Рудници и рудни богатства |
Post Reply | Page <1 34567 13> |
Author | |||
Max
Senior Member Joined: 07-Jun-2009 Online Status: Offline Posts: 3664 |
Quote Reply #81 Posted: 06-Jul-2011 at 15:39 | ||
ПРОБИШТИП - минеролошка збирка - http://volanskopje.blogspot.com/2007/07/blog-post_21.html
МИНЕРАЛИТЕ И КРИСТАЛИТЕ ВО МАКЕДОНИЈА - http://my.opera.com/macedonians/blog/show.dml/1732969 тука се набројани повеќето, но има доста и кои не се... http://www.johnbetts-fineminerals.com/jhbnyc/mineralmuseum/gallery2.php?init=&loc=Macedonia http://www2.arnes.si/~ljprirodm1/makedonija.html http://www.mindat.org/loc-14522.html <p align="center">~ еве и битолци имале брдо за сечење, баш ме интересира какви се минерали крие Баирот односно каменот во Облаковска т.е. Снеговска Планина ~ Снеговски Вис http://fokus.mk/bitola-ne-smee-da-stane-chernobil-graganite-na-protest-protiv-noviot-kamenolom/ Edited by Max - 25-Sep-2016 at 19:39 |
|||
S.P.Q.R.
Senior Member Joined: 26-Jan-2010 Location: Prilep Online Status: Offline Posts: 212 |
Quote Reply #82 Posted: 07-Jul-2011 at 00:56 | ||
Рудникот за мермер во близина на Прилеп Сивец
01. Влезот од магистралниот пат М5 02. |
|||
Македонија е во дилема дали да одбере ужас без крај или ужасен крај
|
|||
axel
Senior Member Joined: 08-Dec-2009 Location: kumanovo Online Status: Offline Posts: 3654 |
Quote Reply #83 Posted: 15-Jul-2011 at 13:03 | ||
Бакарот од Кадица ќе ја подобри националната економијаМинистерството за економија очекува експлоатацијата на бакарот од Кадиица-Пехчево значително да влијае не само на регионалната, туку и на националната економија. Вчера, претставници од сектор за минерални суровини беа на терен каде се извршуваат геолошките истражувања, а остварија и средба со градоначалникот на Пехчево, Јован Станоевски и директорот на „Кадиица – метал“ Николајчо Николов. Раководителот на секторот, Ејуп Љатифи, го истакна значењето на проектот за испитување на Кадиица и изрази задоволство од досегашниот тек на активностите и од поддршката што ја дава општината за поинтензивни истражувања на терен. Директорот на Кадиица, Николајчо Николовски, потенцираше дека во текот на 2011 предвидено е да се комплетираат сите хидро геолошки истражувања, а до крај на 2012 да биде готов елаборатот за детални геолошки истражувања, кој ќе биде основа за добивање концесија за експлоатација. - Да видиме какви се точно потенцијалите и каква технологија треба да направиме, рече Николачјо Николовски. Според Николовски, сите испитувања ќе бидат завршени во предвидениот рок, во многу поголем обем од првично предвидените. http://www.time.mk/read/NONE/c494f32f6d/index.html |
|||
axel
Senior Member Joined: 08-Dec-2009 Location: kumanovo Online Status: Offline Posts: 3654 |
Quote Reply #84 Posted: 17-Jul-2011 at 09:29 | ||
Рудник што живот значиБакарот од пехчевска Кадиица излегува на површина гарантирајќи економска ренесанса на Малешевијата. Сиромашната малешевска општина Пехчево чека да завршат геолошките истражувања што ги врши „Кадиица метал“.
Истражувањата на „Кадиица метал“, фирма од семејството на руски „Солвеј“, се основа за почеток на експлоатација на рудното богатство, што ќе значи нови работни места и економска перспектива за крајниот исток на Македонија. И 24-годишниот Сашко Стојановиќ, кој во моментов работи како таксист, се надева дека рудникот ќе го врати животот и ќе го сопре иселувањето на младите: „Со градежништво и такси се вози тоа е, слабо за друга работа, има иселување... Рудникот дава многу надеж“, вели Стојановиќ. Старт на подобар живот? Во Пехчево, со околу 6000 илјади жители, има повеќе невработени од вработени. Крајниот исток на Македонија ќе се развие, доколку почне експлоатација на бакар Евиденцијата вели дека вработени се само 1000 лица, а невработени - 1500. Сиромашна е понудата за вработување на младите. Бомекс, Напредок, Фагус и една конфекција - тоа се фирмите кои ги хранат пехчевските семејства. Бенефитот од природното рудно богатство веќе го чувствува буџетот на општината. На сметката на општина Пехчево се инкасирани 120 илјади евра, пари од концесијата за геолошки истражувања, кои претставуваат половина од буџетот на сиромашната општина. Општината ги искористи за решавање на инфраструктурните проблеми, вели градоначалникот Јован Станоевски: „Ова, не само за Пехчево, туку и за Малешевијата и за Истоков, ќе биде една каписла, подем што треба да го подобри животот на луѓето“, проценува Станоевски. Истражувањата ќе завршат за една година Бакарот на Кадиица е детектиран уште пред 10 години. Геологот проф.
Марин Александров, кој ги вршел првите геолошки истражувања, е убеден
дека тука има 250 милиони тони бакар во форма која е многу лесна и
економична за добивање: Николајчо Николов, управник на „Кадиица метал“, вели: „Очекуваме дека ќе се утврди големо количество рудни богатства и нашиот план е овде да се развие нова технологија - подземно лужење, да нема деградирање на просторот. Бучим е отворен рудник, главно сите рудници на бакар се отворени, а овде треба да биде внатре во самиот рудник, од каде ќе се добива готов бакар.“ Истражувањата треба да завршат во 2012 година, по што ќе се започне со постапката за отворање рудник. Русите од „Солвеј“ најавуваат инвестиција од над 100 милиони евра, а во зависност од применетата технологија за експлоатација, ќе има најмалку 100 директни вработени. Во моментов се вршат геолошки истражувања на бакар и во месноста Боров Дол, во атарот на Штип и Конче. http://www.time.mk/read/6297900fac/e3ed9fc0fc/index.html |
|||
axel
Senior Member Joined: 08-Dec-2009 Location: kumanovo Online Status: Offline Posts: 3654 |
Quote Reply #85 Posted: 03-Aug-2011 at 17:13 | ||
СТРАНСКА ИНВЕСТИЦИЈА ВО КОЧАНСКО Германец отвора рудник на Осогово Пред отворањето на рудникот, германскиот инвеститор деновиве ја заврши реконструкцијата и тампонирањето на патот меѓу селата Рајчани и Спанчево, долг 8,5 километри, по кој досега можеа да минуваат само теренски возила и трактори По три месеци, кај кочанското село Пантелеј ќе почне да работи рудник
за габро, кој треба да вработи педесетина луѓе од овој пасивен
осоговски крај. Инвеститор е Германецот Гинтер Капраун, кој во
Македонија дојде пред три години и отвори канцеларија на неговата фирма.
Германскиот бизнисмен досега во Германија увезувал габро од
Јужноафриканската Република, а во иднина ќе користи таков камен од
Осогово. |
|||
Max
Senior Member Joined: 07-Jun-2009 Online Status: Offline Posts: 3664 |
Quote Reply #86 Posted: 05-Aug-2011 at 15:17 | ||
http://www.envsec.org/publications/Identification%20and%20verification%20of%20environmental%20hot%20spots.pdf [1][2][3] |
|||
Cloverstack
Admin Group Joined: 01-Sep-2007 Location: Скопје Online Status: Offline Posts: 12453 |
Quote Reply #87 Posted: 05-Aug-2011 at 21:11 | ||
Рудник за јаловина
|
|||
kultuzin
Senior Member Joined: 07-Nov-2010 Online Status: Offline Posts: 3811 |
Quote Reply #88 Posted: 05-Aug-2011 at 22:40 | ||
Ова ми е многу позната ситуација , иде Германец да ивестира во Македонија , пред да почне да работи се најдобро , тука се веднаш огромен број пријатели, луѓе кои ти го прават интересен престојот во Македонија и се е како еден прекрасен сон, секако додека не почнеш со работа е тука почнува хоророт наречен Македонска Администрација и Македонски фирми со кои ќе соработува човекот. Да се надеваме дека работите се смениле во мегувреме но од тоа што го имам со совои очи видено и слушнато ретки се позитивните примери за вакви помали странски инвеститори во Македонија. |
|||
axel
Senior Member Joined: 08-Dec-2009 Location: kumanovo Online Status: Offline Posts: 3654 |
Quote Reply #89 Posted: 12-Aug-2011 at 10:43 | ||
Еуромакс Рисорсис“ откри нови наоѓалишта на злато и бакар во ИловицаКанадската компанија „Еуромакс Рисорсес“ која веќе 6 години го истражува рудното наоѓалиште Иловица во југоисточна Македонија, на само 20 километри источно од автопатот кон Грција, ги објави резултатите од последните три дупчења, извршени во изминатите неколку месеци. Според нив, при првото дупчење на длоабочина од 187 метри, откриени се наслаги на бакар во износ од 0,29 отсто и злато во износ од 0,46 грама на тон. При второто дупчење, на слична длабочина од 187,4 метри се откриени се наслаги на бакар во износ од 0,23 отсто и наслаги на злато во износ од 0,39 грама на топ. Третото дупчење на длабочина од 162 метри покажало наоди од 0,18 отсто бакар и 0,25 грама злато на тон. Сите три дупчења се вршат на исток од досегашните. - Овие три дупчења претставуваат проширување на наоѓалиштето и тоа за дополнителни 150 метри во источна насока – изјави д-р Квинтон Хених, технички советник на компанијата, кој додава оти е јасно дека наслагите продолжуваат во источна насока. Ова значи, додава тој и дека нашата истражувачка програма за дупчење сега има зголемена површина од 20 до 25 отсто. Дополнителни дупчења ќе бидат извршени на длабочина од 4 илјади метри кои ќе обезбедат дополнителни податоци. Иловица е наоѓалиште на бакар и злато, дел од пошироко вакво наоѓалиште во Македонија и Грција, кое го вклучува и наоѓалиштето Скоуриес во Грција каде се откриени 4 милиони унци (околу 124,4 тони) злато и 800 илјади тони бакар. Месноста Иловица е лсено достапна и се наоѓа на само 75 километри од солунското пристаниште. Примероците од материјалите извадени од под површината на земјата се тестирани од страна на лабораторијата „Еуротест Контрол“ во Софија, која има ИСО9001 сертификат и која строго ги спроведува меѓународните стандарди, се вели во соопштението на „Еуромакс Рисорсис.“ Според прелиминарната студија на компанијата, на локацијата Иловица се смета дека е можно постоење на наслаги од над 725 илјади тони бакар, над 82 тони злато и над 15 ијлади тони молибден. Проектот Иловица се однесува на истражувачка концесија со големина од 5 километри квадратни. Компанијата, исто така, е во процес на поднесување на барање за концесија за експлоатација, која би можела да биде доделена до крајот на годинава или на почетокот од идната година. Канадската компанија е фокусирана на истражување на скапоцени и основни метали во Југоисточна Европа и работи на различни проекти во Бугарија, Србија и Македонија. http://www.plusinfo.mk/vest/11256/Euromaks-Risorsis-otkri-novi-naogjalishta-na-zlato-i-bakar-vo-Ilovica |
|||
axel
Senior Member Joined: 08-Dec-2009 Location: kumanovo Online Status: Offline Posts: 3654 |
Quote Reply #90 Posted: 15-Aug-2011 at 13:51 | ||
Бучим отвора фабрика за катоден бакарНа 28. август, Денот на рударите, раководството на радовишкиот рудник Бучим ќе ја пушти во употреба фабриката за лужење бакар, како и за производство на катоден бакар. “Речиси една година ја градиме фабриката, во која инвестиравме 11 милиони евра. Планираме да вработиме околу 60 луѓе. Според првичните проценки, планираме годишно да произведуваме околу 2.500 тони бакар, кој целосно ќе биде наменет за извоз. Веќе имаме и склучено договори за извоз”, вели Николајчо Николов, заменик-генерален директор во Бучим. Од Бучим
веќе ги прават деталните геолошки истражувања на локалитетот Боров дол
кај Радовиш. Покрај Боров дол, Бучим доби и концесија за истражување на
локалитетот Кадиица кај Пехчево. Двегодишните истражувања треба да
покажат дали ќе никнат рударски окна за ископување бакарна руда. Со
можното отворање на две нови рудни наоѓалишта векот на работа на
радовишки Бучим ќе се зголеми за 20 години. Двете концесии Бучим го
чинеле 200.000 евра, но Николов додава дека оваа инвестиција е
неспоредлива со придобивките кои ги очекуваат доколку откријат нови
наоѓалишта на бакарна руда. |
|||
axel
Senior Member Joined: 08-Dec-2009 Location: kumanovo Online Status: Offline Posts: 3654 |
Quote Reply #91 Posted: 23-Aug-2011 at 15:41 | ||
Рудникот за бакар и злато „Бучим“ од Радовиш на 28 август, Денот на рударите пробно ќе ја пушти новата фабрика за лужење и производство катоден бакар.Заменик менаџерот на рудникот „Бучим“, Николајчо Николов вели дека новата фабрика ќе се пушти во пробно производство, а првото добивање на готов производ, односно на катоден бакар ќе се произведе до крајот на годината.- Инвестицијата е вредна 11 милиони евра и очекуваме со сегашната цена на бакарот, кој на светските берзи изнесува 9 000 долари по тон да се исплати за три до четири години. Годишно во новата фабрика за лужење и производство на катоден бакар ќе се произведува околу7 2 500 тони катоден бакар, вели Николов. Тој додава дека во новата фабрика ќе се преработува оксидната руда од рудното тело „Вршник“, кое е во рамките на концесиското подрачје на „Бучим“. Во новата фабрика за лужење и производство на катоден бакар ќе се вработат 65 работници. - Имавме голем интерес за вработување во новата фабрика еве за 47 слободни места конкурираа 540 кандидати. Во рудникот „Бучим“ просечната плата на вработените е 440 евра, вели Николов. Тој додава дека во тек е монтирањето на современата опрема за лужење и производство на катоден бакар во новата фабрика. http://kurir.mk/makedonija/vesti/40105-Bucim-na-Denot-na-rudarite-ja-otvara-novata-fabrika |
|||
axel
Senior Member Joined: 08-Dec-2009 Location: kumanovo Online Status: Offline Posts: 3654 |
Quote Reply #92 Posted: 28-Aug-2011 at 16:47 | ||
Во рудникот за бакар и злато „Бучим“ во Радовиш, денеска се одржа централната манифестација по повод Денот на рударите, при што беше отворена новата фабрика за лужење и производство на катоден бакар.Новата фабрика во која што се инвестирани 11 милиони евра во пробна работа ја пуштија вицепремиерот и министер за финансии Зоран Ставрески и извршниот директор на рудникот „Бучим“ Василиј Борутскиј. Тој истакна дека со отворањето на новата фабрика, освен што ќе се добијат економски бенефиции, се вложува многу и во заштита на животната средина бидејќи, како што рече, се решава проблемот со отпадните води. - Во оваа нова фабрика ќе се преработува еден милион оксидна руда, а ќе се произведува од 2.000 до 3.000 тони катоден бакар. Да напоменам дека во оваа фабрика исто така имаме вработување на 60 до 70 работници од кои веќе 50 почнаа со работа во нашиот Комбинат, вели Борутскиј. Вицепремиерот Зоран Ставрески смета дека сигурни услови за работа и реални плати се добра основа за развој на рударството. - Во Република Македонија постојат околу 100 рудници во кои се вработени над 8.000 лица, додека рударството зафаќа скоро третина од индустриското производство во земјава. Професијата рудар, според сите истражувања, е една од најтешките во светот. Сигурни услови за работа и реални плати се основа за развој на оваа гранка, рече Ставрески. Тој додаде дека последните податоци за раст на индустријата од 8,6 отсто на годишно ниво кај него влеваат голема доза на оптимизам бидејќи, како што рече, и покрај економската криза која му се случи на светот, набргу македонската економија и индустрија може да очекуваат подобри времиња. Првите седум месеци годинава, додаде, забележан е раст од косоро 10 насто во рударството. Денеска министерот за економија Вељон Сарачини на најдобрите рудари од целата земја им додели признанија. Тој посочи дека во подготовка е нов закон за минерални суровини. http://www.kurir.mk/makedonija/ekonomija/40577-Otvorena-nova-fabrika-za-proizvodstvo-na-bakar-vo-Bucim |
|||
axel
Senior Member Joined: 08-Dec-2009 Location: kumanovo Online Status: Offline Posts: 3654 |
Quote Reply #93 Posted: 02-Sep-2011 at 15:15 | ||
Чист бакар „Made in Macedonia“Рудникот „Бучим“ направи сефтеРекордната цена на бакарот и на златото на светските берзи на метали го поттикна рудникот „Бучим“ на нови инвестиции и истражувања. Доколку започнатите геолошки истражувања ги потврдат очекуваните резерви, руската компанија “Солвеј“, која е сопственик на “Бучим“ и на “Саса“, ќе отвори рудник за бакар кај Пехчево, како и во месноста Боров Дол во близината на Радовиш, за што вкупно би требало да бидат инвестирани околу 170 милиони евра. “Со инвестицијата во вредност од 11 милиони евра се отвораат нови работни места и се воведува нов технолошки процес за оксидната бакарна руда. На овој начин годишно дополнително ќе произведуваме и ќе извезуваме по две-три илјади тони бакар, и тоа како готов производ“, вели Николајчо Николов, заменик-директор на рудникот “Бучим“ од Радовиш. Поради светската економска криза и постојаните осцилации на цените на металите на берзите во светот, рудниците во Македонија во текот на 2008 и 2009 година се соочуваа со сериозни проблеми во своето работење. Меѓутоа, кон крајот на 2009. тие се стабилизираа, а лани значително се зголемија. Инаку, металската индустрија на светско ниво во 2010 година забележа пораст од 9,2 отсто, со што целосно се надомести падот во 2009. Ваквите позитивни движења на металите на светските берзи имаа влијание и врз домашните рудници кои го зголемија своето производство и учеството во вкупниот извоз, кое се движи околу 50 проценти. Во 2009 година вкупното производство на “Бучим“ изнесуваше шест милиони тони, во 2010. - 14,5 милиони, а во 2011 се очекува тоа да изнесува 15,5 милиони тони. Со максимална искористеност на капацитетите во рудникот може да се произведуваат од 4,2 до 4,3 милиони тони руда годишно. Најголемиот рударски капацитет, рудникот за бакар “Бучим“ кој во 2009 година поради кризата имаше прекин во работењето, сега работи со полн капацитет и има зголемен обем на производство. Патем, цената на бакарот на светските берзи се движи од 9 до 10 илади долари за тон, а за време на кризата таа изнесуваше 2.700 долари за тон. Од друга страна, по подолг застој, на почетокот на 2011 година беа доделени 300 концесии за детални геолошки истражувања, кои ќе овозможат отворање на нови рудници. Експертите сметаат дека ова е добро за Македонија, бидејќи во последните 20 години не е отворен ниеден рударски капацитет. Како резултат на доделените концесии, за две-три години може да очекуваме отварање на нови рудници, посебно за бакар, за кој се доделени три концесии. “Доколку цената на светските берзи остане на ова ниво може да се очекуваат нови вложувања во рударството. Перспективата на македонското рударство треба да се гледа токму во зголемување на вложувањата и во интензивен развој на производството. Од новите вложувања во рударството интерес ќе имаат не само општините, туку и економијата во целост“, вели Николов. Почнувајќи од 2005 година, со рестартирање на рудниците за бакар, олово и цинк, рударското производство во Македонија почна постепено да се стабилизира. Најголемо влијание врз заживување на овој сектор и подобрување на производствените резултати имаа странските директни инвестиции. Расте цената, расте производството Во 2009 година вкупното производство на “Бучим“ изнесуваше шест милиони тони, во 2010. - 14,5 милиони, а во 2011 се очекува тоа да изнесува 15,5 милиони тони. Со максимална искористеност на капацитетите во рудникот може да се произведуваат од 4,2 до 4,3 милиони тони руда годишно. Најголемиот рударски капацитет, рудникот за бакар “Бучим“ кој во 2009 година поради кризата имаше прекин во работењето, сега работи со полн капацитет и има зголемен обем на производство. Патем, цената на бакарот на светските берзи се движи од 9 до 10 илади долари за тон, а за време на кризата таа изнесуваше 2.700 долари за тон. http://www.time.mk/read/NONE/a95c23cfbf/index.html |
|||
Cloverstack
Admin Group Joined: 01-Sep-2007 Location: Скопје Online Status: Offline Posts: 12453 |
Quote Reply #94 Posted: 17-Oct-2011 at 11:26 | ||
|
|||
axel
Senior Member Joined: 08-Dec-2009 Location: kumanovo Online Status: Offline Posts: 3654 |
Quote Reply #95 Posted: 26-Oct-2011 at 19:01 | ||
Австралиската „Пела Рисорсис“ ќе бара антимон кај Крива ПаланкаАвстралиската фармацевтска компанија „ФармАуст,“ со седиште во Субиако, Западна Австралија, ја извести Австралиската берза дека филијалата во Македонија, „Пела Рисорсис,“ која е во нејзина целосна сопственост, неодамна поднесе апликација до македонското Министерство за економија за вклучување на елементот антимон (ознака во системот на елементи – Sb, атомски број 51) на листата на суровини за истражување на локацијата Лука Река (или Лучка Река, притока на Пчиња), на крајниот североисток на земјата на границата со Србија и Бугарија. Големината на областа, за која „Пела Рисорсис“ има добиено лиценца за истражување на скапоцени и основни метали, е со површина од 29,33 километри квадратни во општина Крива Паланка и е добро сервисирана со пристапни патишта, електрична енергија од националната мрежа и големи количества на вода. Границата со Србија ја дефинира северната маргина на областа, а граничниот премин со Бугарија е на 20 километри на југоисток. Откако апликацијата ќе биде одобрена, „Пела Рисорсис“ ќе започне истражувања во напуштениот рудник за антимон, Крстев Дол, кој се наоѓа во реонот за кој компанијата веќе има добиено лиценца. Апликацијата беше поттикната од неодамнешниот светски интерес за наоѓалишта на антимон, се вели во соопштението на компанијата до Австралиската берза. Цените на антимонот за купување на лице место во Кина се зголемени драматично годинава и носат приходи од 13.600 до 14.200 долари за тон антимон со стандарден квалитет. Рудникот за антимон, Крстев Дол, сега веќе напуштен, се наоѓа во рамките на областа за која компанијата веќе има добиено концесија, бил оперативен во периодот од 1970-79 година, кога се произведувала руда со концентрација од 2,32 отсто антимон. Концентратот бил произведуван на лице место со флотација. Стапките на производство биле скромни по западни стандарди и најголем дел од изнајдените резерви (чиј обем не е рангиран според најновите светски рударски стандарди) не биле ископани кога операциите престанале во 1979 година заради намалените цени на светските пазари. Во моментов, Кина снабдува три четвртини од вкуното светско количество на антимон, додека остатокот пристигнува од Русија, Јужна Африка, Таџикистан и Боливија, изјави извршниот претседавач на „ФармАуст,“ Брајант Мекларти во соопштението на компанијата до Австралиската берза. Инаку, антимонот е токсичен хемиски елемент, има сива боја и форма на металоид, а во природата се наоѓа, пред се, како сулфиден минерал стибнит. Иако употребата на антимонот е ограничена заради неговата токсичност, неговите соединенија се од фундаментално значење во хемијата – истакнат пример е развојот на суперкиселините кои се добиваат од антимон пентафлуорид. Исто така, соединанијата кои содржат антимон се ретарданти на оган (спречуваат појава на пожари) и се дел од многу комерцијални приозводи, како и производи за домашна употреба. Некои легури се употребуваат во одбраната и се користат во зрната на куршумите за зголемување на густината на нивниот врв. Нова апликација на антимонот е и неговата употреба во микроелектрониката. Пораширена упореба во последно време е кај новите автомобили, кај кои се употребува пластика во шасијата наместо железо. Таа пластика се меша со антимон за да се спречи евентуален пожар. Кога шасијата е од метал, тоа не е потребно, зашто металот не гори, но елементите од пластика можат да се запалат во одредени случаи и затоа тие се мешаат со антимон. http://www.plusinfo.mk/vest/20337/Avstraliskata-Pela-Risorsis-kje-bara-antimon-kaj-Kriva-Palanka |
|||
axel
Senior Member Joined: 08-Dec-2009 Location: kumanovo Online Status: Offline Posts: 3654 |
Quote Reply #96 Posted: 03-Nov-2011 at 11:18 | ||
„Еуромакс“ откри нови концентрации на злато и бакар во ИловицаКанадската компанија „Еуромакс Рисорсис,“ која истражува бакар и злато во месноста Иловица, северно од границата со Грција и на околу 20-ина километри источно од Коридорот 10, објави дополнителни резултати од најновите дупчења, кои покажуваат добар континуитет во минерализацијата и конзистентни концентрации. Во првата дупка, резултатите вклучуваат 345 метри бакар со концентрација од 0,24 отсто и злато во износ од 0,32 грама на том, како и 153 метри концентрации на бакар од 0,3 отсто и злато во износ од 0,45 грама на тон. Во втората дупка, која се наоѓа на јужниот квадрант од наоѓалиштето, се откриени 413,6 метри сулфидна минерализација до нивото од 0,19 отсто бакар и 0,20 грама злато на тон. Резултатите од третото дупчење ќе бидат објавени во декември. „ЕуроМакс“ го презеде наоѓалиштето од друга меѓународна рударска компанија, чие име не е наведено, но која има право да си го поврати по извршените испитни дупчења, при што може да преземе 70 отсто од него или целосно да се откаже од сите права. Ако се одлучи на извршување на опцијата за поврат на наоѓалиштето, тогаш треба да откупи 70 отсто и двојно да ги покрие трошоците за дупчење од „Еуромакс“, кои досега изнесуваат 3 милиони долари. Во тој случај, „Еуромакс“ ќе поседува 30 отсто од наоѓалиштето до завршувањето на физибилити студијата. Канадската компанија во регионов работи на три наоѓалишта во Македонија, Србија и Бугарија. http://www.plusinfo.mk/vest/21250/Euromaks-otkri-novi-koncentracii-na-zlato-i-bakar-vo-Ilovica |
|||
axel
Senior Member Joined: 08-Dec-2009 Location: kumanovo Online Status: Offline Posts: 3654 |
Quote Reply #97 Posted: 04-Nov-2011 at 14:47 | ||
Кај Иловица ќе никне голем рудник за бакар и за злато Мостри од рудата во Иловица се испитувани во Софија, во најсофистицирана лабораторија за метали Иван Бојаџиски |
|||
gjoko
Senior Member Joined: 18-Jun-2011 Location: kicevo Online Status: Offline Posts: 6554 |
Quote Reply #98 Posted: 04-Nov-2011 at 22:55 | ||
Македонија ја поседува најголемата тајна на човештвото
Петок, 04 Ноември 2011 16:17 Сподели Споделете ја веста со Вашите пријатели На територијата на Република Македонија постојат богатства кои ги нема ниту во една друга земја. Ова мало парче земја својата убавина и вредност ја потврдува гордеејќи се со сето она што може да се најде на нејзино тло. Алшар е рудник на планината Кожуф во кој за првпат е откриен талиумовиот минерал лорандит. Денешното име на рудникот е кратенка од првите букви на имињата на луѓето што управувале со него во првата половина на 20 век: Алатини, француско банкарско семејство и Шарто, рударскиот инженер. Во 1986 година, тогашната југословенска власт го почнала проектот „Лорекс“, во кој биле вклучени десетина научни институции од Словенија, Хрватска и Македонија. По распадот на СФРЈ, сите активности околу рудникот се запрени. Денес, Министерството за животна средина се обидува за Алшар да издејствува статус на заштитено подрачје. Алшар е единственото наоѓалиште на талиум во светот. Tалиумот е цврст сив метал и е токсичен. Употребуван е во електронската индустрија и за изработка на стакло. Исто така е употребуван и во отров за глувци и инсектициди. Лорандит или талиумов арсеничен сулфат (TlAsS2) е минерал и за првпат е пронајден во Алшар. Крстен е по унгарскиот научник Лоранд. Лорандиот е редок минерал со кој се смета дека би можело да се дојде до бесплатна енергија. Се смета дека го има само во Македонија а можеби и во Шри Ланка.Во 1978 е одржана тајна седница на владата на СФРЈ на која се разговара за тоа дали рудикот Алшар да и се препушти на НАСА за да врши истражувања која наводно би го користела лорандитот за вселенески истражувања. Во македонскиот рудник Алшар на Кожуф има и лорандит, минерал на талиумот, кој служи за да се детектира, да се лоцира неутринот, кој пак има директно потекло од Сонцето и единствено на планетата го има тука. Талиумот во Алшар, а со тоа и неутринот, по своето количество е светски, планетарен раритет. Ако се успее да се одвои неутринот од талиумот, нашата планетарна наука ќе ги разбере процесите со чија помош се генерира енергијата на Сонцето. Футурустички, ако во тоа успееме, човекот, буквално, ќе може да произведува мали сонца, кои по негова желба, ќе можат да се палат и да се гасат. Овој рудник во светската наука е извор за проучување на минатото и на иднината на вселената. Рудникот Алшар се наоѓа триста метри од малото село Мајден, на во длабочината на Кожуф, во Општина Конопиште. Во неговата внатрешност се влегува низ осум широки отвори во земјата. Во него, над пет илјади години се копа злато, талиум, кристали на лорандитот, антимон кој служи за легирање на тешкото оружје и други минерали што ги има само во овој рудник. Два од осумте отвори на јамите од подземните копалишта се долги шест илјади метри со калдрма, денес многу оштетена. Познати светски геолози овој рудник го нарекуваат најчувана тајна на нашата планета. Некои него го вреднуваат и како најголема тајна на човештвото, бидејќи во неговата утроба, наводно, се криела тајната на постанокот на космосот и на Сончевиот систем! Рудникот "Мајден" го добил името Алшар според презимето на првите странски сопственици, Французите Алатини и нивниот инженер Шарито, кои овој рудник го експлоатирале меѓу 1913 и 1923 година. Меѓу другото, тие рудата антимон, со највисок квалитет, ја користеле за потребите на француската воена индустрија за изработка на челични цевки на топови. Антимонот и другите ретки руди од Алшар биле познати уште во времето на првите човекови цивилизации. Лево, на двесте метри од Алшар има еден вечно зелен рид на кој не смее да стапне ниту човекова нога ниту преживари. Во земјата на ридот има талиум, отров многу поопасен и од арсенот (го има во помали количества), од кој, ако се внесе во организмот го соборува секој крупен добиток што се напасува таму. Уште полево од Алшар и од ридот, се наоѓаат извори со топла вода, а наспроти нив, на крајот на селото Мајден, селаните експлоатираат некаков бел минерал со кого ги перат алиштата, ги мијат садовите и ги чистат сите простории во своите домови. Овој природен правкаст минерал го има во неограничени количества. Волшебниот маѓепсан терен околу Алшар, познат меѓу староседелците како Црвена Долина, е вистинска енигма за научниците. Тоа е исто така значаен флористички локалитет којшто се карактеризира со присуството на растителните видови: алшарска темјанушка (Viola allchariensis) и арсенската темјанушка (Viola arsenica), кои претставуваат македонски ендемити. Локалитетот, под името Алшар, е запишан во Списокот на CORINE биотопи за Македонија ПС.лупаат зелени со бескрајната и ефтина енергија.Лорандинот само го детектира неутриното,незначи и дека се добива вештачко сонце.ако на пример јас детектирам Ферари,незначи и дека ќе го има фераритоhttp://kurir.mk/makedonija/vesti/48506-Makedonija-ja-poseduva-najgolemata-tajna-na-covestvoto Edited by gjoko - 04-Nov-2011 at 22:56 |
|||
axel
Senior Member Joined: 08-Dec-2009 Location: kumanovo Online Status: Offline Posts: 3654 |
Quote Reply #99 Posted: 10-Nov-2011 at 17:32 | ||
Завршено истражувањето на локалитетот „Боров дол“Археолозите од Заводот за заштита на споменици и Музеј на град-Штип завршија со археолошките истражувања на локалитетите Падарница и Камено, кои се наоѓаат на рударското наоѓалиште за бакар „Боров дол“.Заменик директорот на рудникот „Бучим“, Николајчо Николов информира дека на денешната средба со претставниците од ЗЗС и Музеј на град Штип и претставници од Министерството за култура е соопштено оти овие два локалитети се истражени и раководтсвото на рудникот може да почне со постапката за барање за проширување на рудното наоѓалиште „Боров дол“. - Овие два локалитети не се наоѓаат во нашето концесиско подрачје. Рудникот „Бучим“ сега ќе бара од Владата да се прошири нашето концесиско подрачје или да распише тендер. Нашиот рудник во археолошките истражувања на овие два локалитети финансираше 60.000 евра, вели Николов. Тој додава дека новиот рудник „Боров дол“, кој се наоѓа во општините Конче и Штип, ќе овозможи да се продолжи векот на радовишкиот рудник за бакар „Бучим“ од 2020 до 2030 година. Археолозите ќе истражуваат и на локалитетот „Вршник“, кој е дел од концесиското подрачје на рудното наоѓалиште „Боров дол“. Николов најави дека средствата за истражувањето и на овој локалитет ќе бидат обезбедени од „Бучим“. Новото рудно наоѓалиште „Боров дол“, се наоѓа во непосредна близина на рудникот „Бучим“ и засега се претпоставува дека има рудни резерви од 40 милиони тони бакар. http://kurir.mk/republika/opstini/49264-Zavrseno-istrazuvanjeto-na-lokalitetot-Borov-dol |
|||
axel
Senior Member Joined: 08-Dec-2009 Location: kumanovo Online Status: Offline Posts: 3654 |
Quote Reply #100 Posted: 13-Nov-2011 at 12:30 | ||
еве нешто за соседите чисто колку да се информираме,нека остане забележано
rijednost rudnih nalazišta do 1.000 milijardi dolaraBEOGRAD, Procjenjuje se da vrijednost nalazišta olova, cinka, srebra, nikla, mangana, molibdena i bora na Kosmetu iznosi i do 1.000 milijardi američkih dolara, piše beogradska “Politika”.
List navodi da je rudarski basen “Trepče” u ovom trenutku “izrešetan” istraživačkim tačkama moćnih korporacija. Američka globalna korporacija za istraživanje rudnog bogatstva “Avrupa minerals” nedavno je objavila da je “evropski najproduktivniji region za olovo i cink” oko Kosovske Mitrovice, gdje je početkom februara 2010. godine počela istraživanja na četiri nalazišta srebra, olova i cinka. Korporativni stručnjaci za rude i minerale krajem 2008. godine procijenili su da u “Trepči” rezerve olova iznose 425.000 tona, cinka 415.000 tona, srebra 800 tona, nikla 185.000 tona i kobalta 6.500 tona, dok su u rudniku “Grebnik”, južno od Gline, dokazane rezerve 1.700.000 tona boksita. “Grebnik” bi, prema pisanju lista, mogao da proizvede 425.000 tona aluminijuma, dok su do sada utvrđene rezerve feronikla na Kosmetu 15.000.000 tona, ali se procjenjuje da su i mnogo veće. “Volstrit žurnal” objavio je u julu vijest da je izaslanik svjetskog finansijskog magnata Džordža Soroša prošle godine bio pet puta na Kosmetu u društvu albanskog milijardera Sahita Muje, s kojim Soroš hoće da eksploatiše kosmetski lignit, procijenjen na vrijednost veću od 300 milijardi dolara. Izvršni direktor korporacije “Albanski minerali” Sahit Muja, kao ni Soroš nemaju u vidu samo ugalj, već i olovo, hrom, cink, zlato, srebro, bakar, nikl i druga bogatstva, naveo je “Volstrit žurnal”. List podsjeća na tvrdnje nedavno preminulog doktora Mihaila Stanišića o rudnim bogatstvima Kosmeta, koji je procjenjivao da samo rezerve kosovskog lignita vrijede oko 500 milijardi dolara, dok je, prema pisanju “Volstrit žurnala”, njihova vrijednost oko 300 milijardi dolara. Stanišić je tvrdio da su reviri olovno-cinkane rude u “Starom trgu”, “Ajvaliji” i “Kišnici”, dok je ruda nikla pronađena na Golešu, u “Glavici” i “Starom Čikatovu”. U području Đakovice i Orahovca su ležišta hroma, dok se bakar i mangan rasprostiru širom Prokletija, a ležišta magnezita na Golešu, Strezovcu, u Dečanima i Dubocu. “Lidijan internešnel” otvorio je 4. novembra 2010. godine u Prištini poslovni klub koji radi punom parom, a još početkom 2008. godine izvijestio je da su u Orahovcu našli nalazište u kome je 1,87 grama zlata na tonu uzorka /u najboljem slučaju čak 7,97 grama po toni/, navodi list. Američka korporacija “Avrupa minerals”, nedavno je objavila da počinje bušenje u Kosovskoj Kamenici, u blizini Gnjilana, dok bakar istražuju u Režnju. http://www.capital.ba/vrijednost-rudnih-nalazista-do-1-000-milijardi-dolara/ |
|||
Post Reply | Page <1 34567 13> |
Forum Jump | Forum Permissions You cannot post new topics in this forum You cannot reply to topics in this forum You cannot delete your posts in this forum You cannot edit your posts in this forum You cannot create polls in this forum You cannot vote in polls in this forum |