Од регионот - Софија

Originally posted by Macedonicus Ме интересира, додека се градат овие дополнителни линии на метрото, оние линии кои се веќе изградени во минатото дали се во функција или од безбедносни причини се затворени?

Се е отворено, не смее да се затвори никој дел, особено не централните станици на линиите. Мислам дека Софија тотално ќе колабира ако за подолго време се затвори метрото и 400 000 луѓе ќе треба да се извозат на друг начин. Така како што додека се градеше Сердика 2 на линијата М2 под станицата Сердика 1 на линијата М1, така ќе се градат и овие две станици на Орлов мост и НДК.


Edited by Andrej_LJ - 12-Oct-2013 at 19:00

Originally posted by kiriOK Андреј може да ми кажеш дали третата линија ќе се гради или не? На бугарски сајт за архитектура читав дека е под прашање? И зошто цената на изградба на продолжетоците на 1М и 2М е волку ниска,8 км = 150 милиона???

Според вчерашните изјави на директорот на Метрополитен Стојан Братоев, идната година (кон крајот) треба да започне со изградбата на централниот дел на линијата М3. Тоа значи 9 станици и исто толку километри. Ќе се градат по подземен метод, т.е. со тунелно пробивна машина бидејќи се работи за минување во центарот на градот каде не смее да се затвораат булевари и бидејќи ќе треба да се изградат најдлабоките станици во Софија на околу 35 метри под земја. Ова ќе биде на трансферните станици со М1 кај Орлов мост/Софијски университет и со М2 кај НДК/бул. Витоша. И двете трансферни станици ќе треба да бидат изградени под постоечките и работечките метро станици на М1 и М2.

Колку што имам чуено под знак прашање е стартот на целата линија М3 следната година, а не изградбата ан централниот дел. Веројатно двата периферни и надземни делови ќе ги почнат малку подоцна. Ова е логично и од гледна точка што централниот подземен дел е предвидено да се гради 4 години, додека периферните само две.
Само да нагласам дека централниот дел е од станицата Градски театар Зад канала на северо-исток (пресечка на булеварите Христо и Евлоги Георгиеви и Генерал Данаил Николаев), се до станицата Красно село на југо-запад (пресечка на улиците Житница и бул. Цар Борис 3) ако сакаш да ги најдеш на Гуугл Мапи.

Релано парите за инфраструктура во следниот програмен период до 2020 се многу малку, т.е. само 2,5 милијарди евра заедно со националното финансирање. А има многу приоритети, од кои основен е Лот 3 на Струма кој се очекува да голтне 750 милиони евра. Инаку проектот за М3 е најспремниот од сите други во областа на инфраструктурата и би можел веднаш да добие финансирање, но за жал ќе треба да се одвои и за патишта и железници. Ќе видиме како ќе биде, но со сигурност пред да се отвори централниот дел ќе мора да се изгради барем источниот дел на линијата кој води до депото.

Што се однесува за проширувањата на М1 цената е ниска бидејќи Софија се научи да прави многу конкурентни тендери со што фирмите се навистина приморани да се натпреваруваат. Второ е што секаде се работи доста плитко и по отворен ископен метод. За крај веројатно затоа што околу 2 километра од овие 8 се надземни делови на ескади.

За продолжението на М2 за една станица кон Хладилника баш пред некој ден се објавија резултатите од тендерот. Победи фирмата која веќе работи на М1 кон Аеродромот со цена од 21 милиони евра за 1,3 километри и една подземна станица, но доста длабока и комплицирана (има 7-8 излези). Треба да почне да се гради до крајов на годинава и иако е мал сегмент сепак многу ќе помогне на тој дел на градот бидејќи ќе стигне до локалниот транспортен јазол (бул. Черни врх и идниот бул. Тодор Каблешков).


Edited by Andrej_LJ - 12-Oct-2013 at 18:57

Па ова да си градоначалник на град Скопје да ти е срам да отидеш во Софија и да им се пофалиш колку ленти булевар си проширил :/

Изградба на линијата М1-југ, отсек Младост I - Младост IV/Бизнес Парк Софија P+R





Како што веќе неколку пати е пишувано, овој отсек на кој има три подземни станици низ населбите Младост започна да се гради во април годинава, а веќе се извршени 27% од вкупните предвидени работи. Се гради по методите на отворен коп и Миланскиот метод. После завршувањето главниот булевар низ Младост бул. Александар Малинов ќе се реконструира и прошири од 2x2 на 2x3. Рокот за завршување на работите е 22 месеци, или во првиот квартал на 2015 година. Набавката на 10те нови воза за овие два отсека веќе се исполнува при што неколку воза се забележани низ руските пруги да патуваат кон Софија (ги товарат на  фериботот за возови Варна-Илчовск). 

Изградба на линијата М1-север, отсек Цариградско шосе - Летиште Софија


Изградбата на станицата МС 1-22 Искар која од сите 4 е во најназадна фаза на изградба:



Се гради и ескадата кон Терминал 2 на Аеродромот:



И приодот на ескадата кон станицата МС 1-23 Летиште Софија:





Самата станица МС 1-23 на која веќе се поставени основите и гредите:





И главниот столб на крајот на станицата кој е прилично масивен:






Edited by Andrej_LJ - 07-Oct-2013 at 14:01

И околу Аеродромот на Софија Терминал 2 каде што се гради станица на ескада:

Во Дружба го промениле проектот?

Рендери за станиците во изградба од линијата М1:

I-16 Младост IV/Business Park Sofia:







I-20 Дружба:



I-21 Искарско шосе:



I-22 Искар:



I-23 Летиште Софија/Airport:



Edited by Andrej_LJ - 27-Aug-2013 at 09:38

Одлична вест денеска сосема неочекувано доаѓа од Софија

Изградбата на дел од линијата М3 треба да почне до крајот на годинава и да заврши во рамките на 2015 година, кога освен сегашните 27 станици, би требало да се пуштат уште цели 14 нови! Со тоа Софијскиот Метрополитен ќе има 41 станица и сериозно ќе им дише во вратот на поголемите источно европски метро системи (пред се на Будимпешта и Прага). Изгледа тоа ќе биде следната преломна година за метрото, по мината 2012 кога се пуштија новите 13 станици.

Следуваат детали, само да ги присоберам и презентирам.






Прво би започнал со презентација на деталите на линијата М3, кои излегоа пред неколку дена. Комапнијата Metroprojekt од Прага беше задолжена за изработка на целосниот технички проект за основниот де на третата линија на метрото на Софија, но без двете разклонувања предвидени за изградба.

ОСНОВНИ ТЕХНИЧКИ ПАРАМЕТРИ:

Должина: 16 км (од коишто 7,4 надземни и 8,6 километри подземни)
Број на станици: 19
    - подземни станици 11, надземни станици 8
    - 18 станици со странични платформи и 1 станица со островен перон
    - должина на платформите 100 метри
просечно меѓустанично растојание - 840 метри
максимална брзина 80 км/час
минимален интервал помеѓу возилата 90 секунди
подвижен состав - 99 метрови возови со пантографи, составени од три секции 3*33 метри
превозна способност на линијата околу 30 000 патници/час
очекувана натовареност до 2020 година - околу 170 000+ патници на ден
минимален радиус на кривини 200 метри
длабочина на станиците до -40 метри (најдлабоките во Софија)
цена - 840 милиони евра (од кои 115 м. за возниот парк)





Схема на линијата М3 (зелена варијанта):




Распоред на станици на М3, распоред на платформи, должина на линијата и меѓустаничо растојание:



Основни информации:





Временска рамка за развој и изградба на М3:



Edited by Andrej_LJ - 08-Jul-2013 at 13:29

Софија добива 50 нови двојни тролејбуси Škoda 27 Tr

Денеска беше потпишан договорот помеѓу Столична обштина и Шкода електррик од Чешка за доставка на 50 нови двојни тролејбуси за Софија во вредност од 27,5 милиони евра или по 550 000 евра за едно возило. 18 метарските возила ќе бидат доставени во следните 15 месеци, а меѓу карактеристиките се вбројуваат: климатизација, дизел мотори за непрекината работа при испади на ел. мрежа, низок под и достап за инвалиди и др. лица... Со овие тролејбуси Софија ќе има 85 нови возила од вкупно 115 колку што ја опслужуваат тролејбуската мрежа, додека останатите 30 ќе бидат модернизираните Икаруси IK280T.





Софија добива и 20 нови трамваи PESA во следните 7 месеци!

Пред неколку дена беше склучен договор и со полската PESA за доставка на нови трамваи во Софија кои ќе ги опслужуваат новите и реконструирани линии. Една од нив е 7 на која и претстои целосна реконструкција и модернизација на семафорите за давање предност на трамваите со што линијата ќе добие многу сличности на ЛРТ линија (врви по средината на булеварот, достапот до станиците е само преку подземни премини, дел од раскрсниците се бесконфликтни), а останатиот дел ќе одат по продолжената линија 2 која треба да се продолжи 5 километри кон кв. Дианабад и Студентски град.

Договорот е вреден 33,5 милиони евра, а освен доставката на возилата вклучува и обука на возачкиот и ремонтниот кадар, резервни делови и изградба на сервисна база во депо Красна Полјана каде ќе домуваат новите трамваи. Моделот ќе биде PESA Swing 120na, 100% нископодни и со капацитет од 160 патници од кои 40 седишта.

Дел од спецификацијата на трамваите:

Брой на секциите 5
Междурелсие 1009 мм
Обща дължина 30120 милиметра с прикачни устройства
Ширина 2300mm
Височина 3400 мм
Височина на пода на вратата зона на железопътна 330 мм
Брой места за сядане 41
Брой на местата за правостоящи пътници (5 бр/m2) 160
Максималната скорост на работа от 70 km / h
Bo'2'Bo система на задвижване
Мощност на двигателите (асинхронно) 4 х 105kW

Софијската ливреја на трамваите:








Паралелно пред завршница е тендерот за набавка на 126 нови двојни автобуси, каде фаворит е полски Соларис, кој достави автобуси и за Варна и Бургас. Исто така тече договорот со МетроВагонМаш за 10 нови воза за Софијското метро кои треба да влезат во сообраќај кон крајот на 2014 година кога се отвораат 7те нови станици на М1.