Ски центри (општо)

КАТАСТРОФАЛНА Е СОСТОЈБАТА НА СКИ-ЦЕНТАРОТ „ПОПОВА ШАПКА“ ПРЕД ПОЧЕТОКОТ НА ЗИМСКАТА СЕЗОНА, ЌЕ РАБОТИ САМО ХОТЕЛОТ „СЛАВИЈА“

Пред самиот почеток на зимската туристичка сезона ски-центарот „Попова Шапка“ е во многу лоша состојба. Не е направен технички преглед на седумте ски-лифтови и жичници, на вработените им доцнат две плати, отворањето на хотелот „Славија“ е под знак на прашање, а за хотелот „Попова Шапка“ е одлучено да не работи. Пред десетина дена конечно е назначен нов управител на Ски-центарот, кој вели дека се преземаат активности за санирање на состојбата, со цел оваа зимска сезона да започне на време, но условите за тоа биле исклучително тешки.

„Сега нашите вработени работат на отстранување на дефектите на ски-лифтовите за да може да им се издаде технички прием. Поправивме два ски-лифта, продолжуваме со поправки и на останатите, но со оваа работа многу доцниме бидејќи сето ова требаше да биде завршено пред два-три месеци, а не сега, пред самиот почеток на сезоната. Ќе се работи и во наредниот период, но најмногу технички проблеми и дефекти имаме со шестоседата жичница. Досега се оспособени само ски-лифтовите ‘Аеродром‘ и ‘Ге‘. Дури откако ќе ги отстраниме сите дефекти, тогаш ќе можеме да повикаме комисија да направи технички прием и да ја потврди нивната исправност. Сепак, верувам дека до почетокот на сезоната ќе успееме да ги средиме работите“, изјави Абдулгани Алији, раководител на Друштвото за туризам, угостителство, рекреација и спорт Ски-центарот „Попова Шапка“.

Во незавидна состојба се и двата хотела, сопственост на Ски-центарот, „Славија“ и „Попова Шапка“. За лошата состојба Алији го обвинува претходното раководство на Ски-центарот.

„Оваа година во употреба ќе биде само хотелот ‘Славија‘, што ќе можеме да го оспособиме за работа, додека хотелот ‘Попова Шапка‘ е во катастрофална состојба и таму оваа сезона ќе нема никакви услови за сместување и престој. Исто така, имаме проблеми со исплата на вработените, на кои им доцнат две плати, за што веднаш побаравме помош од ЕЛЕМ. Проблем ќе биде и бројот на ангажираните луѓе во Ски-центарот, бидејќи сега сме само 42, а според систематизацијата, за нормално функционирање потребно е да има 79 лица“, вели Алији.

Ако се добие потребната техничка дозвола и ако оваа зимска сезона има доволно снег, тогаш сезонските билети за ски-лифтовите купени минатата година ќе важат и оваа зима, бидејќи лани немаше доволно денови со снежна покривка за да можат тие да се искористат.

Од Ски-центарот „Попова Шапка“ засега не размислуваат за нови инвестиции, туку се насочени колку што е можно до почетокот на новата ски-сезона да ги завршат работите и да ги дочекаат првите скијачи. За инвестиции, како што велат, Владата треба да размислува.

Минатата власт помпезно најави дека пронашла сериозен инвеститор од Италија, кој бил подготвен да вложи големи финансиски средства во обновата на „Попова Шапка“, но од него нема ни трага, ни глас. Градоначалникот на Општина Тетово, Билал Касами, неодамна изјави дека се обидел да стапи во контакт со овој италијански инвеститор, но не успеал да го најде.

„Јас не знам кој и што беше тој инвеститор. За жал, во претходната влада сè беше до министрите. Претходниот министер имаше некојси устен договор со инвеститорот, но си отиде министерот, си отиде и инвеститорот. Јас пројавив желба да се видам со инвеститорот, да видам кој е неговиот интерес, но немаше никаков одговор“, изјави неодамна Касами.

https://sdk.mk/index.php/naslovna/katastrofalna-e-sostojbata-na-ski-tsentarot-popova-shapka-pred-pochetokot-na-zimskata-sezona-ke-raboti-samo-hotelot-slavija/

Edited by UROS - 02-Oct-2024 at 12:04

Нема ништо, колку што знам.

Edited by UROS - 15-Mar-2024 at 22:37

Edited by beTon - 22-Jan-2024 at 19:07

На Пониква беше инвестирано и пред неколку години, знам имаше вештачки топови кои стоеја така без врска неупотребувани.

Ќе се гради модерен ски центар на Царев врв

Истокот ќе добие модерен ски центар. Во срцето на Осоговските планини, на надморска височина од 2085 метри токму на Царев Врв, ќе се гради модерен ски-центар, кој ќе биде еден од петте најголеми ски центри на Балканот, најави министерот за замјоделство, шумарство и водостопанство, Љупчо Николовски.

За реализација на овој проект подготвена е предфизибилити студија, која идентификува развој на поширокиот дел на Царев Врв.

За 6 месеци треба да биде завршена целосната документација за изградбата на ски центарот на Царев Врв на Пониква, велат од Центарот за развој на Источниот плански регион.

Инаку, за изградба на целокупната инфраструктура првично беа наменети 120 милиони евра, но оваа пресметка повеќе не е доволна за целосна реализација на овој проект и затоа потребните средства ќе бидат повисоки од првичната пресметка, додаваат од Центарот за развој на Источниот плански регион, од каде исто така очекуваат овој проект да отвори нова шанса за развој на регионот, развој на планинскиот ски туризам, како и отворање на нови работни места, хотели и угостителски објекти.

https://24.mk/details/kje-se-gradi-moderen-ski-centar-na-carev-vrv

ti samo sto bi pomislis da gi otpustis, oni tebe bi te otpustilee slednoto utro kade be batko pa site partisJski klanovi si imaat svoja teritorijaa ti ke si otpustaal :P