Охридски сообраќај (општо)

Originally posted by Тркало Кај Лукоил до автобуската станица

Го избришале МК делот.Ама и овде ми е интересна симболиката, нешто како македонските декларации на 7 days, Bake Rolls и слични производи


Edited by Тркало - 18-Apr-2012 at 18:57

и Лерин го напишале,а по грчи е Флорина

исто вака се прави и во Кичево,до асфалтирање на дупките ги пополнуваат со бекатон коцки

Охрид и летово со импровизирана автобуска станица

Автобуската станица во Охрид која повеќе од 5 години е несредена и наликува на рурална попатна станица, најверојатно ќе остане таква и во текот на годинешнава туристичка сезона. Тоа значи дека обичниот непокриен паркинг со метална ограда, малата барака за издавање билети, покриената автобуска постојка и неколкуте дрвени клупи, ќе бидат првата слика што ќе ја видат туристите, кои во нашиот најголем туристички центар ќе пристигнуваат со автобус.

Охриѓани се незадоволни од состојбата во која се наоѓа автобуската станица и бараат од надлежните институции што побрзо да го решат овој долгогодишен проблем.

-Има само два шалтера за издавање на билети, а поради тоа се создава голема мешаница за време на летната сезона. Оваа станица нема соодветна чакалница, па во лето патниците седат на отворено на плус 40 Целзиусови степени, а ако им заврне дожд и ако немаат чадор, може да се случи да патуваат мокри. Исто така нема ни соодветен тоалет, па може да замислите каков впечаток имаат туристите за нашиот град, вели жител на Охрид.

Тој наглсува дека во близина на автобуската нема ни банка ни менувачница, па патниците нема каде да разменат или да подигнат пари.


Од Охридската локална самоуправа велат дека според деталниот урбанистички план за овој дел од градот, предвидена е изградба на современа меѓуградска автобуска станица, со модерен деловен комплекс.

- Проектот за изградба на автобуската станица, до сега не можеше да се рализира поради тоа што земјиштето каде што истата е лоцирана беше во државна сопственост. Наодамна Секторот за урбанизам при Општина Охрид до Министерството за транспорт и врски достави дел од потребната Програма за враќање на државното земјиште во сопственост на општината, што значи дека формалната процедура за земјиштето кај автобуската е веќе започната. Откако ќе ни биде вратено земјиштето ќе може да распишеме тендер и да бараме инвеститор кој би го израдил објектот, велат од Општина Охрид.

Од таму објаснуваат дека не можат да прецизираат точни рокови за изградба на новата автобуска станица па најверојатно и оваа летна сезона, Охрид ќе ги пречекува туристите во импровизирани услови.

Инаку Автобуската станица, која порано беше во центарот на Охрид, во 2006 година беше срушена и префрлена на местото каде што сега се наоѓа.

http://www.ohridnews.com/index.php?mod=1&kat=4&id=41403

Фото: Тазе бојадисаните зебри се заштитуваат со канти

Во пресрет на туристичката сезона се освежува вертикалната сообраќајна сигнализација во градот. Вчера се бојадисуваа зебрите на улиците „Македонски посетители“ и „Димитар Влахов“. Дел од тазе бојадисаните зебри се заштитени со конуси, а онаму каде што недостасувале, поставени се канти.

OhridNews

07.06.2012 00:30                                                                  Прочитана е : 183 пати
© 2012 Ohridnews.com. Сите права се задржани.

Edited by Тркало - 07-Jun-2012 at 00:33

Охридските улици полни со „лузни“, копа кој кај ќе стигне

Како по некое непишанио правило, пред самиот почеток на туристичката сезона се интензививраат градежните зафати во градот. Деновиве на повеќе локации на прометни сообраќајници и улици во центарот, па дури и во делови во чаршијата се вршат прекопи и други акривности за поставување инфраструктура. Дуќанџиите околу плоштадот „Крушевска Република“ кај стариот Чинар реагираат дека ваквите зафати влијаат не само на нивниот бизнис, туку негативно се одразуваат и на имиџот на градот.

-Сега почнува сезона, странците се веќе тука, и наместо среден и уреден град гледаат раскопани улици и градежни активности во центарот на градот и тоа преку целиот ден, реагираат дуќанџиите.
Од Локалната самоуправа велат дека изведувачите на прекопите добиваат дозвола од општината со обврска кога ќе завршат со работа просторот да го вратат во првобитна состаојба.
Тоа за жал најчесто не се почитува. Поднесуваме пријави но постапките во судот траат долго, улиците се нагрдени и сето тоа боде очи кај туристите, велат од Локалната самоуправа.

Општината смета дека е потребно да се изнајде посоодветно решение за изведување на прекопи и ситни градежни зафати, особено во сезона, кое нема да пречи, како на граѓаните, така и на гостите.



Г. Момироски
14.06.2012 09:22                                                               Прочитана е : 719 пати
© 2012 Ohridnews.com. Сите права се задржани.


Edited by Тркало - 14-Jun-2012 at 14:37

Освежување на сигнализацијата вчера.Сликано е кај 18:30, околу 23:30 се враќав и работеа на следната раскрсница.И нормално, на крајот на Јуни


Првиот КТ веќе бил оформен, ама наводно дијаметарот бил помал од ширината Туристичка...

Edited by Тркало - 29-Jun-2012 at 17:51

Уште една несреќа на душа на талентите од Одделение за сообраќај во Општина Охрид
БЕТОНСКИТЕ ТОПКИ ВО ЦЕНТАРОТ НА ОХРИД НЕСРЕЌНИ ЗА СТЕФАНОВСКА

НАПИШАНО ОД ТАТЈАНА МАЛЕНКОВА НА 13 ЈУЛИ 2012. ОБЈАВЕНО ВО ОХРИД


Сообраќајното решение со фамозните бетонски топки по кеј маршал Тито се покажа повеќе препрека отколку помош. Една ваква топка, причина 80 годишната Елисавета Стефановска, да се сопне и да се здобие со скршеница, потрес на мозокот, удар на окото, грабнатини … Настанот се случил пред три дена на улицата која води до езерото, пред депандансот, каде поминува секојдневно.     
Стефановска раскажува дека таа и нејзината снаа излегле да се прошетаат покрај езерото околу 08:40 часот. Виделе дека помеѓу депандансот и хотелот Палас има рампа, но не забележале ништо друго. Тогаш и заѕвонил телефонот на снаата, по што таа махинално се завртела на таа страна, се сопнала на бетонската топка и паднала. Стефановска неможела да се помести, но добро се сеќава дека први напомош пристигнале минувачите, некој повикал итна помош и веднаш била пренесена во специјалната болница за ортопедија и трауматологија Св Еразмо. Таму после деталниот преглед на главата и раката и била пружена соодветната помош и дадена терапија.


„ Таа топка не смее да стои ако ништо друго требале да стават едно стапче што ќе означува дека тука има некоја забрана. Навистина не функционира градов. Секаде е заградено, но не е како што треба. А дете да ја шутне топката, што ќе стане.   Зошто се случи тоа, зашто, не обранав внимание? Јас не сум свесна дека можело да се стави топка покрај ограда. Ако има рампа и чувар, барем тој да стои тука некаде, а не да се крие позади рампата“- вели Стефановска.

Таа додава дека после падот повторно кај нејзе се активирал високиот крвен притисок со што дополнително и се влошил здравстваната состојба ако се земе во предвид и тоа дека таа веќе има зад себе една операција поради срцево заболување. Стефановска е категорична дека ќе поднесе тужба до локалната самоуправа и концесионерот на паркингот.


„Најмногу ме налути тоа што барајќи кој беше дежурен од вработените на рампата, не сакаа да ми дадат.   Јас ќе поднесам барање за оштета против градоначалникот и сметам дека многу одлуки се незамисливо лоши. “ - завршува Стефаноска.

Од првна гледна точка, адвокатите кои ги консултиравме велат дека жената има основа за тужба, со цел да оствари надомест на штата.
Инаку бетонските топки беа поставени со одлука донсена на Седница на совет на 31 мај, како дел од решенијата за новиот режим на сообраќај. По аминит од советниците дека на Кеј Маршал Тито   динамичкиот сообраќај треба физички да се оддели од пешачката зона, стручните лица во секторот за сообраќај при локлната самоуправа го понудиле решението со бетонски топки. Од таму пак велат дека за ваквото решение позитивно мислење дале и од СВР Охрид.

Ова е прва ситуација со повреди на луѓе, во меѓувреме веќе неколку браници на туристи и локални луѓе се скршени.


А кружниот тек кај стара Охридија е готов, АМА...само овие таленти можат да стеснат една лента од Туристичка на 5 метри пред влезот во КТ

 
Факт е тоа дека охриѓани беа меѓу првите кои започнаа со зонското паркирање во Македонија и тоа уште пред 10 години, ако не и повеќе, а скопскиот генијален градоначалник Коце Трајановски неодамна тргна по стапките на неговиот охридски колега Александар Петрески.
 
Сега се случува спротивното, охридскиот градоначалник Петрески тргнува по стапките на неговиот скопски колега Трајановски со овие новиве кружни сообраќајни токови и пренаменување на двонасочните улици во еднонасочни.
 
Наградното прашање гласи:
 
Дали скопјани сакаат да бидат охриѓани или охриѓани сакаат да бидат скопјани ?
 

Пишман општина

Советниците ќе расправаат дали на „Партизанска“ ќе продолжи наплаќањето за паркирање

Советниците од ВМРО- ДПМНЕ со предлог- на улицата „Партизанска“ да не се наплаќа за паркинг.

Овој предлог на почетокот на 50- та седница на советот, го даде советничката Јованка Дамовска- Секулоска, што како точка на дневен ред беше прифатен и од останатите советници.


-    Ние прифативме оваа точка да се стави на дневен ред и за неа да се расправа. Секако треба прво да се изјасни предлагачот на режимот на сообраќај, кој се носи како одлука на совет, а за што дава согласност министерството за внатрешни работи. За секоја измена би требало да тече одредена процедура. Прво да се изјасни предлагачот, а потоа ќе завземеме став по овој предлог. Јас лично од спроведувањето на режимот на сообраќај воопшто не сум задоволен, закажаа факторите задолжени за негова реализација. Една улица плус или минус нема многу да смени, затоа што од самиот почеток реализацијата на новиот режим на сообраќај се сфати многу несериозно, вели координаторот на советничката група на СДСМ, Томислав Тунтев.

За оваа точка на дневен ред ќе се расправа на продолжението на седницата закажано за утре, со почеток во 13 часот.

OhridNews


30.07.2012 10:34 Прочитана е : 893 пати

© 2012 Ohridnews.com. Сите права се задржани.