Стручни лица од Франција ќе ги обучуваат велешките архитекти на методи и начини за чување и заштита на старата градска архитектура. Тие, во најскоро време, заедно ќе направат инвентаризација, а потоа и список на објектите кои би требало да бидат заштитени од забот на времето

Француската асоцијација на градови за заштита на културно-историски зони заедно со Општина Велес ќе го заштитат од забот на времето надалеку познатото архитектонското наследство на градот. Стручни лица од Франција ќе ги обучуваат велешките архитекти на методи и начини за чување и заштита на старата градска архитектура. Тие, во најскоро време, заедно ќе направат инвентаризација, а потоа и список на објектите кои би требало да бидат заштитени. Целта на овој проект е старите објекти од културна и историска вредност да добијат иста форма и содржина како во минатото, и да бидат ставени во функција за онаа намена за која порано служеле.
"Работевме на реновирање на Старата скопска чаршија. Велес има многу бисери од старата архитектура, која е позната и во светот и таа треба да се заштити. Подготвени сме тоа богатство да го заштитиме", вели Мари Лиз Ортиз, директорка на Француската асоцијација.

На средбата, што со првите луѓе на Француската асоцијација неодамна се одржа во Велес, беше речено дека во заштитата на архитектонското наследство, по примерот на Французите, ќе бидат вклучени и жителите, но и сопствениците на објектите кои ќе влезат во списокот за заштита.
Според Горан Петров, градоначалник на Велес, овој проект ќе резултира со добро искуство за велешките стручњаци, па тој ги повика сите архитекти, археолози, историчари да се вклучат и да дадат свој придонес во заштитата на архитектонското наследство.

"Она што треба да се направи е нашата специфична архитектура да се стави во една програма, а тоа значи објектите не само да бидат обновени, туку и да бидат ставени во функција на она што е најважно за еден град, во функција на туристичкиот или на економскиот развој", рече Петров.http://vecer.com.mk/?ItemID=14FDB6ADF17440478D932808C8EDB8ED

Денот на македонското вооружено востание 11ти октомври, кога ќе се слават 70 години од отпочнувањето на отпорот кон фашистичкиот окупатор, ќе биде одбележан со реконструиран Меморијален музеј, а воедно ќе заврши и замената на старите плочи пред Участакот.

До одбележувањето на празникот „11- ти Октомври“, предвидено е да бидат завршени градежните работи од реконструкција на плоштадот „Методија Андонов Ченто” и тоа пред Участакот.

Тоа е всушност првата фаза со која се врши замена на плочките на површина од околу 600 метри квадратни и тоа пред меморијалниот Музеј „11 – ти Октомври“. Се користат мермерни и гранитни плочки. Со идејното решение предвидено е зголемување на зелените површини, богато хортикултурно уредување, поставување на модерна урбана опрема и обновување на осветлувањето.

Во оваа фаза е предвидено на реновираниот дел да биде поставен и споменикот на Кузман Јосифоски – Питу, кој ќе се посотави пред реконструираниот Участок. Градежните работи за реконструкцијата на плоштадот „Методија Андонов Ченто“ започнаа на 8 септември, на „Денот на независноста на Р.Македонија“.

Ќе се реконструира и останатиот дел од плоштадот со вкупна површина од околу 8.000 метри квадратни.

Епархијата на владиката Тимотеј доби нов објект

недела, 20 ноември 2011, 17:03