Скопски сообраќај (општо)

Ova e ulica? Da im bide sram da se falat pred kamerite! A i graganite se nenormalni sto voopsto prifatat vakva ,,ulica,,...

ОТВОРЕНА ЗА СООБРАЌАЈ УЛИЦА ВО КРУШОПЕК

Градоначалникот на Град Скопје, Коце Трајановски, и градоначалникот на Општина Сарај, Блерим Беџети, денеска /22.06.2011 година/ и официјално ја отворија за сообраќај реконструираната улицата Крушопек во селото Крушопек, општина Сарај. Делницата е долга 1.200 метри и широка 4,5 метрим а дополнително се поставени и банкини. Коловозот на улицата е целосно реконструиран, асфалтиран и обележен. Во наредниов период продолжува реконструкцијата на делот од патот кон селото Грчец. На реконструкција на улицата Крушопек работеа екипите на градежната компанија „Пелагонија – Гостивар“. Овој проект е резултат на добрата соработка меѓу Градот Скопје и општината Сарај. Во вкупната вредност на проектот за реконструкција на улицата Крушопек од 14 милиони денари Градот Скопје учествува со 8,5 милиони денари.

http://www.skopje.gov.mk/ShowAnnouncements.aspx?ItemID=4331&mid=482&tabId=1&tabindex=0

Originally posted by N23 Па ако граѓаните 20 години немале улица, ова им е премија. Плус луѓето, особено од руралните подрачја се помалку запознаени со тоа како изгледа вистински направена улица

точно, задоволни се со тоа што нема повеќе да газат кал.

аман бе, до кога ќе прифаќаме с*ања само поради тоа што претходно имало поголеми с*ања, мука ми е од тоа...

Ама луѓе, село е тоа. Значи не станува збор ниту за некоја уличка у населба у Скопје или за градски булевар. Таму им е битно само да имаат асфалт. Па прошетајте низ селава скопски и македонски малце, па секое второ село кука само за асфалт, за да немаат кал коа ќе заврне. Не се ова австриско-словеначко-германски села па да биде педантерија. Отидете за 10 дена у ова село и ќе видите во каква состојба ќе биде патот. кафеав во најмала рака. Нашите села се нечисти, сакале да признаеме или не и секоја ваква инвестиција за нив е и повеќе од одлична, само за да можат наместо на кал да газат на асфалт. Не ги деградирам селата, но реалната ситуација е таква каква што е. Зошто никој не искочи да се буни за ужасноста на Аџиларски, МХЈ, лошото спојување на Партизанска со споредните улици и сл. Не ме сфаќајте погрешно, ама феноменална работа завршил град Скопје што дури и им ставил асфалт, затоа што Скопје е едини главен град у европа кој покрај урбана има и огромен дел на рурална средина, па затоа и се прави пофушерај со помалку пари за да има да се направи и на други места.

Originally posted by N23 Ама луѓе, село е тоа. Значи не станува збор ниту за некоја уличка у населба у Скопје или за градски булевар. Таму им е битно само да имаат асфалт. Па прошетајте низ селава скопски и македонски малце, па секое второ село кука само за асфалт, за да немаат кал коа ќе заврне. Не се ова австриско-словеначко-германски села па да биде педантерија. Отидете за 10 дена у ова село и ќе видите во каква состојба ќе биде патот. кафеав во најмала рака. Нашите села се нечисти, сакале да признаеме или не и секоја ваква инвестиција за нив е и повеќе од одлична, само за да можат наместо на кал да газат на асфалт. Не ги деградирам селата, но реалната ситуација е таква каква што е. Зошто никој не искочи да се буни за ужасноста на Аџиларски, МХЈ, лошото спојување на Партизанска со споредните улици и сл. Не ме сфаќајте погрешно, ама феноменална работа завршил град Скопје што дури и им ставил асфалт, затоа што Скопје е едини главен град у европа кој покрај урбана има и огромен дел на рурална средина, па затоа и се прави пофушерај со помалку пари за да има да се направи и на други места.

Токму за ова зборам. Нели треба да се стремиме кон нешто повеќе? Или нас секогаш малце ни е доволно. Колку да гласа народ на избори. Што е тешко да се направи една права улица, и да се постават рабници? Зошто мора да се чека на нови 20 години за повторно да се преправа улица? Ако се прави, нека се прави за 100 години.

Ова второво, незнам како може да биде оправдување за фушерај.

N23, јасно ми е сето ова што го кажуваш. И не велам дека не си во право. Само сакам да укажам дека со ептен малку повеќе пари, а особено повеќе креативност може да биде многу подобро.

     

ПОКАНА      

Градоначалникот на Град Скопје, Коце Трајановски, утре /29.06.2011 година, среда/ во 11 часот кај објектот „Тифани“ ќе ја посети улицата Даме Груев каде што се во тек градежните работи за реконструкција на нејзиниот коловоз.

По посетата ќе следуваат изјави за медиумите.

Ова значи дека веќе работат на реконструкција на улицата? Ако е така ондак стварно ќе се заокружи убава целина на освежени улици речиси низ целиот строг центар.

Originally posted by FoSsiL Да работат. Денес поминав... Изгребан е асфалтот...

Asfaltot e izgreban pred povekje 4-5 dena


Edited by mirakuliks - 29-Jun-2011 at 09:57

ПРОШИРУВАЊАТА НА БУЛЕВАРИТЕ ЌЕ ГО ОТЕЖНАТ СООБРАЌАЈОТ

Тргни-застани низ центарот до есен

Најкритичен дел ќе останат сообраќајниците од поширокиот центар кои гравитираат кон „Климент Охридски“ и „Теодосиј Гологанов“, а најголемиот товар ќе го понесат булеварите Партизански одреди и Илинденска, каде што ќе биде пренасочен најголем број од возилата
Прав, кал, прекопи и градежни машини ќе бидат заштитен знак на улицата Теодосиј Гологанов и булеварот Климент Охридски ова лето, кои поради проширување на коловозните ленти во одредени периоди ќе бидат делумно или целосно затворени за сообраќај. За да не се најдат во метеж, граѓаните ќе бидат принудени да ги одбегнуваат овие сообраќајници и да ги користат споредните улички, што ќе значи подолго возење и поголема потрошувачка на гориво и на време.

Овие две сообраќајници се последните од годинашниот проект за обнова на улиците во центарот на Скопје, кои градоначалникот Коце Трајановски ги испланира со Буџетот за 2011 година. Имајќи предвид дека се работи за значајни артерии, тие намерно се оставени за крај, кога граѓаните одат на одмор и сообраќајниот метеж е помал.

„Илинденска“ и „Првомајска“ ќе се шират в година

Ситуацијата, сепак, нема да е толку сложена затоа што годинава нема да се реализира најавеното проширување на булеварот Илинден до бензинската пумпа на „Макпетрол“ во населбата Карпош 4. Одложувањето е поради нерасчистени имотно-правни односи на трасата. Проширувањето на Првомајска во Кисела Вода зависи од добивањето на кредитот од Европската банка за обнова и развој од три милиони евра, а во тој случај градежните работи би почнале во октомври.

Најкритичен дел ќе останат сообраќајниците од поширокиот центар кои гравитираат кон „Охридски“ и „Гологанов“, а најголемиот товар ќе го понесат булеварите Партизански одреди и Илинденска, каде што ќе биде пренасочен најголем број од возилата.

За да се избегне метежот, додека траат градежните работи на „Гологанов“ возачите кои се движат кон Козле, Тафталиџе и Карпош како алтернатива може да ги користат улиците Народен фронт и Васил Ѓоргов во Капиштец, како и булеварот Партизански одреди. Оние, пак, кои се движат од Ѓорче Петров кон центарот, наместо „Гологанов“, ќе може да ги користат „Партизанска“ и „Илинденска“.

Малку покомплицирано ќе биде движењето во периодите кога булеварот Климент Охридски ќе се асфалтира и ќе биде затворен за сообраќај. Тогаш за да се стаса од центар до Дебар Маало ќе нема многу варијанти, односно ќе се користат „Рузвелтова“ и „Ленинова“ како и сите помали споредни улички. За движење од Карпош кон Аеродром, пак, метежот може да се избегне преку булеварите Илинденска, Даме Груев и Гоце Делчев.

Градската власт бара разбирање

Во изминативе неколку месеци беше заменет стариот со нов асфалт на неколку улици во централното подрачје: Мито Хаџивасилев-Јасмин, Васил Аџиларски, Кузман Јосифовски-Питу, како и Мостот Гоце Делчев и Мостот на револуцијата кај МАНУ. Граѓаните уште тогаш негодуваа и бараа одговори зошто градската власт не ги почне сите улици наеднаш.

- Невозможно е да се почнат вакви зафати наеднаш, оти тоа ќе предизвикаше голем застој. Впрочем затоа и прво ги завршивме веќе почнатите проекти, а потоа прејдовме на „Гологанов“ и „Климент Охридски“. До есен, делови од овие два булевара ќе бидат затворани во етапи и затоа апелираме до граѓаните да имаат разбирање и да користат алтернативни улици во центарот - вели портпаролот Неделчо Крстевски.

Последен се менува асфалтот на улицата Даме Груев, покрај Градски ѕид, каде што градежните работи треба да бидат завршени до крајот на оваа недела. Со тоа ќе биде ослободен притисокот од возила што е присутен во делот на „Партизанска“ кај Владата и зградата „Тифани“, како и кај трговскиот центар „Палома бјанка“.

Сите наведени инвестиции на градските улици вкупно чинат околу четири милиони евра.

Граѓаните се заштитени - нема повредени

Реконструкцијата на улиците најмалку ги прави среќни пешаците, кои наместа буквално нема каде да се движат. Тротоарите во голем дел од центарот се раскопани, а на некои делови од „Климент Охридски“ и „Теодосиј Гологанов“ воопшто ги нема. Проблем е и што пешачките премини на некои места веќе немаат функција, затоа што завршуваат во рововите што се ископани за новите коловозни ленти.

На прашањето дали смета дека Градот Скопје соодветно ги заштитил пешаците и возачите при реконструкциите, градоначалникот Коце Трајановски изјави дека е задоволен.

- Безбедносните аспекти се запазени и ние досега не сме имале никаков проблем со граѓаните. Немало никаков инцидент ниту, пак, повреди. Ќе продолжиме и натаму со ваквиот степен на заштита. Благодарен сум им на граѓаните што имаат разбирање и што внимаваат. Со тоа самите придонесуваат за побезбеден сообраќај, и оние што возат и оние што се движат пеш - изјави градоначалникот.

Јорданка ИВАНОВСКА

http://www.dnevnik.com.mk/default.asp?ItemID=BF4EF00BB451644BBAFB5611ADC2BB25

Студијата за подземните булевари во сопственост на Градот

Министерството за транспорт и врски бесплатно ќе му го предаде на Градот правото на користење на Студијата за сообраќајниот систем на Скопје. Во рамките на студијата се изработени и идејни проекти за продолжување на булеварот Свети Климент Охридски со тунел под Кале до булеварот Никола Карев и за подземната сообраќајница со почеток од раскрсницата помеѓу „Партизански одреди“ и „Ленинова“ до раскрсницата меѓу булеварите Крсте Мисирков и Кочо Рацин, што ќе минува под плоштадот.

Пред две години Министерството за транспорт и врски порача од шпанската фирма „Идом инженеринг“ да изработи студија за сообраќајниот систем во Скопје, со идејни решенија за двете подземни сообраќајници.

- Идејните проекти за подземните сообраќајници се многу значајни, а со нивна реализација ќе се решат проблемите на стотици илјади граѓани и ќе го подобрат квалитетот на животот. Основната цел на идејните проекти е истражување и добивање оптимална траса на сообраќајниците, утврдување на потребните пари и динамиката на изградбата. Со изградбата на овие подземни сообраќајници ќе добиеме побрз, поевтин, побезбеден сообраќај - се вели во образложението на одлуката за прием на студијата, што денеска ќе биде усвоена на седница на Советот на Град Скопје.

Градските власти ќе ги искористат идејните решенија за да изработат основни и изведбени проекти за изградбата на булеварите.

Оваа студија всушност е долгорочна програма за стратешки развој на транспортната инфраструктура во Скопје, односно неговите патишта, автопатишта, железница и идната лесна железничка мрежа.

- Целта на студијата е да обезбеди развој на инфраструктура која ќе ја олесни употребата и ќе го развие на повисоко ниво транспортот на еколошки начин. Целта не е само да се управуваат постојните или предвидените сообраќајни текови, туку и активно да се обликуваат градските и регионалните структури, така што ќе се задоволат потребите на националната и регионалната економија - се вели во образложението на одлуката.
http://www.dnevnik.com.mk/default.asp?ItemID=317F98C5FFAD97449CCA6FA58063025E