Аеродроми

http://skp.airports.com.mk/BusTransportPopUp.aspx?l=2&t=1

На фејсбук страната на ТАВ има објавено вест дека на Аеродромот во Скопје се воведени машини за самопријавување.
Чекор понапред. о/

Стално вози по тој пат...

Edited by alexsend - 16-Aug-2012 at 09:20

EKСПЕРТИТЕ ЗА ИНИЦИЈАТИВАТА НА БИТОЛСKАТА ЛОKАЛНА ВЛАСТ

Аеродром во Пелагонија не е научна фантастика

Градењето аеродром во Битола не мора да биде научна фантастика, туку остварлива идеја доколку внимателно се избере комерцијалниот модел што ќе биде исплатлив. Градот веќе располага со спортски аеродром во село Логоварди, кој би се доизградил и пренаменил. Ова го велат експертите по воздухопловство за идејата на градоначалникот Владимир Талески во Битолско да изгради аеродром за комерцијални цели.

- Ова е возбудлива идеја, но потребни се комплексни анализи кои ќе покажат не само дали е исплатливо, туку да се утврди и точниот модел на аеродром во каков би се трансформирал постојниот. Во Европа постојат стотици мали аеродроми кои ја надминаа бројката на дадени услуги од еден милион патници годишно, а се помали од скопскиот и од охридскиот аеродром, кои мака мачат како да се доближат до таа бројка. Успехот на малите аеродроми лежи во вистинскиот модел и во приспособувањето на целта, која е таргетирана како резултат на квалитетни анализи - вели Игор Божиновски, потпретседател на Воздухопловната федерација на Македонија и прв човек на битолскиот аероклуб.

Божиновски посочува дека постојат разни модели во кои би можел да се пренамени аеродромот. Kако нудење воздушна такси-услуга, превоз во земјата, странство, услуги од типот на воздушно запрашување или гаснење пожари, транспорт за медицински потреби, за воздухопловна школа и друго.

Други пилоти велат дека економски поисплатлива варијанта е да се направи мал аеродром за транспорт со воздухоплови, кои би имале по 6, 8 или 12 седишта. За таа намена би можела да се искористат и сегашната писта во Логоварди долга 1.200 метри, со широчина од 100 метри на затревена површина, постојните хангари, зградата за сместување пилоти...

- Постојат услови аеродромот во Логоварди да се користи за лесна авијација, а не за големи авиони бидејќи ќе треба поголема писта. Значи, помали авиони кои летаат на дестинации во Европа, а да може да слетуваат и спортски авиони. За авиони со 50 патници е поголема работа, ќе треба да се направи бетонска писта, да се оспособи и за ноќно летање, да се направи царинска зона - посочува Драги Ивановски, наставник по воздухопловно едриличарство и моторен пилот.

Експерти од оваа област велат дека треба сериозно да се размисли за обезбедување кадар зашто земјава се соочува со недостиг на пилоти и на механичари за авиони. Истовремено, географската положба на сегашниот спортски аеродром е идеална зашто се наоѓа во пелагониската рамница, а ружата на ветрови е поволна. Но метеоролошките услови знаат да бидат незгодни, посебно со маглата која паѓа во есен и во зима, па видливоста е мала.

Желбата на битолчани за аеродром е стара неколку децении. Таа неретко беше политички подгреана пред избори. Така, во 2002 година владата на Љубчо Георгиевски на заминување потроши 1,8 милион евра во изградба на контролна кула, спални, училници, хангари во Логоварди. Требаше да профункционира пилотска школа, се купија три авиони. Власта се смени, новата го прекина проектот и авионите отпатуваа за Скопје.

Жанета Здравковска

Над 400.000 потенцијални патници

Аеродром во Битола не е политички маркетинг, не е луксуз, туку потреба, вели битолскиот градоначалник Владимир Талески на седум месеци пред локалните избори. Според него, аеродромот ќе биде од Ц-категорија и ќе служи за превоз на патници во регионот, Европа и пошироко.

- Би имале патници од пелагонискиот регион, како и од нашите соседи - од Лерин и од околните градови на кои им е далеку да патуваат во Солун. Тоа се 400.000 потенцијални патници. Битолскиот крај е најпечалбарскиот и имаме потенцијално можност да ја привлечеме нашата дијаспора - вели Талески.

Izvor: Dnevnik, http://www.dnevnik.com.mk/default.asp?ItemID=50C0183C84896744B0DE9CCD966247FC

Е па ако веќе имаат спортски аеродром, нека се фокусираат на негова модернизација и зголемување на неговиот капацитет, ако тоа е возможно се разбира, но нека остане спортски аеродром, а не комерцијален.
 
Сега и по секое село ќе отвораме универзитети, ќе градиме аеродроми, стадиони, плоштади, фонтани и што ли уште друго не.


Edited by Dexter26 - 29-Aug-2012 at 19:58

ТАВ ги промовираше македонските аеродроми во Косово и Јужна Србија



Генералниот директор на „ТАВ Македонија” Зоран Крстевски и менаџерот за маркетинг и развој Зафер Меше неделава во Приштина и во Врање ги презентираа можностите на скопскиот аеродром, во обид да се привлечат повеќе патници од Косово и од Јужна Србија.

На промоциите двајцата претставници на ТАВ пред локалните медиуми на туристичките агенции од регионот им понудија долгорочна соработка. Имајќи ги предвид интересите на патниците и туристичките агенции во Косово и Јужна Србија, двајцата менаџери се осврнаа на капацитетите на аеродромот, високиот квалитет на услугите и можностите за летање по ниски цени од Скопје до поголемите европски центри, соопшти „ТАВ Македонија“.

Скопскиот аеродром „Александар Велики“ со авиолинии во моментов е поврзан со аеродромите во Анталија, Анкона, Амстердам, Белград, Бергамо, Брисел, Дортмунд, Дубаи, Дизелдорф, Ерџан, Ајндховен, Истанбул, Измир, Љубљана, Лондон, Малме, Мемингем, Мулуз, Палма де Мајорка, Рим, Сабиха Ѓокчен, Штутгарт, Тревизо, Виена, Загреб и Цирих.

Од есен преку „Виз Ер“ од скопскиот аеродром по цени кои почнуваат од 10 евра ќе се лета до шест нови европски метрополи, а преку компанијата „Флај Дубаи“ македонскиот главен град е директно поврзан со Дубаи.

Промоциите на ТАВ во регионот е дел од одбележувањето една година од пуштањето во употреба на новиот и најмодерен аеродром во регионот „Александар Велики“ во Скопје, а целта е тој да стане регионално авио-пристаниште што ќе опслужува 4,3 милиони патници годишно

Пелагонискиот регион (Битола, Прилеп, Ресен, Крушево, Демир-Хисар, селата..) и северо-западниот дел на Грција како Лерин, Воден... се горе-долу 350-400 илјади

Edited by stratus - 12-Sep-2012 at 22:18

1. Site ovie gradovi elegantno moze da gi pokrie ohridskiot aerodrom. Ne mi e jasno zosto pokraj postoecki aerodrom (Ohrid) treba da se gradi nov vo Bitola, koga Bitola-Ohrid vozdusna linija iznesuva 51km. Sto ke mu pravime na ohridskiot aerodrom???

2. Zosto Resencani bi go koristele bitolskiot aerodron koga ohridskiot im e pobliski
Resen-Oh.aerodron 25km vozdusna linija
Resen-Bitola 28km vozdusna linija

3. Duri i so ziteli na druga zemja se doaga do nekoja brojka od 350.000 ziteli. Od tie 350.000 sigurno 25% nemaat za leb i voda a ne za avion i setanje po svetot, barem 10% se penzioneri a znaeme kolku nasite penzioneri patuvaat.

4. 50km oddalecenost od aerodrom e mala distanca. Eve jas ziveam vo eden golem evropski grad koj ima sopstven aerodrom. Toj aerodrom e oddalecen 20-25km (vozdusna linija) od centralnoto gradsko podracje a da ne zboruvam deka istiot go koristat milioni luge vo radius od 200km.

Znaci aerodrom vo toj kraj od Makedonija ima. Treba samo da se podobri patnata infrastruktura (a zosto ne i zeleznickata) i povrzuvanjeto so nego da bide na edno zavidno nivo. Se drugo e samo frlanje pari za djabe, disciplina koja ja usovrsuvame maksimalno.

Originally posted by Denko 2. Zosto Resencani bi go koristele bitolskiot aerodron koga ohridskiot im e pobliski Resen-Oh.aerodron 25km vozdusna linija Resen-Bitola 28km vozdusna linija

Чекај сега, зошто Ресенчани би го користеле охридскиот или битолскиот аеродром? Јас мислам дека е редно да се направи аеродром во Ресен

Плус извоз на јаболки, карго летови...

А никој не го спомнува ни бумот кој може да се направи со локални летови Ресен-Битола и Ресен-Охрид. Бидејќи се наоѓа во средина, може да стане регионален хаб и битна транзитна дестинација.