Јавен автобуски превоз (општо)

Мајсторе, застани да купам леб

     
Додека стигнете до саканата дестинација ќе ви се роди чувство како да ја читате „Тегобност“ на Жан Пол Сартр

     
Приградските автобуси ем преполни ем ретки

На пат до Матка
Ако случајно ви текне да ловите пеперутки на Матка, веднаш откажете се од идејата, освен ако немате дебели нерви и неподносливо голема желба за авантура. Ова не важи за оние што, за жал, живеат таму, зашто тие, се разбира, и немаат некој избор. Додека стигнете до саканата локација ќе ви се роди чувство како да ја читате „Тегобност“ на Жан Пол Сартр. Мачнина. Најпрвин тешко дека ќе се снајдете да фатите автобус до таму зашто автобусот не вози низ град, туку почетната, односно последната станица се наоѓа во Ѓорче Петров. А дотаму ќе стигнете само со автобусите со број „2“, „5“ и „12“. Откако ќе се симнете, сигурно ќе се изначекате. И не дај боже да сте женско. Дури чекате, на секоја минута ќе ви подзастанува по некој автомобил со тетовски регистарски таблички, со затемнети стакла, и ќе ви нуди превоз. Ако не се истрауматизирате премногу и посакате да се вратите дома, следен чекор е жолто комбе број „60“. И ете го, триумфално настапува на автобуската станица со својот пребучен мотор. Внатре, пак, откако ќе извадите билет, кој чини скромни 40 денари, можете да се сопнете на вреќа брашно, легната во должина на целиот под. Некој патник си ја купил и си ја носи дома. И ќе немате избор, освен да ја прескокнувате, притоа правејќи јога-зафати. На следната станица, пак, ќе се изнакачат толку многу патници, што вие ќе се збутате до крај и ќе дишете длабоко за да земете колку-толку воздух. И невозможно е да не забележите, дека освен вас, никој друг не вади карта. Возачот си молчи. Си има човекот трауми.
Контрола, еднаш во месецот, ако се посреќи и двапати. И забавата почнува... или не разбирате што зборуваат, или слушате муабет од типот - што бе, вистина на Петре ќерка му останала трудна... - да бе, сирот човек, што ќе прави, слушам зетот веќе бил женет... Или, пак, Рајна најубаво млеко од коза продава. Такво нема во продавница да најдеш... А може и - мајсторе, дај застани кај продавничкава леб да си купам, заборавив од град. Ако не ви е симпатичен муабетот, лесно одлучувате да си ставате слушалки и го пуштате Леонард Коен или Аструд Жилберто за да си глумите култура сам со себе. Арно ама, за нецела минута ќе чуете „Зар ти није жао Зоко што ме твоји не воле, што причају против мене, о другог ти говоре&хеллип;“, пуштена гласно од нечиј мобилен телефон. И расположението се грева до најгорна граница, како да си во некоја југословенска кафеана. Само без кршење чаши. И ги вадиш слушалките оти џабе се мачиш да ја слушаш „Сузан“, кога „Зоко“ успешно ти се провира во ушните тапанчиња. Не можеш да не се запрашаш како е можно нивните мобилни телефони секогаш да бидат погласни од твојот. И зошто никогаш не користат слушалки. И така, си патуваш, си патуваш, си патуваш, и наместо да стигнеш за десетина минути, колку што е потребно во нормални услови, до саканата локација се стигнува за половина час, ако не и повеќе, во зависност од тоа со која брзина вози шоферот.

И трасата е интересна - првин ќе ве одведе во Горна Матка. Кривини колку сакаш, цврсто го стегаш држачот зашто имаш чувство дека ќе излеташ од прозорец или од врата. Таму, пак, вистинска селска идила. Како Марк Шагал од таму да ја добивал инспирацијата за своите дела. Крави по патот, чешма на сретсело, мирис на сено.... и на некој чуден начин ќе бидете задоволени. Ви се топли душата и за момент заборавате на она што ви се случило претходно. И ќе си почекате во комбето пет-десет минути, и на пат кон Долна Матка. Броите станици и сфаќате дека треба да се симнете. А комбето преполно. Кај преполно, па и жив мрак. Викате - мајсторе, дај бе пушти светло, ништо не гледам, ќе се сопнам. Тој, пак, - нема, расипано е.

И го вадите својот мобилен телефон и сами си го осветлувате патот. И потоа, го добивате она што сте го посакувале - дишете воздух и го пуштате мозокот на пасење. Барем до оној момент додека не ви текне дека со истото жолто комбе треба да се враќате назад.

     
Автор: Биљана Стојановска

http://www.novamakedonija.com.mk/NewsDetal.asp?vest=121211912409&id=14&prilog=0&setIzdanie=22453



Српски турбофолк грми во двокатните автобуси
Објавено: пред 22 минути | Прочитано: 170 | Печати |
Сподели со твоите пријатели!
7

Споделете ја веста со Вашите пријатели

Со турбофолк музика секојдневно ечат звучниците на дел од новите двокатни автобуси. Наместо, како што беше ветено, граѓаните да го почнат работниот ден со помирни звуци, кои ќе ги наполнат со позитивна енергија и ќе ги релаксираат додека патуваат до работа, тие секој ден се „гушат“ во музиката на турбофолкерите. А беше најавено дека ќе се слушаат звуците на диџеј Ицко и Ерик Фокс од Антена 5 или поп, рок, класична, електронска и диско музика.
По жалбите на патниците, Јавното сообраќајно претпријатие пред два месеца донесе одлука во новите автобуси да се забрани турбофолк музиката. Дел од шоферите го почитуваат ваквиот „закон“, дел од нив не. Од ЈСП велат дека следуваат казни за секој возач кој не ги почитува правилата.
- Ваквата одлука да не се слуша турбофолк музика важи само за новите двокатни автобуси и мора да се почитува. Овие правила сѐ уште не важат за другите автобуси. Откако граѓаните почнаа сѐ почесто да се жалат, ние решивме да им излеземе во пресрет и да овозможиме нормална музика за слушање. Затоа, ваквите правила мора строго да се почитуваат. Во двокатните автобуси има редовни контроли кои проверуваат дали се слуша турбофолк или не. Ако контролата фати дека се слуша ваква музика има казни, кои изнесуваат 10 отсто од платата на шоферот – истакна Мишо Николов, директор на ЈСП. Според најавите, наутро на патниците требаше да им се пушта класична музика, бидејќи во тој период од денот се возат повозрасни граѓани. Во попладневните часови, скопјани требаше да се возат со подинамична музика, актуелни хитови од светската музичка сцена, а во вечерните часови, бидејќи се возат помлади, требаше да се слуша електронска музика и авторски хитови на диџеи.

http://www.time.mk/read/7a471815bc/1c9c5d7947/index.html

Се надевам информацијава е точна! Секој ден ги користам автобусиве, и искрено пресреќен сум кога ќе видам дека доаѓа стар, прљав и студен зглобен автобус, а не двокатен Јутонг. Двокатните се толку непрактични, тесни, со мал капацитет, бавни, тоа е чудо едно.

Ќе частам ако се смени договорот во зглобни Јутонзи

Леле какво ѓубре. Од ова ЛАЗ е светлосни години понапред! Искрено се надевам дека нема оваа кинеска пластика за на отпад да вози следните децении во Скопје, дека ќе им дојде памет и ќе нарачаат европски автобуси. Има доста добри чешки добри а ефтини производители (нпр. Тедом, Шкода-Соларис). 

Originally posted by Macedonicus Имам една сочна вест. Од прва рака, значи на другар ми татко му работи во ЈСП и му кажал на другар ми дека двокатни веќе нема да се испорачуваат пошо нашиве увиделе дека се грешка. Сега ќе барале начин да се поништи тој тендер и да се отвори нов за едноподни автобуси, само проблем ќе било да се најде причина за да се раскине договорот. Во моментов со тоа биле ангажирани во ЈСП. Опциите биле да се договорат да земат едноподни од Јутонг а втората опција е да земат уште едноподни и зглобни од ЛАЗ-Украина. Па ќе видиме што ќе биде во наредниов период

O, како ли дојдоа до тој заклучок? Симнувам капа и длабоко се поклонувам пред тој величествен ум!

А некој ќе одговара ли за лошата набавка? Во нормални земји се превзема одговорност за тоа, за штетата, за пробиени рокови. Само кај нас може вака.

Иако, колку сум наптен од двокатниве, ќе проголтам и само така да помине се, само бројката од 60 двокатни да не се зголемува.

Originally posted by Macedonicus Имам една сочна вест. Од прва рака, значи на другар ми татко му работи во ЈСП и му кажал на другар ми дека двокатни веќе нема да се испорачуваат пошо нашиве увиделе дека се грешка. Сега ќе барале начин да се поништи тој тендер и да се отвори нов за едноподни автобуси, само проблем ќе било да се најде причина за да се раскине договорот. Во моментов со тоа биле ангажирани во ЈСП. Опциите биле да се договорат да земат едноподни од Јутонг а втората опција е да земат уште едноподни и зглобни од ЛАЗ-Украина. Па ќе видиме што ќе биде во наредниов период

Кој е најголемиот проблем што им боде очи во ЈСП? Претпоставувам малиот капацитет и големата потрошувачка по превезен патник се две незаобиколни работи кои сигурно се во врвот, но би било убаво ако можеш да дознаеш какво мислење преовладува во ЈСП на оваа тема, без разлика дали ќе се обистини ова што си го слушнал.

Originally posted by lslcrew Возрасен човек си ги признава грешките и пред себе и јавно, за да може да ги корегира.

Возрасен човек си ги признава грешките и после ја плаќа цената за истите.

Originally posted by lslcrew Морам да звучам политички, но ова мора да се каже, храброста да се признае грешката и да е оправи е многу поголема доблест од истурање пари те за ескалатори, те за што не во една финансиска дупка Влајко.

Мувата од капата ја ишкаш?? Мешаш политика апсолутно непотребно. Без разлика кој донел одлука, дали министер од политичка партија, дали директор од ЈСП, дали експерт кој правел студија (камо среќа!), одговорност треба да се понесе. Поготово што беше кажано многу пати зошто не треба двокатни, и по медиуми, и на форумов, и тнедерот ако не се лажам 2-3 пати се правеше - значи имаше време да се реагира!

Ама некој одел со глава во ѕид.

Originally posted by lslcrew Форумов е читан и биди сигурен дека целава дискусија се зема како првична реакција, а можам и слободно да се сомневам дека може да има елементи на намерно опипување терен.

Ова да не ти е информација од Центарот за комуникација??

Originally posted by lslcrew Тие што треба да одлучат има една друга работа која им е многу побитна од автобусите, а тоа е јавниот впечаток и мислењето за нив, и се многу повеќе спремни јавно со задни сили да ги бранат двокатните, отколку после некакви душегрижнички реакции за одговорност, да потпишат анекс на договорот. Во ситуација кога никој за ништо не понел одговорност за се досега што се исподесило, заслужуваат кредит на јавното мислење да се оправи работата со набавката, ако не сакате повелете!

Да де, ќутете сега сите, да не се налутат големите и за инат да не ја сменат одлуката. Пссс, тишина. Ведната глава меч не ја сече.

Не сме Британија, ама се сложуваме дека да сме, ќе имаше одговорност, така?

Тоа сакав да го чујам