Привремени и напуштени објекти

Слушнав дека сендвичите ќе биле од стиропор, така што мислам дека нема да има скари, мијалници, фрижидери и слично.

Центар ли ги прави сендвичариве?

ако поставуваат друг вид на реклами, нека тргнат барем пола од билбордите во Центар

Баш се убави , ми се допаѓаат ,не се воопшто нападни и изгледаат доста едноставно.

Третата продавница за сувенири ќе биде отворена во ноември

На улицата „Македонски просветители“ во тек е поставувањето на третата продавница за сувенири. Како што информира директорката на Завод и музеј- Охрид, Тања Паскали- Бунташеска, монтирањето на продавницата се очекува наскоро да заврши и да започне со работа во текот на месец ноември.



Останатите две продавници за сувенири во Охрид, кај чинарот и на градското пристаниште, свечено беа отворени во средината на септември. Како што тогаш истакна министерката за култура Елизабета Канческа- Милеска, одбраните локации за поставување на објектите се одлични ,и тие ќе имаат големо значење за гостите кои во нив ќе можат да купат автентични сувенири кои го отсликуваат нашето богато културно наследство и она што го поседуваме како држава.



Во продавниците може да се најдат копии од артефакти од сите археолошки локалитети во Охрид и Македонија . Меѓу нив се охридскиот бисер, копии од икони, фрески.

http://www.ohridnews.com/vesti/61834

Слабо некако инспирација имаат.

ипак се работи за задоволителни 8 м2


МИНИСТЕРСТВОТО ЗА ТРАНСПОРТ НУДИ ШЕСТ ЛОКАЦИИ ВО ЦЕНТАР


Хамбургери ќе се продаваат од тајландски сендвичарници


Локациите се со површина од осум квадратни метри, а услов за купувачите ќе биде објектите да ги изградат во согласност со понуденото идејно решение од фотографијата



На шест локации во централното градско подрачје ќе се постават сендвичарници со специфичен изглед, којшто по малку потсетува на објектите карактеристични за азиските земји. Министерството за транспорт и врски вчера објави јавен повик за продажба на атрактивните локации на кои ќе бидат поставени сендвичарниците. Локациите се со површина од осум квадратни метри, а услов за купувачите ќе биде објектите да ги изградат во согласност со понуденото идејно решение од фотографијата на текстот. Една од сендвичарниците ќе се постави кај хотелот "Холидеј ин", втората локација ќе биде до Жена-парк кај ресторанот "Национал", третиот објект е планирано да се постави на улицата "Македонија" кај Спомен-куќата на Мајка Тереза. Останатите три сендвичарници ќе се постават една спроти Градски ѕид, другата малку подолу кај зградата на Т-мобиле на автобуската станица, а последната ќе се наоѓа кај Собранието на РМ. Почетната цена на јавното наддавање изнесува 6.000 денари од метар квадратен, а рокот за доставување на понудите за учество во јавното наддавање е 13 февруари 2013 година. Заинтересираните субјекти ќе треба да достават и банкарска гаранција во износ од 30.000 евра во денарска противвредност за сериозност на понудата.

Истовремено Министерството за транспорт и врски распиша конкурс за отуѓување на градежно неизградено земјиште сопственост на Република Македонија во општина Центар по пат на електронско јавно наддавање со намена за изградба на катна гаража. Станува збор за една градежна парцела со површина од 2.455 квадратни метри, со намена за изградба на комунална инфраструктура - катна гаража со компатибилни класи на намени. Почетната цена на јавно наддавање изнесува 1.850 денари од метар квадратен, а пријавите за учество на јавното наддавање можат да се достават до Министерството за транспорт и врски најдоцна до 13 февруари. Заинтересираните субјекти ќе треба да достават и банкарска гаранција во износ од 50.000 евра во денарска противвредност за сериозност на понудата.

Локацијата се наоѓа во близина на Собранието на Република Македонија, во центарот на Скопје, поточно на паркингот веднаш зад Собранието. Од Министерството велат дека со реализација на оваа катна гаража се очекува да се овозможи поголем простор за паркирање на возилата што дополнително ќе придонесе кон растеретување на сообраќајот во централното градско подрачје. Висината на катната гаража ќе биде 9 метри. Под оваа катна гаража веќе е планирана изградба на подземна катна гаража.

Право на учество во јавните наддавања имаат физички и правни лица кои ги исполнуваат сите критериуми утврдени во распишаната јавна објава.

(С.М.)

вечер