Нормативи за проектирање

Процентот на изграденост на локацијата, исто така, според текстуалниот дел на одредбите, изнесува: 
за семејни куќи до 60%
за повеќесемејни-колективни станбени објекти до 70%
за трговско-деловни објекти до 80%

Минималниот процент на изграденост на парцелата за семејни куќи изнесува: 
30% за семејни куќи со парцели до 300 м2 , 20% за семејни куќи со парцели до 500м2 и
15% за семејни куќи со парцели над 1000 м2.
www.usud.gov.mk/domino/WEBSUD.nsf/ffc0feee91d7bd9ac1256d280038c474/3e74a915454f4247c125716b0047c8e3?OpenDocument

- Голем дел од касарните сега во генералниот план се ставени како сиви зони. Сега директно со детален урбанистички план  просторот од касарните кои нема да ги користи Министерството за одбрана може да се користат за различни намени, рече денеска на прес-конференција министерот за транспорт и врски Миле Јанкиески, претставувајќи ги законските измени и дополнувања.

На новинарско прашање дали просторот на сегашната касарна Илинден во Скопје ќе се намени за изградба на резиденцијален објект Јанакиески потврди дека ќе има пренамена на дел од просторот но не прецизира каква.

- Во соработка со другите министри и со општините деновиве треба да одлучиме што ќе се планира на дел од просторот на касарната Илинден,  додека другиот дел ќе остане во функција на Министерството за одбрана, рече Јанкиески.

Според него, законските измени ќе овозможат дополнителна децентрализација на општините во планирање на просторот и можности за граѓаните да ги урбанизраат  своите простори за пократко време, без да бидат изложени на какви било манипулации и административни бариери.

Предложените законски измени, меѓу другото, пропишуваат и максимално дозволени вредности на урбанистичките параметри за градби на куќи и на станбени згради.

- При изработка на урбанистички планови за куќи процентот  на изграденост на градежната парцела мора да биде 70 проценти. Висината на градбата пак е фиксна и мора да биде максимум 10,2 метри, информира Јанакиески истакнувајќи оти со тие параметри ќе се овозможи поголема искористеност на просторот за градба.

Со минимум 70 процентна изграденост мора да биде и земјиштето со нaмeна за станбени згради. Висината на градбата за градежна површина од 500 до 1.000 метри квадратни треба да изнесува најмалку 25 метри, а за површина од над 1000 метри квадратни најмалку 30 метри.

Според Јанакиески, со законот се овозможува урбанизирање на просторот по волја на граѓаните, односно сите граѓаните ќе може да покренат иницијативи за урбанизирање на просторот. На иницијатива на граѓаните, доколку е прифатена, општината е должна  во рок од три месеци да ја почне постапката за изменување и дополнување на урбанистичкиот простор.  Во спротивно одговорното лице од општината ќе биде казнува со глоба од 3.000 до 5.000 евра.

Со предложениот закон се предвидува и мислењето на нацрт-плановите кое сега го издава Министерството за транспорт и врски, да го дава комисија формирана од градночалниците на општините и градоначалникот на Градот Скопје. Измената, укажа Јанакиески, е во насока на продлжување на процесот на децентрализација со која ќе се овозможи поголема самостојност на општините во урбанистичкото планирање.

Дел од  Предлог законот е и воведување државна и локална урбанистичка планска документација, како нови инструменти во планирањето. (Извор: МИА)

http://mtc.gov.mk/new_site/mk/storija.asp?id=1970