Музејски комплекс „Македонска Борба“

ЕКСКЛУЗИВНО ОД ПОСЕТАТА НА НАЈМОЌНИТЕ ЛУЃЕ НА СВЕТОТ НА МУЗЕЈОТ НА МАКЕДОНСКАТА БОРБА


Што напишаа Емирот од Катар и најбогатиот Мексиканец?


На милијардерот Карлос Слим му бил познат комунистичкиот период од нашата историја, а се интересирал и што претставуваат некои од сликите. "Музејот со добар вкус ја доловува историјата на Македонија и нејзините патишта кон независноста", запишал Слим во книгата на впечатоци. Емирот од Катар, пак, испратил многу благослови за Македонците, воодушевувајќи се од многувековната историја кон која Катар се стреми


Најбогатиот човек на планетава Карлос Слим, во Скопје го посети и Музејот на македонската борба. ВЕЧЕР ексклузивно го фотографираше неговиот запис во книгата на впечатоци, каде милијардерот на шпански јазик запиша: "Музејот со добар вкус ја доловува историјата на Македонија и нејзините патишта кон независноста".

ВЕЧЕР го контактираше и водичот на Слим во Музејот, да ни пренесе како реагирал милијардерот на македонската историја. Таа ни кажа дека Карлос поставил прашање кога Македонците се ослободиле од Османлиите, а се интересирал и што претставувале некои од сликите. Единствено познат од нашата историја му бил комунистичкиот период.

Во книгата на впечатоци стојат над 1500 записи на десетици јазици. Меѓу нив се и записот на арапски јазик од Емирот од Катар, кој испрати многу благослови за Македонците, воодушевувајќи се од многувековната историја кон која Катар се стреми. Принцот од Кент, пак, ставил само потпис. Мислење запишале и претседателот на Парламентот на Хрватска, кој вели дека музејот е многу содржаен и автентично ја претставува македонската историја. Впечатоци запишале и унгарскиот министер за надворешни работи Јанош Матоњи, Жан Тод - поранешен шеф на Ферари и актуелен претседател на ФИА...

Од македонските политичари, ВЕЧЕР во книгата на впечатоци ја забележа онаа на Антонио Милошоски.

"Прекрасна прошетка низ македонската родољубива историја", запишал меѓу другото Милошоски.
Директорот на Музејот, Бранислав Светозаревиќ ни откри дека најчести коментари во книгата се "Јас сум горд Македонец или Македонка" и "Ваков музеј одамна ни требаше". Токму таков впечаток, на пример, ставил внукот на Питу Гули, Стефан.

Ја издвојуваме и мислата на ќерката на Методија Андонов Ченто, Марија Јакимоска.
"Музејот е извонредно осмислен. Македонската борба за осамостојување е на голема жалост исполнета со многу жртви - и тоа воглавно од сопствените сонародници предадени и убиени. Емоциите што ги предизвикува секој период за мене како ќерка на Методија Андонов Ченто се посебно болни затоа што мојот Татко својот живот го вградил во осамостојувањето и обединувањето на Македонија", пишува Јакимоска, оставајќи ја голема буквата т, кај Татко.

Многу ја сакам Македонија и името не сакам да го смениме
Меѓу записите од посетители Македонци, чести се и коментарите "Македонија - вечна". Од поинтересните во книгата ги избравме "Да се биде Македонец е императив и обврска...", "Ванчо Михајлов и Тодор Александров не заслужуваат место во Музејот", "Многу ја сакам Македонија и името не сакам да го смениме"... Меѓу малкуте негативни, посебно интересен е "Музејот е катастрофа од сите можни аспекти". За крај, ја пренесуваме пораката од студент, "Обавезно да дадете студентски попуст".

(Де.Т.)

Вечер

Луѓе кустос е еден и е машко, а другите се водичи. Понекогаш и кустосот води група низ музејот.
Патем http://en.wikipedia.org/wiki/Curator

И тој кустосот кажа дека знамето е копија. Девојката водич може прави ненамерна грешка. Нити се лажно информирани, нити им е наредено да лажат.
Околу прошетките, истите треба да траат 45-60 минути иако тоа време е кратко за се добро да се објасни, па затоа понекогаш се прогледува низ прсти кога некој водич ќе ја надмине границата од еден час за прошетка низ музејот.

Јас кога бев на 21.09.2011 година немаше книга за гости, а баш сакав да напишан нешто, ми рекоа дека набргу ќе донесат...
За знамето веќе резимиравме, оригиналот е во НВИМ во Софија, а во музејот во Скопје е реплика.
За печатот не сум сигурен, иако мислам дека е оригинал, тој печат прво беше изложен во Музејот на Македонија...

Ова за тебе голем музеј е?
дечко си бил ти на запад?

Прошетката трае онолку колку реално може и треба да трае.
80% од артефактите во овој музеј се восочни фигури,така да незнам што поголемо објаснување ти треба од главните карактеристики на личностите и нивниот допринос.

Edited by Block - 06-Apr-2012 at 15:44

Новиот музеј во Скопје го посетиле 35.000 луѓе

Објектот е неодминлив за странските делегации што престојуваат во Македонија, така што тој има и своја дипломатска функција. Во книгата за ВИП-личности, на пример, најсвежи се импресиите на политичарите Борис Шпрем и Јанош Мартоњи и магнатот Карлос Слим, кои Македонија ја посетија во последните две седмици.

- Впечатоците на нашите посетители се, главно, позитивни. Кај нив доминира чувство на гордост и мислења дека  одамна требало да има ваков музеј. Има и негативни, но се многу малку. Има сугестии и забелешки кои со задоволство ги прифаќаме и она што може да дополниме, го правиме во интерес на посетителите, изјави директорот на музејот Бранислав Светозаревиќ.

Тој вели дека одушевени биле и гости од земји што имаат долга традиција со ваков тип музеи, како принцот Мајкл од Кент, според кого овој македонски музеј раскажува уникатна приказна. Признанија имало и од професионалци. На еден германски музеолог, кој набргу по отворањето приватно го посетил музејот,  му се допаднало што во него не се глорифицира локалната историја со претставување само на јунаците и победите. По таа своја одлика, оценил тој, музејот отскокнува од сите што ги видел на Балканот и во Југоисточна Европа.  

За директорот е важно и тоа што посетителите од Балканот и од соседните земји  немаат забелешки на концепцијата зашто таа, вели тој,  не засега со национални навреди. Нему и на авторите на поставката им значи и кога од семејствата и наследниците на историските личности примаат пофалби за осмисленото претставување на нивните блиски. - Нивните реакции се и многу емотивни, вели Светозаревиќ.

Деновиве се поставени уште четири масовни сцени, насликани од македонски уметници. Со нив збирката од големи платна брои околу 60. Засега Музејот има 109 восочни фигури, а  до крајот на годинава од Украина се очекуваат уште 43. Тие ќе ги пополнат амбиентите кои како одделни сцени од борбата за слобода раскажуваат за нејзините етапи - од ајдутството и османлискиот период, првите организирани отпори, влогот на преродбениците, саможртвата на гемиџиите, Илинденското востание, па Првата и Втората светска војна, се до АСНОМ и жртвите на комунизмот.  Нишката што ги спојува е идеалот за слободна Македонија. Тој бил ист и за комитите и за партизаните, како за тиквешкиот војвода Пинpbanksв, така и за син му, херој на НОБ, Страшо Пинџур.

- Има и други такви примери во нашата историја и токму тоа е целта и идејата на овој Музеј - да го раскаже тој континуитет на македонската борба за слобода, истакнува Светозаревиќ.

Во музејот има и над илјада оригинални предмети, од кои впечатливи се примероците на оружје.  Околу 40 отсто од експонатите се подарени од приватани колекции. Тоа, според директорот, е знак на доверба кон установата и кон државата, зашто иако им биле реликвии, донаторите ги отстапиле за да и ги приопштат на јавноста.

Покрај со материјалните факти, борбата и историјата се претставени и со естетизирана симболика - најпрво ѕвездено небо кое е симбол на мечтите за слобода, камбаните како метафора на будењето и бунтот,  пресечните стебла се прекинатите животи... Во центарот на музејскиот хол  се чува Декларацијата за независна Република Македонија од 1991 врз под со сончеви зраци кои симболизираат бесконечност, а одозгора, во разнобојниот витраж на сводот, се различностите на Македонија.

Работното време на музејот е од 10 до 18 часот. Затворен е само во понеделник. Има еден кустос и седум водичи со кои посетителите, во групи од најмногу 25-мина, одат во прошетка низ времето што трае најмалку 1 час. Влезницата е 100 денари и 50 за организирани посети на ученици.

За да се одржува од свои приходи и да биде помалку зависен од пари на државата, Музејот почна да ја изнајмува  конференциската сала за различни пригоди. Таа има 230 места во галериски простор, современа техника за проекции и опрема за симултан превод.

http://press24.mk/story/makedonija/skopje/noviot-muzej-vo-skopje-go-posetile-35000-lugje

Gorniot tekst so naslov "Новиот музеј во Скопје го посетиле 35.000 луѓе" kazuva deka od dosegasnite 35000 posetuteli, 10000 se ucenici koi plakaat karta vo visina od 50 denari. Mislam deka ova e eden vid skandal i gomena sramota na se naplaka karta na ucenici koi zgora na se doagaat irganizirano preku uciliste. Zadem vaka planiraat nadleznite da sobiraat sredstva za muzejot, od decata? 

Дечки музејов има веб страна ??? Пример мене ме занима кој денови работи од колку до колку, и колку е карта ?

http://mmb.org.mk/w/

од `колегите` од SSC



Edited by gjoko - 29-May-2012 at 22:26

во земји со пазарна економија како што цели РМ,нема ништо безплатно