Мичурин и Острово - Аеродром

Мичурин и Острово со години се заборавени,освен делумно косење трева и 2-3 сервисни улички во Мичурин што се направија друго ништо.
Хигиена,тротоари под секое ниво.
Паркинг е мисловна именка

Низ Мичурин,просторот околу новата црква е тотално неуреден,напуштената куќа се повеќе се полни со отпад



позади оградата на црквата има треви над 2м од лани неисчистено



кај Блок Кафе навидум го средија просторот и направија сквер но деновиве скршени се столбчиња и пак се паркира



Острово е хаотично за паркинг делот позади Скопјанка и кај Вучко
И зонско не е решение бидејќи едноставно фали простор за паркирање и секако многуте фирми и кафичи дополнително ја влошуваат состојбата.

Богами ни косење трева нема во последно време во Острово и Мичурин...

Не знам дали некогаш овие куќарки во Острово до Synergy ќе ги срушат за изградба на згради,просторот е многу запуштен,со депонии,миризба на запален отпад особено зимските месеци.Имам впечаток дека ова е една од најзапуштените населби во рамки на Аеродром,нечисти паркинзи,тротоари полни со кал,земја...
Според планот предвидено е П+3

Во Острово па и во Мичурин има доста вакви блокови со гаражи кои би било добро да се срушат и да се претворат во подземни или монтажни паркинзи

Паркингот треба да се реши. Не е некоја филозофија, според мене, за Мичурин треба да се направат една катна гаража (кај „Стокомак“) и една подземна гаража со парк (кај „Кипер“), може и со мала деловна зграда, реално има голем простор таму, а во Острово една подземна катна гаража спроти ОУ „Браќа Миладиновци“ со парк одозгора, а реално простор за градинка постои покрај Вардар, кај поранешното игралиште за пејнтбол.

Originally posted by skopskodete Бидејќи нема тема за населба Острово ќе пишам во темата за соседната населба. Видов дека амбулантата во Острово е половина срушена. Што е планот уствари со рушењево?

Не знам зошто е срушена,патем ги споив двете населби во една нишка.

И Острово со години е запуштено,нема скоро никакви активности освен обновата на паркот Бојмија.

Требаше да се гради сервисна улица за да ги опслужи потребите на новите станари до зградите што почнаа да се прават зад Кипер(бивши Тинекс).Поточно досега е изградена една во план се уште две.Но се откажаа по реакции за сечата на дрва и уништување на паркот.



бидејќи преку К.Ј.Питу не можат да влезат мора да се спуштат до долу кај Три Бисери па преку паркингот да дојдат до зграда



овој дел прашање дали воопшто ќе се среди,многу лошо делува



Околу ПИОМ и околните објекти е невиден хаос за паркинг бидејќи и станарите од кулите немаат доволно паркинг простор.

За Скопјанка не вреди ни да се зборува,една голема депонија и затворени дуќани.

На местото на жолтата стрелка планираат градинка,а другите две локации се прилично неуредени паркови кои би можело да се средат со ново зеленило,а не бекатонски скверови.

Во контекст на муабетот од претходно...

-------------------------------------------------------
Аеродромци бараат од Муцунски конечно да се средат Мичурин и Скопјанка



Градоначалникот на Општина Аеродром, Тимчо Муцунски, изврши увид во градежните активности зад трговскиот центар „Бисер“ кои веќе подолг период беа закочени. На ова место се поставува плочник, а според преоктот да претходната локална власт треба да никне современ сквер со повеќе содржини

-Како нова локална власт јавно кажуваме дека нема да работиме деструктивно и ќе ги завршиме сите веќе започнати проекти. Но, она што ќе се разликува во наредниот период е тоа што веќе нема вакви проекти, како овој зад Бисер да се работат толку долг временски период и ќе бидат ангажирани повеќе работници, порача Муцунски при увидот.

Тој за оваа календарска година најави и нови капитални проекти кои, како што рече, се од огромно значење за сите нас.

Дел од жителите на една од најголемите скопски општини, Аеродром, пак, се пожалија дека недоволно се посветува време на Мичурин и се реагираше на запуштеноста на Трговскиот Центар Скопјанка.

-Гледам Нов Аеродром го правите мал Париз. Секојдневно се уредува, се' повеќе и повеќе. МИЧУРИН СЕ ЗАГУШУВА ВО КАЛ И НЕЧИСТОТИЈА! Ниту еден ден, никој со мал прст не помрдна нешто, пишува еден револтиран граѓанин.

-Мичурин до автобуската станица кога ќе се среди, се е земја и кал, а нови згради. Фали и зеленило и паркинг соодветен.

-ТЦ.Скопјанка е запустен мириса на урина, приземјето е хорор, никој ли не го одржува? Нека се освежи фасадата и ѕидовите..Колку убаво име има, не иде да биде грда Скопјанка, вели друг жител.

-Од најурбана населба Аеродром на што почна да личи? Нека се шири Градот, не да се пренатрупува. Треба културни содржини да се развиваат. Децата нема каде да излезат, па нема ни пристојни шеталишта, освен крајбрегот на Вардар и по тротоарите од Булеварите! Размислете....ТЦ.Скопјанка е крајно запустена...20 години ништо не се вложува, ниту се чисти и реновира, гласи ставот на друг граѓанин.

https://skopjeinfo.mk/aerodromci-baraat-od-mucunski-konechno-da-se-sredat-michurin-i-skopjanka

Originally posted by stef4o Незнам дали само јас имам таков впечаток дека населбава заедно со соседната населба Острово се едни од најзапоставените во рамки на Аеродром а и воопшто. За цели 15 години само неколку минијатура од проекти се имаат направено без притоа да е решено нешто суштински од значење за жителите. Можеби било подобро да потпаднат под ингеренции на Центар но ете таква била среќата Транспортен да биде границата. Во последниве години освен по неколку нови згради и обнова на веќе постоечки паркизи скоро и да нема инвестиции во инфраструктура,паркинзи,хигиена кои се под секое нормално прифатливо ниво. На толку инкасирани комуналии и даноци мислам дека е срамота да се биде на вакво ниво.

мислам дека да потпадне под Центар нема да смени ништо, со оглед на состојбата на Пролет, Ново маало и Маџир маало во истиот склоп

Да...

А за општина како Општина Аеродром мислам дека не е ништо ова да се среди.

Originally posted by Џоле ЗГРАДИ НАМЕСТО КУЌИ КАЈ ДЕПОТО НА „ПАЈАКОТ“ Згради и трговски центар ќе се градат на местото на куќите кај Железничка станица во близина на депото на „Градски пајак“ и „ПОЦ“. Така предвидува урбанистичкиот план, кој вчера требаше да се разгледува на седница на Советот на Општина Центар. Советниците од Аеродром веќе дадоа согласност за планираната урбанизација, а за ДУП-от треба да гласаат двете општини, бидејќи по поделбата на квартовите и новиот ГУП, предметниот реон ги зафаќа и двете општини. Од Центар вчера појаснија дека станува збор за појас кој, генерално, го зафаќа просторот по должина на Железничката станица од депото на „пајакот“ кон „Трета македонска бригада“. „Предвидената урбанизација, всушност, е усогласување со новиот ГУП. Се потврдуваат Автобуската станица, бензинската пумпа и депото. ДУП-от предвидува колективно домување на местото на куќите, а има и маркичка за трговски центар, односно деловни објекти“, појаснија вчера од Центар. Планот предвидува изградба на вкупно пет згради во тој реон, со максимална катност од пет, односно шест ката. http://www.utrinski.mk/?ItemID=1EF059DC5954804F909C06142D987173

Еве каков план имаат донесено О.Центар за овој дел истиот вклучува 6 масивни згради од по 7 ката и 2 згради со намена Б2-големи трговски единици од 5 ката



http://www.centar.gov.mk/?page_id=6460#83-донесени