Административна зграда на ЕЛЕМ на ул. Македонија

Се сменија закони, се занемари статиката - како енергетика ја презема барокната зграда на ЕСМ

Барокната зграда на ЕСМ, стана министерска. Поранешниот директор на ЕСМ Христијан Мицкоски, а сега премиер ја даде на новоформираното Министерство за енергетика. Наложил технички прием иако транспорт заклучи дека е со нарушена статика. За да се впише во катастар сегашната власт експресно го измени и законот.

Информацијата дека новиот состав на Собранието донесе измена на закон за катастар медиумите речиси не ја забележаа.

Истражувањето на РСЕ за навидум ситните законски промени ставени како последна точка на дневен ред на собраниската седница, и соединети со содржината на неколку одлуки на владата, откриваат каде државата ќе го вдоми новоформираното Министерство за енергетика. Во барокната зграда која ја следат низа контроверзии, од кои последната е начинот на кој една зграда која до неодамна беше невидлива во катастарот поради низа пропусти, сега стана видлива и доби „легалност“.

Образложение за итноста за носење на Закон за дополнување на законот за катастар со назнака „по скратена постапка“, нема. Но, за него гласала владејачката коалиција на ВМРО-ДПМНЕ и ВЛЕН. Првиот член, кој не е многу јасен, пропишал:

„Запишаните прибележувања на одобренија за градење кои не се предбележани, не претставуваат пречка за укнижувањето на правото на сопственост на градбата и истите се бришат по службена должност од страна на Агенцијата, со укнижувањето на правото на сопственост на градбата“, пишува во првиот дел од одлуката.

Ваквата одлука, се вели во вториот член, ќе важи само во случаите кога се укнижува правото на сопственост на објекти кои се во државна сопственост, но врз основа на одлука на Владата.

Според предлагачите, кои се пратеници од ВМРО-ДПМНЕ, на овој начин се надминале проблемите кога Владата носи одлука за право на сопственост на недвижност за која било издадено одобрение за градење, а тоа не е предбележано во катастарот на недвижности.

Кој е објектот што го „намирисала “ државата ?

Една зграда во центарот на Скопје, поточно на улица Македонија веќе долго време зјае празна. Тоа е барокната која ја градеа Електрани на Северна Македонија (ЕСМ) или поранешно ЕЛЕМ, а која никогаш не се стави во употреба.

Радио Слободна Европа веќе пишуваше дека зградата има проблем со впишување на правото на сопственост во корист на ЕСМ, но и дека уште претходната власт донела одлука државата да ја преземе.

Но, според одговорот кој минатиот месец го добивме од ЕСМ работата заглавила токму во Катастарот. Во октомври минатата година владата донела одлука со која требало да се запише правото на сопственост врз таа зграда, но не во корист на ЕСМ, туку на државата.

Одлуката објавена во Службениот весник ја потпишал тогашниот вицепремиер Артан Груби. Според одлуката, требало да се запише правото на сопственост на недвижен објект на булевар „Македонија“.

„Но, Агенцијата за Катастар на недвижности одби да ја спроведе одлуката од причина што одобрението за градба е во корист на АД ЕСМ,“ рекоа тогаш од државната компанија.

Сегашните измени на законот навестуваат дека токму новата власт со носење на Законот за катастар наменски додава член со кој ќе ја тргне пречката. Извори од Катастарот за РСЕ велат дека и покрај настојувањата и без закон да се овозможи впишување, никој од администрацијата на Катастарот не сакал да потпише незаконска одлука.

Така морало да се донесе наменскиот закон со само две точки, и да се отвори пат зградата која е „намирисана“ и од сегашната власт да се преземе.

Интересно е и тоа што меѓу првите кадровски решенија и само десетина дена по формирање на Владата променет е и директорот на Катастарот.

Разрешен е дотогашниот Борис Тунџев и е назначен нов вршител на должност Иван Живковски.

Сега од катастарот за РСЕ велат дека со носењето на законот се надминале проблемите.

За СДСМ зграда на стаклени нозе, за ВМРО ДПМНЕ стабилна

Во 2017 година Министерството за транспорт и врски донело заклучок дека настанале промени во носивоста и стабилноста објектот и тој не може да се употребува. РСЕ запраша во Министерството за транспорт и врски, како ќе се реализира технички прием на зграда за која истото тоа министерство претходно одлучило дека не може да биде пуштена во употреба.

Одговорот сега од Министерството за транспорт е кус, дека „не се вклучени во новата постапка која ја иницира Владата“.

Според она што го велат од ЕСМ за време на изградбата на зградата што почнало во 2011, токму во мандатот на сегашниот премиер Мицкоски како директор на Електрани, се правеле измени на проектот за кои не претходно не биле обезбедени дозволи .

Ова било причина објектот се уште да нема технички прием. Од ЕСМ велат дека таквата ситуација ја затекнале во 2017 година при промена на власта. Сега владата веќе наложи да се започне постапката за технички прием на истата зграда. Кој ќе одобри дека сега стабилноста е добра, одговор од Влада не добивме.

„Се задолжува Службата за општи и заеднички работи на Република Северна Македонија да започне постапка за технички прием, ставање во употреба и давање на трајно користење на објектот во КО Центар 1 на Имотен лист бр. 98657, парцела бр. 13526/6 во површина од 1425 м2 на Министерството за енергетика, рударство и минерални суровини најдоцна во рок од три месеци“, се вели во една од одлуките на Владата.

Од оваа одлука се открива и намерата на власта, Министерството за енергетика да ја добие зграда со статуата на Перун на врвот и таму да се всели неговата администрација.

https://www.slobodnaevropa.mk/a/esm-zgrada-energetika-/33070565.html?fbclid=IwY2xjawEwXTZleHRuA2FlbQIxMAABHUZT8FT94-YGxtxfRm-pG0oQH0fXeLZzhF60O-KXc_sl_-6OUUN-RJ-ZUg_aem_WAaZ_rEOlgZUn7sk5KsflA

ЕДНАТА ЗГРАДА НА ЕСМ 7 ГОДИНИ СТОИ СО РАЗРУШЕНА ФАСАДА, ВТОРАТА КАЈ СТАРА ЖЕЛЕЗНИЧКА ОД 15 МИЛИОНИ ЕВРА ПРОПАЃА БЕЗ ТЕХНИЧКИ ПРИЕМ



Државната компанија Електрани на Северна Македонија (ЕСМ) има две деловни згради и двете се распаѓаат во најстрогиот центар на Скопје. Првата е зградата кај Порта Македонија на влезот на Плоштадот, која 10 години стои со разурната фасада. Оваа зграда беше еден од најзначајните објекти на модерната архитектура од 1960-тите и 1970-тите години, а сега повеќе личи на разурнат и напуштен објект отколку значајно архитектонско дело и седиште на државна компанија. Директорот на компанијата Васко Ковачевски и раководството секој ден кога доаѓаат на работа и го гледаат разурнатиот објект, но тоа не им пречи и не преземаат никакви активности зградата да добие фасада.

Уништувањето на зградата почна во 2013. На барање на тогашниот премиер Никола Груевски, за да се вклопи во неговиот контроверзен проект „Скопје 2014“ за кој неговата влада потроши 700 милиони евра, австриската компанија ЕВН почна со отстранување на модернистичката стаклената фасада за да прави барок од стиропор од 4,3 милиони евра. Проектот не успеа да се реализира во целост и беше стопирано обвивањето во барок со доаѓањето на власт на СДСМ. Но, само тоа и беше направено. Почнува седмата година од нивното владеење, а зградата зјае без фасада. Нема најави за обнова, ниту е избран проект, а камо ли наскоро да почнат градежни работи.

Вториот објект на ЕСМ е барокната зграда спроти Старата железничка станица што беше дел од проектот „Скопје 2014“. Таа стои празна оти нема технички прим и употребна дозвола. Додека на власт беше ВМРО-ДПМНЕ во текот на градбата се правеле низа измени, а за тоа не се поднесувале барања за да добијат одобрение од Министерството за транспорт и врски. Од компанијата се жалеа и дека се направени низа пропусти при градбата, инсталациите не се соодветно изведени, нема пристап до подземниот паркинг. Но, изминатгиве години ништо не е направено зградата која чини 15 милиони евра да се стави во функција, а не да пропаѓа.

Од ЕСМ кусо ни одговорија дека во моментов се фокусирани на енергетска криза и нека никакви нови активности околу фасадата на деловната зграда каде се сместени. За барокниот објект, пак, велат дека чекаат да се донесе новиот Закон за легализација на дивоградби за да може зградата да добие употребна дозвола.

https://sdk.mk/index.php/dopisna-mrezha/ednata-zgrada-na-esm-7-godini-stoi-so-razrushena-fasada-vtorata-kaj-stara-zheleznichka-od-15-milioni-evra-propaga-bez-tehnichki-priem/

(ВИДЕО) Нема мелем за зградата од 17 милиони евра на ЕЛЕМ



Пет и пол години по објавата дека се отвора, новата зграда на државните Електрани (некогаш ЕЛЕМ, денес ЕСМ) се уште не е во функција – зошто објектот за кој се потрошени 17 милиони евра фаќа пајажини



Во мај 2017 г. тогашниот премиер Никола Груевски при посета на објектот на тогашниот директор на „Елем“, Христијан Мицкоски му објаснуваше дека објекот има три подземни нивоа со што се решава проблемот со паркирањето.

Навистина, има три нивоа паркинг под земја заедно со лифтови за возила, но нема начин како од улица да се стигне до лифтовите. За да стигне до лифтовите, плановите во времето на Никола Груевски предвидуваа да се уништи просторот за одмор и плочикот меѓу блиските станбени згради и таму да поминува улица.

За такво нешто не се собра политичка храброст ниту тогаш, ниту сега. Особено што пристапот не е единствен проблем.

„Видете, таму при проектирање на зградата не се водело внимание дали се наоѓа на почва која можеби е потоплива и на којашто може да се случат одредени проблеми. Таму практично деноноќно работат пумпи коишто 24 часа ја исцрпуваат водата и тој простор дури и да биде употреблив не е соодветен и затоа претставува проблеми во целокупната постапка.Изнаоѓа ни се решение со пумпите кои до некаде го решаваат проблемот но тоа дефинитивно не е решение не гледам како би можело да се надмине целокупниот проблем“.
рече Душица Сеизовска Јовановиќ-директор за правни и општи работи -ЕСМ.
Одговорност што зградата е изградена така како што е изградена или затоа што готов објект полн со мебел веќе петта година скапува неискористен, засега нема.



https://360stepeni.mk/video-nema-melem-za-zgradata-od-17-milioni-evra-na-elem/

Ова е една од попаметните работи кои ги имам прочитано во последно време. Скопје со години неможе да обезбеди градска куќа и Шилегов има шанса да биде првиот градоначалник кој на Скопје му обебедил саглам објект за градска администрација. Добро е што постоечки објект се искористува, јас и предлагав како подобра опција ми се чини сеуште дека е домот на АРМ да стане градска куќа, но и ЕВН не е лоша опција.

Таа неславна епизода со Офицерски и СК14 секако треба што побрзо да се затвори и тој простор да го добие градот на располагање за сопствени потреби. Дали и како после тоа ќе го користи или ќе го продава, тоа е накнадно прашање, битно е да се заврши.

Edited by user8642 - 06-Mar-2021 at 16:12

За паркингот кај Автомакедонија беше и најавена барокна катна гаража која требаше да ја гради НикоФон, и земјиштето беше доделено по слична шема како земјиштето на плоштад, па за тука не видов ме дека се потргаа нешто посебно инситуциите да го разрешат и овој случај и да го вратат во државна сопственост земјиштето. Во секој случај мора да се утврди за што се работи пред да се гради било што, дали има некој локалитет тука.

Дали зградава е шљапната врз археолошки локалитет и тоа е сокриено од јавноста?!
Неможам целосно да ја триангулирам позицијата, ако може некој дека даде позиција од каде е сликано.



Или можеби во текстов има вистина дека власта во втора светска војна го срушила објектот и ја затрупала локацијата?!
http://srbi.org.mk/podsetnik-na-dan-bogorodice-trojerucice-skriveni-tragovi-srpskog-srednjevekovnog-nasledja-u-skoplju/

Има ли некој повеќе инфо што ќе биде со зградава...и оваа ли на крај ќе ја продадат?
Колку што знам имаше неколку тендери за мебел и останато ентериерно уредување но ЕЛЕМ не се вселија.
Долго време веќе не сум приметил било каква градежна активност,дел од тарабите од напред ги тргнаа од задната страна сеуште стои по некоја...

А бе супер е да има фитнес сала, нема ништо лошо. Само оти на пример не се згрешило барем еднаш, ваква една фенси идеа да се реализира на пример во РЕК -Битола, или за вработените на браните во дебарско?

Се е убаво кога си се родил во Центар, си учел во Центар, и сега правиш планови за цела држава - од Центар.

А зошто да не постои фитнес сала? Зошто постоењето на фитнес сала се смета за нешто лошо или непотребно?

Сметам дека кај нишкава сеуште треба да стои кранче а патем мислам дека би било посоодветно да се премести во Административни објекти......
-------------------------------------------------------------------------------
Тендер по тендер, нема крај за зградата на ЕЛЕМ

По пет години изградба, два тендери и еден анекс, барокната административна зграда на државната компанија „Електрани на Македонија“ и натаму не е готова, ниту на неа се изведуваат некакви градежни активности. Досега за овој проект се потрошени над 17 милиони евра, но ќе се трошат уште, бидејќи компанијата повторно распишува тендери за доградба на објектот.
Иако според јавните повици објавени претходно, избраните фирми требало целосно да ја завршат, односно да ја довршат зградата на ЕЛЕМ, тоа не се случило. Само се пробиле роковите и зградата е оставена како градилиште.
И покрај тоа, од ЕЛЕМ досега немало никаква информација за испитување на причините и на одговорноста за оваа состојба. Од компанијата за БИРН најавија дека деновиве ќе ги одговорат сите прашања поврзани со зградата на прес-конференција.

Кој не си ја завршил работата?
Првиот договор за изградба на деловна зграда на ЕЛЕМ беше склучен на 24 март 2013 година со австриската компанија „Страбаг“. Нејзиниот рок беше да го заврши објектот до октомври 2014 година и за тоа да наплати 11,6 милиони евра.
Во условите на тендерот на кој победила „Страбаг“ се наведени сите градежни и занаетчиски работи што избраната компанија требало да ги изврши. Во многу детали е опишано како да се направат ископите и другите земјени работи, каде и како да се бетонира, ѕида, како да се молерисаат ѕидовите, какви подови да има (епоксидни) итн.
Нарачката има и прецизни инструкции за спуштените плафони, осветлувањето, позициите и бојата на декоративните лајсни, дури и за бојата, материјалот и димензиите на буквите на натписот „ АД Електрани на Македонија“ на предната фасада (високи 25-30 сантиметри и дебели три сантиметри). Има и детали за тоа какви да бидат плочките внатре и со што да се исполнат фугите.
Во документот објавен на страницата на Бирото за јавни набавки се вели и дека зградата треба да има хидрауличен лифт за автомобили. Опишани се и сите работи што треба да се извршат за спроведувањето на електричните, водоводните, канализациските, вентилациските и другите инсталации, како противпожарната заштита, ладењето и греењето, безбедносниот систем за влегување и за заштита од кражби итн.
Но, на крајот од рокот, ЕЛЕМ, не само што не доби готова зграда, туку потпиша анекс со „Страбаг“ за уште три милиони евра, со кој времето за изградба се продолжи уште една година, до ноември 2015. Не се објавени детали за тоа што се предвидува да се направи со овој договор, туку само стандардно образложение зошто се склучува анекс.
Според ова објаснување, кога е потребно проширување или замена на вообичаените стоки и инсталации, подобро е да се склучи договор со истиот понудувач наместо да се бара нов, за да се избегне ризикот тој да употребува материјали што не одговараат со она што веќе е вградено во објектот. Единствените услови се дека таквите дополнителни набавки не треба да надминат 30 отсто од вредноста на основниот договор. Анексот на „Страбаг“ изнесувал 26 отсто од сумата предвидена во првиот договор.

Договор од 2,6 милиони евра со фирма за вентилација

Поминал и тој рок, а зградата, не само што не била готова, туку државната компанија тогаш решила, сепак, да склучи договор со друг понудувач. На тендер била избрана компанијата „Озон“, која склучила договор за „довршување на изградбата на административната зграда на АД ЕЛЕМ, градежни и градежно-занаетчиски работи“. Договорот бил потпишан на 1 март 2016, половина година откако истекол рокот на тој со „Страбаг“. Според него, „Озон“ требало да ја доврши зградата за шест месеци, и за тоа да добие 2,6 милиони евра.
Таблата на „Озон“ сѐ уште стои зад тарабите на градилиштето, на неколку метри од таа на „Страбаг“. И двете се наведени како изведувачи на градежните работи. Но, „Озон“ не е градежна фирма, туку компанија што изработува и нуди системи за вентилација, греење и ладење. Овие услуги биле содржани и во тендерот на кој победи „Страбаг“. Сумата што ја добива „Озон“ е 22 отсто од онаа за која „Страбаг“ првично се договорил да ја изгради целата зграда.

Оваа скопска компанија има учествувано и на други тендери за помали занаетчиски работи, од кои има заработено вкупно 109 илјади евра од јавните институции, според пребарувањето на страната на Бирото за јавни набавки. Вредноста на нејзиниот договор со ЕЛЕМ е 24 пати поголема од целата таа заработка и е приближно еднаква на вкупниот обрт на фирмата во последните две години.
Од „Страбаг“ за БИРН најавија одговор на прашањата што требало да направат со зградата и дали целосно си го исполниле договорот, но до објавувањето не добивме нивни став. Од „Озон“ не беа во можност да одговорат поради годишните одмори.

Нови нарачки за исти услуги

Поминаа речиси две години од септември 2016 година, кога зградата требаше да биде довршена според договорот со „Озон“. И натаму стојат знаците „Градилиште“ и тарабите на кои се лепат плакати за концерти. На покривот стои триумфалната порта низ која на двоколка поминува маж што држи метална молња во раката, која веќе почнала да фаќа ’рѓа (коментарите на социјалните мрежи се дека станува збор или за старословенскиот бог на громот Перун или за Свети Илија Громовникот). Зад фасадата со многу орнаменти понекогаш се запалува некоја светилка, а на затворените врати стои натпис дека објектот е под напон. Градежни работи не се извршуваат.
Во февруари годинава, ЕЛЕМ распиша нов оглас, повторно за довршување на зградата со градежни и градежно-занаетчиски работи, со проценета вредност од околу 90 илјади евра, но го поништи во април поради, како што се вели, битни повреди на Законот за јавни набавки. Со овој тендер компанијата бараше фирма што ќе вгради машински, слабострујни и јакострујни инсталации во новиот објект. Таква набавка беше предвидена и во првиот тендер, но овојпат се бара различна опрема од таа наведена во 2012 година.

Еве и неколку фотки од истиот линк

Молњата на Зевс веќе почнала да фаќа рѓа во долниот дел





Влезот во подземната гаража каде се споменува некаков хидрауличен лифт но незнам колку тоа ќе функционира



http://prizma.mk/tender-po-tender-nema-kraj-za-zgradata-na-elem/

Edited by stef4o - 13-Jul-2018 at 15:57