Надградба на ГТЦ

ГТЦ е како вонбрачно дете

Ап­сурд, болна состојба и будалаштина се само дел од зборовите со кои ар­хи­тек­ти­те ја опишуваат најавата дека и Градскиот трговски центар ќе се прес­ле­че во барок. И на овој објект му претстои менување на фасадата за да се вклопи во проектот "Скопје 2014".
Со­ве­тот на Општина Центар изгласа измени на планот "Мал ринг", кои на ГТЦ му дозволуваат ново фасадно обликување, а со претходните планови му беше дозволено и да се надгради за еден кат.

По­у­че­ни од искуството со менувањето на фасадата на "Пелистер" и со но­ва­та фасада на Владата, и стручната јавност и обичните граѓани веќе речиси немаат дилема дека само прашање на време е кога барокот ќе стигне во ГТЦ. Апатични и безволни се дури и архитектите, автори на Трговскиот. Нив никој не ги бара ниту за совет. Архитектот Радомир Лаловиќ е еден од се­дум­темина автори на идејниот и главниот проект за Градскиот трговски цен­тар. За менувањето на фасадата на ГТЦ вели дека дознал од медиумите. Се вознемирува кога гледа што му се случува на центарот, па вели дека не се сеќава кога последен пат прошетал таму. Го вознемируваат и најавите да се чепка во објектот чиј автор е и тој, но сепак, одлучи да позборува за тоа.

"За вкусовите не се расправа. Секој може да си има свој вкус и дома да си ра­бо­ти по него, но не можеме нашите вкусови да им ги наметнуваме на си­те околу нас. Сосема нормална работа е како што се менуваат времињата, мож­нос­ти­те, потребите, да се менуваат и објектите, но менувањето на централното градско подрачје треба да се прави со меѓународни кон­кур­си. Не можам да поверувам дека ќе го изговорам тоа, но еве, денес при­мер за тоа ни е Албанија, која некогаш ја сметавме за некаков темен ви­ла­ет. Сега Албанија ги уредува градовите со меѓународни конкурси, а ние ста­нав­ме темен вилает. Јас разбирам да се градат нови објекти, но никако не можам да ја разберам потребата да се менуваат фасадите на из­гра­де­ни­те објекти. Тоа е болна состојба на луѓе, на движења, инаку зошто би ја ме­ну­ва­ле фасадата. Велам болна состојба, за да не речам дека е болна пот­ре­ба­та од менување", вели архитектот Лаловиќ.

Тој вели дека животниот век на една зграда е 4-5 пати подолг од животот на авторот на зградата, но примерите секаде во светот покажуваат дека иа­ко се менуваат времињата и потребите, надворешниот изглед се за­др­жу­ва. Сосема очекувано е, вели, да се менува фасадата, дури и на објект ка­ко ГТЦ, ако се утврди дека малтерот попуштил, дека има недостатоци кои треба да се поправат, но никако не може да биде изговор целосно да се смени изгледот.

М.И. Пачемска
Фото: Б. Грданоски