Спомен куќа на Мајка Тереза

Originally posted by beTon Originally posted by pbanks кои се тие што се надлежни и како нивното форсирање прави логика за било што? да не ја шириме туку што им била целта и намерата, и дали тоа е оправдано или не, тие зацртале некоја идеја промотивно туристичка амбиција која е за поздравување, но најверојатно не очекувале дека ќе налетаат на волку дилентатизам кај сите оние кои треба да ја спроведат таа амбиција, пример тоа ти е исто како да се намерачи некој да тера производство на дизајнерски експерименти  од коли во МЗТ,  јасно што ќе добие ако не тенк  или трактор кој е само употреблив за во нива.

тенденциозно извртување на тезата.

Главниот дилентантизам е во начинот на избор на проектот, начинот на силување на ДУПот и во самиот проект. А не во изведбата.

Обично си човек што сака да се занимава со коренот на проблемите. Зошто тука тргаш од опашката.... само ти си знаеш


Edited by pbanks - 06-Feb-2009 at 18:03

Ајдееее сега жалопојки како ние сме биле оние неспособните што не успеваат да го сватат Вангле. А Вангле каде е да се јави у јавност и да се одбрани или сега ќе ни пушта вакви портпароли да ни кажуваат како ние сме простата раја што не чини и не сваќа убавина, а како Вангле е оној маченикот кој што пати меѓу овие два миљиона талог којшто немаат сваќање за неговата кретивност.

Епа види господине Архитекта, ако некогаш добереш харброст и достоинство да се појавиш во јавоност, ќе те молам да пројдеш од тука на форумов и да ни дадеш аргументи зашто овоаа спомен куќа мора да изгледа вака и никако другше. Зашто оваа квази-халуцинација мораше да излезе вака. Зашто не успеа, кога веќе ти дадоа шанса со втор конкурс, зашто не успеа да излезеш од твојот его трип и да понудиш друг проект, поразличен, поедноставен, со полесно сватлива симболика!

Поздрав, додека чекаме да те видиме у јавност (ваљда до другото твое ***њ*, до другиот јавен конкурс од бладава)

без коментар...

од денешна Нова Македонија:

За негаторите на Спомен домот на Мајка Тереза

Убавата музика, убавиот поетски збор, убавиот објект, влијаат на нашите чувства. Најубавите архитектонски дела ги будат во нас емоциите и остануваат запаметени како нешто блиско до срцето, душата и умот. Дело кое не тропнало на сите врати на човекот, не останува во паметењето и не предизвикува потреба за коментар. Некои уметнички творби влијаат на подзаспаните души за моментално будење во восхит, а некои дела можат да ја натераат човековата верба во преиспитување на внатрешните стравови. Се случува некои дела на луѓето да им предизвикаат стрес од заклучокот дека тие не направиле нешто убаво. Само на најхрабрите им останува да се доближат и да ја сфатат убавината и вистината како општо добро и да ги примат како подарок. На времето имав тројца колеги. Двајцата непрекинато ги омаловажуваа делата на третиот. Третиот се насмевнуваше мило, им покажуваше почит и љубов и си ја гледаше работата. Првите не работеа ништо, па така не направија ништо, ниту за себе ниту за другите. Ова го пишувам за да се сфати целата одбојност и јавна, а особено тајна и злонамерна критика, кон делото „Спомен куќата на Мајка Тереза“ од арх. Вангел Божиновски. Отпрвин го напаѓаа конкурсот без докази, потоа од кога го видоа проектот и колку е велелепна замислата, почнаа да ги жалат трите брези кои требаше да се однесат. Сега кога делото се појави со сиот сјај, ним им е нескромно. Кутрите плукачи, ниту ја препознаваат симболиката на делото и нашата благодарност кон она кое го направи Мајка Тереза во име на љубовта кон човештвото. Кога некој ќе се потпише во Вашиот ценет весник „Нова Македонија“ како „прост лаик“, а потоа пишува за сомнителноста на архитектонските конкурси и дека првичното ниво на конкурсот дало подобар резултат, тогаш мораме да заклучиме дека тоа е само нарачано пишување. Од друга страна, констатацијата дека Мајка Тереза била секогаш смирена зборува за големо непознавање. Да не беше борец, страдалниците од Калкута не ќе ја осетеа нејзината рака на нивното премалено тело. Што се однесува до „потсмевот од другите земји“ тие се само потврда за нашата доблест. Да потсетам само дека Ајфеловата кула во Париз некои бараа да биде срушена. Историјата е полна со вакви „лаици“. Подбуцнувачите на ваквите лаички мислења од друга страна, тие истите го продуцираа и одобрија Големиот и Малиот ринг, и во нив без ред и поредок никнат експлозивно накитени згради, преку ноќ ги менуваат ДУП-овите, гаражните згради ги менуваат во административни. Непознавањето на симболите на религиите до некаде го разбирам бидејќи образованието ни беше навистина штуро, но секој што пишува за архитектурата е должен перманентно да се дообразува. Зборуваат дека фасадата на објектот е шарена, а на неа основниот симбол на христијанството - рибата и гулабот не ги препознаваат. Исто така, им пречат елементите за означување на: дом, порта, двор, кладенец, прием на гости, фамилија во македонската архитектура. Кога веќе ги објаснувам симболите, морам да ја ставам на увид и симболиката на седумте нивоа на човековата внатрешна сопственост. Душата се стреми кон небото и тоа овој споменик го објаснува со стаклениот кубус. Мајка Тереза излезе од недрата на оваа напатена земја и ја предаде со највисоко достоинство душата на Бога. Индија, земјата на екстремните пројавувања на богатството и сиромаштијата, поседува богата ризница на архитектонски дела, но знае да се радува и на еден цвет. Со ова мое обраќање сакам да ви помогнам да со широко отворени очи и ум го гледате овој објект, кој ни носи радост и вдахновение. Синагогите, црквите, џамиите и најмалите места за молитва со својата возвишена порака нè внесуваат во царството на убавината. Нека нашите молитви бидат благодарност што го имаме овој објект. Олга Чоланчевска, архитектка

http://novamakedonija.com.mk/DesktopDefault.aspx?tabindex=1&tabid=2&fCat=1&top=1&EditionID=309&ArticleID=17383


Edited by anDarko - 06-Feb-2009 at 15:10

beton јас незнам досега ниту еден изведувач да градел објект според рендери. Сите работата според планот. Значи прво се изготвува планот е врховен во важноста и е над сите други априорни визуелизации на објектот. После тоа рендерот се изработува според планот, чисто само да ни покаже убаво во три демензии како тоа треба да изгледа. Рендерите ги прават 3д аниматори, а не архитекти. Во рендерите, во зависност од софтверот, се употребуват разни паттерн-и. Незнам зашто од прееска си се запнал дека објектот не бил исти како на рендерот, кога не ни треба да биде како на рендерот. Друга работа, планот не ни мора да поредвидува точно каде ќе има камен и дали ќе биде клесан. Планот предвидува само одреден ѕид да биде од камен и се знае на што си мисли. После тој проект се доставил на две места, еден кај рендерерот, друг кај изведувачот. Идниов ѕида у виртуелен свет, другиов ѕида на терен. Никој не гарантира дека тоа после треба да излезе идентично, а не ни може да излезе, не ни треба да излезе. Значи вистинската слика е ова што имаме на терен, а не тоа што го има на рендерот. До толку деталите на рендерот не се запазуваат.

тоа е веќе друга работа околу вкусот колку и како и дали нешто од овој проект ќе ја претстави и ќе потсети на мајка Тереза, според мене ова како појава тука на ул.МКД е повеќе авантуристички експеримент кој има многу логика и оправдување зошто е избран и исфорсиран од надлежните, но не очекував дека ќе има волку импровизација околу избрзаната изведба и технички и наменски! да не зборуваме што ионака единственото слободно и отворено ќоше на ул.МКД се оградува, уште и паркчето тука да го соѕидаат како што е предвидено и екстра можат одма и да ја покријат ул.МКД па да направиме некаков современ безистен од неа! 

па многу подобро ќе изгледаше естетскио земене долниот спрат односно, не е исто да му дадеш на дете да ти направи камен ѕид наместо на мајстор за камен, ова нашиве мајстори се мајстори за се посебно во тоа старите диносауруси како гранит, па не може бе секој да ѕида со камен не е се во нафрлување на што ти дојде на рака, сетне во рендерите гледам исклесамн камен, тоа значи сосем друга визуелизација на проектов во реалноста, вака ајде да го тргнема настрана просторот и како го доживеал архитектот вклопувањето на објектот во истиот, односно дали колку држи вода место за ваков експеримент, и да фрлиме око исклучиво на изведбата, што може човек да заклучи крајна импровизација во изведбата, сите оние точки што досега ги посочив како проблематични во самиот проект се далеку попрефинето решени и склепани, да не се повторувам, но баш тие детали колку и да изгледаат небитни ја уништуваат цела слика за спомен домот.

доколку успееше  Гранит во долниот дел целосно да го репродуцира проектот како на рендерите верувам дека работите ќе беа поинакви, но што е тоа е, ајде можеби ќе видиме натака некоја генералка, бар као што и претходно реков на долниот дел од објектов, јасно и околината со се фонтаните.  

абе ова само на филм и кај нас е можно, не ми е јасно како толку импровизација во изведбата и рокови капак отворање-затворање. пред некој ден ги споредував рендерите со реалната состојба, тотален аут т.е. приближно слични ситуации но далеку од тоа дека нешто е сразмерно изградено околу деталите, тоа дебелиот столб треба да е послаб, портите потенки и постилизирани, каменот треба да е клесан и јасно околината на објектот треба да е добро средена, но сето она што го има на терен е тотална катастрофа,  незнам само дали тоа на некого од надлежните им е јасно или сите се во аут, па на и онака промашената изведба тие да се однесуваат како да рамнодушноста да е највеќе потребна во моментов.  

да не била мајка тереза на гребен родена??? или го обожувала и водениот свет
јас ќе признаам дека не и дадов кец чисто поради одредени детали и внатрешноста на молитвениот дел и собата, се друго сумирано е катастрофа


Edited by zabegan - 05-Feb-2009 at 23:03

Осветената куќа на Мајка Тереза се' уште се гради И покрај градежните активности, Спомен-домот е отворен за посетители Спомен-куќата на Мајка Тереза, иако свечено беше отворена минатиот петок, се' уште не е целосно изградена. Конечниот лик единствено го има добиено спомен-собата, која всушност, е и главниот дел од Спомен- домот посветен на блажената мајка. Надлежните велат дека објектот, иако не е доизграден, бил промовиран и осветен на 30 јануари заради симболиката на денот врзана со животот на нобеловката. Стојан Тренчевски, претседател на граѓанското здружение „Мајка Тереза“ кое ја иницираше изградбата на Спомен-домот, вели дека токму на тој ден Мајка Тереза на нејзина 18-годишна возраст одлучила животот да го посвети на хуманитарна мисија. „Темпиравме отворањето да не се совпадне и со изборната кампања, за некој да не го разбере погрешно чинот на отворањето на објектот“, дополни Тренчески. Инаку, според најавите, најдоцна за еден месец објектот би требало да биде изграден во целост, согласно со проектот. „Деновиве интензивно се работи на стаклениот дел од задната страна на куќата, кој всушност, е делот од капелата. Се доработува и амфитеатарот кај аквариумот, каде што ќе се одржуваат едукативни средби“, вели Рената Здравковска, в.д. директор на Спомен-домот. Таа потенцира дека, и покрај градежните активности, објектот е отворен за посети. Од неговото осветување до вчера низ него поминале околу 5.000 посетители. Засега Спомен-домот ќе биде отворен секојдневно од 10 до 20 часот, а за време на викендите до 16, односно до 13 часот. Засега и влезот е бесплатен. „Допрва треба да одлучиме дали откако објектот ќе биде целосно готов посетите симболично ќе се наплаќаат. Наскоро Спомен-домот ќе почне да работи според правилата на музејско работење, што значи ќе има кустос и историчар на уметноста кои ќе бидат на услуга на посетителите“, дополни Здравковска. http://utrinski.com.mk/?ItemID=653FE7774939994A870B254E731946E0

Originally posted by blejdsk а кој дал уште една 10 ка , нека образложи сеа ?? )))

изглеа некој што не ја читал досегашнава дебата. го чекаме да се јави