Министерот Љутков најави реконструкција на локалитетот „Залив на коските“ на Охридското Езеро

Реконструкција и модернизација на системот за наводнување на комплексот „Залив на коските“ кај Градиште, повторно ставање во употреба на терасата на објектот за пријатен престој на посетителите, а од следната година и интензивни зафати за санација на платформата на наколната населба „Миќов град“ и кровните конструкции на колибите. Тоа денеска од Охрид го најави министерот за култура и туризам, Зоран Љутков, кој беше во посета на локалитетот. Љутков по обиколката на комплексот заедно со директорот на Музејот и со стручните лица од Заводот за заштита на спомениците и музеј - Охрид посочи дека целиот комплекс е оставен на забот на времето без какви било интервенции за негово одржување, уште помалку некакви вложувања во него. Бидејќи станува збор за исклучително важен локалитет во Охрид и еден од најпосетените места за туристите што остварува и економски бенефит, Љутков најави дека веднаш ќе се отпочнат поголем број проектни активности во насока на доекипирање и подобрување на условите за работа во комплексот, со цел натамошно нормално функционирање на комплексот. Вршителот на должноста директор на Заводот за заштита на спомениците на културата и музеј од Охрид, Горан Патчев, од своја страна посочи дека понекогаш не се во прашање само средствата, туку и лошото менаџирање во управувањето со објектите што масовно се посетени од туристите и слабата поддршка од повисоките инстанци. - Комплекот се одржува тековно, но може да се санира само онолку колку што се парите. Инаку „Заливот на коските“ на национално ниво е на второто место според приходите, и согласно тоа треба да се инвестира. Ние имаме изработено физибилити студија, така што треба да ги послушаме само добрите предлози и да одиме напред со добри практики, рече Патчев. Инаку, Љутков уште ја искористи можноста да истакне дека во програмата на работата на Министерството за култура и туризам е предвидено културата да стане профитабилна дејност. - Затоа и го споивме туризмот заедно со културата, бидејќи сметаме дека со развој и културниот туризам, културата може да стане значајна стопанска гранка, рече тој.

https://sitel.com.mk/ministerot-ljutkov-najavi-rekonstrukcija-na-lokalitetot-zaliv-na-koskite-na-ohridskoto-ezero

Toby Hack

Треба да стават некој водич што знае макар базичен англиски.
Ја кога носев луѓе од странство (пријатели) сам си бев преведувач. Фина беше жената (кустосот) спремна и се, ама незнаеше англиски.

Промовиран Музејот на вода на Охридското Езеро
19.11.2010 - 21:14 | Македонија
Со перформанс во изведба на актери од Битолскиот театар во режија на Владо Цветаноски, во музичка придружба на Драган Даутовски, вечерва на свечен начин беше предаден во употреба целосно завршениот музејски комплекс „Музеј на вода“, кој коплетно ја презентира праисториската наколна населба и Римскиот кастел на ридот Градиште на источниот брег на Охридското Езеро.


Министерката за култура Елизабета Канческа-Милевска на свеченоста изрази задоволство што е заокружен овој проект, како потврда на заложбите на Министерството за култура и Владата на РМ за развој и промоција на културата, културно-историските богатства и цивилизациските вредности.

- Со гордост можам да потенцирам дека Музејот на вода го носи кодот на цивилизацијата која учествувала во градењето на светската историја одовде, од овие простори кои се интегрален дел од европското жариште кое го носи епитетот лулка на европската култура и цивилизација, истакна Канческа-Милевска.

Фактот дека во текот на 2009 годима Музејот на вода во Охрид го посетиле над 40 илјади посетители, а надлежната установа Завод и Музеј - Охрид од продадените влезници осртварила приход од 2,5 милиони денари, за министерката за култура се јасен поакзател на самоодржливоста и економската и туристичката оправданост на овој импозантен музејски проект со кој, како што истакна, Охрид и Македонија ја збогатија својата културна понуда со уште еден значен монумент на македонското и светското археолошко наследство.

Директорот на Управата за заштита на културното наследство Паско Кузман потсети дека во првите подводни археолошки истражувања во Македонија, спроведени во периодот од 1997 до 2005 година, на истата локација беа откриени околу десет илјади дрвени колци, врз кои постоела дрвена платформа на која во разни временски периоди биле изградени најмалку 24 куќи.

- Ние на тоа место поставивме 3.346 дрвени колци и употребивме над седум илјади дрвени греди, за да го завршиме целиот тој праисториски „град“. Изградивме дрвено пристаниште во стилот на населбата, ги обновивме двете плажи со историска лика употребувајќи повторно дрвени колци. Копнениот простор го збогативме со 11 дрвени бунгалови, а на ридот на просторот од Римскиот кастел поставивме седум дрвени објекти во римски стил, појасни Кузман.

Во финалната фаза од проектот заокружена неодамна, целиот музејски комплекс доби пристапен пункт - капија, сопствен осветлен паркинг-простор, како и збогатена постојана музејска поставка. Во рамките на комплексот има нуркачки клуб, како и амфитеатар со простор наменет за одржување културни манифестации, се со цел да се понудат што повеќе содржини интересни за туристите и посетителите, а целиот музејски простор да се промовира во исклучителна балканска и европска научна културно-образовна дестинација.

Проектот е реализиран во рамките на Програмата на Министерството за култура и Владата на РМ, за што беа издвоени средства во износ од околу 3,5 милиони евра.
http://sitel.com.mk/dnevnik/makedonija/promoviran-muzejot-na-voda-na-ohridskoto-ezero

Posle Plaosnik eden od najubavite proekti realizirani vo Makedonija.

Музејот на вода доби паркинг и осветлување

Деновиве заврши изградбата на паркингот и другата пропратна инфраструктура пред Музејот на вода во Градиште. Паркиралиштето е обележано и осветлено, изграден е и влезот со наплатната куќичка со што се комплетираат пропратните содржини на оваа туристичка атракција. Реконструираната Наколна населба е збогатена со уште 16 неолитски куќички, а изграден е и мини амфитеатар кој ќе служи за културни активности.
Изградбата на Музејот на вода во Заливот на коските според најавите чини околу 3,5 милиони евра,  а средствата ги обезбеди Владата од буџетот на државата.





http://ohridnews.com

Местово е „лудо”. Амфитеатар, нуркачки клуб, езерски видиковец, музеј со автентични реквизити и аква витрини, праисториски колиби... Уште ако во некои подобри времиња се реконструира и староримската вила над заливот...

interesno, interesno, nema sto.

Наколната населба доби уште десет нови куќички До крајот на овој месец ќе биде завршена изградбата на наколната населба во Градиште. На постоечките осум куќички, доизградени се уште десет. Остануваат уште неколку за нивната бројка да биде 24, колку што броела населбата, според подводните истражувања Сите објекти ќе ја формираат комплетната слика за праисторискиот град, кој се наоѓал во Градиште, близу селото Пештани. Проширена е постоечката платформа кон исток и кон запад и целиот комплекс од 24 куќи ќе личи на мал праисториски град. Заливот на коските на Охридско Езеро претставува атрактивен музејски комплекс насловен како Музеј на вода. Населбата датира од 1500 до 700 година пред Христовата ера. http://novamakedonija.com.mk/NewsDetal.asp?vest=105101025477&id=16&prilog=0&setIzdanie=22100

Уште пет неолитски куќични се издигнаа во Заливот на коските

Пет од вкупно 16 неолитски куќички предвидени со втората фаза од реконструкцијата на Наколната населба во Заливот на коските кај Градиште, се во завршна фаза на изградба. Исплетена е конструкцијата, дел од нив се покриени, а во дел се уредува внатрешноста.
Поради празниците изминатите два дена мируваше механизацијата во Заливот на коските, а работниците го искористија слободното време малку и тие да се релаксираат во прекрасниот езерски амбиент.Според најавите реконструкцијата на Наколната населба во Градиште треба да заврши во октомври, а вкупната инвестиција се проценува на околу 3, 5 милиони евра.





http://ohridnews.com

Што стана со доградбата на куќарките???

Има ли некакви информации или фотографии???