Ќе се гради прочистителна станица во Прилеп

http://kanal5.com.mk/default.aspx?mId=44&egId=14&eventId=71600

Потребни 20 милиони евра за спас на загадената Треска

http://kanal5.com.mk/default.aspx?mId=37&egId=13&eventId=71446

Почнува изградбата на пречистителна станица за отпадни води за Глумово и Шишево во општината Сарај.

Министерот за животна средина и просторно планирање Неџати Јакупи денеска ќе се обрати на свеченото почнување. Покрај министерот Јакупи, на настанот ќе се обрати и градоначалникот на Сарај Блерим Беџети.

Финансиските средства за пречистителната станица, со која ќе се заштитуваат водите на реката Лепенец, се обезбедени од страна на Министерството за животна средина и просторно планирање.

http://www.time.mk/read/NONE/49a3b00c2b/index.html

Пречистителна станица за 76.000 прилепчани

Општина Прилеп со помош од ЕУ ја заврши подготовката на техничката документација за изградба на пречистителна станица на отпадните води, чија изградба ќе почне годинава. Општината доби виза од ЕУ за користење на околу 6,5 милиони евра од претпристапните фондови, а Македонија и Прилеп ќе вложат уште околу 12 милиони евра за заштита на животната средина. Проектот за собирање и третман на отпадните води опфаќа конструкција на современа пречистителна станица и изградба на нови канализациони линии и рехабилитација на колекторите и постојниот канализационен систем бидејќи е констатирано загадување на Оревоечка Река, поради мешање на фекалните и атмосферските води.

Евроамбасадорот Ерван Фуере смета дека проектот е важен на патот на Македонија кон ЕУ.

- Третманот на отпадните води е од суштинско значење за здравјето на луѓето. Овој е прв проект што ЕУ го поддржа од оваа област - рече Фуере.

Градот ќе добие современ канализациски систем и пречистителна станица, со што ќе обезбеди здрава животна средина.

- Комплетно ќе ги решиме отпадните води на долг рок - вели градоначалникот Марјан Ристески.

Системот за пречистување на водите по европски стандарди ќе го експлоатираат засега околу 76.000 жители на Прилеп. Тој ќе ги намали здравствените ризици на населението и опасноста од загадување на водите.

http://www.dnevnik.com.mk/?ItemID=36F38D27880698488B83D4ED50FD0B75

2011. ќе биде еколошка година кога ќе се гледаат конкретни проекти

Вардар ќе добие каскади!

Откако ќе се изградат пречистителните станици во Волково и во Сарај, водостојот на најголемата македонска река ќе биде контролиран

Во 2011 година ќе заврши изградбата на пречистителните станици во Волково и во Сарај, а ќе почне изградба на каскади на Вардар, со што водостојот на најголемата македонска река ќе биде контролиран.
- За Скопје пречистителната станица е најскапиот проект кој ќе чини околу 100 милиони евра. Потребни се средства не само од буџетот, туку и од други извори, а зошто да не и јавно приватно партнерство, изјави министерот Јакупи.

Изградбата на пречистителната станица покрај долниот тек на Лепенец во близина на сливот во Вардар кај селото Волково почна на почетокот на минатиот месец. Таму, ќе се слеваат и прочистуваат отпадните води од селата Кучевиште, Орман, Волково и Ново село. Со тоа и директно и индикректно се заштитуваат водите на Лепенец и Вардар, но и подземните води, почвата и аграрното производство во поширокиот регион. Во пречистителна станица има голем еколошки бенефит, бидејќи се затвораат 6000 септички јами кои во моментов се потенцијална опасност за загадување на почвата и подземните води. Особено поради тоа што се наоѓаат во близина на бунарскиот систем на Лепенец, кој е дополна на скопскиот систем за водоснабдување од Рашче. По течението на Вардар треба се изградат уште три пречистителни станици, и тоа во Сарај, Трубарево и во Драчево, меѓутоа се уште не е познато кога ќе почне нивната изградба.

Јакупи најави дека во 2011 година планирана е и изградба на каскади на реката Вардар со кои ќе се одржи исто ниво на реката, односно ќе има контролиран режим на водотекот со гумени прегради. Кога ќе има низок режим на вода, тие ќе се надуваат и ќе се формираат прегради и обратно кога водостојот е висок, ќе се испуштаат и нивото на водата секогаш ќе биде исто. Каскадите се всушност последниот дел од проектот за изградба на пречистителните станици во Ѓорче Петров и во Сарај.

(Е.А.)

http://www.vecer.com.mk/?ItemID=2D21C7BFEA7656438ECCE250D61E339A

Шест компании се пријавија на тендерот за изградба на Пречистителна станица во Гевгелија Гевгелија, 16. декември 2010 (ИНПРЕС) Во општина Гевгелија се одржа презентација на ЈПКД „Комуналец" и условите за реализација на проектот за изградба на Пречистителна станица пред фирмите кои аплицираа на меѓународниот тендер. На меѓународниот тендер се јавија шест компании, кои заради подготвување на конечната понуда пројавија интерес, во рамките на првата фаза од тендерската постапка да бидат запознаени со условите за реализација на проектот. Пред се, работата и функционирањето на јавното комунално претпријатие, како и предвидената локација за изградба на Пречистителната станица кај реката Вардар. Инаку, изградбата на пречистителна станица ќе чини 9,6 милиони евра, а средствата ќе ги обезбедат Владите на Швајцарија, Грција и Македонија. Општина Гевгелија, во рамките на своите обврски, започна со изградбата на доводен колектор од Гевгелија до Пречистителната станица, која е во тек. http://www.inpress.com.mk/default.asp?ItemID=031F3E0672078943A1F2D08C24262C46

Природно ѓубриво и брикети од охридскиот колектор Природно ѓубриво и брикети за огрев ќе се произведуваат од талогот на водата кој останува во колекторот на Охридското Езеро. Ова го овозможува пресата за преработка на талог инсталирана во новиот објект на пречистителната станица во Враништа, кој беше пуштен во употреба вчера. Оваа современа машина е дел од проектот за рехабилитација на пумпните станици на колекторскиот систем Охрид - Исток, финансиран од швајцарската фондација СЕКО. Од донацијата од СЕКО од милион евра, „Проаква“ отвори и нов наплатен центар во Струга. (Е.Е.)

http://dnevnik.com.mk/?ItemID=DF708B8183859443BBAF5DC391CCA36F

Два милиони евра од Грција за пречестителна станица кај Гевгелија Сузана Тасева Коментари (0)    08.11.2010 12:06 Грција го одврза кесето ќе учествува во чистењето на реката Вардар, два милиони евра е нејзиниот придонес во проектот тежок 9,6 милиони евра, за изградба на пречестителна станица кај Гевгелија. Освен неа 6,8 милиони евра донира Швајцарската Влада, останатите ги обезбеди Македонија. „Добро е што ќе се искористат сретствата од донаторите затоа што со правилниците за испуштање на води во реките мора да се испушти вода со најмалку ист квалитет од тој што е водата во реката, ако тоа не го искористиме сега после некое време мораме да ги исполниме европските норми и ќе треба да обезбедуваме сами сретства за да ја изградиме таа пречестителна станица“, рече Иван Франгов, градоначалник на Гевгелија. Пречестителната станица ќе почне да се гради идната година, тогаш ќе се гради таква станица и во Струмица, но за неа Грција не го даде грантот во висина од 4,8 милиони евра преку програмата за реконструкција на балканот, поради спорот со името. Сега 9,8 милиони евра за неа се обезбедени од Европската унија преку ИПАРД компонентата за заштита на животната средина.

http://www.a1.com.mk/vesti/default.aspx?VestID=129914

Пречистителна станица ќе го спасува езерото Треска

Станицата ќе го чини Министерството за животна средина 44 милиони денари

Новата пречистителна станица за селата Глумово и Шишево во општината Сарај ќе значи спас за реката и за езерото Треска. Септичките јами и непречистената фекална вода што со децении ја загадуваа реката, која го полни езерото ќе се заменат со нова фекална канализација, чија вода ќе се пречистува пред да биде испуштена. Пречистителната станица ќе ја гради Министерството за животна средина, кое е финансиер и на станицата во Волково. Министерството на тендер ја избра градежната фирма „АК компани“ од Тетово, која за 44 милиони денари ќе треба да подготви проект и да ја изгради пречистителната станица.

„Сега сме во фаза на обезбедување на севкупната инвестициско-техничка документација за пречистителната станица. Рокот на изведба по обезбедувањето на потребната документација е три години. Станицата за отпадни води има капацитет од 8.500 еквивалент жители и е од огромно значење, бидејќи со неа ќе се прочистат отпадните води што се влеваат во реката Треска“, информираат од Министерството.

Истовремено, во селото Волково, по завршувањето на примарната и на секундарната канализациска мрежа, се завршени и сите подготвителни активности на терен, а идејниот и основниот проект се во фаза на ревизија. Оваа пречистителна станица ќе ја гради фирмата „Рико“ од Словенија, а нејзината вредност е 5, 8 милиони евра. Во моментов се очекува Општина Ѓорче Петров да го издаде одобрението за градба, а рокот за изградба е до мај 2012 година.

„Значењето на пречистителната станица, која е со капацитет од 15.000 еквивалент жители, е огромно, бидејќи ќе ги прибира отпадните води од населените места по долното течение на реката Лепенец. Со тоа ќе се заштитат подземните води во близина на бунарите за чиста вода Нерези -Лепенец, а ќе се спречи и директното загадување на водите на реките Лепенец и Вардар“, велат од Министерството. (С.Н.)

http://www.utrinski.com.mk/?ItemID=97386D22F1D5C849A551ED1AD1A60ECA

Го удавивме Вардар во отпад

Капиталниот проект за скопски колектор тежок околу 100 милиони евра чека на странски донации, бидејќи за него не се одвојуваат доволно средства

Илјадници пластични шишиња, кеси, гуми, канти, крнтии, бела техника, зеленчук, крпи... со години може да се видат како пловат по Вардар, најзначајната и најголема река во земјава. Загадувањето кое со ништо не се попречува и годинава донесе забрани за капење, како и за користење на водата за наводнување на земјоделски површини во Скопје и во Велес.

Во Скопско, анализите за мај и за јуни покажаа дека водата е од четврта и петта категорија, значи опасна за здравјето на луѓето. Водата е толку загадена што во неа може да се најдат и бактерии од фекално потекло кои предизвикуваат кожни и други инфекции. Во Велешко, пак, забраната се однесува не само за делови од Вардар туку и за реките Бабуна и Тополка, кои веќе не се за капење, спорт, рекреација ни за наводнување земјоделски површини.

Трета, четврта, петта категорија - тоа се најчести оценки за квалитетот на водата по должината на целиот тек на Вардар. Исклучок е само почетниот тек на реката кај извориштето Вруток пред Гостивар, каде што квалитетот на водата е рангиран со „единица“, што значи дека е чиста и здрава за употреба. Веќе по Гостивар почнуваат и загадувањата, со што квалитетот на водите преоѓа во „тројка“, по Тетово во „четворка“, а веќе од Скопје, па се' до Гевгелија водите се речиси постојано од четврта или петта категорија, односно целосно недозволени за каква и да е употреба. Загадувањата последниве години се зголемуваат и со се' помногубројните сепарации за црпење песок кои безмилосно ги матат речните води. Слична ситуација е и со останатите 40-ина македонски реки.

Истовремено, по целиот тек на Вардар во функција нема ниту една пречистителна станица и целосно изграден колектор што би ги собирале и пречистувале отпадните фекални и индустриски води. Наместо тоа, градските канализации директно се истураат во реката.

НИШТО БЕЗ ДОНАЦИИ

Проектот за изградба на колекторот и на пречистителната станица околу Скопје, градот што е најголем загадувач на оваа река, веќе со години стои во место. Само благодарение на странска донација во минатата година се успеа да се направи, првична, физибилити студија за скопски колектор чија централна пречистителна станица треба да биде во Трубарево. Овој проект треба да опфати колекторски систем, пречистителни станици и други придружни објекти на потегот од Сарај, Ѓорче Петров, па се' до Трубарево. За да се заврши сето ова, потребно е да се обезбедат најмалку околу 100 милиони евра, што засега не е ниту на повидок. Само за објектот на пречистителната станица треба да се обезбедат меѓу 55 и 60 милиони евра.

Државата дури сега почна да обезбедува средствата за изградба на општински пречистителни станици во Сарај и во Ѓорче Петров, кои треба да профункционираат во рок од две години. При крај е и градбата на станицата крај Гевгелија, пак со помош на странски донации, што значи дека нештата се помрднуваат од мртвата точка. Ако на оваа сума се додадат уште и цените на други пречистителни станици, во Гостивар, Тетово, Велес..., тоа значи дека за заштитата на крајно загрозената река се потребни најмалку 150 милиони евра.

Во Министерството за животна средина признаваат дека за инвестиции во животната средина се' уште не се одвојуваат онолку средства колку што се предвидени со Националната стратегија донесена лани. Со Стратегијата се предвидува и фазно финансирање на проектот за скопски колектор, но тоа тешко оди. Заменик-министерот Соња Лепиткова наведува дека како дел од овој проект треба да се опфатат и пречистителните станици во Сарај и Ѓорче Петров, додека за главната станица кај Трубарево ќе треба да се бараат странски донации.

- За Трубарево се потребни значителни средства. Мислам дека кога ќе ги почнеме преговорите за членство во Европската Унија, тогаш за нас ќе се отворат програмите и фондови од кои може да добиеме средства за оваа намена. Во случај на пречистителни станици се добиваат и до 80 отсто од потребните средства. Оптимист сум дека и ние ќе добиеме, оти екологија е приоритет на ЕУ и тука веројатно ќе има доволно средства - наведува Лепиткова.

Таа објаснува дека сега е поднесено барање да ни се одобрат средства од ИПА-фондови, од предвидените за 2011 година, со цел да се изработи проектна документација за пречистителните станици во Трубарево, Тетово, Гостивар и во Битола. Изработка на конкретни проекти е основен услов за натамошно конкурирање за странски средства.

ПРОЧИСТУВАЊЕ СО ЗАКОН

Инаку, според новиот Закон за водите чија примена почнува од следната година, околу третманот на отпадните води треба да се грижат не само општините туку и самите индустриски капацитети што го продуцираат загадувањето. За големите индустриски капацитети тоа ќе се регулира со А-интегрални дозволи, додека Б-дозволите ќе однесуваат на помали индустриски објекти. Ваквото регулирање ќе оди постапно, а до 2014 година сите фабрики и земјоделскиот сектор ќе мора да аплицираат со планови за состојбите за влијание на нивните капацитети врз животната средина и да предлагаат мерки како да се надминат и во кој период. Државата, пак, ќе треба да им даде рок за инсталирање на пречистителни капацитети.

- Дел од големите капацитети веќе поднеле такви програми и има неколку добри примери како се грижат за животната средина. Но, останува уште тоа да го направи најголемиот дел од индустријата - наведуваат во Министерството за животна средина и просторно планирање.

Законската рамка предвидува обврска секој град што има над десет илјади жители да има и посебна пречистителна станица. Тоа значи дека во земјава треба да имаме 27-28 пречистителни станици.

Сепарациите се смрт за реката

Сепарациите за црпење песок се смрт за реката бидејќи полека го уништуваат растителниот и животинскиот свет во неа, предупредуваат скопските риболовци. Неколкумина од нив наведуваат дека државата сериозно треба да се замисли пред да реши дали некому ќе му дозволи да врши ваква дејност.

- Опасни се како сепарациите на Вардар, така и на неговите притоки. Сепарациите на Пчиња, која е притока на Вардар, трите сепарации кај селото Коњари и едната кај Долно Коњари, кај Бадар... се' повеќе ја загрозуваат реката. Ако сте таму, на лице место, ќе видите како се менува реката, како изгледа пред да почне црпењето на песокот и потоа. Заматената вода ги загрозува рибите, а потоа се таложи, го менува коритото, ги уништува ларвите, го менува билниот свет - објаснува Владимир Иванов, рибар со 20-годишно искуство од Скопје.

Неговиот колега Нино Нилковски наведува дека состојбата со Вардар значително се менува по текот од мостот „Близнак“ во Ново Лисиче.

- Најлоша е состојбата по Трубарево, каде што во водата ќе има шишиња, шпорети, гуми, обувки, ќебиња..., како реката да е некоја депонија. Мора да се најде начин реката да се одбрани од вакво загадување - апелира Нилковски.

Бранко Ѓорѓевски

http://www.dnevnik.com.mk/?ItemID=AB81CACD4664814EB0DC64085BBD43F2