Denko, sekako deka 50 mil ne e dovolno no ako zemas vo predvid deka ne se cepkalo 20 godini togas 50 mil e kako pocetok OK. Najmilo troska odkolku nisto. Sto i da se bara, nikoj ne ne slusa pa zatoa da bideme zadovolni so toa sto voopsto se investira

Драги форумаши, мислам дека овој пат треба да одадеме признание за преземениот чекор за земање на кредитот. До пред помалку од еден месец, информациите за купување на новите патнички гарнитури и товарни вагони беа само ветување кое не се знаеше дали ќе се спроведе во 2014 или во 2024 година, без никаква реална подлога.

Денеска имаме обезбедено финансиски средства за купување на возовите, така што останува само МЖ-Транспорт да се погрижи за успешна изработка на меѓународниот тендер, ОСОБЕНО НА ТЕХНИЧКИТЕ КРИТЕРИУМИ НА ИДНИТЕ ВОЗОВИ. Од информациите внатре се говори дека тендерот речиси и да е изработен уште пред потпишувањето на договорот, така што мислам дека навистина во претстојниве месеци ќе се распише тендерот и ќе се избере квалитетна компанија што во брз рок ќе ги конструира возовите.

Главен проблем е времетраењето на изработка на гарнитурите, бидејќи чекањето од една година е неминовно, а понекогаш се случувало да трае и до две години. Јас сум убеден дека треба да избереме помалку позната компанија која би го изработила во рекордно време, отколку да чекаме долг период кај големите компании, како што се: Сименс, Алстом или Бомбардие.

Морам да признаам дека јас си имам фаворит уште пред да излезе тендерот и се вика шпански CAF, мислам дека цената на изработка и квалитетот на возовите се win-win комбинација кај нив.

Отворам и прашање за дискусија, од кој европски производител би сакале да бидат купени новите возови за железница и имате ли конкретен модел кој моментно сообраќа и би сакале да го видите на македонските пруги?

Originally posted by BOJAN Драги форумаши, мислам дека овој пат треба да одадеме признание за преземениот чекор за земање на кредитот. До пред помалку од еден месец, информациите за купување на новите патнички гарнитури и товарни вагони беа само ветување кое не се знаеше дали ќе се спроведе во 2014 или во 2024 година, без никаква реална подлога. Денеска имаме обезбедено финансиски средства за купување на возовите, така што останува само МЖ-Транспорт да се погрижи за успешна изработка на меѓународниот тендер, ОСОБЕНО НА ТЕХНИЧКИТЕ КРИТЕРИУМИ НА ИДНИТЕ ВОЗОВИ. Од информациите внатре се говори дека тендерот речиси и да е изработен уште пред потпишувањето на договорот, така што мислам дека навистина во претстојниве месеци ќе се распише тендерот и ќе се избере квалитетна компанија што во брз рок ќе ги конструира возовите. Главен проблем е времетраењето на изработка на гарнитурите, бидејќи чекањето од една година е неминовно, а понекогаш се случувало да трае и до две години. Јас сум убеден дека треба да избереме помалку позната компанија која би го изработила во рекордно време, отколку да чекаме долг период кај големите компании, како што се: Сименс, Алстом или Бомбардие. Морам да признаам дека јас си имам фаворит уште пред да излезе тендерот и се вика шпански CAF, мислам дека цената на изработка и квалитетот на возовите се win-win комбинација кај нив. Отворам и прашање за дискусија, од кој европски производител би сакале да бидат купени новите возови за железница и имате ли конкретен модел кој моментно сообраќа и би сакале да го видите на македонските пруги?

А да направиме пола-пола? Да има и од ЦАФ и од Сименс?

Тука си во право, полјаците ќе прават 400 гарнитури за Германските железници. Сепак, личниот избор е една работа, а многу поважно е колку идниот производител ќе може да обезбеди сервис за овие возови, треба многу да внимаваме и на тоа кои земји од регионот имаат сервиси на поголемите компании. Тешко дека ќе можеме да изградиме посебно, ново депо за гарнитурите што доаѓаат, така што не знам како ќе се снаоѓаме со посериозните проблеми на гарнитурите.

Originally posted by Denko Moze li nekoj (Andrej_LJ) da kaze nesto poveke za sostojbata na prugite, vo kakva sostojba se i gi zadovoluvaat li potrebite na novite garnituri sto planiraat da gi kupat? Vaka na oko mi izgledaat epten dotraeni no bi sakal komentar od nekoj sto poveke se razbira vo taa preblematika. Blagodaram

Максималната брзина на движење на возовите на македонските пруги е 100 километри на час и со таа брзина тие сообраќаат на неколку делници, без разлика што македонските медиуми драматизираат дека возовите се движат најмногу со 50 километри на час. Генерално земено, брзините под 50-60 километри на час не се препорачуваат за новите возови, но досега ниту една од балканските земји немала проблем со нивните новокупени гарнитури кои сообраќаат по пруги и пониски од овие брзини.

Најниските брзини на движење на возовите во моментов се актуелни за пругата Велес-Кочани, со максимално дозволена брзина од 50 километри на час. Но, битно е да се напомене дека новите возови што ќе дојдат ќе имаат помала вкупна тежина, така претпоставувам дека кочанската пруга можеби ќе издржи тие да се движат со поголема брзина од 60 или максимум 70 км/ч. Ова се мои претпоставки.


Исто така, искачувањето на планините со високите угорнини ја намалува брзина на возовите на максимум 50-60 километри на час на делниците од Велес до прилепско Гостиражни и од Гостивар до кичевско Зајас. Надвор од овие делници возовите се движат, со мали исклучоци, над 60 километри на час. Ова важи за: Скопје-Тетово-Гостивар, Прилеп-Битола, Скопје-Куманово-Табановци, Скопје-Велес и Велес-Градско-Неготино-Гевгелија. Да рекапитулирам, новите возови не само што нема да имаат проблеми со нашите пруги, туку можно е нивната нова технологија да допринесе за мало зголемување на брзината на нивното движење.

Originally posted by Тркало Мислам дека делот Битола - Прилеп е меѓу најбрзите делници, во правец СК-БТ со Пелагонија Експрес патувањето е 34 минути.Пругата е долга 58 км., значи некој просек од 104 км/ч. Моменталните најбрзи растојанија со ПЕ се СК - ВЕ 41 мин. ВЕ - ПП 80 мин. ПП - БТ 34 МИН. или вкупни 2:35 со моменталната инфраструктура Исто и Гостивар - Кичево не е лошо со возот 660, без застанување никаде меѓу двете места 46 километри за 34 минути.Или просечни 81 км/ч. Временски најбрзи растојанија: СК-ЃП 15 мин. ЃП-ТЕ 39 мин. ТЕ-ГВ 22 мин. ГВ-КИ 34 мин. или вкупно 1:50 со моментална инфраструктура. Новите можат уште по нешто ситно да скратат од овие времиња за патување, само да не бидат мешани на ист правец со старите гарнитури со цел да се задржат побрзите времиња. Пример, кон Гевгелија и Табановце да одат само новите ЕМВ, Шпанците до Кочани и Кичево, новите ДМВ до Битола итн. Не знам колку е исплатливо, а сигурно е изводливо со една маневарка 642 во Бакарно Гумно за превоз до Сопотница, како врска на главната линија.Овде железничарите на форумов би требало да се запознати во каква состојба е сега таа пруга?

Тркало, ти благодарам за математиката што ја удри за да ја пресметаме просечната брзина. Бројките не се никаква тајна и се во рамките на предвидените брзини за движење на возовите. Ако ги одржиме овие брзини, тогаш кога ќе стигнат новите возови мислам дека ќе се патува побрзо од автобус до сите дестинации во Македонија, а експресните возови ќе бидат речиси конкурентни и на автомобилите.

„Кенеди“ оди на топење: Железница продава локомотиви и возови по цена од 15 денари за килограм!

„Македонски железници Транспорт“ дава 11 „кенедиевци“ и возови за најмалку 53.700 евра.

„Македонски железници Транспорт“ продава 7 дизел-локомотиви и 4 моторни дизел-возови на јавно надавање, кое е закажано за идниот петок, официјално потврди државната компанија за железнички транспорт. Почетната цена на аукцијата што ќе се одржи на 7 декември за секоја од локомотивите е 250 евра за тон, односно 15 денари за килограм. Вкупно од сите возови и локомотиви компанијата очекува прилив од 53.700 евра.

На понуда се 7 локомотиви од кои најстарата е 54 години (произведена е 1959 година), а воедно таа е и со највисока почетна цена заради тоа што е најтешка и тежи 30 тони. Уште 3 локомотиви се од 1964 година и нивните почетни цени се: 4.500, 4.600 и 5.500 евра. Во понудата се уште три локомотиви, од кои едната произведена 1967 година е 27 тони и се нуди по стартна цена од 6.800 евра, а другите две од 1971 и 1972 година се со почетна цена од 6.400 и 6.300 евра.

Наспроти локомотивите вредноста на моторните дизел-возови е проценета на 12.100 евра за 4 возови од кои два се стари по 37 години со почетна цена од по 2.800 евра, еден е 1977 година со почетна цена од 2.800 евра и најмладиот од 1979 година поради тоа што е најтежок е со почетна цена од 3.700 евра.

Според достапни, но неофицијални податоци возниот парк на „Македонски железници Транспорт“ е со просечна старост од 30 години. Поради тоа што со години железничкиот транспорт не бил приоритет немало значајни инвестициски вложувања во превозни средства ниту пак во железничката инфраструктура. За да се ублажи тековната состојба Владата предложи, а Собранието усвои Закон за државна гаранција за кредит од 50 милиони евра од Европската банка за обнова и развој за модернизација на возниот парк на железничарската компанија. Владата најави дека најмногу за две години ќе пристигнат нови 6 патнички гарнитури и 150 товарни вагони, а ќе се ремонтираат и 5 до 6 локомотиви. Државата го гарантира кредитот од 50 милиони евра од Европската банка за обнова и развој. Парите ќе се враќаат 15 години со 3,5 години грејс период и каматна стапка од шестмесечен еулибор кој во моментов изнесува 1,44%. Просечната старост на возовите сега е 30 до 40 години. Голем дел од нив не се во возна состојба, во депото на железница има вагони дури од 1908-та.

Izvor: portal MKD.mk, http://www.mkd.mk/78611/ekonomija/kenedi-odi-na-topenje-zeleznica-prodava-lokomotivi-i-vozovi-po-cena-od-15-denari-za-kilogram/

А сега и вистинскиот оглас од кој очигледно „МКД“ не успеал правилно да ја напише веста: се продаваат следниве дизел-маневарки 621-605,606, 609, 643-005, 732-106, 176 и 014. Една гарнитура 712 со сериски број 012 и три приколки од дизел моторните гарнитури Шпанци. Колку што мене ми е познато, финансиските средства од ваквата продажба се наменети за тековната реконструкција на дизел моторните гарнитури.

има слики мислам на овој форум за овие возови,се работи за тотално руинирани средства.би било добро да се оспособат оние гарнитури кои има шанси за тоа

Офтопик: колку паари и кога има возови од Скопје до Љубљана и назад. Фала!