Градска инфраструктура (општо)

И што кога ќе направат ниски рабници кога на тротоарите ќе има паркирано автомобили. Проблемот во Скопје е многу комплициран и според мене треба многу анализи и барање на решенија како да се спречи сообраќајното дивјаштво кое владее. Се додека се водиме со девизата „не пакирам само таму каде физички неможам„ тешко ќе биде да добиеме пристојни тротоари и непречено движење на инвалиди, велосипедисти и обични пешаци. Колку сме катастрофални на тоа поле може слободно да тестирате со кофер на тркалца, земете го во рака и тркалајте го од точа А до точка Б, ќе видите дека секој 100 метри ќе треба да го подигате во рака, што е одличен показател како не треба да се прават тротоарите. Можам само да змислам како им е на инвалидите и навистина се сожалувам со нив.


Edited by kultuzin - 05-Aug-2012 at 14:11

а баш иронијата е во тоа што рабниците на кругот се прилично високи 

Не ја следам многу дискусијава за рабнициве... 

Ама мое лично мислење е дека кога станува збор за премини за пешаци и за велосипеди, треба да се на ниво на коловозот... односно воопшто да ги нема... освен преминот од повисоко до ниво на коловозот...

А во други случаи да си бидат нормални рабници... односно кога станува збор за пешачки и велосипедски патеки... тротоари...

И уште за еден случај... односно кага станува збор за средишно зеленило, кружни текови... да бидат на ниво на оние кои се на булевар Србија... освен ако средишното зеленило е уредено со жардињери...

Originally posted by gjoko вакви широки траги остава само џип,а нему не му е гајле колку се високи рабниците

коментарот беше во контекст на погоре кажаното дека високи рабници се користеле како решение, како физичка пречка за паркирање
а што се однесува до трагите, јас ќе речам дека може да е и камион,ама не е битно, битно е дека некој одлучил да оди offroad онаму кај што не треба

муабетот ми беше дека `бизнисмените` кои возат X6 хамери и слични чудовишта,вакви престапи ги прават од фактот да бидат шизици.има еден кичевчанец таму кај вас во Скопје кој знае често да продава вакви финти за да се зборува за него

швабите велат дека културата ја добиле со високи казни

ГРАДОТ СКОПЈЕ ВО ГРАДЕЖНА ОФАНЗИВА ВО СИТЕ СКОПСКИ ОПШТИНИ
[quote]

Екипите на Градот Скопје деновиве без застој работат на изградба на улици и булевари, катни гаражи, водоводни и канализациски мрежи, на новиот објект за градската администрација и на новиот мост на реката Вардар, на дваесетина локации, во сите скопски општини.

Во општината Кисела Вода, реконструкцијата и проширувањето на булеварот Борис Трајковски (поранешната улицата Првомајска) се одвива на две делници, и тоа на потегот од „Рампа“ до крстосницата со улицата Народни херои во должина од 1.380 метри и на потегот од крстосницата со булеварот Србија до влезот во поранешната фабрика „Стакларница“ во должина од 1.126 метри. Постојната сообраќајница по проширувањето ќе се трансформира во булевар со 4 коловозни ленти широки по 3,5 метри.

Во проектот за проширување и реконструкција на булеварот Борис Трајковски Градот Скопје ќе вложи околу 4 милиони евра, пари обезбедени од Европската банка за обнова и развој, како кредит, и од Буџетот на Град Скопје.

Се гради и трим патека од Кисела Вода до средно Водно, во должина од околу 2 400 метри. Патеката ќе биде широка 2,2 метри. По нејзината должина ќе бидат монтирани фитнес-справи изработени од дрво и шест информативни табли.

Во општината Центар, Градот Скопје го прошири и реконструира булеварот Свети Климент Охридски, на потегот од крстосницата со булеварот Партизански одреди до улицата Димитрија Туцовиќ, во должина од 380 метри. Булеварот Свети Климент Охридски на оваа делница се прошири со по една коловозна лента од двете страни и се добија шест коловозни ленти. На проширување и реконструкција на булеварот Свети Климент Охридски – втора фаза работат градежните екипи на АД „Гранит“ Скопје, а во реализација на овој проект Градот Скопје ќе вложи околу 30,5 милиони денари.

Градежните работи за реконструкција на коловозот на улицата Самоилова влегуваат во завршна фаза. Оваа сообраќајница ќе се реконструира во должина од 2 020 метри, од почетокот на калдрмата под тврдината Кале до зградата на амбасадата на САД. За да се задржи автентичноста на амбиентот камената коцка ќе се пререди во должина од околу 200 метри, а преостанатиот дел од улицата Самоилова ќе се асфалтира. Од двете страни на коловозот ќе се изградат нови тротоари. За обнова на коловозот на улицата Самоилова Градот Скопје ќе издвои околу 31 милион денари, а на терен ќе работат екипите на градежната фирма „Бауер БГ“.

Градот Скопје непречено го реализира проектот за реконструкција на фасадата на зградата на улица Никола Вапцаров број 2, објект над кафулето ТРЕНД.

Со проектот е предвидено да се реконструира челниот дел на објектот кој гледа кон градскиот плоштад. Реконструктивните зафати ќе се изведат на површина од 210 квадратни метри, при што со градежните работи ќе се уреди површинскиот дел на фасадата со природен материјал и соодветна изолација.

Градежните работи за реконструкција на фасадата ги изведува „БАУЕР БГ“. Реконструкцијата на оваа фасада ќе чини околу 3,5 милиони денари.

Објектот над ресторанот „Пелистер“ на улицата 11.Октомври број 2 и зградата на улицата Маршал Тито број 22, наскоро ќе добијат нови фасади. Градот Скопје за реконструкција на фасадата на „Пелистер“ од Буџетот издвои околу 14,7 милиони денари.

Екипи на Градот Скопје деновиве работат и на реконструкцијата на фасадата на дел од објектот на улицата 11 Октомври број 2, влезови 1, 2, 3, 4 и 5, што претставува продолжение на објектот од ресторанот „Пелистер“ кон плоштадот „Пела“. Работите ги изведува градежната компанија „Бауер БГ“.

Катната гаража што се гради на улицата Мито Хаџивасилев Јасмин ќе има два ката под земја и седум ката над земја, со 445 паркинг-места од коишто 17 места за паркирање ќе бидат за лицата со посебни потреби.

За изградба на катната гаража Градот Скопје ќе потроши околу 656 милиони денари. На изградба на објектот работат градежниците од ГД „Гранит“ АД Скопје, а гаражата треба да биде готова за 2 години.

Шестотини и пет нови паркинг-места ќе обезбеди катната гаража што се гради на улицата Даме Груев. Новиот објект ќе има 7 ката над земја и две нивоа под земја.

Објектот го градат екипите на градежната компанија „Конструктор инжинеринг ДД Сплит“, а се очекува да биде готов за две години. Во овој капитален објект Градот Скопје ќе вложи околу 850 милиони денари.

Нов административно-деловен објект за потребите на администрацијата на Град Скопје се гради на улицата Лазар Личеноски, под скопското Кале. Зградата ќе има приземје и пет ката и работен простор за 650 вработени.

Фасадата ќе биде во неокласичен стил, при што ќе бидат запазени сите стандарди за заштеда на енергијата. Новиот административно-деловен објект за потребите на администрацијата на Град Скопје го градат екипите на градежната компанија „Бетон“ од Скопје.

Во општината Карпош нема застој во градежните работи за проширување и реконструкција на булеварот Илинден – трета фаза, на потегот од бензинската пумпа на „Макпетрол“ до улицата Љубљанска во должина од 1500 метри. Со проектот за проширување и реконструкција на булеварот Илинден (третафаза) е предвидено булеварот да се прошири со четири коловозни ленти. Од двете страни на булеварот ќе бидат изградени нови тротоари со ширина од по 2,5 метри. По проширувањето, постојниот асфалт на коловозот ќе биде изгребен и ќе биде нанесен нов асфалтен слој. Рабниците по должината на оваа сообраќајница во текот на градежните работи ќе бидат целосно заменети. Изградбата на новиот коловоз ќе се искористи за изградба на нова атмосферска канализација со нови сливници и шахти.

На проширување и реконструкција на булеварот Илинден – трета фаза работат градежните екипи на АД „Гранит“ Скопје, а во овој обемен градежен проект градот Скопје ќе вложи околу 64 милиони денари.

Со проектот за проширување и реконструкција на улицата МАНАПО е предвидено нејзиниот коловоз да се прошири на четири коловозни ленти. Од двете страни на булеварот ќе се формираат тротоари со ширина од по 3,5 метри. По проширувањето, постојниот асфалт на коловозот ќе биде изгребен и ќе биде нанесен нов асфалтен слој.

Изградбата на новиот коловоз ќе се искористи за целосна реконструкција на фекалната канализација во должина од 640 метри и на атмосферската канализација во должина од 510 метри.

На проширување и реконструкција на улицата МАНАПО работат градежните екипи на ДГ „Бетон“ Скопје. Во овој градежен проект градот Скопје ќе вложи околу 28 милиони денари.

Вториот дел од улицата Митрополит Теодосиј Гологанов, од крстосницата на улицата Митрополит Теодосиј Гологанов со улицата Франклин Рузвелт до крстосницата со улицата Братфордска и булеварот 8.Септември, со вкупна должина од 1 100 метри наскоро ќе прерасне во булевар. По проширувањето оваа сообраќајница ќе добие 4 коловозни ленти. Од двете страни на новата сообраќајница ќе се формираат тротоари со ширина од по 3,5 метри.

Проширувањето на коловозот на улицата Митрополит Теодосиј Гологанов во булевар ќе се искористи за да се изгради атмосферска канализација во должина од 1 500 метри, со профил од 200 и 400 милиметри којашто ќе се приклучи во постојниот колектор. Ќе се изврши и реконструкција на постојната фекална канализација. Градежните работи за реконструкција и проширување на вториот дел од улицата Митрополит Теодосиј Гологанов ги изведува градежната фирма „Транс Мет ДОО“.Градот Скопје во овој обемен зафат ќе вложи околу 47 милиони денари.

За потсетување, Градот Скопје минатата година успешно ја заврши реализацијата на првата фаза од капиталниот проект за проширување и реконструкција на булеварот Митрополит Теодосиј Гологанов, на потегот од улицата Франклин Рузвелт до улицата Костурски херои (еден крак) и кон улицата Мито Хаџивасилев Јасмин до свртувањето надесно кон улицата Народен фронт (втор крак). Во делот меѓу улиците Митрополит Теодосиј Гологанов, Костурски херои и Мито Хаџивасилев Јасмин (кај Католичката црква) е формиран турбо кружен тек, којшто претставува прв објект од ваков тип во Скопје.

Екипите на Град Скопје работат и на реконструкција на коловозот на улицата Козле – втора фаза, на потегот од крстосницата со улицата Јуриј Гагарин до крстосницата со улицата Нерешка.

Минатата година екипите на Градот Скопје обновија 450 метри од улицата Козле, на потегот од последната станица на автобусот со број 57 до крстосницата со улицата Јуриј Гагарин. Во тој зафат Градот Скопје вложи 12 милиони денари. Во втората фаза ќе бидат обновени 850 метри од коловозот. Стариот и оштетен асфалт ќе се изгребе, ќе се обнови тампонскиот слој и ќе се нанесе нов асфалт. Реконструкцијата на коловозот, на оваа делница, ќе се искористи за да се постави нова атмосферска канализација во должина од 275 метри, со нови сливници. Од двете страни на обновениот коловоз ќе се изградат тротоари. На обнова на коловозот на улицата Козле работат екипите на градежната компанија „Пелагонија – Гостивар“.

За овој градежен зафат Градот Скопје ќе одвои околу 21,5 милиони денари.

Во општината Бутел на 21 јуни почна изградбата на кружната крстосница меѓу улиците Боца Иванова и Александар Урдаревски. Улиците Александар Урдаревски и Цетинска ќе бидат физички одвоени со тротоар. Во овој проект Градот Скопје ќе вложи околу 23,3 милиони денари

Кружниот тек меѓу улиците Боца Иванова и Александар Урдаревски ќе се формира на ниво на постојниот коловоз и во него ќе има две коловозни ленти. Средишниот дел од кругот ќе се исполни со хумус и ќе се засади трева.

Улицата Александар Урдаревски по реконструкцијата ќе има две коловозни ленти, со ширина од по 3,5 метри, а од страните на коловозот ќе се изградат тротоари. Улицата Боца Иванова ќе има две коловозни ленти од по 3,5 метри, тротоари од двете страни широки по 3 метри и зеленило.

Изградбата на кружниот тек ќе се искористи за реконструкција и за заштита на постојната водоводна мрежа (Ф 300 и Ф 400), а на должина од 127 метри ќе се вгради нова водоводна мрежа со Ф 200. Проектот предвидува и изградба на атмосферска канализација во должина од 300 метри.

На изградба на кружната крстосница меѓу улиците Боца Иванова и Александар Урдаревски работат екипите на градежната фирма „Бауер БГ“.

На терен во тек се градежните работи за изградба на резервоар за вода со доводен цевковод за населените места Кучевишка Бара и Бел Камен. Ќе се изгради и доводен цевковод до резервоарот со должина од 650 метри, како и една шахта за испустен вентил и една шахта за воздушен вентил. На крајот на градежните работи на водоводниот систем ќе се изгради и пристапна патека до резервоарот.

Овој проект е резултат на добрата соработка меѓу Градот Скопје и општината Бутел, а според договорот за меѓуопштинска соработка во вкупната вредност на проектот од 13 милиони денари, Градот Скопје учествува со 8 милиони денари. На изградба на резервоарот за вода со доводен цевковод за населените места Кучевишка Бара и Бел Камен работат екипите на „Енергомонт“.

Изградбата на втората фаза од фекалната и атмосферска канализациска мрежа во село Љуботен се одвива според предвидената динамика. Во оваа втора фаза ќе се изгради фекална и атмосферска канализација во должина од 1 500 метри со што трајно ќе се решат долгогодишните проблеми што ги имаа жителите на село Љуботен со отпадните води и ќе се подобри квалитетот на животот во ова населено место. Минатата година, во првата фаза од изградбата на фекалната и атмосферска канализациска мрежа за селото беа изградени 350 метри. Како резултат на договорот за меѓуопштинска соработка меѓу Градот Скопје и општината Бутел, во овој сложен проект Градот Скопје минатата и годинава учествува со вкупно 10 милиони денари.

На терен работат екипите на градежната компанија „Енергомонт“, а изградбата на мрежата треба да заврши до октомври.

Во општината Аеродром, екипите на Градот Скопје работат на обнова на коловозот на булеварот Јане Сандански, од раскрсниц�

Асфалт како асфалт скоро немаа некојј поделбии пред се зависи маслото катранот колку е добро помешан и другите супстрати, инаку појавата на бразди зависи каква подлога е под асфалтот употребена.

Не би рекол дека се категории, има само според тоа за што се употребува, оние асфалте што се за автопати секако се изработуваат со некој други супстратии за да можат да издржат тежина и секојдневно оптеретување ама најважна е основата на што се заснова тој асфалт.

Е не само вие во Скопје ќе си правите огради, секој мост ќе бил во различна боја

ПОЧНА ОБНОВАТА НА 10 МОСТОВИ ВО ПРИЛЕП Локалната самоуправа на Прилеп почна проект за обнова и реконструкција на мостовите во градот. Работите почнаа на еден од најфреквентните мостови кај градската автобуска станица. Според Бранко Нешкоски од ЈП за урбанистичко планирање станува збор за 10 мостови кои ќе добијат модерен урбан изглед. Ќе се обнови металната ограда, патеките за пешаците и целосно мостовите ќе добијат нмов современ изглед. Секој мост ќе биде различно уреден, со свој сензибилитет и карактеристики. - Почнавме со реконструкцијата на мостот кај автобуската станица и работите треба да се заокружат за две недели. Покрај десетте градот ќе добие уште два и тоа пешачки моста и нивното уредување ќе го добполи сдовремениот изглед на градот, вели градоначалникот Марјан Ристески. Интензитетот на работите за обновата на мостовите во Прилеп ќе зависи од веременските прилики.

http://10bez10.com/vesti/3749-pochna-obnovata-na-10-mostovi-vo-prilep

Edited by ovaj_stariov - 07-Mar-2013 at 17:37