Музејски комплекс „Македонска Борба“

Точно така. Се работи за Рафаел Камхи. Но во моментот неможев да се сетам. Добро ме потсети.

И секако фала... за пофалбите

Интересен факт: јас бев 167-от посетител на музејот

Edited by FoSsiL - 10-Sep-2011 at 22:55

Originally posted by macedonia Fossil that is a very good description, now I want to see photos from the interior even more! I know they are not allowed, but I hope some are released to the public.

Well, I think there's bound to be some, sooner or later. At least such as will be allowed for media and publishing purposes. In any case, I expect that they'll have a website soon, so they'll simply have to put something there.

Имам едно прашање...имено дали некој од водичите е подготвен да ја даде целата обиколка и на англиски јазик?

Edited by mirakuliks - 11-Sep-2011 at 10:41

Фала за описот, јас ќе одам најверојатно после 10-тина дена...
Ме интересира од тие што беа во музејот, дали има фигури на Владо Черноземски и неговата жртва Александар I Караѓорѓевиќ, дали е реконструирана сцена од марсејскиот атентат?
Инаку да, Гоце не бил многу висок, на интернет кружеше точната бројка на неговата висина (измерена кога се запишувал на воената академија во Софија)...
И најавуваа многу оригинални предмети , но и реплики, сега еден вели деки има многу, а друг дека се премалку...?

околу артефактите, сум бил во музеј на македонија, знам и што имаат во архивите и гледам што излегува по форумите

артефакти има - но ни 1 % од тоа со што располагаме, може е и до просторот, ако се изложи се македонија мала ке ни е? или можеби ке ги има во музеј на македонија.

тука се премалку по две три полици во една соба,вградени во ѕидот


имаше една сцена со восочни фигури - основањето на македонската револуционерна организација, седнати на масатата основачите, оргинал направени како дискутираат, на мебел од тој период, таква позадина, раков амбиент такви звуци, абе ми идеше да им седнам и ја на маса да им кажам да не го дигаат на 2 август востанието, да почекаат малку толку беше добро направено

Edited by sluzbenik - 11-Sep-2011 at 11:28

Originally posted by Шпер Фала за информациите. Јас историјата на ВМРО ја познавам повеќе од доволно, особено во нашата историја "забранетиот" и непознат период меѓу двете светски војни... и добро е што за луѓето кои немаат доволно познавања сега ќе имаат одлична можност да надоместат за тој период и теориски и визуелно...Зоран Тодоровски најавуваше дека ќе биде изложен и оригинален Устав на ТМОРО од 1896 година (печатена верзија која тогаш била умножена), оригинална карта на етничка Македонија од 1904 година и сл. Само не знам дали од Музејот на Илинден во Крушево каде што има многу оригинални предмети е извршена т.н. дислокација во новиот музеј на ВМРО.

како познавач на историјата ме интересира твоето мислење?

- дали си согласен дека огромните портрети на австрискиот и рускиот цар(директно заслужни за нашата поделба) восочните фигури на Михајлов и Колишевски (кој се дефакто македонските квислинзи) и Фрашари (које политички компромис и нелогична глупост) се залудно потрошени пари и дека местото не им е тука, односно со тие средства ке се посветеше заслужено внимание на некој друг?

Edited by sluzbenik - 11-Sep-2011 at 11:46

Таа карта ја има. Но неможам со сигурност да тврдам дека е автентично таа. Ако се работи за истата, бидејќи вака на прв поглед изгледа исто, незнам за детаљите, тогаш таа карта е поставена на една масичка, меѓу рацете на Тодор Александров, кој седи и ја држи картата на масата... Само картата ги нема тие дрвените, како рамки... тргнати се...

Околу гифт шопот. Мислам дека има, имаше едни така како предмети поставени на полици, позади билетарата, мислам дека тоа беше гифт шопот иако и не изгледа како тоа, а не прашав.... така да не ме земајте за збор, но мислам дека има...

Незнам... одете видете... најдобро е така...

Edited by FoSsiL - 11-Sep-2011 at 13:10

Има гифт шоп ако може така да се нарече но сеуште незнам дали е отворен и подготвен за продажба. Инаку не се ставени сите восочни фигури мислам дека поставени се околу 80 фигури фали и таа на Киро Глигоров во позадина на сцената на заседанието на АСНОМ, и фалат уште неколку слики со масовни сцени и портрети.

Денес имав прилика да го посетам музејот.
Впечатоците се генерално позитивни , со тенденција да станат уште подобри ако постојано се работи на случајот.
Историските личности претставени преку восочните фигури како и уметничките прикази на масовните сцени се навистина импресивни.
За најдобра фигура и сцена во која е поставена ја избирам таа каде  Крсте Петков Мисирков ја пишува За Македонцките работи на својата работна маса.
А од историските сцени прикажани на платно - Германос Каравангелис дава пари за отсечената глава на Лазар Поп Трајков.
Се сложувам со претходниот форумски колега кога вели дека можело повеќе да се збогати колекцијата на оружје од соодветните временски периоди , иако горе-доле се добиваше генерална претстава и со тоа што беше изложено.

Вработените беа на ниво а меѓу посетителите можев да приметам доста странски туристи.

РЕПОРТАЖА ОД МУЗЕЈОТ НА МАКЕДОНСКАТА БОРБА ЗА ДРЖАВНОСТ И САМОСТОЈНОСТ

Ченто и Колишевски соседи крај Вардар



Прошетката низ минатото започнува со влез низ масивна дрвена врата лево од главниот влез. Најпрво ве пречекува восочната фигура на Дедо Иљо Малешевски. Темно е и студено. Првиот впечаток дека ѕидовите се сосема црни и депресивни веднаш исчезнува. Зад темните површини има големи ѕидни фотографии што се делумно осветлени и ~ даваат длабочина на просторијата

Толпа луѓе трпеливо чекаат ред да влезат во новиот Музеј на македонската борба за државност и самостојност, крај брегот на реката Вардар во центарот на Скопје. Едни чекаат, полни со очекувања од новата музејска поставка за историјата на Македонија во изминатите неколку века. Други излегуваат со чудни изрази на лицата. Некои возбудени, други сталожени. Репортерската екипа на „Дневник“ нетрпеливо чекаше да види што ги предизвикува овие реакции.

Масивната кована врата полека се отвора. Среде огромното фоаје е витрината во која претседателот Ѓорге Иванов пред неколку дена ја положи Декларацијата за независност на Република Македонија. Девет црвени столба кружно подредени ја држат високата купола изработена со витражно стакло. Преовладува сина боја, која со црвени, бели и портокалови стакленца формира убава розета.

Добредојде ни посака Бранислав Светозаревиќ, директорот на новиот Музеј. Вели дека не е дозволено фотографирање, ниту снимање на поставката. Засега, ексклузивитетот да ја видат и доживеат поставката им припаѓа на граѓаните на Македонија и на сите заинтересирани посетители. Но „Дневник“ доби ексклузивна можност да им ја раскаже поставката на читателите.

Уште во фоајето на Музејот се забележуваат големите платна на кои е насликана историјата на Македонија. Сликите се во големи формати и изгледаат импресивно. На мермерниот под, пак, се гледа стилизирано сонце со зраци на бесконечност. Директорот Светозаревиќ ни го објаснува сето ова:

- Тоа е симбол на желбата и на непокорот на македонскиот народ!



Амбиентална поставка

Десно од главниот влез се наоѓа голема конференциска сала и една помала, намената за предавања за студенти. Целиот простор во фоајето е искористен да се постават што повеќе масовни сцени што прикажуваат делови од македонската историја. Секое дело е објаснето на легенди изгравирани на месингани плочки.

- Ќе ги менуваме оти многу тешко се читаат. Убави се, но треба да служат и на намената - појаснува Светозаревиќ.

Сепак, обиколката с` уште не започнала. Прошетката низ минатото започнува со влез низ масивна дрвена врата, лево од главниот влез. Таму ве пречекува восочната фигура на Дедо Иљо Малешевски. Темно е и студено. Првиот впечаток дека ѕидовите се сосема црни полека се менува. Зад темните површини има големи ѕидни фотографии што се делумно осветлени и ~ даваат длабочина на просторијата. Во витрините се изложени документи, оружје (боздогани, кубури, пушки кременки, бојни секири). Тука се и фигурите на Румена и Сирма Војвода, Толе Паша. Среде просторијата има и неколку дрвја и препарирано јагне како цица од својата мајка. На ѕидовите висат големи слики на кои е претставено тоа време.

Вакви амбиенти се претставени низ сите 13 одделенија на Музејот. Од ајдутството и вооружениот отпор против османлиското владеење во Македонија, преку реформите во Османлиското Царство, востанијата, политичката и културно-просветната дејност, с` до македонската револуционерна организација од 1893 до 1903 година. Следуваат Илинденското востание, Македонија за време на младотурскиот режим, Балканските војни, Првата и Втората светска војна и Народноослободителната борба. Посебен дел е одвоен за жртвите на комунистичкиот режим.



Модерна опрема за набљудување

Музејот има околу 6.000 квадратни метри, а поставката се простира на

2.000 квадрати. Музејот засега има 12 вработени, од кои седуммина се водичи. Сите се дипломирани историчари и одлично зборуваат англиски јазик. Секој од нив е задолжен за група од пет до десет посетители. Една тура низ поставката трае од 50 до 55 минути.

- Приказната на Музејот може многу да се надополнува и да се раскажува. Завршува во холот, од каде што почнува. Посетителите се симнуваат по скалите во Музејот и доаѓаат пред витрината на холот каде што централно е изложена декларацијата за независност. Тоа е крајната цел на сета оваа борба и на приказната во Музејот - објаснува првиот човек на целиот комплекс.

Поради специфичните експонати, температурата во Музејот мора да биде меѓу 17 и 20 Целзиусови степени. Таа не смее да надмине 25 степени, ниту да се спушти под 5 степени. Има посебен систем за регулирање на температурата, влажноста на воздухот и на проветрувањето. Има системи за набљудување, камери, системи за следење и други безбедносни заштити.

Стотици граѓани го посетиле музејот викендов. Пристигнале и првите странци - Холанѓани, Шкоти и Германци.

- Сите тие беа воодушевени. Најмалку очекувале дека на Балканот може да има ваков музеј кој во поглед на технолошкиот и концепциски пристап е во рамки на најголемите светски музеи - вели Светозаревиќ.

Потресни сцени, феноменални портрети и етничка застапеност



Во Музејот амбиентално се претставени и неколку потресни сцени. Една од нив е бесењето на војводата Александар Турунџев. На бесилката виси неговото тело, а околу него веќе се насобрале десетици гаврани. До бесилката е поставена голема камбана.

Препознатливи се и фигурите на преродбениците Крсте Петков Мисирков и на Григор Прличев, а во истата просторија е сместен и Наим Фрашери, кој во истиот период дејствува и има влијание врз Албанците во западниот дел на Македонија.

Во Музејот е претставена и восочната фигура на Ванчо Михајлов, во моментот додека дава наредби за убиство, а тука се извршителите Мара Бунева и Величко Георгиев-Керин (Владо Черноземски). Поставката завршува со младински работни акции од едната, и работни акции на Голи Оток од другата страна. Претставени се фигурите на Петар Пирузе-Мајски, Брашнаров и Венко Марковски, а спроти нив фигурата на Александар Ранковиќ како симболика дека некој ги надгледува.

- Прикажано е с`. И херојството и предавството. Ако не ја прикажеме и таа страна од нашата историја, треба да објасниме зошто Македонија не е до Индија. Сме имале многу порази и трагедии, тоа е дел од нашата историја и ние мора да се соочиме со тоа - дециден е директорот Светозаревиќ.

Весна И. ИЛИЕВСКА
http://www.dnevnik.com.mk/default.asp?ItemID=500FB7E8149C2B4F8EF6FA8B9A36C044