Буџет(и) - Скопје |
Post Reply | Page <1 45678 10> |
Author | |
lslcrew
Senior Member Joined: 14-Jan-2008 Location: Skopje Online Status: Offline Posts: 10988 |
Quote Reply #101 Posted: 09-Dec-2011 at 22:16 |
Сообраќаен режим прави дадлежната општина со согласност од МВР, така да за маалските улици не е градот, туку општината.
Edited by lslcrew - 09-Dec-2011 at 22:21 |
|
axel
Senior Member Joined: 08-Dec-2009 Location: kumanovo Online Status: Offline Posts: 3654 |
Quote Reply #102 Posted: 09-Dec-2011 at 23:43 |
со бе овоа,форумаши па нели 60 мл евра е буџетот на ск,некој спомна дека буџетот на град ск и на општините негде 120 мл евра,само град ск и центар имаат 145 мл евра,само на скопје 10 опстини му се мн стетно е за неговиот развој наместо да се развива градот уназадува,само добро со поцеке општини мозност за повике малверации и перенје пари.пак има некој корист од тоа
НЕОСТВАРЕНАТА ЖЕЛБА НА СКОПЈАНИ НЕ Е ВО ПРИОРИТЕТИЕ НА ГРАДОТ ЗА 2012
Како една од поголемите градежни зафати за следната година во Градот ќе биде подземната сообраќајница во Центар. Според планот за 2012 година општината во соработка со Градот треба да отпочне со градба на модерна подземна сообраќајница од булеварот Илинден до Комплексот банки. Круцијален зафат за наредната година, кој ќе го засени најавеното продолжување и реконструкцијата на булеварот Свети Климент Охридски од Соборниот храм до Владата. Од другата страна на градот, според плановите за 2012, во општината Ѓорче Петров се предвидува изградба на кружен тек кај црквата Свети Петар и Павле, продолжување на булеварот Патизански одреди од Порта Влае до делот каде се спојува со улицата 4 Јули, како и пробивање на двете тесни грла на оваа улица со што главниот град ќе добие два влеза. Во најмладата општина, Аеродром според договореното ќе се реконструира булеварот Јане Сандански во делот од Мајчин Дом до булеварот Србија, потоа продолжување на изградбата на водоводната мрежа во Лисиче, како и изградбата на колекторскиот систем по должината на булеварот АСНОМ. Во Гази Баба се планирана изградба на нова сообраќајница, 15-ти Корпус, која ќе започнува кај Триангла во Маџари, а ќе завршува кај стовариштето на Фершпед. Исто така од буџетот на општината за следната година одвоени се средста за проширување на улицата Благоја Стефковски, како и решавање на проблемот со семафорите. Според најавите во Чаир, планирано е проширување на улицата Цветан Димов, изградба на два кружни тека, како и изградба на булевар кој ќе ги спојува булеварот Словенија, преку улицата Џон Кенеди, па се до булеварот Никола Карев. Општината Бутел, в година во својата програма ќе ја проширува улицата
Христијан Тодоровски каде, по извршениот зафат, истата ќе се спои со
обиколницата. Исто така голем инфраструктурен зафат се планира и во општината
Кисела Вода. Таму е најавено пробивање на булеварот Србија од Усје,
преку Припор, па се до Сопиште. Во оваа општина ќе се започне и со
реконструкцијата на улицата Првомајска, која в година според најавите на
градоначалниците Трајановски и Ѓорчев истата треба да прерасне во
булевар. Во општината Карпош, в година ќе се работи на реконструкција на
улицата Козле, но и продолжување на градежните зафати на булеварот
Илинден и улицата Митрополит Теодосиј Гологанов. http://www.vecer.com.mk/?ItemID=F1ED6508E6DAAB4EB125440A59539345 |
|
FoSsiL
Senior Member Joined: 01-Mar-2009 Location: Аеродром Online Status: Offline Posts: 4699 |
Quote Reply #103 Posted: 09-Dec-2011 at 23:46 |
Да не испомешале овие баби и жаби? Нели трамвајот ќе оди под концесија? Што има тука градот да предвидува средства, односно да учествува во неговото финансирање и изградба, реализација? |
|
MGS
Senior Member Joined: 10-May-2011 Location: Охрид,МКД Online Status: Offline Posts: 307 |
Quote Reply #104 Posted: 10-Dec-2011 at 15:18 |
Со оглед од кој весник е веста,сигурно помешале многу работи.
|
|
Dexter26
Senior Member Joined: 19-Nov-2010 Online Status: Offline Posts: 2035 |
Quote Reply #105 Posted: 10-Dec-2011 at 15:50 |
А да не заборавиме да го додадеме и фактот дека англиско-унгарската фирма Виалто, која ја направи студијата за трамвајската мрежа, треба да ја подготви и тендерската документација, а во 2012 треба да се распише тендерот, а не да започнат градежните работи.
|
|
my Macedonia
Senior Member Joined: 09-Oct-2008 Location: 🇲🇰🇨🇭 Online Status: Offline Posts: 4085 |
Quote Reply #106 Posted: 11-Dec-2011 at 11:18 |
Pa ako razmisleme malku, bas toa sto e vazno za ekologijata ne se realizira.
Toa e tramvajot, vo Centar moze samo Tramvaj da se dvize i pesacite, bez KOLI! Vo Svajcarija taka e, a Tirana vekje pocna so Proektot na Tramvajot sto kje se dvizi samo vo Centarot a kje bide zabraneto sekakvo dvizenje na avtomobili(osven brza pomos itn...) Sega e vekje docna, katnite garazi se gradat, toa se slucuva ako gradat lugje bez plan za Skopje... |
|
MGS
Senior Member Joined: 10-May-2011 Location: Охрид,МКД Online Status: Offline Posts: 307 |
Quote Reply #107 Posted: 11-Dec-2011 at 16:40 |
Сега само ограничување на движењето со коли во центарот на Скопје.Сакаш да возиш кола во центар на Скопје.Плати братче.
|
|
Andrej_LJ
Senior Member Joined: 20-Oct-2008 Location: Ljubljana Online Status: Offline Posts: 2954 |
Quote Reply #108 Posted: 11-Dec-2011 at 17:36 |
Да да стварно до тоа стигнавме... Свесни сте колку инфраструктурни предуслови треба да бидат исполнети пред таква работа да се воведе? Не за џабе само малку и тоа врно развиени центри ја имаат имплементирано оваа мерка.
|
|
"Тaм, където глупостта е образец, разумът е безумие." Гьоте
|
|
lslcrew
Senior Member Joined: 14-Jan-2008 Location: Skopje Online Status: Offline Posts: 10988 |
Quote Reply #109 Posted: 14-Dec-2011 at 14:45 |
|
|
build.mk
Senior Member Joined: 13-May-2010 Online Status: Offline Posts: 216 |
Quote Reply #110 Posted: 15-Dec-2011 at 00:11 |
http://www.build.mk/?p=11120 Edited by build.mk - 15-Dec-2011 at 00:11 |
|
OCB
Senior Member Joined: 03-Feb-2011 Location: 54 Online Status: Offline Posts: 921 |
Quote Reply #111 Posted: 15-Dec-2011 at 01:22 |
Две прашања. 1. Дали ова е проверена информација затоа што за разлика од сите други капитални проекти продолжувањето на „Србија“ не беше споменато во голем број медиуми. 2. Може ли објаснување за тоа во која конотација е споменато Сопиште? |
|
lslcrew
Senior Member Joined: 14-Jan-2008 Location: Skopje Online Status: Offline Posts: 10988 |
Quote Reply #112 Posted: 15-Dec-2011 at 01:37 |
Градските власти дадоа објаснување за овој зафат дека ќе се изведе кога ќе се премести магацинот на Улици и Патишта, кој сега смета на трасата, на нова локација во дворот на фабриката ОХИС. А сопиште е спомнато зашто натаму патот продолжува према Сопиште.
|
|
axel
Senior Member Joined: 08-Dec-2009 Location: kumanovo Online Status: Offline Posts: 3654 |
Quote Reply #113 Posted: 15-Dec-2011 at 12:17 |
не го постирав целиот текст бидејки има доста политика
ме зачуди текстот во кој се вели дека вкупната сума на буџетите на
сите 85 општини во македонија изнесува околу 2 ипол милијарди евра ???
не ли е многу тоа
Во општинските каси од 85-те единици на локалната самоуправа, според процените, годишно се врти уште цел еден централен буџет од околу 2,5 милијарди евра - пари што, за разлика од државното ниво, се трошат многу полесно и без сложена процедура, а кои може директно да влијаат на секојдневниот живот на граѓаните, во текстот на крај пишува дека битола има буџет-21 милиони евра аеродром 23,6 а скопје 11- милиони евра http://www.novamakedonija.com.mk/NewsDetal.asp?vest=12151191293&id=9&prilog=0&setIzdanie=22456 |
|
Cloverstack
Admin Group Joined: 01-Sep-2007 Location: Скопје Online Status: Offline Posts: 12453 |
Quote Reply #114 Posted: 15-Dec-2011 at 18:49 |
Точно... 2,5 милјарди евра е тотално вон пропорција. Ниту е точно дека најмалите општини располагале со по 10-тина милиони. Најголем број општини во Македонија не можат ни да сонуваат за 10 милиони. Со оглед на ваквите груби грешки, не го гледам како сериозен целиот текст. |
|
blejdsk
Senior Member Joined: 05-Feb-2008 Location: Skopje Online Status: Offline Posts: 320 |
Quote Reply #115 Posted: 15-Dec-2011 at 21:15 |
Македонец победи Грк во трка за градоначалник во Австралија
ЧЕТВРТОК, 15 ДЕКЕМВРИ 2011 10:50 3 КОМЕНТАРИ Стеван Козмевски стана градоначалник на мелбурншката општина Витсли. Македонецот победи во трка со Крис Павлидис, кандидат со грчко потекло. 43-годишниот Козмевски на функцијата градоначалник ќе остане до 27октомври следната година. Општината Витсли брои 170.000 жители, а располага со буџет од 123,8 милиони долари. Козмевски 14 години работи како советник во таа општина, а сега стана вториот Македонец- австралиски градоначалник. Првиот е Бил Саравиновски, кој е градоначалник на општината Рокдаел. Извор. курир.mk Edited by blejdsk - 15-Dec-2011 at 21:17 |
|
|
|
axel
Senior Member Joined: 08-Dec-2009 Location: kumanovo Online Status: Offline Posts: 3654 |
Quote Reply #116 Posted: 23-Dec-2011 at 00:21 |
БУЏЕТИТЕ НА ДВЕТЕ МЕТРОПОЛИ СЕ РАЗЛИKУВААТ KАKО ДЕН И НОЌ Загреб има една милијарда евра, а Скопје џепарлак Градоначалникот Милан Бандиќ го информираше скопскиот градоначалник Kоце Трајановски дека буџетот им се полни по неколку основи, но пред с` од профитот од јавните претпријатија, тие што државата не му ги одземала како на Градот Скопје - за топлинска енергија, станбен фонд, градски гробишта Градски претставници од повеќе сектори наскоро ќе ја посетат санитарната депонија „Зрињевац“ во Загреб за да стекнат потребни искуства за осовременување и на скопската депонија „Дрисла“, најави градоначалникот Kоце Трајановски при посетата на Загреб по повод збратимувањето на овие два града. Искуствата од „Зрињевац“, смета тој, ќе бидат од големо значење за да се применат и кај нас, бидејќи таа е депонија со многу високи еколошки стандарди, која меѓу другото работи и профитабилно. За споредба, тие што во неа транспортираат мешан отпад за одлагање на еден тон мора да платат 45 евра, додека кај нас „Kомунална хигиена“ на „Дрисла“ за истата тежина и плаќа 8 евра. Во градот одамна е воведен и систем на селекција на отпад.Во моментов тече првата фаза од изборот на фирма за јавно-приватно партнерство за санација и одгасување на депонијата. Оваа фаза е претквалификација, по што во март наредната година е најавено дека ќе биде донесена конечната одлука за избор на партнерот. Зелен катастар за полесна евиденција на дрвјата Разлика меѓу двата града, Скопје и Загреб, а кое беше потенцирано на работните средби, е дека хрватската метропола има буџет од една милијарда евра. Буџетот на Скопје за 2012 година е десет пати помал - 107 милиони евра. Трајановски се интересираше по кои основи Градот Загреб остварува толку големи приходи. Градоначалникот Милан Бандиќ го информираше ги остваруваат по неколку основи, но пред с` од профитот од јавните претпријатија, тие што државата не му ги одземала како на Градот Скопје - за топлинска енергија, станбен фонд, градски гробишта. Во нивни рамки се и други претпријатија како она за зеленило или комуналното, но сепак главните приливи се од првите. Воедно, во нивна каса се слева и поголем процент од персоналниот данок, што е рана за скопската власт со години, бидејќи Владата нема слух за такво нешто. Зелениот катастар беше една од главните теми на дел од средбите. Градоначалникот Трајановски најави скоро формирање на таков и за зеленилото во метрополата. - Верувам дека за една година ќе успееме да го попишеме цел фонд на зеленило и дрвја на територија на Скопје што многу ќе ни помогне во евиденцијата, а и замената на старите и болните дрвја, таму каде што има потреба - најави тој. Веќе добиле и донација од 100.000 евра за изработка на зелен катастар. Во тој контекст рече дека има намера на неколку локации да ги замени зимзелените дрвја со листопадни. Според објаснувањата, листопадните се подобри за апсорпција на гасови, а и не го кријат погледот. Прва локација каде што ќе врши ваква замена ја наведе жардиниерата на булеварот Александар Македонски, на влезот од Скопје. Од лисјата ќе се прави природно ѓубре Kако дел од замислата за развој на „Паркови и зеленило“, тој го најави и проектот за компостирање на исушените лисја, зеленило, гранки кои се собираат од скопските јавни површини. Kомпостот потоа се користи за ѓубрење на јавните зелени површини, а може и да се продава. Со оваа замисла, градската власт почна пред две години, во „Паркови“ беше ископана дупка, но не беше продолжена на начин на кој беше планирано. Сега за оваа намена ќе се издвојат околу 30 милиони денари и ќе се оди кон осовременување на овој процес, асфалтирање соодветна површина и боксови, како и купување машини за ситнење и гмечење, онака како што одамна е воведено во Загреб. http://www.dnevnik.com.mk/?ItemID=A774C2BADB526747AC09CDDE3D92D414 |
|
OCB
Senior Member Joined: 03-Feb-2011 Location: 54 Online Status: Offline Posts: 921 |
Quote Reply #117 Posted: 12-Jan-2012 at 06:53 |
Буџетот на Град Скопје за 2012 изнесува 6,6 милијарди денари или околу 109 милиони евра.
Развоен дел за избрани програми: Изградба на магистрални и собирни улици Предвидено: 18,8 милиони евра Изградба на простор за паркирање 100 илјади евра Урбана опрема Набавка на урбана опрема(клупи, корпи за отпадоци, садови за отпад, паноа за лепење плакати, тезги за продажба и др.) 370 илјади евра Уредување на градежно земјиште Со уредувањето на градежното земјиште се врши изградба на комунална инфраструктура, односно опремување на градежното земјиште со објекти на основната инфраструктура. Од големо значење за уредувањето на градежното земјиште е изработката на нов Генерален урбанистички план на Град Скопје. Предвидено: 2,9 милиони евра Изградба на комерцијални објекти Обезбедување квалитетно и современо паркирање на подрачјето на Град Скопје преку изградба на катни гаражи. Исто така во оваа програма се планира изработка на проектна документација за панорамско тркало. Предвидено: 9,7 милиони евра Проекти за енергетска ефикасност Промовирање и користење на енергетската ефикасност во објектите на средните училишта и на јавните културни установи под надлежност на Град Скопје со цел поефикасно и поекономично користење на истата. Предвидено: 160 илјади евра Изградба на јавно осветлување Изградба и реконструкција на јавното осветлување. Со воведувањето на системот за командување, управување и димирање на јавното осветлување, ќе се обезбеди рационално користење на електричната енергија за јавно осветлување. Предвидено: 820 илјади евра Изградба на сообраќајна сигнализација Изградба на сообраќајна сигнализација и формирање на Центар за управување и контрола на сообраќајот. Предвидено: 3,8 милиони евра Edited by OCB - 12-Jan-2012 at 07:09 |
|
OCB
Senior Member Joined: 03-Feb-2011 Location: 54 Online Status: Offline Posts: 921 |
Quote Reply #118 Posted: 12-Jan-2012 at 06:55 |
Изградба на системи за водоснабдување
Поквалитетно водоснабдување на подрачјето на Град Скопје. Предвидено: 300 илјади евра Изградба на системи за одведување и пречистување на отпадни води Зафаќање и одведување на атмосферските и фекалните отпадни, води изградба на пречистителни станици и изградба на системи за зафаќање на водите од подножјето на Водно. Предвидено: 1,6 милиони евра Јавна чистота Изработка на џебови за контејнери по магистрални и собирни улици преку обележување на микролокации на контејнерите заради нивна заштита од оштетување и обезбедување непречено одвивање на сообраќајот. Предвидено: 80 илјади евра Други комунални услуги Копање на бунари за технолошка вода; експропријација на земјиште за проширување на градските гробишта; реконструкција на фасади во централно градско подрачје и други проекти. Предвидено: 2 милиони евра Паркови и зеленило Подигање средишното зеленило на магистралните и собирните улици; реконструкција на Градскиот парк со обновување на зелените површини и збогатување на содржините со поставување едукативни просторни инсталации и скулптури; реконструкција на другите јавни зелени површини и на мајор коритото на р.Вардар; и подигање на свеста на граѓаните за јавното зеленило преку доделување садници. Предвидено: 1,4 милиони евра Заштита на животна средина Активности за заштита на водата, воздухот и природните локалитети и заштита на луѓето од чинители опасни по здравјето. Предвидено: 800 илјади евра Извор: Буџет на Град Скопје за 2012 (погоре предвидените суми се со приближна вредност) Edited by OCB - 12-Jan-2012 at 06:59 |
|
OCB
Senior Member Joined: 03-Feb-2011 Location: 54 Online Status: Offline Posts: 921 |
Quote Reply #119 Posted: 04-Nov-2012 at 00:18 |
ТРАЈАНОВСKИ ГО KРОЕШЕ БУЏЕТОТ ЗА 2013 ГОДИНА
Трамвај, Градска куќа и нови булевари Трамвај, Градска куќа и нови булевари Ременот ќе мора да се стегне поради економската криза, па буџетот ќе се коригира за 10 отсто помалку од лани, односно ќе се работи со 50 милиони евра Буџетот за в година ќе биде проектиран за 10 отсто помалку пари отколку во 2012 година, најави вчера скопскиот градоначалник, Kоце Трајановски, на работилницата на која се расправаше за идните проекти на градската власт. Лани буџетот изнесувал 3,5 милијарди денари, околу 56 милиони евра, а годинава ременот ќе мора да се стегне поради економската криза, е генералниот став на локалните власти. - Kомуналиите се најголемиот извор на приходи - рече Трајановски. Дополни и дека големо внимание се посветува на барање инвеститори и на анализа на локации за нивните проекти. Градоначалникот потенцира дека наредната година ќе им се посвети на почнатите проекти и на нивно завршување, односно на следните фази од капиталните проекти што беа почнати годинава. - Во третата фаза ќе продолжиме да го прошируваме булеварот Митрополит Теодосиј Голагонов - од „Алумина“ до Студентскиот дом „Гоце Делчев“. Ќе почнеме и со изградба на булеварот Трета македонска бригада, а во зависност од условите, планираме и да го завршиме. Во план е да се прошири и „Христијан Тодоровски- Kарпош“, кој ги спојува општините Чаир и Бутел. Документацијата за овој проект е при крај. Што се однесува до реконструкцијата на булеварот Борис Трајковски, овој пат имаме намера да работиме на потегот кон Драчево, а до каде ќе стигнеме, ќе зависи од парите - објасни првиот човек на Скопје. Во буџетот за 2013 ќе влезат и довршувањето на катните гаражи и изградбата на двата кружни тека, кои ќе претставуваат пристап на подземната сообраќајница, која ќе се реализира кај Старата железничка станица, и е предвидено да биде готова за три години. Во рамките на активностите на Јужниот булевар ќе се работи и на улиците „Јордан Мијалков“ (поранешна „Железничка“) и „Kирил и Методиј“ (поранешна „Мито Хаџивасилев-Јасмин“). В година ќе биде распишан и тендер за јавно-приватно партнерство за трамвај, но најверојатно нема да биде избран понудувач пред изборите, бидејќи постапките законски мора да бидат запрени пред изборен циклус. Ова се само проекции и желби на службите, јавните претпријатија, општински власти за проектите што би требало да влезат во Предлогот за буџет за наредната година, која се усвојува во декември. Тоа не значи дека сумите и листата се конечни затоа што предлози и сугестии ќе се прибираат уште еден месец. ЈСП ќе бара 2,5 милиона евра Директорот на ЈСП, Мишо Николов, за в година очекува 150 милиони денари помош во вид на субвенции од градската власт од вкупно 220, кои се потребни за беспрекорно функционирање на јавното претпријатие. Односно, од 150 до 160 милиони денари за тековно работење, 20 милиони денари за уредување на автобуските постројки, за кои понудите ќе се отворат на 23 ноември годинава, и 50 милиони за имплементирање на системот на електронска наплата. Вкупната цена на тој систем е 2,5 милиона евра, но ќе се исплатува неколку години. Николов изјави дека субвенциите за работата на ЈСП се неопходни, затоа што цените на билетите се ниски, а дел од патниците се возат и бесплатно како, на пример, пензионери, ученици и средношколци. Kапитални проекти: - Градска куќа - 100 милиони денари - Просторни и урбанистички планови - 40 милиони денари - Проектна документација за панорамско тркало - 30 милиони денари - Довршување катни гаражи (кај ТЦЦ „Плаза“ и спроти „Рамстор“) - 100 милиони денари плус 20 милиони денари за лифтови - Етапна реализација на подземна сообраќајница од Влада до комплекс банки (вкупно 32 милиона евра) - Проширување на „Христијан Тодоровски-Kарпош“ - 40 милиони денари - Реконструкција на „Јане Сандански“ - 30 милиони денари - Трета фаза „Илинденска“ - 50 милиони денари - Трета фаза „Теодосиј Гологанов“ - 40 милиони денари - Проширување на „Партизански одреди“ од Влае до Ѓорче Петров - 35 милиони денари - Реконструкција на мостови - 60 милиони денари - Обнова на тротоари во Скопје - 60 милиони денари - Проекти, изработка и надзор за фасади - 115 милиони денари http://www.dnevnik.com.mk/?itemID=E03CBA341D00B04CBF6116E4B6794E79&arc=1 Иронично е насловот да најавува проекти кои нема да се реализираат во буџетната 2013 година. |
|
Dexter26
Senior Member Joined: 19-Nov-2010 Online Status: Offline Posts: 2035 |
Quote Reply #120 Posted: 04-Nov-2012 at 02:26 |
Ни трага ни глас од новиот мост кој треба да го поврзува западниот крај на булевар Илинден со другата страна на Вардар. Но позитивно е тоа што дури во 2013 година ќе го распишат тендерот за избор на партнер при јавно-приватно партнерство за трамвај, но дефинитивно партнерот би бил избран дури после редовните локални избори 2013, што ја остава жива надежта дека можеби повторно ќе се одложи истиот тој тендер, или доколку се распише можеби ниту еден понудувач нема да одговори на повикот, или доколку се смени градската администрација после редовните локални избори 2013, можеби воопшто нема да се распише тој тендер. И секако, останува жива надежта дека после март 2013 ќе имаме нова градска и нова општинска администрација која нема да фрла пари на фасади, панорамски тркала, вртелешки, огради за мостови вредни над 1 милион и 200 илјади евра и ред други тотално непотребни глупости. Edited by Dexter26 - 04-Nov-2012 at 02:28 |
|
Post Reply | Page <1 45678 10> |
Forum Jump | Forum Permissions You cannot post new topics in this forum You cannot reply to topics in this forum You cannot delete your posts in this forum You cannot edit your posts in this forum You cannot create polls in this forum You cannot vote in polls in this forum |