Археолошки Музеј / Архив / Уставен Суд

zabegan ,,, mi pravi vpechatlenie.. che vsichki tvoi mnenia sa negativni ... malko e dosadno tova , koeto pravish 

inache blagodaria za slikite na my macedonia i coverstack..

а вака се полнеше вода за потребите на уставниот-со кранот се спушти корпата дирекно во Вардар и се наполни со ЧИСТА вода и се крена на горниот дел од објектот

водата незнам за што ја користеа,видов само дека ја спуштија корпата,се наполни со вода и ја качија помеѓу северната купола и кровот на објектот

чисто како информација,ништо повеќе

eve od google earth pa proceni koja e poblisku do nasokata SEVER

Археолошкиот музеј ќе урива рекорди на посета

На подовите ќе има оригинални раскошни мозаици, а во лапидариумот, покрај античките скулптури што сега се наоѓаат пред Владата, ќе има вредни примероци на камена пластика. Поставката на Археолошкиот музеј, кој треба да биде готов кон крајот на годинава, ќе содржи околу 6.000 експонати


Кратерот од белградската збирка

Новиот археолошки музеј ќе ги урне сите рекорди во посетеност. За него го селектираме највредното од нашите збирки што ќе се најдат покрај збирките на вредни артефакти од други музеи од државата. При опремувањето на новиот музеј ќе се направат напори да не осиромашат музеите од другите градови по пренесувањето на вредните артефакти во Скопје, најавува Перо Јосифовски, директор на Музејот на Македонија.

Тој нагласува дека откако ќе се комплетира археолошката поставка во новиот музеј, кој ќе биде отворен кон крајот на годинава, од огромниот број артефакти што ќе останат во депоата на Музејот на Македонија, музеите од внатрешноста ќе можат да земат експонати на реверс и да си ги дополнат своите збирки. Исто така ќе се изработат и копии на највредните експонати за збирките да не загубат од својот сјај.

Според директорот на Управата за заштита на културното наследство, Паско Кузман, сите 6.000 артефакти што ќе бидат изложени се исклучително вредни и не може однапред да се каже кој оддел ќе биде најинтересен за посетителите.
На подовите ќе има оригинални раскошни мозаици, а во лапидариумот, покрај античките скулптури што сега се наоѓаат пред Владата, ќе имаме вредни примероци на камена пластика. За некого можеби најатрактивна ќе биде збирката на златен накит од антиката, за некого керамиката со прекрасни орнаменти од отоманскиот период - подвлекува Кузман.

Главниот адут на Археолошкиот музеј ќе бидат амбиенталните уметнички слики што ќе прикажуваат различни археолошки периоди.

- Готови се околу 100 дела што ќе го отсликуваат амбиентот на сите археолошки периоди. Така посетителите ќе имаат појасна слика за што служеле изложените предмети и како биле употребувани - вели Кузман.

Според Управата, нема да биде приоритет на новиот археолошки музеј збогатувањето на оваа збирка со откупи или со реституција на вредни артефакти, кои се наоѓаат во сопственост на странски институции или на приватни лица. Сепак оние највредните артефакти ископани на територијата на Македонија што се наоѓаат во странски музеи ќе бидат застапени со копии.

Меѓу нив се и копиите на златните погребни маски, како и на двата бронзени кратера од Требеништа, кои се наоѓаат во музеите во Белград и во Софија. Според Управата, освен со Белград и со Софија, се преговара и со Археолошкиот музеј во Истанбул за изработка на копија на мермерниот саркофаг со претстава на Александар Македонски од 4 век пред новата ера.

- Сѐ уште чекаме да добиеме дозвола од министерствата за култура од овие земји за изработка на копии на вкупно четирите златни требенишки маски, од кои две се наоѓаат во Белград, а две во Софија. Копиите ќе бидат изложени во Археолошкиот музеј, заедно со оригиналната маска откопана во гробница од 5 век пр. н.е. на Самуиловата тврдина - вели Кузман.
Вредната збирка на музејот ќе биде сместена на првите три ката во зградата на кејот на Вардар, заедно со Уставниот суд и Државниот архив. Таа ќе ги опфати најзначајните археолошки предмети на почвата на Македонија од палеолитскиот период до крајот на 15 век.

Во долните простории ќе бидат сместени депото и лапидариумот, односно епиграфски споменици и камени скулптури. До музејот ќе се стигнува преку пешачкиот мост, кој ќе биде изграден на реката Вардар, на кој ќе бидат поставени 28 помали скулптури.
Мотиви од саркофагот
http://www.novamakedonija.com.mk/NewsDetal.asp?vest=313121048574&id=16&prilog=0&setIzdanie=22529

До каде се работите со уредувањето на новиот Археолошки музеј крај Вардар ?

Ентериерот не е подготвен за да влезат ниту витрини, а предметите ќе следуваат отпосле, но имаме целосна визија што ќе има внатре. Ќе бидат изложени предмети од трезорите на Музејот на Македонија и од останатите музеи во земјава, од периодот на праисторијата, антиката и средниот век. Покрај тоа ќе има презентација на сегменти од археолошките локалитети и истражувања како и реконструкции. Тоа е модерно сега, го има и во музејот во Пела и на Акропол во Атина. Ќе имаме реконструкција на кочијата од Делчево која ќе зафати голем простор, на подовите ќе бидат поставени оргинални мозаици од ранохристијански базилики кои ги имаме повеќе во Македонија. Се надеваме дека ќе успееме да оформиме една специфична просторија со мумијата од Липково, но мора да бидам скептичен, бидејќи се потребни големи експерти за да успеат неа да ја конзервираат. Се надевам дека ќе успееме да донесеме и копија од саркофагот на Александар Македонски што се наоѓа во Археолошкиот музеј во Истанбул и е единствен од таков. Бидејќи со Турција имаме добри односи, имаме начелни ветувања дека ќе ни дозволат да направиме копија.

Со тим од 20 тина археолози од Музејот на Македонија со кој јас раководам, работиме на каталогизација на сите предмети, така да за отворањето на Археолошкиот музеј подготвуваме и обемен каталог со сите изложени предмети. Тие работи одземаат најмногу време. Тој не треба само технички да се опреми, туку и научно да се определат предметите.

Не' обвинуваат дека копаме, а не објавуваме, но за да објавиш нешто треба 3-4 години само со тоа да се занимаваш. Сето тоа го планираме, а зависи од динамиката на изградба на музејот кој треба да биде отворен до крајот на годината.

Имаше ли спорни предмети кои сметавте дека треба да се донесат од останатите музеи низ Македонија?

Имаше дилема, но немаше доставено специфично барање за скулптурата на „Срамежливата Венера“ од Скупи, која Музејот на град Скопје самиот ја предложи да биде пренесена во новиот Археолошки музеј. Имаше дилема во однос на предметите од прва категорија, како што е златната маска од Охрид и кочијата од Делчево што се наоѓа во Штип, но штипскиот Завод и Музеј без никаква реакција, прифати. Многу од златните охридски предмети за кои јас треба да одлучам, ќе бидат пренесени. По обраќањето до Археолошкиот музеј во Софија и до Народниот музеј во Белград очекуваме да ни дозволат да направиме копии од оргиналите на златни маски од Требениште кои се наоѓаат таму. Исто така, сакаме да направиме копија и на познатиот кратер од Требениште кој го има во тие музеи, но и на уште еден шлем со златна апликација од познатиот охридски локалитет кој се наоѓа во Белград и е со македонскиот штит. Тој досега не беше така третиран во науката.

http://utrinski.com.mk/?ItemID=340105AF0D2130418677F10880980445

Edited by HugoGoulding - 26-Mar-2012 at 16:27

ОД ТУРЦИТЕ ДОБИЕНА СОГЛАСНОСТ НА НАЈВИСОКО НИВО
Саркофаг со ликот на Александар ќе се смести во новиот Музеј



Според Паско Кузман за изработка на копија на истанбулскиот саркофаг со претстава на Александар Македонски, од турската страна е добиена начелна согласност на највисоко ново. Се очекува наскоро да бидат утврдени деталите и да започнат директни активности со екипа од турски и македонски експерти

Предметите кои ќе бидат изложени во новиот Археолошки музеј на Македонија се главно селектирани, а меѓу оригиналните артефакти пронајдени на бројните археолошки наоѓалишта во Македонија ќе се најде и копијата на истанбулскиот саркофаг со релјефна претстава на Александар Македонски, како и копии од златните маски и кратери кои сега се наоѓаат во Белград и Софија. Во фаза на подготовка се и 15 восочни фигури...

"За саркофагот со ликот на Александар Македонски имаме начелна согласност на највисоко ниво од турската страна. Се надевам дека наскоро ќе ги уточниме деталите и дека ќе ги започнеме директните активности со екипа која ќе ја сочинуваат турски и македонски експерти. Паралелно очекуваме одговор од Археолошкиот музеј - Софија и Народниот музеј - Белград за можноста и за условите под кои би можеле да добиеме музејски копии од златните маски и кратерите кои се наоѓаат кај нив", вели Паско Кузман, директор на Управата за заштита на културното наследство на РМ.

Иако, според него, во Македонија има археолошки предмети колку да се наполнат десет музеи, изработката на копии на артефакти кои ги нема во Македонија е заради хронолошкиот континуитет и нивното значење. Според Кузман, потребно е да се изработи и нова фотодокументација која е потребна за добро презентирање на предметите во каталошката публикација..

Меѓу артефактите кои ќе имаат свое место во новиот археолошки храм ќе се најде и ритуалната кочија од Делчево што сега се наоѓа во Музејот во Штип. Таа е во делови, а за нејзина реконструкција со компјутерска точност во однос на димензии и форма ќе биде задолжена белградска фирма.

Восочните фигури, пак, според Паско Кузман, се во фаза на подготовка. Тоа се 15 личности од археолошката и археолошко-историската сфера поврзани со македонската археологија и историја.

"И повеќето уметнички слики со археолошки амбиентални содржини се безмалку готови, а сите активности околу нив, се надевам, ќе бидат завршени до крајот на јуни оваа година. Се надевам, исто така, дека до крајот на оваа 2012 година Археолошкиот музеј на Македонија ќе биде отворен за јавноста", додава Паско Кузман.

(Д.Т.)
вечер