Споменици и скулптури (општо)

Гледав пред некој ден една репортажа од швајцарската телевизија 3Sat, каде што општо се збореше за развојот на градовите на екс Југославија после војната. Значи може да си замислите, претежно се работеше за Белград, Загреб, Сараево и Приштина, но му имаа посветено и на Скопје некои 30-40 секунди каде се спомнува дека Македонија не беше дел од војната и се опишува цитирам: "Еден нов обид на владата на Р.М. преку кичерајски споменици и градби, да се зајакне националната свест на граѓаните.„

Не дека се у право или не се, меѓутоа ако така се пренесува трендот во Скопје на запад.....

Па тоа е муабетот, јас тука живеам (Германија) и баш се имам изнаслушано глупости кога станува збор за некои репортажи за нашиве простори. Ќе се информираат кај некој „експерт„ и ќе си го врзат во крпче како што ќе им биде пренесено.

Само сакав да ја споделам информацијата со вас зашто баш ме вади од кожа такво нешто.

кога ќе прекине опседнатоста за тоа што мисли некој за нас и ќе почне да се мисли на овдешните потреби???

Originally posted by zabegan кога ќе прекине опседнатоста за тоа што мисли некој за нас и ќе почне да се мисли на овдешните потреби???

Па не би рекол јас дека се работи за опседнатост....никој не вика дека треба сега да си ја лупаме сите главата зошто некој на запад не искритикувал.

Поентата е тоа што освен од некои вакви репортажи, ретко кој германец, французин, англичанец би имал било каква претстава за Македонија. И баш преку истите се прави еден вид на антиреклама за нашата држава, што според мое мислење, не би требало да ни биде сеедно.

Секако дека треба да се мисли на овдешните потреби како што посочуваш, меѓутоа зборуваме за две различни работи и едната не ја исклучува другата.

Кратко кажано, да си ја гледаме работата според нашите лични потреби и истовремено да не ја занемаруваме промоцијата на Македонија во странство.


Edited by kire85 - 06-Jul-2011 at 01:43

ако не другите, барем Јустинијан требаше да има простор кој ќе му биде посветен на него, парк, со пешачки простор на пример, нешто слично како Гоце во паркот, има големо значење ако не за националната, барем за локалната историја и култура на градо, и што е најжалосно, има голема површина на неуредено зеленило низ градов, особено и во центарот, и онака направија неколку паркови досега, не знам зошто никој не сака да осмисли и вакво нешто, што е многу поприфатливо

и да разјаснам нешто, гледам сите сте се нафатиле околу барање на некакви симетрии меѓу спомениците... воопшто не се работи за симетрија, туку проблемот е во тоа што некој се обидува цела македонска историја, преку индивидуални споменици да ја спика на 100 метри квадратни, со што дел од спомениците делуваат смешно и отфрлено, а на дел од нив им се дадени централни позиции и огромни споменици, колку и да се обидуваме да бараме оправданија за вакво нешто, едноставно нема логика во сето тоа
ако веќе целта е цела историја да се стави на еден простор, тоа се прави со музеј или комплекс спомен обележје... додека кога се прават индивидуални споменици, се посветува внимание на само еден споменик, на само еден простор и си се бара решенија за цела негова изведба од уметнички аспект... тоа е тоа што иритира кај споменициве, при нивното поставување воопшто не им е посветено внимание, просто личи како напорно да бараат слободни видливи простори за на нив да се крене споменик, не знам за вас, ама тоа за мене е искривување на сликата за сликата за овие личности
плус сето тоа, нервира што споменициве се штанцани, од обидот 1000 споменици да се направат во краток рок и заеднички, ниеден од нив нема своја оригиналност, да не збориме што искористениот стил на сите споменици е еднаков, а тоа е буквален извајан прецизен лик во и постамент од мермери и релјефи, само поради тоа што некој мисли дека тоа е „метрополски“
не знам дали воопшто треба уште еднаш да ги спомнувам просторната вклопеност на некои од спомениците, и нивното значење во однос на веќе дефинирани историски површини, како што е плоштадот „Карпошово востание“

баш поради вакви навидум банални причини, спомениците со кои велиме дека си ја чуваме и почитуваме историјата, губат од својата монументалност и значење, па со тоа се губи и целта и поентата на нивното поставување

Поставен е и металниот дел и на споменикот на Цар Самуил. Не се гледа многу, на крај на лево се гледа малку... стап, а на крајот има крст во круг... незнам какона другначин да го опишам... А ете го и Аце....

Originally posted by zabegan и не се распалувајте одма ако анекој ви го навреди проектов, ќе добиеме разни мислења од секого, од некој позитивно, од некој негативно, не е ништо страшно тоа

А зашто категоризираш одма? Каде имам јас лично кажано дека го поддржувам СК2014?

И јас никаде не гледам дека се "распалувам", мене ми се чини дека ти реагираш емотивно, судејќи според коментаров твој.....


Edited by kire85 - 07-Jul-2011 at 05:23

Св. НАУМ ОХРИДСКИ - ОХРИД

На големиот христијански празник посветен на Наум Охридски Чудотворец, во центарот на Охрид  свечено беше откриен споменикот на светителот кон кој и денес постои голем култ во народот како и пред 11 века кога тој заедно со Св. Климент и другите следбеници на Солунските браќа Кирил и Методиј ја ширел писменоста и духовноста на овие простори.
Беседа за Св. Наум одржа академик Цветан Грозданов, по што споменикот беше осветен со црковна церемонија која ја предводеше архиепископот Охридски и Македонски г.г. Стефан.

Никој толку далеку не ја однесол и славата и вистината на Охрид и нашата вистина и за јазикот и за писмото и за културата и за црквата. Сета наша вистина најмногу отишла далеку благорение токму на овој голем човек, на овој божји угодник и голем  човекољубец, рече архиепископот Стефан.

Бронзениот споменик кој заедно со постаментот е висок 6,5 метри е дело на академскиот скулптор Томе Серафимоски. Тој беше излеан во Белград, а вкупната вредност на проектот изнесува 160.000 евра, кои ги обезбеди Министерството за култура, а со сопствени средства партиципираше и општината Охрид.

Се надевам дека ова дело ќе биде само уште едно потсетување некогаш за нас, а почесто за светот, дека нашите христијански корени се длабоко всадени на овие простори и тие се силата која не одржува низ бурите и невремињата кои поминале или надоаѓаат, истакна градоначалникот на Охрид, Александар Петрески.

Со поставувањето на споменикот на Св. Наум се комплетираше духовниот тријаголник во центарот на Охрид кој го сочинуваат и обележјата на Светите Кирил и Методиј и на Св. Климент. Според најавите на локалната самоуправа, во иднина се очекува по должината на градскиот кеј да бидат подигнати споменици и на Ангелариј, Тимотеј, Сава  и Горазд, кои се исто така меѓу најдобрите ученици на Кирил и Методиј.






Со поставувањето на споменикот на Свети Наум Охридски - Чудотворец комплетиран  е духовниот триаголник во центарот на градот на словенската писменост. Свети Наум гордо ќе стои покрај заштиникот на градот Свети Климент заедно со словенските просветители Свети Кирил и Методиј.

http://ohridnews.com

MALO MALO AMA TEHNICARCE

Edited by zokidac - 07-Jul-2011 at 14:47