Пејсажна архитектура

Message Topic Search Topic Options Post Reply Create New Topic Printable Version

Ако петтиот елемент е Љубовта а истата е извор на животот тогаш тој живот и самата Таа е семето на Природата која не опкружува каде се е симбиотично вплотено, место каде и ние припаѓаме како битија но заради технолошко-социолошкиот бум сме доведени во состојба на се позачестена одвоеност од истата па од таму и потребата од пејсажна архитектура која има за цел да не врати во светот кој изобилува со живот и позитивна енергија, жив свет кој ни дава чист кислород и визуелно-естетска опуштеност на сетилата т.е. да го вклопи тој свет во пренатрупаниот урбан развој. но самото тоа не е доволно за да се задржи мирисот на светлина во нашиот живот за тоа е потребно и малку ангажирање од секого поединечно бар во својот дом како би се развило попрефинето чуство за вреднување и зачувување на Природата и нејзиниот зелен сјај кој го облагородува нашиот простор со радост, смирение и O2... 
Цивилизираниот Човек од секогаш тежнеел да е опкружен со Природата, со пријатниот и свеж мирис на Цвеќето, со дебелите или ретките сенки на Дрвата, со жуборот на Водата... па кога неможел да е сред нив истите ги прибирал при себе во исто време култивирајки ја насобраната флора и фауна.
Најнапред се почнало од Градината и Градинарството за подоцна на негово место природно да се всели естетиката за да денес истата прерасне во пејсажна архитектура. мислам дека е многу е неблагодарно да се категоризира некој период или народ како втемелувачи или носители на Хортикултурата или Хортикултурното уредување, но вистина е дека некои градини и градови имале посебен расцветен сјај па затоа и биле запаметени во народот како што се "Висечките градини на Хамураби"(Babilon), "Градините на Птоломеј"(Alexandria), "Градините на Константинопол"(Byzant), "Градините на Алхамбра"(Granada), " Градините на Daitoku-ji"(Kyoto)... во прилог еве неколку линка за дополнително инфо (History of gardening), Градините на Petra(Nabataea) и Landscape Photo History
Пејсажната Архитектура (Landscape Architecture) е наука и дејност која го проучува пејсажот и неговото дизајнирање-моделирање во просторот кој не опкружува и  во кој се живее. истата во себе ги обединува географијата, хортикултурата, математиката, уметноста, инжинерството и екологијата, а воедно е надополнета и од технолошките, социјалните и политичките науки, како и филозофијата и историјата.
Пејсажната архитектура е професија на уредување на пејсажот, преку планирање, обликување, изградба и одржување на пејсажот. Пејзажните архитекти го унапредуваат квалитетот на животот создавајки убавина и решавајќи ги проблемите во животната средина.
Оваа професија дури во 1867г. е наречена со името "Пејсажна Архитектура". Терминот "Пејсажен Архитект" го официјализирал Frederick Olmsted, американец познат по креирањето на Централ парк во њујорк. Пред тоа, во времето на барокот патот на професијата е трасиран преку работата на познати европски пејсажни дизајнери, како што се Capability Brown, кој ги испроектирал пределите на многу англиски имоти во 18 век и   Andre Le Notre проектантот на елисејските полиња - парковите во Версај. 
Денес пејсажните архитекти можат да обликуваат јавни паркови, плоштади, зелени и рекреативни површини, домашни градини, градини во работна околина и сл., но можат да учевствуваат и во политиката за користење на земјишниот фонд на државата. Нивна задача може да биде одржување на мал простор како на пр. урбана градина, но може и да биде грижа за системот отворени простори на цел град, како и грижа за голем национален парк или за туристичка област - upa.org.yu
Наједноставно и најпрактично е оваа област да се проучува и практикува како Урбана и Рурална, а истите понатаму би се делеле на Макро и Микро Пејсажната Архитектура, каде се земаат различни параметри за планирање и облагородување на просторот... (бидејки доста е пишувано за состојбите во Ск во темата Зеленило во Урбани прашања во оваа тема нема да ги анализирам состојбите кај нас на ова поле само ќе кажам дека пополека почнуваме да ја реанимираме пејсажната архитектура како нешто неодминливо, која заради сплетот од општествена и културолошка транзиција имаше зазамено најспоредно место во нашиот колективен живот...) Урбаната Пејсажна Архитектура е предизвик за секој Пејсажен Архитект, Дизајнер па и Градежен Архитект каде треба доста трпение и истражување, смелост и уметничка инвентивност, пр. за тоа е неодамнешната иницијатива за поставување врби во коритото на Вардар кои пред се ке бидат еден вид на кинетичка скулптура, кои заради повардарецот постојано ке ги вејат своите коси, сцена која тешко се воочува со полн здив доколку врбата е скриена или загушена во и од некое здание, единствено можеби локацијата е преамбициозна бидејќи ќе дојде се пренатрупано а може и треба да се направи проба, па доколку е преоптоварено таму добро би било пр. да се премести тој проект некаде накај владата и калето... Доста пати се случува предизвикот од импровизација да премине во песна, но и од професионалност во лакрдија бидејќи самото изведување на проектот зависи од многу надворешни фактори како географски така и антрополошки, но она што е најбитно е што останува постојано простор за ревидирање и редефинирање на зафатите бидејки во истите проекти нема ниту многу арматура ниту многу бетон па со малку енергија и средства може да се интервенира! 
Кај нас како посебна катедра Пејсажната Архитектура ја нема, единствено се среќава како предмет или во склоп на предметите по факултетите, на Шумарски предметот Пејсаж и дизајн на зелени површини и на Земјоделски предметот Планирање и уредување паркови, додека во Белград има катедра на Шумарски - Пејсажна Архитектура и Хортикултура, а во Загреб катедра на Земјоделски за Krajobrazna arhitektura, додека низ Европа скоро во сите метрополи има факултети за LA - ECLAS European Council of Landscape Architecture Schools...

Edited by beTon - 09-Feb-2009 at 14:57