Надземни и подземни пешачки премини

Кај Континентал од поодамна постои подземен пешачки премин кој поминува под булевар Александар Македонски, изграден уште во Југославија, ако добро помнам.
 
Кај семафорите во Автокоманда воопшто не е потребен било каков подземен или надземен пешачки премин бидејќи самите семафори одлично си ја вршат работата.
 
Кај бензиската пумпа на Лукоил во Автокоманда од една страна, наспроти плоштад Гази Баба од друга страна, било каков подземен или надземен пешачки премин би претставувал тотално непотребно фрлање на народни пари.
 
А кога сме кај Алкалоид и седиштето на ЈСП Скопје од една страна наспроти трговскиот центар Автокоманда од друга страна, таму дефинитивно е потребен подземен или надземен пешачки премин.
 
Имено, секој кој поминува низ булевар Александар Македонски од кај спортската сала Автокоманда накај Континентал, ако обрне внимание, ќе забележи дека кај автобуската постојка кај трговскиот центар Автокоманда, вeднаш до самиот трговски центар се наоѓа спомен обележје посветено на едно девојче кое загина на тоа место како резултат на исправноста и безбедноста на старите канти на ЈСП Скопје, најверојатно истите стари канти кои ЈСП Скопје сега им ги подарува на македонските општини.
 
Така да, на булевар Александар Македонски помеѓу Алкалоид и седиштето на ЈСП Скопје од една страна и трговскиот центар Автокоманда од друга страна, дефинитивно е потребен подземен или надземен пешачки премин, за доброто на сите кои поминуваат таму.


Edited by Dexter26 - 11-Aug-2012 at 01:21

Ова е сериозен проблем за кој мора да се најде соодведно и најефикасно решение... Претставува голема опасност и серизно намалување на безбедноста во сообраќајот...

Значи стварно е неверојатно колку е овој Стефчо патолошки опседнат со неговава пропадната инвестиција. Абе и светот ако сака нека пропадне, ама битно „Влајко“ да личи дека не е пуст. Што све не измисли чоеков за да привлече по некој да стапне на мостов... и цел тој негов театар кошта бајги пари! Еве сега и бесплатни пијалоци ќе делат. Не дека до толку се изненадив, бидејќи границата помеѓу нормалното и лудилото во оваа држава веќе ја релативизиравме до максимум... Еве баш какво „пророштво“ напишав пред две години кога Стефчо запна и ги инсталираше ескалаторите за спас на „Влајко“:

Originally posted by Cloverstack Веројатно следи подвижна лента ко на аеродромите, па згодни девојки да канат и примамуваат потенцијални „преминувачи“, па бесплатна лимонада или чај (во зависност од годишното време) која ќе се дели горе на Влајко... Најважно е Влајко да остави впечаток дека функционира. Ако ви звучи преувеличено, повторно да се потсетиме дека просторот го нудат бесплатно и дека сакаат да поместуваат автобуски станици. Дали тоа не е подеднакво скандалозно? Мора да си повторуваме што точно ни се случува, бидејќи како што кажа SkyBoy веќе отрпнавме.

И сега единствено ми останува да запрашам, каде побогу жувееме ние? Сите овие ненормални работи, една по една ни стануваат реалност! И пак никому ништо, си тераме како ништо особено да не се случува. Дали сме сите колективно за во Бардовци?!?


Edited by Cloverstack - 11-Mar-2013 at 22:40

Значи за проектов се сеќавам уште кога бев во основно, т.е. во Димо Хаџи Димов поради чии ученици, односно за нас се планираше да се направи тој надземен премин со цел побезбедно поминување на децата преку булеварот. И уште тогаш кога го презентираа проектот кога дознав дека се планира оваа локација помислив дека жив човек нема да стапне тука, бидејќи патеката на учениците и другите луѓе е кај самата автобуска. Еве да беше проблем поради бензинската, пак има доволно простор да се изградеше малку подолу од пешачкиот премин, ама тоа е што ќе правиш.

Инаку, најверојатно твојава изјава планира да ја предочи во реалност, па и девојките може да ги очекуваме за четири години

Пешачкиот надвозник на железничката пруга Велес-Битола е речиси завршен, т.е. се работи на уредување на неговата околина.

Па на ова место не се само пензионираните тие кои што поминуваат, туку сите ние. Ако негде постои потреба за подземен премин, тоа е ова место, многу повеќе отколку Рекорд.

Originally posted by ehrlich Па на ова место не се само пензионираните тие кои што поминуваат, туку сите ние. Ако негде постои потреба за подземен премин, тоа е ова место, многу повеќе отколку Рекорд.

90% се пензионери. Имам и ја дома класичен пример на пензионер-претрчувач на истата локација. Едноставно во вторник, петок и сабота они владеат со улиците

Не се криви сообраќајците. Врзани им се рацете со мноштво глупи закони. Нивната улога е безмалку парадна.

Само блокада на трансакциска сметка може на нашиов народ да му го дотера умот.

Крај на опасните преминувања преку автопатот



Долгоочекуваниот натпатник меѓу Ченто и Хиподром ќе стане реалност

Преку нов натпатник, кој ќе го премости автопатот Скопје - Петровец меѓу населбите Ченто и Хиподром, пешаците во блиска иднина ќе можат да го преминуваат овој фреквентен дел од Коридорот 10 безбедно и без да се изложуваат на ризик. Ова е добрата вест за сите минувачи што со години соочени со немање избор за пократка рута до саканата цел беа принудени да претрчуваат преку широките ленти на оваа меѓународна сообраќајница. Сѐ почестите апели од возачите и од пешаците, пренесени неодамна и преку нашите пишувања за проблемот, да им се овозможи безбедно минување, го добија заслуженото внимание од надлежните.

Се бара изведувач

Како потврда дека се наѕира решение за проблемот со ризичните минувања, лани, натпатникот најпрво се најде на агендата на приоритети на градската администрација. Скорашен доказ дека почетокот на работата на терен е сѐ поизвесен е објавата на оглас за избор на фирма што ќе го гради мостот. Огласот за пријавување фирми за изведување на работите беше објавен во почетокот на минатиот месец. Според информациите дадени во огласот, проценетата вредност на проектот е 31 милион 262 илјади 905 денари, а критериум според кој ќе се вреднуваат доставените понуди е најниската цена. Во техничката спецификација, која е составен дел на поканата до фирмите потенцијални изведувачи, утврдени се деталите од кои може да се добие претстава како би изгледал новиот премин.

Предвидено е мостот да биде челична конструкција и да почива на бетонски столбови, а пешаците ќе се качуваат и симнуваат по скали. Вкупно 11 канделабри ќе го осветлуваат преминувањето на натпатникот. Според огласот, отворањето на понудите од фирмите беше закажано за 31 октомври. Од градот не соопштуваат детали за тоа кога ќе заврши постапката за доделување договор за изведување на работите.

Повеќе на http://novamakedonija.com.mk/NewsDetal.asp?vest=1124141514138&id=14&prilog=0&setIzdanie=23331

__________________________________________________


Идејата е секако за поздравување, но се плашам овој натпатник да не ја доживее судбината на оној на Бит Пазар, кој го користат помалку од 10% од луѓето, додека останатите го преминуваат булеварот и буквално понекогаш скокаат пред колите од средишните жардињери. Зашто таков ни е менталитетот - зошто да се качувам по скали, кога можам да претрчам право, да се прекачам и да стигнам до другата страна?