СКОПСКА


ЌЕ СЕ ПРОШИРИ ЕДНА ОД НАЈФРЕКВЕНТНИТЕ УЛИЦИ


Метежот на Пластичарската улица ќе се реши со уште една лента


Проширувањето ќе биде од мостот што води кон Бит-пазар до раскрсницата каде што се наоѓа Американската амбасада со вкупна должина од околу 700 метри, велат од општина Чаир


Ќе се проширува познатата Пластичарска улица кај Бит-пазар каде што секојдневно се создаваат гужви, поради големиот проток на луѓе и возила. Од општина Чаир информираа дека во договор со Град Скопје се планира Пластичарската улица која официјално го носи името булевар Никола Карев да добие уште една лента со што вкупно ќе има четири ленти. Проширувањето ќе биде од мостот што води кон Бит-пазар до раскрсницата каде што се наоѓа Американската амбасада во вкупна должина од околу 700 метри. За потребите на новата лента од општината велат дека ќе се искористи тротоарот што е наменет за велосипедистите, а на кој пак сега дуќанџиите распослале пластични кофи, столови, маси, канти и цвеќиња. Според очекувањата на општината, со реконструкцијата на овој булевар ќе треба да се започне најдоцна до октомври месец годинава.
- Потребата од проширување на оваа улица се појави поради густиот сообраќај поради што често има застој на лентите, автомобилите застануваат, се паркираат и ја узурпираат улицата. Кога ќе се прошири улицата ќе биде забрането возилата да се паркираат на неа и ќе има засилена контрола. Ќе биде дозволено само товарење и истоварување. Со генералниот урбанистички план пак ќе се прецизира каде ќе има паркинг на овој потег - велат од општина Чаир.

Инвеститор на градежните зафати на булеварот Никола Карев треба да биде Град Скопје кој и го подготвува проектот. Сепак поради годишните одмори од таму велат дека не се во можност да информираат колку би чинело проширувањето.

Иако булеварско решение, Никола Карев" во Чаир сега личи на тесна маалска улица по која одвај се разминуваат возила. Важи за брза транзитна сообраќајница, бидејќи без да навлегува во градот води кон Косово, но и кон градовите во западниот дел на Македонија. Посетителите на дуќаните со години возилата ги паркираат пред продавниците, односно на коловозот, а со тоа го блокираат сообраќајот во должина од два километра.

Тротоари има, ама не за пешаците туку тие им служат на дуќанџиите за продажба на се и сешто. Трговците својата стока ја изложуваат на јавните површини, а со тоа го попречуваат движењето. Она што е најголема опасност за учесниците во сообраќајот се испаркираните возила на коловозот од двете страни на оваа улица. По пешачките површини се распослани пластични маси, столови, лустери, килими, градинарски производи, па и автомобилски гуми. Метежот на оваа улица почнува претпладне и трае најмалку до четири часот попладне. Две ленти од коловозот се секогаш зафатени од паркираните возила, од тротоарите пак никнуваат како пешаци така и автомобили. Пешаците ја поминуваат улицата, дури и кога се далеку од пешачките премини. Според Законот за сообраќајот, забрането е продавање производи на јавен пат и казната чини 300 евра. Од Градски паркинг" редовно одат на оваа улица и креваат непрописно паркирани возила со Пајак-службата, но тоа не ги премислува граѓаните повторно да направат прекршок. Иако по отворањето на обиколницата се намали бројот на тешки камиони што го користеа нејзиниот коловоз за да стигнат од еден до друг влез на градот, сепак уште голем број возила, и патнички и товарни, поминуваат оттаму за да се упатат кон Тетово, Блаце или кон Петровец, трите главни излези од Скопје. Пред почетокот на Пластичарската пак е создадена и вештачка автобуска постројка каде што секојдневно граѓани чекаат комбиња кои ги носат до Тетово и Гостивар.

Во изминатиов период Град Скопје инвестираше во проширување и реконструкција на повеќе главни сообраќајници во Градот меѓу нив се Првомајска, Теодосиј Гологанов, Јане Сандански. (С.М.)
http://www.vecer.com.mk/?ItemID=0019D1A32C9B964CB5D17A927A89B59B

Добро утро, конечно се разбудија Браво, тој дел навистина е хаотичен, сега мислам барем малку ќе се намали хаосот! Се работи само за една лента но сепак задоволен сум

 
Исто така, за жал, со законот за легализација на дивоградбите, најверојатно истите тие нелегално изградени објекти на булевар Никола Карев веќе се легализирани или се во фаза на легализација, па град Скопје или општина Чаир (не знам под чија надлежност спаѓа булевар Никола Карев) ќе мора да изврши експропријација на имот за да може со уривање на истите тие објекти да се премине кон целосно проширување на булевар Никола Карев, поради што инвеститорот, без разлика дали е град Скопје или општина Чаир, веќе е во загуба, ќе мора да троши пари за експропријација на имот, наместо за конкретни градежни работи.
 
Се надевам дека проширувањето на булевар Никола Карев ќе стане реалност, односно дека нема да остане само предизборно ветување, бидејќи ова проширување, исто како што беше и со проширувањето на булевар Србија и на булевар Климент Охридски, е потребно од поодамна.
 
Оф топик:
Приватната 45-ка, последниот автобус со нископоден влез произведен од страна на Санос кој сообраќа низ скопските улици, со 3 двокрилни врати. И ЈСП Скопје има 2 единечни автобуса со нископодни влезови од Санос, но со 2 двокрилни врати, а исто така има уште 1 или уште 2 двојни автобуси од Санос со нископодни влезови, не помнам точно, но знам дека приватната 45-ка е најновиот автобус од Санос кој сообраќа низ скопските улици, сигурно нема ни 10 години, бидејќи прв пат го видов 2004 или 2005, не помнам точно.


Edited by Dexter26 - 25-Aug-2012 at 02:29

ајде да го видиме и тоа
не ми се верува дека покрај толку проширувања на булевари, не им текна на овој проблематичен булевар

Пластичарска ќе стане булевар со четири ленти и со зеленило во средина



Работите почнаа од клучката кај Бит Пазар и во наредните три-четири месеци ќе се врши проширување сè до влезот кај касарната „Илинден“, во должина од 1.440 метри. Притоа, предвидена е целосна реконструкција и проширување на коловозот, а на овој потег ќе се добијат четири сообраќајни ленти, пешачки и велосипедски патеки и на делови и разделно зеленило



Тесното грло на Скопје, булеварот „Никола Карев“ или познатата Пластичарска улица, почна да се проширува. Работите на нејзино проширување и реконструкција почнаа од клучката кај Бит Пазар и ќе траат до март или средината на април следната година сè до влезот кај касарната „Илинден“, во должина од 1.440 метри.

– Оваа сообраќајница ќе ги поврзе Гази Баба, Чаир, Центар и Карпош. Таа е врска на источната и западната порта на метрополата. Низ неа поминуваат десетици илјади возила не само од Скопје, туку и од Куманово, Штип, Тетово, Струга… Град Скопје учествува во капитални инвестиции и досега во рекордно кусо време реконструира повеќе улици во градот и тоа низ сите 10 општини. Затоа треба да биде поттик и пример и на останатите општини – истакна премиерот Зоран Заев кој присуствуваше на почетокот на работите.

Скопскиот градоначалник Петре Шилегов информираше дека на овој потег ќе се добијат четири сообраќајни ленти, пешачки и велосипедски патеки и на делови и разделно зеленило.

– Ќе се постави нова атмосферска канализација сè до Американската амбасада, со променлив профил, во вкупна должина од 2.162 метри, како и водоводна мрежа на двата крака, во вкупна должина од 2.552 метри. Разговаравме со сопствениците на деловните објекти, што е можно помалку да го попречиме нивното работење – изјави Шилегов.

Освен тоа, булеварот ќе добие ново осветлување со канделабри во висина од 9 метри, а ќе се изврши и дислокација на електрични и телекомуникациски инсталации.

По завршување на првата фаза, Шилегов најави дека ќе се продолжи со втората фаза од касарната „Илинден“ до булеварот „Словенија“.

Реконструкцијата и проширувањето на булеварот „Никола Карев“ ќе чини 107 милиони денари без ДДВ. Градоначалникот апелираше до граѓаните да бидат трпеливи додека траат градежните активности.



(А.П.)

https://www.vecer.press/пластичарска-ќе-стане-булевар-со-чет/

https://www.kanal5.com.mk

Прашањето е каде ќе се продаваат пластиките? На последната лента од коловозот?
Не верувам дека постои црна рака која што ќе проба да им ги уништи бизнисите на локалните трговци, зошто зад секој трговец стои некој пајак, спремен да тепа некоја полицајка.


Edited by Graditelot - 14-Dec-2019 at 09:00

Пластиките ќе се продаваат внатре во објектите, ама пошто имаме работа со ментален склоп наликум Судан, сум дури изненаден што нема протести против проширувањево, можеби не се информирани?

eve sto "prosiruvanje" ke bilo
izvor FB
Град Скопје

ЦУКС известува дека поради реализација на проектот „Реконструкција и одржување
на бул. “Никола Карев”“, поточно изведба на атмосферска канализација,
проширување на пешачка патека и обнова на водоводна мрежа, на дел од
булеварот ќе биде воведен времен сообраќаен режим.
...

Edited by Portal - 16-Dec-2019 at 17:16

https://www.facebook.com/jubaj/