Originally posted by Нова Македонија Судбината на 400 куќи и две згради виси на конец Од градот велат дека во тек е собирањето на забелешките по стручната расправа за нацртот на генералниот урбанистички план, по што ќе се дефинира и конечната верзија Сѐ уште е неизвесна судбината на петстотини објекти што се наоѓаат во општината Кисела Вода, на трасата по која треба да се направи долго планираниот Јужен булевар, кој треба да поминува низ сите општини, од Сарај до Драчево. Најзасегната од изградбата на оваа сообраќајница, која треба да е подземна, е општината Кисела Вода, која е и единствената општина што категорично е против изградбата на овој булевар, затоа што освен што сметаат дека решението за изградбата на Јужниот булевар е застарено, ќе треба да се урнат и околу 400 куќи во населбата Градинар и две згради во населбата 11 Октомври. Марјан Ѓорчев, градоначалникот на општината, вели дека на сите состаноци и координации со градските власти кажал дека изградбата на овој булевар со години го кочи развивањето на нивната општина. Според него, булеварот, кој се протегнува во плановите од 1966 година, е застарено решение што воопшто не му е потребно на градот. - Ние имаме помодерни и попрактични решенија за тоа како да го решиме проблемот со сообраќајот во нашата општина, а притоа да не го оштетиме или, пак, да го забавиме развојот во Кисела Вода. Трасата на Јужниот булевар поминува низ средината, низ центарот на нашата општина и тука ќе треба да минуваат камиони, автобуси и возила, па според нас, тоа не е соодветно решение. Не смееме ниту да го заборавиме фактот дека Јужниот булевар бил планиран во време кога во нашата општина немало околу 13 илјади дивоградби. А сега, иако граѓаните имаат поднесено документи за легализација, ние не можеме да ги легализираме зашто не знаеме што ќе се случи со Јужниот булевар и дали неговата траса ќе поминува токму кај тие објекти - објаснува градоначалникот Ѓорчев. Тој вели дека од градот го одбиле нивното барање и дека засега трасата на Јужниот булевар останува иста. Од градот велат дека во тек е собирањето на забелешките по стручната расправа за нацртот на генералниот урбанистички план. Откога ќе завршела оваа фаза, ќе се дефинирала конечната верзија на генералниот урбанистички план. Новиот булевар ќе се гради на шест метри длабочина и со шест ленти во двата правца, а треба да го гради турската компанија „Лимак“, која го купи земјиштето со површина од 32.000 квадратни метри на лицитација за 3,27 милиони евра. Над подземниот булевар компанијата треба да изгради станбен, трговски и хотелски комплекс. Според предвиденото, сообраќајницата ќе се пушти во употреба за шест години. Автор: Александра Денковска Фотографија: Игор Бансколиев Извор: http://www.novamakedonija.com.mk/NewsDetal.asp?vest=81012943213&id=14&prilog=0&setIzdanie=22652

„Ние имаме помодерни и попрактични решенија за тоа како да го решиме проблемот со сообраќајот во нашата општина, а притоа да не го оштетиме или, пак, да го забавиме развојот во Кисела Вода.“

Ќе го замолам господинот Марјан да не просветли кои се тие решенија.

Автопатот според мене не би пречел за изградба на железница. Едноставно можат да идат еден над друг. Сега колку финансиски би можеле тоа да го изведат е друга работа. Еве слика како би можело тоа да изгледа.

И ако автопатот е вкопан, железницата може да биде на "ground level".
Секако ке треба дасе води сметка и за околината да не се наруши амбиентот на населбите кај што ке поминува.

  Ние сме особено познати по динамиката на градење автопати и пруги.

Јасно ми е како е тоа во планот - зборувам за привремено решение. „Лимак“ го има наједноставниот дел - сложените активности остануваат на јавен трошок..

Ако Градот во одреден момент не почне со таа огромна трансформација на цела околина на подвозникот па потоа и Стара Рампа, по 6 години ќе имаме ситуација каде тунелот ќе завршува слепо.. Освен ако не променат уште нешто и го поврзат на кружните текови горе = fail..

Edited by mladen_s - 15-Mar-2012 at 17:26

Originally posted by BOJAN За вакво нешто треба простор, а мислам дека Јужен булевар со неговата изградба би го одзел.

Малку е надвор од темава прашањево: зошто не би можело тоа се изведе кон самото депо? Според мене доволни се три колосека - надворешните два за приградска железница - ЛРТ, а средниот за долги возови кои би се разминувале како и сега. Можеби не е идеално решение, но сосем доволно за наши услови, бидејќи дозволува и до 6 композиции на час (но не знам колку им треба за да се разминат во случајов).

Originally posted by FCB Можеби планот им е да ги поврзат овие два булевара со тунелот како замена за Јужен. Да се надеваме дека не сум во право.

Доколку тоа е „конечното решение“ тогаш да се надеваме дека не си во право. Но како привремено решение би било донекаде и прифатливо. Спорно е тоа што се продаде толку долга парцела чија источна граница е преблиску до подвозникот за Црниче. Имено, доколку се оставеше простор во јавна сопственост, постојниот булевар Македонија би можел да се спушти во „Лимак-тунелот“. Вака, за да може истиот да се користи, ќе мора темелно да се разруши подвозникот и да се промени цела околина, што ќе чини многу и ќе биде целосно на јавен трошок (бидејќи делот под парцелата е всушност наједноставниот). Би сакал да верувам дека во тие 6 години Градот ќе го направи сето тоа, па можеби и целиот Јужен булевар, ама некако сум сомничав.

Доколку парцелата што се продаде на Лимак беше малку пократка од двете страни, мислам дека ќе се оставеше многу повеќе простор за различни решенија. Секако, проблем е и катната гаража спроти Макпетрол, но да не навлегувам во историјатот на локацијата..



Edited by mladen_s - 14-Mar-2012 at 16:44

Најновата пречка е самиот објект што ќе го гради „Лимак“, но не само тој објект, со сите тие планирани зданија позади Рамстор ќе се затвори подземниот или надземниот коридор што би можел Ѓорче Петров да го поврзе со Кисела Вода во функција на заокружување на железничкиот прстен. Така што, оваа подземна сообраќајница од 800 метри ќе значи крај за ваквиот проект.


Второ, сегментот од Јужен булевар во Кисела Вода ќе поминува веднаш до постоечката пруга, со што повторно би се нарушило функционирањето на градската железница. Ако евентуално некогаш би се градела, тогаш би морало да се направи барем едно стојалиште во близина на населбата Кисела Вода или 11 октомври. Но и тоа не ми е поентата, ќе треба да се прави втор колосек или барем неколку раскрсници со кои би можело да се разминуваат возовите. Ако би се спровела градска железница во Скопје, тогаш токму на овој сегмент би имало најмногу возови, меѓуградски и градски. За вакво нешто треба простор, а мислам дека Јужен булевар со неговата изградба би го одзел.

И сето тоа би било можно, но доколку во следниве години „Лимак“ побара од Градот стандарди, регулативи или можеби готов проект за каков било јавен превоз (трамвај, ЛРТ, метро, железница), а со цел да го изведат нивниот дел - што тогаш?

Како што сега стојат работите, „Лимак“ ќе испроектира нешто, а според тоа ќе се гради се' друго. И не можам да кажам дека се виновни за тоа.. Ме интересира што стои во договорот што го потпишаа со Градот?

Јужен булевар е гробарот на плановите за изградба на градска железница во Скопје, јас само тоа можам да го кажам. Би се вложиле огромни пари во неефикасниов проект кој засекогаш ќе ги уништи шансите за Скопје да добие градска железница, идентично како што и ја уништи некогашната пруга кон Ѓорче. Јас не гледам никакви придобивки од неговото градење, особено не на делот во општина Кисела Вода.

Па тоа е воглавно како повеќето урбани автопати изгледаат. во основа треба и да бидат вкопани ради намалување на буката од возилата. Ради тоа и деловите од градскиот автопат во берлин поминува во делови каде што е преблиску до станбените објекти е вкопан со странични улици кои имаат колекторска функција од страните.
http://static.panoramio.com/photos/original/7822267.jpg


Edited by mirakuliks - 13-Mar-2012 at 17:50

Последната дискусија ја префрлив овде од нишката за комплексот на Лимак, сепак тоа е нишка за зградата, а договорот потпишан вчера се однесува конкретно на Јужниот булевар.

Originally posted by Andrej_LJ Јас би го повикал Кловер да даде мислење околу оваа работа бидејќи е најзапознаен со ситуацијата. Мене ми изгледа дека треба да се молиме ова да не се изгради и да пропадне замислата. Според мене (не сум читал доста околу ова и не сум запознаен), само лудак (какви што несомнено се градските власти, тоа го имаат на n-големи и долгорочни проекти докажано) може да го гради Јужен бул. вака на кратки парчиња и не како поголема целина. Ова ќе даде еднакви резултати како да речеме да почне да се гради метро мрежа во даден град со две станици, меѓусебно оддалечени 800 метри. Што ќе решат овие 800 метри, кога главниот проблем е запушената раскрсница кај Нова Македонија и тоа само во правец од МХ Јасмин кон Теодосиј Гологанов?! Повторно целиот сообраќај се забива во кружен тек на истата раскрсница. Втора нејасна работа ми се овие кружни текови, дали се според ГУПот или сега се лепнати со цел оефтинување и се разбира аматеризација на целиот проект.

Во право си дека сам по себе овој мал сегмент од јужниот булевар нема да има некакви битни позитивни ефекти од сообраќаен аспект, а може да зборуваме и за одредени компликации кои ќе ги предизвика (поврзувањето со остатокот од сообраќајната мрежа, кое во во вакви околности ќе биде некаква несмасна а веројатно скапа импровизација). Но сепак сум внимателен оптимист околу севкупните ефекти од овој развој на настаните и не гледам причина зошто би навивале проектов да пропадне. Би се сложил со mirakuliks дека во случајов можеме на овој краток сегмент да гледаме како на семе кое треба да ги пушти корењата. Едноставно, во време кога некои се залагаат за бришење на Јужниот булевар од урбанистичките планови, ова е силна порака во спротивен правец. Уште повеќе, ова ќе биде добар подстрек за изградба на нови делници, како и подстрек за изградба на шинскиот коридор долж трасата на булеварот.

Необјасниво е и голема штета е што во ист период, без никаква координација се турка проектот за проширување на Митрополит Теодосиј Гологанов. Наместо финансиите и енергијата да се насочат пред се кон улицата Народен Фронт за да можат да се воспостават колекторските улици на Јужниот булевар, кои во оваа фаза сосема адекватно би се справиле со моменталниот сообраќај на добар дел од зацртаната траса на „јужен“, крајно ступидно и избрзано се протурка проектот за Гологанов. Солидна количина пари, енергијата и време се потрошени на проширување на Гологанов, а сега ќе треба да се прави и некаква тешка импровизација за негово поврзување со Јужниот булевар. Доколку „јужен“ се поврзуваше со еднонасочен Гологанов и со еднонасочен Народен Фронт, тоа ќе можеше да биде елегантно решено, а и идентично според долгорочната визија, за да не мора после да рушиме и повторно да градиме. А вака јасно е дека ќе мора да биде некоја привремена неефикасна крпеница.

Нема дилема дека властите немаат ниту визија ниту одговорност и дека се изгубени во просторот ко муви без глави. Сепак барем овој пат за среќа не ми изгледа дека ќе направат трајна штета со овој изолиран сегмент на Јужниот булевар. Факт е дека не требаше вака да се турка проектот, дека требаше да биде многу подобро осмислено и координирано. Но сепак велам, барем е чекор во позитивен правец и барем нема да биде направена непоправлива штета поради направените пропусти, како што премногу често е случај.

Се надевам дека она што го прочитан nylon е вистина (за за ширината на шинскиот коридор и за подземната станица). Тоа би било една многу светла точка (иако изолирана) во инфраструктурниот мрак во кој се наоѓаме. И за нив важи истото - сами по себе не би имале никакво значење, но мислам дека би имале одредена индукциона моќ за попаметно делување во иднина.

За крај, мора повторно да се нагласи дека Јужен булевар без Крушевска република би изгубил најголем дел од смислата, па се надевам дека властите ќе си стават прст на глава и околу Крушевска република и дека еднаш засекогаш ќе им биде цврсто застанато на пат на игрите за нејзино бришење.

Originally posted by alexgizh Со кое право користат мој рендер, кој не само што не е официјален, туку и не ни соодветствува на локацијата?

Пишале „јужен булевар“ на гугл пребарување и присобрале неколку сликички што им се појавиле, без воопшто да знаат што е претставено на нив. Издвоиле пола минута за „истражувањето“, но ставиле наслов за да човек си помисли дека ако кликне, којзнае што ќе види и научи. Површност и мизерија на највисоко ниво!