Коридор 10

• http://en.wikipedia.org/wiki/Cargo_10

• http://www.hznet.hr/fgs.axd?id=5550

• http://www.hznet.hr/fgs.axd?id=4539

  

Тендер за поправка на Коридорот 10

Државната компанија „Македонски железници – Инфраструктура“ отвори тендер за обновување на пругите на секции што се дел од Коридорот 10, објави Европската банка за обнова и развој (ЕБОР). Железничката компанија ќе искористи дел од кредитот на ЕБОР за финансирање на овој проект, пишува банката во објавата на поканата за учество на тендерот, која е публикувана на нејзината веб-страница. Работите за обновување на пругите ќе се вршат на делници со вкупна должина од над 24 километри или поточно на делниците Табановце - Карпош (5,7 километри), Карпош - Куманово (5,9 километри) и Миравци - Смоквица (12,5 километри). Краен рок за поднесување понуди е 26 септември.

http://www.utrinski.com.mk/?ItemID=66B55C114A97B74DA913951547FB924B

Царинските пречки го забавуваат транспортот на Коридор 10



Извор: Канал 5 ТВ http://www.kanal5.com.mk/default.aspx?mId=44&egId=14&eventId=77580

а нашиве изгледа ко да чекаат прво да се изгуби профитабилноста на Македонските железнички правци, па после да ги реновираат и градат, брилијантно

Јас би рекол дека најпрвин треба да мислиме на возови кои ќе се движат до 120 км/ч. Брзите пруги во Македонија ќе почекаат, а единствена опиплива можност гледам во проектот Вардарска долина и поместувањето на пругата, но тој филм барем во нареднава деценија нема да го гледаме.

Originally posted by Vladimir P За брзини над 120 км/час најголем фактор е правецот т.е. благи кривини, или соодветен терен. А тоа во клисурата е нерентабилно или неизводливо земи го како сакаш.

Фала Владмир. Ме интересираше затоа што ако може за истите пари да се овозможи вожња со 140 км/ч би било многу и економски и од друг аспект поволно. Али и вака е добро. Уште кога би нашле пари за Бт-Ск, па да можеме во Бтитолаза 2 саати да сме, на кафенце на Широк Сокак пусти желби.....

За брзини над 120 км/час најголем фактор е правецот т.е. благи кривини, или соодветен терен. А тоа во клисурата е нерентабилно или неизводливо земи го како сакаш.

Originally posted by StreetStruck ... си мачкаме очи со некои ситни проектчиња што немаат некое или подобро да кажам никакво макроекономско влијание. ...

Не би се сложел со тебе, а разлогот со пример:

Ако овие 30 години секоја година се правеше во случајов по 5 км пруга (микро проект) до сега ќе го имавме коридор X кој за жал сега треба темелно да се обновува одвајајќи огромни средства за да достигнеме некој нормален проток.

ЗАТОА СЕКОЈ ПРОЕКТ Е ДОБАР АКО СЕ ОСТВАРИ ПА МАКАР ТОЈ ВО МОМЕНТОВ ИЗГЛЕДА МИНИМАЛЕН

Wow kako vo Svajcarija!!!!!

Возовите уште долго ќе не клацкаат со 50 километри на час

Ремонтот на пругите е одложен за септември, иако првично беше најавено дека ќе започне во април

Сања Наумовска

Се изјалови најавата дека патниците во македонските возовите ќе возат со стотка на саат. Причина е одлагањето на реконструкцијата на железничките пруги, која ќе започне дури во септември, а не како што беше првично планирано, во април. Деновиве се очекува да биде потпишан договорот со француската фирма „Систра“, која е избрана на повикот за консултант. Компанијата ќе треба да ја подготви документацијата за тендерот за избор на изведувач и да врши надзор над градежните работи. Изборот на консултант е услов за користење на кредитот од Европската банка за обнова и развој од 17,6 милиони евра, кој минатата година го доби Македонија за обнова на дел од железничката инфраструктура. Во Македонски железници информираат дека тендерот за избор на изведувач треба да се подготви до крајот на февруари, а меѓународниот повик ќе биде распишан во март.

Реконструкцијата на пругите ќе трае до крајот на 2013 година. Според проектот, ќе се обновуваат три делници од Коридорот 10, чија линија започнува од Салцбург, и преку Загреб, Белград, Скопје завршува во Солун. Во Македонија поминуваат 213 километри, од кои со финансиската поддршка од ЕБОР ќе бидат обновени 54 километри. Целосно ќе бидат заменети дрвените прагови, стари над 4 децении, со нови бетонски делови. Ќе се обновуваат и шините, особено најоштетените делови на свијоците. Во реконструкцијата на пругите ќе биде опфатен и толчникот, од кој ќе се отстранат нечистите делови и ќе се заменат со нови. Ремонтот на пругата ќе биде насочен првенствено кон елементите од горниот строј, но не се исклучени зафати на на долниот строј каде што се детектирани критични точки.

Во Министерството за транспорт и врски потврдуваат дека е во тек постапката за избор на консултант што ќе биде вклучен во реализацијата на проектот, што претставува еден од условите за ефективност на потребните средства. Финансиите за ангажираниот консултант се обезбедени од француската влада. Предвидено е јавната постапка за вршење ремонт на првиот пакет, односно делниците Табановце - Куманово и Миравци - Смоквица во вкупна должина од 26 км да се објави во првата половина од 2011 година, по што ќе се избере изведувач на работите согласно со правилата на ЕБОР. Јавната постапка за вториот пакет за ремонт на делниците Згрополци (Ногаевци) – Градско – Неготино во вкупна должина од 28 км е предвидено да започне во првата половина од 2012, по што ќе се избере изведувач на работите согласно со правилата на ЕБОР, информираат од транспорт и врски.

„По изборот на изведувачите, во септември градежните работи ќе започнат на делницата Миравци - Смоквица со должина од 13 километри. По завршувањето, во март 2012 година реконструкцијата ќе продолжи на потегот од Табановце до Куманово, а од септември идната година до крајот на 2013 година ќе се обновува најдолгата делница од 28 километри од Ногаевци до Неготино“, вели Владимир Пановски, заменик-директор во „Македонски железници - инфраструктура“.

Реконструкцијата на пругата ќе обезбеди побрзо движење на возовите по Коридорот 10, а со тоа и побрз проток на патници и стока во товарниот сообраќај. Пругата покрај Коридорот 10 има добри перформанси и со дополнителните вложувања ќе може да се постигне максималната брзина на движење на возовите од 120 километри на час. Моментално возовите по македонските пруги патуваат со максимална брзина од 50-60 километри, а само да одредени делници до 100 километри на час, информираат од МЖ инфраструктура.

извор: Утрински Весник