Пазари (општо)

Отворен новиот градски пазар

Буњаковец ќе стане пазар од затворен тип

Зелен пазар е испазарен за градилиште

Граѓаните од соседството велат дека зад ургентното донесување на урбанистичкиот план со кој ќе се дислоцира Зелениот пазар се кријат други планови - да никне градилиште

Жителите од Градски ѕид ќе го обжалат на Уставен суд усвојувањето на новиот Детален урбанистички план за Голем ринг, со што се уништува и Зелениот пазар.

- Ако треба, и со жив ѕид ќе спречиме да ни направат градилиште под прозорците, велат станарите од соседството.Од општината неофицијално коментираат дека граѓаните најмногу негодуваат оти сите што имале подземни гаражи им ги издале на пазарџиите и дека револтот произлегува оттаму што тие ќе изгубат добри месечни приходи. Станарите на околните згради имаат спротивно мислење и велат дека зад итното донесување на планот, под „превезот“ приоритет на Владата, се кријат други намери.

- Се сомневаме дека воопшто ќе се гради парк на местото на Зелен пазар, што би било идеално. Познавајќи го кадарот во општината Центар, сигурни сме дека се' е лага и дека ќе се градат други објекти. Проектот набрзина се турка, а тоа ни остава сомнеж дека има таен план - вели Ѓоре Блажевски, кој живее во Градски ѕид.

Зелен пазар од пред неколку дена веќе не постои на хартија со донесувањето на ДУП „Голем ринг - јужен дел - исток“. Од Општина Центар велат дека со донесувањето на планот се предвидува изградба на парк и паркинг. Според општинарите, тие немаат обврска да бараат ново место за преселба на пазарот.

- Не е надлежност, ниту обврска на општината да го дислоцираме или да бараме ново место за Зелен пазар. Според ДУП, јасно е предвидено што треба да има на тоа место. Можеби е добра волја што општината размислува пазарот неофицијално да го смести на местото кај Цветниот пазар. Но, секако општината нема обврска да го прави тоа. Досега ниту еден од граѓаните не доставило писмено барање или молба пазарот да го дислоцираме - вели Ратко Савовски, секретар во општина Центар.Скопски пазар, кој стопанисува со Зелениот пазар, по повод дислокацијата испрати соопштение во кое велат дека се надеваат оти општина Центар предвидува соодветна локација, со која ќе се надомести евентуалното селење на Зелениот пазар и целокупниот деловен простор во тој реон.

„Пазарот е на површина од 6 000 квадратни метри и обезбедува егзистенција за повеќе од 600 корисници на тезги, како и за голем број корисници на деловен простор. Логичен е заклучокот дека повеќе од неопходно е да се обезбеди континуитет во работењето за сите овие луѓе. Скопски пазар има повеќе 3.500 квадратни метри од актуелната локација, а за другата површина има корисничко право“, се вели во соопштението.Жителите на овој дел од градот уште лани реагираа поради планот да се дислоцира Зелениот пазар. Тие сметаат дека поврзувањето на сообраќајниците во овој дел на градот ќе предизвика метеж и загадување во нивното маало.

ИНФО-Со жив ѕид против планот

Парк на местото на Зелено пазарче, катна гаража пред Домот на синдикатите и нови сервисни улички ќе никнат покрај Градскиот ѕид. Детаљниот урбанистички план „Голем ринг - јужен дел - исток“ го донесоа советниците од Центар. Жителите што живеат во реонот се подготвени со жив ѕид да спречат изградба на други објекти и се сомневаат во кадрите од општината Центар поради досегашните искуства.

Марија Тасев

Детаљните урбанистички планови се на јавна расправа за време на годишни одмори,аогласите за анкети се објавуваат во училиштата и во нетиражни весници

Кога е во прашање ДУП, се' се работи кришум, иако општините и инвеститорите се оградуваат
...........

СУДИРИ СО ПОЛИЦИЈАТА

Ваквиот начин на информирање на граѓаните доведува подоцна до несакани реакции: блокади, протести, уривање на оградите на инвеститорите, дури и насилни однесувања кон луѓето што ги обезбедуваат градежните објекти или кон полицијата.

.....

И во Општина Центар летоско имаше слична реакција, кога требаше да поминат измените и дополнувањата на ДУП „Голем ринг - Јужен дел-Исток“. Според планот, треба да се дислоцира Зеленото пазарче. Реализацијата на измените и дополнувањата на овој ДУП, жителите од месната заедница „Роберт Гајдиќ“ беа подготвени да ја бранат и со жив ѕид. Собираа потписи што со писмо беа доставени до градоначалничката на Општина Центар, Виолета Аларова. Тие најавуваа и тужба против инвеститорот, Општината Центар, и проектантот на планот, со барање привремена мерка за запирање на сите активности до правосилната пресуда. Тие се противеа што ќе се сечат четириесет години стари дрвја и на изградбата на паркинг наместо детски игралишта, клупи за одмор и шеталиште.

- Ние максимално го почитуваме законот. Огласите за јавна презентација и анкета се објавуваат во два медиума и на нашата веб-страница, како и на објектот каде што треба да се одржи расправата, најчесто е на најфреквентните места - објаснува Неделковска. Како што информираат од Општината Центар, се почитуваат и термините за спроведување на јавната анкета, а проектантската куќа со часови стручно ги објаснува измените на планот. Анкетата трае уште 10 дена потоа.

Елена Мачевска

Скопје е преполно со диви пазарџии, кои продаваат производи на јавните градски површини и покрај високите казни од 300 евра предвидени за ваков прекршок. Речиси на секоја ширинка се паркирани камиони и се поставени импровизирани тезги, на кои се продаваат зеленчук и овошје, кои на граѓаните им се нудат по пониски цени отколку на пазарите низ градот, што е разбирливо ако се има предвид дека за ваквата дејност овие трговци не плаќаат никакви законски давачки. Покрај тоа, зад пазарџиите се создаваат диви депонии од расипани производи, од каде се шири непријатна смрдеа. Граѓаните реагираат на купиштата ѓубре, но и покрај тоа купуваат од импровизираните пазари. - Честопати кај нас на паркингот пред зграда се паркираат два или три камиона. Луѓето доаѓаат да купуваат тука затоа што стоката која што се нуди е поевтина. Покрај тоа, поблиску ни е да купуваме од нив наместо да патуваме до пазар. Ама од друга страна, се прави многу ѓубре по улиците - вели Наталија Кракутовска од Кисела Вода. Најалармантна е ситуацијата во населбата Горно Лисиче. Таму секојдневно се паркирани десетина камиони со разновиден зеленчук. Тамошните жители за ваквата состојба досега неколкупати реагирале кај општинските служби, но од таму не добиле никаква реакција. Од Општина Аеродром велат дека иако дивите пазарџии незаконски продаваат на нивна територија, тие не можат ништо да сторат за да ги дислоцираат, туку единствено можат реагираат кај надлежните институции. Општинарите тврдат дека досега неколкупати за овој проблем се обратиле кај пазарната инспекција и кај полицијата. - Се додека немаме наше комунално претпријатие, нема да можеме да дејствуваме против продавачите. Откако ќе се формира, ќе се отвори можност да профункционираат јавни пазари во општината и на тој начин да се реши прашањето со дивите препродавачи - објаснуваат надлежните од Општина Аеродром. Комунални инспектори од Град Скопје велат дека и покрај високите казни, секојдневно доаѓаат нови и нови пазарџии кои нелегално ги продаваат своите производи. Од таму велат дека само во периодот од јуни до октомври, за непрописно продавање се изречени четириесет пријави. Како дополнителен проблем, тие го наведуваат и создавањето диви депонии затоа што, како што велат, пазарџиите практично со недели живеат во камионите од кои ги нудат сопствените производи. За фрлањето отпад, според Законот за јавна чистота, следуваат дополнителни казни покрај казната од 300 евра за продавање производи на недозволено место.