распределување.

Edited by Andrej_LJ - 31-May-2013 at 14:20