Спомен куќа на Мајка Тереза

дефинитивно енциклопедиски објект  само незнам во кое поглавје ќе заврши

Све сум прочитал, ама вакво нешто не......

Меморијална градба за сонот, реалноста и вечноста Автор:  Васил Иљов Во центарот на Скопје, среде улицата Македонија, пред Феудалната кула од XVII век и Домот на АРМ, на бившата локација на храмот „Срце Исусово“, органски вклопен во градската околина и слика со згради од XX век, почна да зрачи со севозможни вредности еден несекојдневен, нетипичен, несериски и вонстандардно продуховен објект на современата македонска архитектура. Тој со својата усогласена содржина и волуменско-просторна композиција е посветен на минатото, сегашноста и иднината, на историското, конкретното и апстрактното, на прикаската, духовноста, музеолошката претстава на животот, смртта и вечноста од „подземниот свет“ на златните рипки во цилиндричниот аквариум до бесконечноста на Космосот. Овој Пантеон, музеј, храм на светоста и мудроста е посветен не само на раѓањето, животот и вечноста на скопјанката Мајка Тереза, туку и на секоја победа на животот над смртта, бидејќи во него се слушаат божествените зборови од Ситово: „ПСАЛМИ К’ШТ“, кои сè уште на македонски гласат: „ПСАЛМИ КУЌАТА“. Во „подземниот свет“ секој посетител се чувствува како Посејдон на морско дно и гледајќи ја вертикалната цилиндрична прозрачност на аквариумот со златните рипчиња, се чини дека се исполнуваат безбројни отсликувања и реални остварувања на неостварените детски соништа на малото девојче Гонџа Агнеза Бојаџиу. На ниво на приземје се гледа во бунарот на животот со симболичниот надземен завршеток во облик на цибориум или амвон, како победа на животот под симболот на небесниот свод. Оттука се разбранува победоносниот поглед на свет низ разиграните согледувања на смислените логични можности на свесно организираните визуелни хоризонтални и вертикални комуникации со разновидно етапно доживување на богатата музеолошка и духовна содржина на архитектонскиот комплекс на Спомен - куќата на Мајка Тереза. Органски компонираните разновидни традиционални и современи простори, простории и форми, обликувани со традиционални и современи материјали, кои се интерпонирани и интегрирани со супериорно познавање на семантиката на архитектонскиот јазик и користење на контрастни архитектонски изразни средства, го прават објектот доминантен со своите универзални пораки и вредности. По осознавањето на животот и делото на нобеловката Мајка Тереза, кои музеолошки се осмислени и презентирани од страна на експерти на Националната установа Музеј на Македонија врз основа на повеќегодишни истражувања на новинарот Стојан Тренчевски, впечатоците кулминираат со божественоста на „кристалната капела“, која во својата симболика претставува симбиоза на реалното и имагинарното, на небото и земјата, на верувањето и асоцијативното, на можното и бесконечното во молитвите за нас, за сите и за светот на вечноста. Излегувајќи од одреден осмислен, обликуван и преобразен свет на архитектонско-историско-духовна реалност и остварена прикаска на соништата и добрината, испроектирани од еден од најспособните и најмудрите современи македонски архитекти - арх. Вангел Божиноски, секој посетител на спомен-куќата ќе се најде на отворена тераса со доминантни можни погледи кон околината и објектот. Така, „лебдејќи со архитектонски крилја“ над реалниот и апстрактниот свет и користејќи скали на една човечка продуховена димензија, постепено ќе почне да слегнува од светот на богатата архитектонска фантастика по неверојатно инвентивниот, впечатливиот и асоцијативниот конструктивен систем кон сегашната реалност со уредена партерна површина од околу 1.000 квадратни метри и севозможни доживувања што ги замисли и оствари авторот на проектот со помош на градежниците на „Гранит“ од Скопје. Бронзената и мермерната фигура на Мајка Тереза потсетува на овоземската посветеност на скромната сестра Мајка Тереза, на хуманистката и најголемата пријателка на сите бедни луѓе на овој свет, а амфитеатарот со капацитет од 400 седишта овозможува скопјани и други почитувачи на делото на скопјанката св. Мајка Тереза да организираат секакви диспути за животот и смртта, за реалното и апстрактното, за минатото, сегашното и идното, за духот на творештвото и творечкиот дух, за сите убавини на љубовта и хуманоста. Применувајќи ги законите на хармонијата, авторот Вангел Божиноски создаде монументален (по својата визија) и енциклопедиски (по своето знаење и значење) објект во кој со својот аналитичко-синтетички метод, со усогласената семантика и едноставниот архитектонски јазик, со повеќеслојниот хоризонтален и вертикален спој на разновидни поливалентни вредности и единство на разновидности во модуларната координација на елементите во просторот, та целосно почитувајќи ја и ригорозната категорија - време, успеа прекрасно да овоплоти неверојатно интересна волуменско - просторна композиција, која секогаш ќе зрачи со препознатлива универзална светлина и топлина, разиграност и органска вклопеност во околината со супериорна симбиоза на симболиката и метафората на традиционалното, современото и идното и на тој начин секогаш ќе се препознава како најсветла точка и страница, како нова епоха и како најафирмативен револуционерен поглед на свет во современата македонска архитектура. Ќе поминат денови, години и векови, но овој објект ќе потсетува на пораката од Ситово од пред 6.500 години: „ИД СЊ“, која на денешен македонски литературен јазик ќе рече: „ОДИ СОНУВАЈ!“ http://www.novamakedonija.com.mk/DesktopDefault.aspx?tabindex=0&tabID=2&fCat=1&EditionID=321&top=1&ArticleID=18483

рекламата заборавив да ја искоментирам  и таа да не има некаква симболика?

инаку незнам како и зашто, ама објектов полека почна да ми легнува кога поминувам навечер покрај него

Колку почесто поминувам покрај објектов, толку повеќе ме фаќа срам. Страв ми е да влезам внатре, зданиево може да се разбере и како геноцид на естетските вредности.

за сите обожавачи на прекрасново здание и на виртузноста на архитектот Вангел, еве и Facebook група:

http://www.facebook.com/group.php?gid=51604023937

Од описот на групата:

И Ја сакам од дрогата што ја зема Вангел Божиновски

Edited by anDarko - 13-Feb-2009 at 14:49

Следниов текст што ќе го пренесам е од германски ТАГЕСПОСТ од 5 февруари 2009. Утрински весник само го има преведено и пренесено на македонските читатели. Нема да кратам, ниту потенцирам делови од текстот бидејќи е видување на еден странски весник. Ајде да видиме како тоа изгледа од германска гледна точка:

Малата земја која ја почитува својата голема светица Македонците се горди на МаЈка Тереза, но тие не знаеја многу за неа, освен дека е родена во СкопЈе Во Македонија, наследството од Mајка Тереза го почитуваат не само католиците: и муслиманите и православните христијани дојдоа на отворањето на Спомен-куќата на Mајка Тереза. Забележлива, интересна и архитектонски самоволна може сигурно да се нарече новата Спомен-куќа на мајка Тереза во центарот на градот Скопје, без некого да навреди. Традиционалната македонска архитектура овде е споена со индиски и модерни стилски елементи. Во Скопје, тогаш дел на Османлиската Империја, a денеска главен град на Македонија, пред 99 години беше родена Mајка Тереза како Агнез Гонџа Бојаџиу. Овде го помина детството и младоста, овде таа растеше покрај нејзините побожни родители и хрватските језуити и се' подлабоко навлегуваше во верата. Во Македонија сите се горди на оваа голема ќерка на земјата, која насекаде низ светот стана позната како ангел на сиромашните, како мисионерка на милосрдието и носител на Нобеловата награда за мир. При отворањето на Спомен-куќата на мајка Тереза во центарот на градот – многу малку оддалечена од Собранието – беа присутни речиси сите: демохристијанската влада на чело со претседателот Никола Груевски, од Словенија пристигна апостолскиот нунцие, еден католички и тројца православни бискупи, двајца високи претставници на Исламската верска заедница, претставници на сите етнички заедници, значи покрај Македонци и Албанци имаше и Роми,Турци, Бошњаци и Срби. Односот помеѓу државата и Црквата во изминативе години темелно се измени. Новата Влада ја воведе наставата по религија во училиштата, ја поддржува изградбата на црквите, видливи се крстови. И градбата на Спомен-куќата на Мајка Тереза беше по иницијатива на оваа Влада. Не е случајно, туку свесна симболика, што Спомен-куќата на Мајка Тереза е изградена точно на тоа место, каде што до земјотресот во 1963 година се наоѓаше Католичката катедрала „Исусово срце“. Исусовото срце била нејзина прва и единствена љубов, така кажа еднаш Мајка Тереза. На југословенските комунисти им беше добредојдено уништувањето на стариот град, за да се истисне видливото верување од Скопје. Сегашната Влада го враќа тоа и не е никаква случајност тоа што над музејските простории се наоѓа видлива капела, чиј олтар го освети нунцието. Овде свештеникот во иднина трипати неделно ќе чита миса и сестрите на Мајка Тереза редовно ќе држат часови по молитва. „Македонците се горди на Мајка Тереза, но тие не знаеја многу за неа, освен дека е родена во Скопје и дека живеела тука. Таа живееше според зборовите на Исус: „Што му направивте на најмалиот од моите браќа, тоа ми го направивте и мене“, вели архиепископот г.г.Стефан. Автокефалноста на македонската православност не е признаена ниту од Српската православна црква, ниту од екуменскиот патријархат во Истанбул. Архиепископот г.г. Стефан во разговорот за нашиот весник вели дека тоа е последица на политиката: „Кога ќе се реши проблемот со името на земјата, ќе се реши и проблемот со црквата“. Архиепископот г.г. Стефан е горд на добрите врски со Ватикан. Уште историскиот Охрид бил мост помеѓу Рим и Истанбул. Ватикан им овозможи на македонските православни свештеници студирање во Рим. Во Рим може да се разговара за македонската култура послободно отколку на друго место. Во огромната македонска дијаспора, каде што живеат повеќе верници отколку во самата земја, македонските православни свештеници постојано наидуваат на великодушна финансиска и организаторска помош од Католичката црква. Само еден процент од двемилионското население во Македонија е католичко. „Но, црквата е многу подвижна“, вели бискупот. Врз тоа се потпира и македонската Влада, која веќе го покани папата Бенедикт XVI следната година да ја посети Македонија. На 27 август 2010 година, Скопје слави 100 години од раѓањето на Мајка Тереза. Заедно со папата Бенедикт XVI се надеваат во Македонија. http://utrinski.com.mk/?ItemID=94BA6C3E75654D4B8D08D4191C9A81DE http://www.die-tagespost.de/2008/index.php?option=com_content&task=view&id=100045782&Itemid=5

Edited by lslcrew - 09-Feb-2009 at 04:45

Originally posted by zabegan вчера поминав покрај чудово (штета не носев апарат) и морам да признаам сека на прв поглед објектот е пријатен, ама кога ќе ги видиш од сите страни и кога ќе размислиш... има голема заинтересираност, навистина, само поради необичноста на објектот, а голем дел од луѓето не ги прпознаваат симболиките на Вангел инаку сите што ги прашав беа со мислење „ок е“ или „вака убаво ми изгледа“ па сега не знам од каде тие мислења

Интересна коинциденција Забеган!

Јас само што се вратив од таму и бидејќи беше затворено, посветив внимание на надворешноста. Немав апарат со мене да евидентирам сето она што ќе го набројам но во следна прилика ќе го направам тоа

1. Најголемиот столб, кој го симболизира таткото на Мајка Тереза е како картонски кога ќе тропнеш на него, шуплив. Не знам како ви звучи но во живо делува многу неквалитетно, ефтино

2. Плексигласот над аквариумот(или бунарот, не знам што е што) е цел со кондензирана пареа, и не знам како планираат они да го спречат понатамошното кондензирање.

3. Во тој дел околу бунарот видов 2 штекери што стварно без врска некако штрчат а ги има и повеќе на други места. Исто на ѕидовите одма до продавницата за сувенири има прекинувачи за светло како дома. Збориме за истиот дел кај бунарот

4. Бетонскиот дел на бунарот( на сликата се гледа, црвенкаста боја, над камената основа) е фарбан ОТКАКО биле поставени столбчињата, и сето тоа е така несмасно направено што столбовите се измачкани со истата боја.
Сликава е од пбанкс и овде не се гледа тоа

5. Портата има некакви резби кои не се ништо подобри од најобични чкртаници. За впечатокот да биде подобар, портата ЧКРИПИ, но луѓе вие не сте чуле такво пеколно чкрипење. Дали е тоа намерно оставно така за да даде некаков шмек или фушерајска изработка - не знам. Битно тоа мора одма да се реши иначе јас ќе дојдам и ќе ја подмачкам

6. Фасадата со птичките иако префарбана плава, сеуште ги има тие чкртаници како да гаселе цигари од неа. Некои од птиците имаат скршен клун и се оставени така.

7. Не можам а да не ја приметам сличноста на четирите фонтани со женските гради

8. До мермерната статуа на Мајка Тереза има една бетонска коцка големина 1м х 1м х 1м. која е поентата не знам, но не би ме изненадила некој страшна симболика зад сето тоа.

Листава без никаков проблем може да продолжи но и доволно го натрупав постов. Главната поента ми беше фушерајската изработка која очигледно се должи на притисок што побрзо да се заврши за изборите, како и самата катастрофалност на целиов проект. Фрлете око на следниве детали кога ќе поминувате додека не го сликнеме ова.

zalno e sto nema opcija 0 vo glasanjeto


Edited by evolutionary - 08-Feb-2009 at 01:52

Еве некои слики што ги најдов на нет! Ова се од колегите од кајгана! И тамо имаат дискусија за објектов. Па ги поканувам сито оние кои имаат некои конструктивни ставови да ги споделат и овде!

1.


2.


3.


4.


5.

Ако е некој од членовите слободно нека се јави, има од мене пиво на наредната средба