Улица Васко Карангелески-Аеродром

Собраќајното решение за крстосницата на „Васко Карангелевски“ во институционален ќорсокак



https://kanal5.com.mk/sobrakjajnoto-reshenie-za-krstosnicata-na-vasko-karangelevski-vo-institucionalen-kjorsokak/

Сега нема огромна фрекфентност, но во иднина со отворањето на мостот кај СРЦ Јане Сандански, ќе се зголеми фрекфенцијата на улицата. А, особено во подалечната иднина ако се пробие планираната улица од Раде Кончар до Кисела Вода.
Таман е улицава што е 2+2, проблемот е конкретно кај раскрсницава и воопшто кај училиштето. Раскрсницава е прво непрегледна, лошо изведена и проектирана, а безбедноста на децата воопшто не е земена предвид. На пример, на истиов овој булевар кај училиштето Ѓорѓија Пулевски има ограда долж улицата, овде нема ни лежечки полицајци, ниту ограда.
Не верувам дека семафори ќе помогнат на раскрсницава, допрва ќе гледаме сообраќајки тука Само кружен тек и обезбедување на училиштето со ограда и лежечки полицајци.

Edited by anna75 - 22-Nov-2023 at 11:32

Рушење на полициската, кружен тек и продолжување на улицата према Џевахир.

Добро бе стварно асфалтни лежечки сè уште не се стандард? Па пред се на улица која врви покрај училиште? Кај нас не треба да постојат 30 метри без лежечки, на секоја улица, а поготово на големи.

Граѓаните револтирани велат улицата „Васко Каранѓелевски“ е згрешен сообраќаен проект
https://24.mk/details/gra-anite-revoltirani-velat-ulicata-vasko-karan-elevski-e-zgreshen-soobrakjaen-proekt

Завршена е изградбата на улицата Васко Карангелески, проект со чија реализација се овозможува сообраќајно поврзување на три главни булевари во општина Аеродром. - Со изградбата на улицата жителите на овој дел од Скопје добиваат ново сообраќајно поврзување помеѓу булеварите АСНОМ, Јане Сандански и Трета македонска бригада, со што значително ќе се намали сообраќајниот метеж со кој беа секојдневно соочени жителите на Аеродром. Ваквите сообраќајни решенија покрај својата основна функционалност ја зголемуваат безбедноста и сигурноста за сите учесници во сообраќајот – истакна градоначалничката Арсовска. Арсовска додаде дека овој проект претрпе повеќе измени за да се зачувува зеленилото, бидејќи во претходниот проект беше предвидено сечење на дрворедот по целата должина на улицата. - Со промените коишто ги направивме во проектот, над 100 дрвја беа зачувани, а со специјална машина за пресадување на дрвја се пресадија повеќе здрави дрвја на потегот кај основното училиште „Љубен Лапе“ и на локација на самата крстосница. Деновиве во рамките на есенската акција по должината на улицата се засадени 825 нови садници – додаде Арсовска. Со ова целосно ново булеварско решение и поврзување со две коловозни ленти во двата правци, во должина од 1.100 метри и вкупна површина од 10.600 квадратни метри улицата има нови пешачки и велосипедски патеки од двете страни, како и ново јавно осветлување, а на дел од трасата на улицата се изгради нова атмосферска канализација.

https://www.facebook.com/CityofSkopje

Мета факт: „Васко Карангелески“ – најкраткиот булевар со пробиени рокови и заборавени багери

Пред повеќе од две години, на 21 јули 2021 година, поранешниот градоначалник на Скопје, Петре Шилегов, одржа прес-конференција на улицата „Васко Карангелески“, за да ги најави градежните работи за негова реконструкција и изградба на потегот од булеварот Јане Сандански до булеварот Трета македонска бригада во скопската општина Аеродром.

Вкупната вредност на проектот, како што рече Шилегов, е 71,6 милиони денари со вклучен ДДВ, а рокот на изведба е 18 месеци.

Од она што може да се види на терен, е дека за изградбата на овој проект веќе поминаа 18-те месеци, односно поминати се повеќе од 24 месеци, но работите не се завршени. Она што е позагрижувачки е дека во близина се наоѓа основното училиште „Љубен Лапе“, па веќе од септември нивната безбедност ќе биде доведена во прашање, бидејќи секој ден преминуваат преку необележани и небезбедни премини, обидувајќи се да го најдат патот до школо помеѓу возилата кои се движат во сите насоки.

Овој проект предвидуваше улицата, која почнува кај салата „Јане Сандански“, да добие четири коловозни ленти во делот пред воениот базен каде всушност се стреснува и има само две ленти. Потоа, требаше да се пробива покрај базенот за да се поврзе со булеварот Трета македонска бригада. Како што објаснија тогаш од Град Скопје, на трасата се наоѓа само еден објект кој треба да биде урнат, а тоа е кафеаната „Фирма“.

Четири месеци по најавата на овој проект, Шилегов си замина од градоначалничката функција, а го наследи Данела Арсовска. Оттогаш, како што сведочат и жителите на населбата, повремено се вршела реконструкција на овој дел, но веќе извесен период работите се во застој.



Мета.мк се обрати до кабинетот на градоначалничката Данела Арсовска, за тоа каква е планираната динамика за реконструкција и изградба на потегот од булеварот Јане Сандански до булеварот Трета македонска бригада во скопската општина Аеродром, од каде што не добивме одговор на поставените прашања.

Во јули годинава, советничката во Општина Аеродром од ВМРО-ДПМНЕ, Милка Тримчевска, изјави дека булеварот „Васко Карангелевски” е инфраструктурен споменик на нереализирани ветувања и една од најважните сообраќајници која поминува низ општината Аеродром.

„Ова е еден од најкратките булевари во градот, но и булевар со рекордно најдолго време на реконструкција досега. Две години, ние жителите на Аеродром, секојдневно поминуваме во дупки, ги кршиме и оштетуваме нашите автомобили, а возачите и граѓаните кои живеат во овој дел од општината се гушат во прашината“, посочи Тримчевска.

Инаку, за овој булевар претходно, реагираа граѓаните, спротивставувајќи се на сечата на дрвата од двете страни на булеварот.

Арсовска лани во април уверуваше дека дрворедот на улицата „Васко Карангелески“ ќе биде целосно зачуван. Со новиот проект, рече Арсовска, а пренесоа медиумите, ќе се зачува целото зеленило и ќе се посадат нови 30-тина дрвја.

„Првичниот проект на улицата предвидуваше целосно отстранување на над 100-тина дрвја за да може да се изврши реконструкцијата. Се направи промена на планот како да се зачува дрворедот и да се зголеми бројот на дрвја и на овој потег. Дрворедот пред пензионерскиот дом ќе биде целосно зачуван, над 100-тина дрвја стари 100-тина години на овој потег ќе ги зачуваме, а веќе беа пресадени 16-тина здрави дрвја заедно во соработка со Општина Аеродром, истите се веќе пресадени на потегот кај основното училиште Љубен Лапе“, истакна таа додека вршеше увид на градежните работи.

Но, проблемот се појавил во ноември кога работниците на ЈП „Паркови и зеленило“ почнале со интервенции и на другата страна од улицата. Медиумите пренесоа дека машини ги ваделе преостанатите дрвја од страната спроти ОУ„ Љубен Лапе“ за да се исчисти просторот за да може да се прошири улицата. Извадените дрвја биле пресадувани во паркови околу улицата.

Поради сето ова погоренаведено, иако на овој проект се работи и за истиот се сменија двајца градоначалници кои излегоа со различни проценки, оценуваме дека реконструкцијата и изградбата на улицата Васко Карангелески на потегот од булеварот Јане Сандански до булеварот Трета македонска бригада во скопската општина Аеродром не е исполнета во предвидените рокови.

https://meta.mk/meta-fakt-vasko-karangeleski-najkratkiot-bulevar-so-probieni-rokovi-i-zaboraveni-bageri/

а добро, делот што е од базенот до ТМБ 1+1 ќе биде?

Originally posted by zlate676 Улицата се прави на сила, и покрај негодувањата на граѓаните дека пред школо не треба да има булевар. Сега ќе се прекопува, ќе служу за паркинг пред КАМ, делот кај објекот кај што треба да е некој кружен тек / приклучок е застанат (најверојатно поради нерешени работи), ама важно дрвата се исекоа и на децата пред нос им донесоа булевар наместо мирна улица со 30 макс. брзина. И улицава има смисла ако е пуштен новиот мост.

Аман со жалопојкиве
Ако сакате селски сокачиња, останете си во селото. Овој дел од Аеродром одамна е предвидено да има булевар. И сосема логична врска е со мостот кај Керамидница и со идниот булевар/улица кај Раде Кончар кон Кисела Вода.
Тие жители кои се бунат се локалци кои сакаат да живеат во урбана средина, а притоа да не ги напуштат навиките од селата

Иначе, кај Ѓорѓија Пулевски одамна има булевар, па ете живи се децата уште

И кај Бриколаж нов асфалт прекопаа викендот. А имаше изјава "менаџерката" никогаш повеќе немало да се копа нов асфалт и реконструирана улица/булевар. Се што кажа до сега излажа, најнеспособен градоначалник во историјата на Скопје и најнеспособна градска администрација до сега.