Спoменик нa плoштaд Maкедoнијa

Лавот е специфика во древните времиња на македонските простори и претставува симбол на македонскиот идентитет. Македонците за Лавот негуваат земен култ, како што за шеснаесеткракото сонце негуваат воздушен сончев култ. (Херодот спомнува дека персиската војска предводена од Ксеркс била нападната од лавови).Неговата симболика секако лежи во јаката природа на лавот но, исто така, лежи во империјалноста, достоинството, гордоста, храброста и супериорноста на македонската цивилизација, добрата волја и позитивната енергија на Македонците. [1][2]

Светскиот Македонски Конгрес изразува нескриена почит кон името и делото на Тоше Проески и целосно ја поддржува собраниската одлука за изградба на негов Меморијален споменик во Крушево, но ја отфрла злоупотребата за изградба на негов паметник и на плоштадот Македонија во Градот Скопје.

Македонците од сите делови на Македонија во целиот свет, како што се истакнува во соопштението на СМК, на плоштадот во центарот на Градот Скопје, очекуваат изградба на Споменик на Царот Александар Трети Македонски на неговиот коњ Букефал во фонтана со осум лава, како препознатлива разгледница на секоја сериозна метропола. Светскиот Македонски Конгрес очекува Владата на Македонија да ја реализира оваа иницијатива на најголемиот воен стратег и државник во човековата цивилизација по што Македонија ја препознаваат на сите меридијани на земјината топка и во сите времиња. Впрочем, големината на секоја цивилизација е во универзалноста на нејзините вредности, а Царот Александар Трети Македонски е токму тоа и затоа Македонците го заслужуваат во државата Македонија, каде што најмногу и припаѓа.