Фасади (општо)

Originally posted by Supervisor Овие ругли коми блокови како што ги нарекувате не треба да се реновираат само оние што оставаат впечаток на главните улици туку и станарите треба да си земат обврска за подобра околина да ги реновираат и оние затскриените згради низ помалите улички на цела териотирја на општина Карпош! Вакви акции има секаде низ Европа посебно во пост комунистичките земји!!

Mislam deka pak kje se fatime so ova tema.
Stanarite sami ne mozat da renoviraat, sepak barem menuvaat prozorcite, a opstinata ja osvezuva fasadata. Nema nisto loso tuka! Znam deka nema da bide za site fer ama istot se slucuva i vo centarot, ne deka navistina se propadnati, tuku za ,,ubavina,,

Знае ли некој колку е квадрат варосување на надворешна фасада со се работна рака, местење скелиња итн ?

Originally posted by axel <span id="ArticleTitle" ="WB_UTRINSKIVESNIK_Naslov">Нова фасада за зградата кај „Мал одмор“</span> Градоначалникот Јакимовски вчера ја најави обновата на третата зграда во акцијата што ја реализира заеднички со станарите Зградата кај „Мал одмор“ во Карпош ќе добие нова фасада. Во рамки на акцијата за обнова на ликот на впечатливите згради во оваа општина, градоначалникот Стевчо Јакимовски вчера најави дека почнува со обнова на зградата што се наоѓа на аголот на „Рузвелтова“ и „Партизански одреди“. На објектот веќе се монтирани скелињата и од денеска се очекува да почне обновата на „лушпата“ на објектот. Во меѓувреме и станарите ќе извршат замена на прозорците така што комплетно ќе се поднови надворешниот лик на објектот.„И оваа зграда ќе се поднови како и претходните две т.н. сини кули. Практично и во овој случај станува збор за заеднички проект на Општината и станарите. Ќе учествуваме со финансиски средства за комплетна санација на фасадата, почнувајќи од нова изолација до боја, а станарите, пак, со посредство на НВО ’Хабитат‘, каде што ние, всушност, сме посредници, ќе извршат замена на прозорците по доста поволни услови. Тоа значи дека истовремено зградата ќе добие комплетно нов надворешен лик, а станарите ќе имаат бенефит во однос на заштеда на енергија, имајќи предвид дека новите прозорци се од термопан. Во случајов, зградата не само што ќе биде подновена туку автоматски со замена на штедливи прозорци се вклучуваме во проектот за енергетска ефикасност“, објасни вчера Јакимовски. Тој информираше дека фасадата во основа нема да го смени досегашниот лик, ќе биде освежена со нијанси на сива и зелена боја. Се очекува конечниот изглед да го добие за четириесетина дена. Јакимовски апелираше до станарите и до другите граѓани да се воздржат од паркирање на тротоарите пред објектот за да се одвиваат зафатите непречено, а истовремено и да не се доведе во опасност нивната безбедност и безбедноста на возилата.Инаку, ова е трета зграда на која Општината ќе и' ја поднови фасадата. Во текот на минатата година, освежен лик добија двете сини кули на „Партизанска“. Општинарите планираат по завршувањето со фасадата на „Мал одмор“, да ја продолжат акцијата, иако, како што велат, обврска за одржување на зградите е на куќните совети. Дел од листата за обнова се и три згради на улицата „Никола Русински“, две на улицата „Јуриј Гагарин“ и други. (Дс.Т.) http://www.utrinski.com.mk/?ItemID=5D607066F83CDF4182740DCF3C2F9532

Зградава е веќе префарбана со некоја сива боја, изгледа уште некоја боја ќе ставаат заради контраст.

од денес 01,06,2011

Дали можеби кога веќе се менува (префарбува фасата) на овие згради не се размислува и за додавање на слој стиропор (демит), па да имаат сите поголема корист од зголемената енергетска ефикасност во овие домови?

Архитектурата жртва на безобразно наметнатите билборди

Разголете го Скопје, за да се видат убавите фасади

Лицемерно е градоначалникот Коце Трајановски, од една страна, да вложува милиони денари за целосна измена на фасадите на неколку згради на плоштадот Македонија, а од друга, да не знае да ја чува постојната архитектура

Рекламирањето со билборди на скопските фасади е целосно излезено од контрола, констатираат голем број млади архитекти, видни професори, заљубеници во душата на Скопје. За разлика од европските градови, велат дека кај нас архитектурата е жртва на безобразно наметнати билборди на фасади и за која градската власт не покажува никаква грижа. Незаинтересираноста, градските власти не ја сокрија. Креваат рамења, оставајќи ги куќните совети да ја обликуваат метрополата како сакаат во трка за што поголем профит.

- Билбордите на зградите не се во надлежност на Град Скопје и не може да ги регулира естетскиот дел затоа што нема законска основа за да реагира - изјавија од Одделението за односи со јавноста.

Архитектката Маја Лукаревска, пред две години, во рамките на „Форум Скопје“, со свои колеги работеа на проект за регулирање на ова прашање. Целта е да се анимира Градот и да се укаже дека непланираното поставување вакви паноа ќе доведе до губење на идентитетот на Скопје. Нејзиното мислење е дека скопската архитектура мора да се покаже во целиот сопствен сјај и жар и да се остави да „дише“, наместо да се крие со безброј билборди.

- Градот живее под маска. Треба да се разголи и да засјае во сопствениот сјај, каков таков, но барем вистинскиот - смета Лукаревска.

Целта на проектот беше да се отвори прашањето за паноата и да почне да се размислува за нивното влијание врз идентитетот на градот.

- Дали новиот идентитет на градот се рекламите, платната, паноата, светлечките реклами, билбордите? Дали тој менлив изглед го дефинира идентитетот на центарот и градот? - смета архитектката.

Колеги на Лукаревска во проектот беа Зафир Зафиров, Никола Томевски, Владимир Деловски, кои работеа под менторство на архитектите Инес Толиќ, Дивна Пенчиќ и Билјана Филиповска. Сосредоточени биле на центарот, Транспортниот центар, Скопската чаршија.

Нивната главна интенција е да се тргнат билбордите од убавите фасади и да се „дислоцираат“ на напуштени или со години недовршени објекти како печатницата „Гоце Делчев“ или зградата на „Југобанка“.

Гордана Силјановска, професор на Правниот факултет, на неодамнешната трибина „Скопје-отворен или затворен град“ во организација на институтот „Политеја“, го изрази својот револт велејќи дека погледот кон убавите згради е затворен. Како пример го зеде билбордот пред Соборниот храм, кој целосно го затскрива овој објект.

- Јас не можам да го видам убавото во Скопје од сите оние мамутски билборди поставени на зградите - рече професорката Силјановска.

Прашањето за зачувување на скопската архитектура неодамна на Совет на Град Скопје го отвори и Софија Куновска, координатор на советничката група на СДСМ. Смета дека е лицемерно градоначалникот Коце Трајановски, од една страна, да вложува милиони денари за целосна измена на фасадите на неколку згради на плоштадот Македонија, а од друга, да не знае да ја чува постојната архитектура. Таа вели дека жали што градската власт не знае да ги прими свежите идеи на младите.

- Школски пример за модерна архитектура е стоковната куќа „Типо“, но таа мора да биде исчистена од билборди за да можеме воопшто да ја видиме. Тоа не чини ни денар, за разлика од сегашната заложба на Трајановски да прави сосема нови фасади на згради, како на пример онаа на „Пелистер“. Тие згради имаат автори, не може по своја или партиска волја да менува нешто без да ги консултира - смета Куновска.

Мурали на празните ѕидови

Според интернет-порталот и форум www.build.mk, жителите на Лион и на Париз, прашањето со празните ѕидови го решиле со мурали. Голите странични ѕидови на објектите ги красат цртежи со пејзажи од природата, од згради, пристаништа, фарми за крави, врати и прозорци, или, пак, некои апстрактни уметнички дела. Поранешниот член на Советот на Скопје и ликовен уметник Коле Манев, своевремено се бореше против агресивното зголемување на бројот на билборди во главниот град.

- Досега ниту градот, ниту некоја општина, ниту советите не апелирале да се нацртаат мурали на ѕидовите. Иницијатива недостига и кај Друштвото на ликовните уметници. Толку многу реклами не сум видел во ниту еден град. Во Франција има мурали, но и таму тие не се премногу чести. Оваа уметност е многу повеќе карактеристична за јужноамериканските земји, а во Европа полека замира - беше ставот на Манев.
Јорданка Ивановска

http://www.dnevnik.com.mk/default.asp?ItemID=527E95C6FA033F419135F5531DB8D6F7

Малку тенденциозен текст, без многу потврдени аргументи, само колку да се противи на некои нови идеи. До вчера многу луѓе критикуваа како Скопје нема две асални рекламни паноа, сеа пак се критикува кога малце се внесува некој модерен шмек од големите метрополи, со лцд-екрани, огромни рекламни билборди и сл. Особено примерот со ТИПО е пресмешен, али тоа е.
Иначе build.mk е дел и од овој текст, добро е што се повеќе овој форум и портал станува релевантен извор на информации, затоа колку помалце спамери и непотребни форумаши, толку поголем импакт во целокупната општествена сфера.

Originally posted by гитардемон Се надевам не си сериозен со муабетот за билбордите. Еден џамботрон имаме, почнавме да си мислиме дека сме метропола....

Кој рече дека си мислиме дека сме метропола!? Мене уште повеќе ми личи на село и тоа покрај автопат - само таму може да се видат толкави формати како секаде по Скопје...

Целосно е на место текстот, со тоа што во одреден случај јас ги поддржувам - кога се работи за некој истрошен објект на фреквентна позиција инаку во 90% од скопските случаи се работи за насилно, простачко рекламирање - се одземаат 2 третини од тротоарот за некој билборд што не е сменет 5 години (од неинтерес за него) и не му работи осветлувањето, а за чистење да не зборувам...

Треба секогаш да се земе предвид дека за сите вакви тенденции, причините не се воопшто случајни - затоа што главните креатори се фаци од типот на „Б“.Л. коишто убаво знаат да подмитат каде треба и ставаат таблишта каде им е кеиф или „процениле“ дека лесно ќе ги издадат...

Не реков дека е Скопје метропола, реков што копира од другите метрополи. Плус критикувам во друга нишка дека Скопје е далеку од метропола. Јас го спомнав примерот со ТИПО, сегашна сити галери, која ми изгледа посимпатично сега, отколку кога беше без билборди. Едноставно тој објект ми е најужасен од целиот тамошен комплекс на згради. Од друга страна, големите билборди на зградите се знае зашто се појавуваат-финансии. Па лани еден мој другар се врати од Букурешт фасциниран од големи билборди по зградите. Не значи дека тоа е ок, но не знам зашто на некој би му пречело што бимилк и златен даб се рекламираат на зградиве, затоа што ем им ја покриваат (најчесто немалтерисаната страна) ем зградите зимаат пари. Нека таа новинарка и тие архитекти прошетаат низ скопските згради, па ќе сфатат колку тие кубурат со финансии. Еве и кај мене у зграда ќе се изнајми простор за билборд, затоа што станарите не сакаат да платат ни 100 денари месечно. Прво нека ги натераат станарите да плаќаат, па после тоа нема да има такви џиновски билборди по зградите. Јас сум за тоа секоја зграда да биде накитена со џиновски билборди. Ова ќе го оправда секој што знае како стои со финансии било која зграда во Скопје.
Од друга страна сасвим ок е централното подрачје да биде накитено со билборди и сл рекламни материјали и елементи. Мене повеќе ми сметаат оние обични билборди, за кои деновиве се бараат и нови локации. Кај нас треба да се направат неколку централни места во секоја општина каде ќе се рекламираат фирмите, ко на плоштадот у Охрид, а сите други од булеварите да се тргнат. Може и по некој помал билборд, или најбоље рекламирање на новите постојки. Кај нас поголем проблем се обичните билборди, наместо овие на фасадите.
Можда е глупо да се зема за пример Лондон. али вакво нешто може на плоштад да се направи, а сите останати билборди да се тргнат и фирмите да се насочат на тој мал простор да се рекламираат.
Гитар не можеме ипак да останеме паланка со обични мутави билборди, а за некој покапитален проект-копија од друга метропола сме далеку светлосни години.

Сасвим доволно би бил еден ваков простор, баш рецимо на сити галери.

Фасадите на Илинденска ќе останат крш

Градот сè уште нема ниту проект ниту пресметки колку ќе чини овој зафат, иако пред десет месеци беше најавено дека фасадите ќе се реновираат.



Фасадите на булеварот Илинден и годинава ќе останат крш. Градот нема абер од обнова на бојата на зградите, иако градоначалникот Коце Трајановски лани во август рече дека фасадите мора да се обноват оти даваат грда слика на новиот булевар. Но оттогаш поминаа десет месеци, а надлежните немаат проект ниту, пак, пресметка колку ќе чини освежувањето на зградите со нова боја. Не знаат ниту кога ќе се реализира овој проект.
"Во моментов се прават пресметки колку би чинела евентуалната обнова на фасадите на булеварот Илинден", ни одговорија кусо од кабинетот на градоначалникот Коце Трајановски.
Како што најави лани Трајановски, требаше да се обновуваат фасадите на зградите на потегот од Владата до крстосницата кај фонтаната Лотосов цвет. Станува збор за петнаесетина згради на кои фасадите им се стари и по педесетина години, излупени и исчкртани со графити. Според тогашните најави од Градот, фасадите нема да се реновираат во антички стил, како што е случајот со оние во централното градско подрачје, туку ќе се бојадисуваат во пријатни, пастелни тонови.
Покрај бојадисувањето на фасадите, градоначалникот најави дека автентично ќе се обнови фасадата на зградата која се наоѓа на крајот од оваа делница, односно кај некогашното кафуле "МЦМ".

http://www.vest.com.mk/default.asp?ItemID=7276E26C2BEF5340A0554716F3FDC5FD

Originally posted by Cloverstack Еве го ова троа подсредено во фотошоп. Им се чудам на градскиве власти, зошто едноставно не ги постават на нет оргиналните визуелизациите со кои располагаат (сите), наместо да сликаат табли на градилиште...

Lugje, ova zgrada lici na hotelot vo Pristina sto istotaka dobiva nova fasada..