Проблеми на локалните самоуправи: Куманово

Ја отворам оваа тема со цел изворно да ги претставиме проблемите во нашите општини, пред да почнат политичките мршојадци да ветуваат: "кули и градови";"мед и млеко";"симнување ѕвезди и комети" и слично. Јас како обичен граѓанин ќе ви ги изнесам проблемите што мојот град ги има, проблеми што се гледаат од авион, а за нивното решавање се нема абер. Па можеби на следнава локална гарнитура ќе и текне барем некој од следниве проблеми да реши:

1. Според мене, прв и најголем и најосновен проблем е НЕМАЊЕТО ЈАВНО ВЕЦЕ. Град со 80 000 жители во градската зона и со уште 20 000 жители во приградските населби, во 21-от век нема веце.

2. НЕМАЊЕТО ПАРКИНГ ПРОСТОР. Се градат нови згради на самите тротоари, се градат нови згради дури и во сокачиња. На ниту една зграда не е предвиден простор за паркирање, ни во приземје, ни во сутерен, ни околу самите згради. Единствен расположив простор се тесните улици и тротоари пред самата згради. И тоа се работи за петкатници и повисоки згради. Кај сите згради во приземјето се предвидени дуќани. И кај ќе паркираат продавачите, купувачите и доставувачите на стока за дуќаните, а пред се, кај ќе паркираат нововселените станари.

3. НЕСЕРИОЗНОСТА СО ВОДОСНАБДУВАЊЕТО. Пред месец дена, поради нечии каприци пола град остана две недели без вода во најголемите горештини, а два дена вода немаше цел град.

4. ОЧАЈНА СООБРАЌАЈНА ИНФРАСТРУКТУРА И НЕЈЗИНО НЕОДРЖУВАЊЕ. Има улици во централното градско подрачје кои сеуште се земјени. Хоризонталната сигнализација на улиците се чека да се избрише па дури тогаш повторно да се вцртува. На булевар нема семафори коишто треба да стојат на средината, на некои семафори столбот им е целиот искривен, некои не гледат со светлото спрема пешакот од другата страна, туку се свртени настрана. Тротоарите што не се заштитени со метални столпчиња се узурпирани од коли. Истото важи и за велосипедските патеки. Кај што се сече лента од тротоарот да поминува гасовод, местото наместо да се асфалтира, се остава со земја. На некои доста фреквентни улици нема тротоари. Паркирање има дури и на лаците на раскрсниците (оној лак што е меѓу двата пешачки премина), дури и на самите пешачки премини.

5. МЕДИУМСКИ МРАК. Немање на ниту еден дневен, неделен или барем месечен весник. Постоење на две телевизии на македонски јазик, од кои едната едвај покрива простор во радиус од 2 километри, а другата од 1 километар. За разлика од нив, двете албанските телевизии имаат значително појаки предаватели. Сега дури не функционира ни сајтот kumanovo.gov.mk.

6. ЛОША ПОВРЗАНОСТ СО СОСЕДНИТЕ ГРАДОВИ, ОСВЕН СКОПЈЕ И КР. ПАЛАНКА и превоз кој се одвива со крнтии. Темата е нашироко разработена во Меѓуградски превоз.

7. НЕСАНИРАЊЕТО и НЕРУШЕЊЕТО НА МНОГУ ОШТЕТЕНИ ОБЈЕКТИ. Во самото централно градско подрачје има стари куќи што се толку оштетени и распаднати што чатиите им висат на подот. Пред едната дури е заграден тротоарот на улицата пред неа, бидејќи може да падне и да убие некој (ул. Моша Пијаде). Напоменувам дека во овие куќи не живее никој, зашто одамна се напуштени од сопствениците. Покрај опасноста од загрозување на животот на минувачите, опасни се и по нивното здравје зашто голем дел од нив се претворени во мини-депонии.

8. ВАДЕЊЕТО НА ЛИЧНИ ДОКУМЕНТИ. Вадењето на лични документи во Куманово е хорор-искуство, зашто само за сликање треба да дојдеш неколку пати и да чекаш по цели денови, во тесен простор крајно несоодветен за таа намена. Според мене, тоа треба да се направи со семафор и бројчиња како во Т-Home и во некои банки, а не да се туркаш како добиток, и тоа со денови.

9. ЗАПУСТУВАЊЕТО НА РЕКРЕАТИВНИОТ ЦЕНТАР ПРОЕВЦЕ. Под итно треба да се поправи грдата слика во некогаш популарното излетничко место.



Edited by phenomenon - 01-Jul-2012 at 03:06

Без навреди, ама Куманово е најочајниот град во Македонија, чак Тетово и Гостивар се млку понапред. Да не ви се Туш, Тинекс, или продавници као Спрингфилд, со што делот околу овие места е подсреден, Куманово ќе биде еквивалент на запуштен град од Молдавија. Првиот впечаток кој се добива за овој град, кај бензиската на Макпетрол за влез во градот покажува дека у градов кило асфалт не е фрлено. Нема тротоари, улици ужас, хигиена не е ни за зборење, зеленило скоро и да нема, метла не заиграла во Куманово со години... има уште многу проблеми кои ги забележав при мојата прва и едина посета на Куманово пред некој месец, а една од побитните е што еве и денес коа имате силни спортски клубови, околината пред салата воопшто не е средена, можат барем 200 квадрати бекатон да стават. Со еден збор, град кој во голем дел од својата територија личи на штала. Без навреди, јас истото го зборам и за Скопје, со тоа што во Куманово тоа е претерано изложено.

Каков град во Молдавија?! Куманово е Уагадугу во мало.

Originally posted by Cloverstack Освен гасификацијата, има ли барем некакво предизборно ветување за некој поголем инфраструктурен проект?

Има како не, градење затворен базен..само врска немам до кај  е работата..као замрена ми изгледа..се ближат избори,може ќе пркне малце.

Можам да се сложам дека од аспект на билдерските теми Куманово се наоѓа убедливо на дното помеѓу македонските градови. Патната инфраструктура, паркирањето, автобуската станица и хигиената низ улиците се приоритети кои треба да ги решава градот, барем погледнато од скопски аспект.

Се надевам дека ќе има форумаши кои нашироко ќе ги изнесат кумановските проблеми, но и негативностите што ги мачат граѓаните на другите градови.

Само ќе кажам како што има одредени несредени делови во Скопје нема ниту во Куманово, ниту во било кој град во Македонија.
Како приоритетни проекти би ги набројал конечно завршување на кракот од бул. Октомвриска Револуција, нова автобуска станица и обнова на градскиот парк и спортската сала и една понереална желба а тоа е нова железничка станица поблиску до центарот која евентуално би се овозможила ако се направи пругата према Бугарија.

Originally posted by N23 Originally posted by 46&2 Само ќе кажам како што има одредени несредени делови во Скопје нема ниту во Куманово, ниту во било кој град во Македонија. Како приоритетни проекти би ги набројал конечно завршување на кракот од бул. Октомвриска Револуција, нова автобуска станица и обнова на градскиот парк и спортската сала и една понереална желба а тоа е нова железничка станица поблиску до центарот која евентуално би се овозможила ако се направи пругата према Бугарија. Точно е дека Скопје има Багдад места (шала на страна ама на пластичарската улица постои маало кое се вика Бадад). Арно ама, Скопје во урбаниот дел иако има несредени маала, сепак нема маало како она ромското во Куманово кое е одма над Туш маркетот. Тоа веројатно е понесредено и од Шутка.

Секој град си има своја Шутка , само што Скопје вешто ја крие. Друго ми беше зборот само во Скопје неискосена трева се мери во метри, секоја втора зграда е со доградба и надградба, плетари и полуразрушени куќи имаш буквално на 100 метри од главниот плоштад, да не заборавиме до пред 5 години каква автобуска станица имаше Скопје и каков беше главниот плоштад. А најмногу ми е криво кога со граѓаните на РМ се купија тие 200 двокатни и не знам колку украински автобуси а не се дадоа барем по 1 на градови како Куманово, Битола, Прилеп, Тетово кои се 1/5 или 1/8 од бројноста на Скопје. Само во Скопје можеш со 900 денари како студентарија месец дена да се возиш каде сакаш и колку сакаш, а сепак се жалите животот ви бил скап. Па прашајте не нас од другите градови како живееме.

Тоа што Скопје има слемови како Маџир Маало и Керамидница или што има хаотични населби, во поглед на урбанизмот, како Кисела Вода и Тасино Чешмиче, тоа во никој случај не ги оправдува локалните кумановски власти што Куманово нема јавно веце. Дирекна последица од тоа е замочување на секој ќош во центарот, кајшто од смрдеата не можеш да поминеш. И нема никакво оправдување за очајните телевизии на македонски јазик со уште поочајни предаватели. Пред некој ден читав дека седниците на локалната самоуправа ќе се снимале и ќе се емитувале на локалните телевизии. Телевизија Нова едвај го покрива градското подрачје со едвај задоволителен зрнест квалитет на сликата, додека ТВ Крт им зрачи програма само на тие што се наоѓаат во нејзиното непосредно опкружување, да не речам маало. За разлика од нив, албанските ТВ Хана и ТВ Феста не само што го покриваат целиот град, туку ги покриваат и оклните села во кумановско, а некои дури и во липковско. Па пред десет години, сигналот од една селска телевизија од Матејче, Зери е Кумановес, можеше да се фати во цело Куманово! Потребен ли е за ова коментар?

Локалитетот Чоробенско Ќоше во најстрогиот центар на градот:

Уште една слика од истиот локалитет: