Израелците дефинитивно се повлекоа од проектот Сончев град

среда, 27 јули 2011, 16:38

Израелците и дефинитивно нема да го градат Сончев град. Минатата недела инвеститорот Индастриал Билдинг Корпорејшн кој основа и своја фирма во земјава Сан Сити ја повлече тужбата против државата и се откажа од изградба на елитната населба. Договорот спогодбено го раскинале двете страни. Нема информации дали на инвеститорот ќе му бидат вратени вложените 3 ипол милиони евра за купување на земјиштето или Македонија ќе ги задржи парите, а за возврат нема да ја активира банкарската гаранција поради незапочнатата градба.

Според градоначалникот на општина Сопиште Јован Ѓорѓијоски, за проектот Сончев град ќе се бара нов инвеститор на меѓународен тендер. Во изминатите четири години проектот постојано го следеа контроверзи. Реагираше локалното население, а случајот се најде и пред Уставниот суд кој го поништи урбанистичкиот план бидејќи бил донесен без претходна согласност на Министерството за транспорт и врски.

http://vesti.alfa.mk/default.aspx?mId=37&eventId=39356

Знам луѓе кои веќе уплатиле за место и имат озбилни намери да градат таму.
Незнам што ќе биде со тие луѓе. На крај може ќе им се дозволи да градат на своја иницијатива.

по ПРОПАДНАтата ИЗРАЕЛСКА ИНВЕСТИЦИЈА

Ќе се бара нов градител за Сончев град

Министерството за транспорт се спогодило со несудениот инвеститор и сега чекаат Општина Сопиште да усвои нов план, па повторно да разгласат дека се продава земјиште на Водно за елитна населба

Пропадна израелската инвестиција во населбата Сончев град, која досега требаше да биде изградена на јужната падина на Водно, во Сопиште. Поминаа пет години од продажбата на земјиштето и имаше куп најави дека ќе се реализира годинава, наредната, сега, утре, задутре, но досега не беше поставена ниту една тула. Немаше можност, затоа што проектот помина многу премрежиња и бирократски проблеми, пред Израелците да решат да си заминат. Но, Владата не се откажува од својата идеја, па земјиштето повторно ќе се продава и ќе се бара нов инвеститор кој е подготвен да ја изгради елитната населба со 600 куќи.

Кој кому што му плати?

Соочувајќи се со катастарски проблеми од самиот почеток, кои не беа надминати ниту по три години, израелската фирма „Индастријал билдингс корпорејшн“, кај нас регистрирана како „Сан Сити“, ја тужеше државата, а неодамна спорот заврши. Од Министерството за транспорт и врски, иако прашани, не појаснија во детали за каква судска одлука станува збор, односно дали на Израелците ќе им ги вратат парите за земјиштето, околу 3,6 милиони евра, што е многу веројатно, со оглед што инвеститорот не беше виновен за проблемите што настанаа. Министерството, пак, имаше можност да активира банкарска гаранција доколку изградбата не се реализира во одреден рок.

- За предметот што го наведувате е постигната судска спогодба и судскиот предмет е решен. Министерството за транспорт не се откажува од реализацијата на проектот за изградба на нова населба во општина Сопиште. Во следниот период се очекува да бидат преземени активности за усвојување на соодветниот урбанистички план од страна на локалната самоуправа, по што локацијата ќе биде предмет на отуѓување со цел реализација на предвидените градежни инвестиции - изјавија од Одделението за односи со јавноста при Министерството.

Новата шанса без старите проблеми

Причина за тужбата беше урбанистичкиот план за Сончев град кој не соодветствуваше со состојбата на теренот. Општинските службеници објаснуваа дека бил изготвен според погрешни геодетски податоци базирани на авиоснимки од 1962 година. За да тргне работата, Општината Сопиште во 2007 година усвои нов план, кој по неколку месеци беше соборен на Уставен суд поради неправилности во процедурата.

Освен катастарските проблеми, инвестицијата ја отежна и тоа што населението од Патишка Река со блокади не дозволуваше тамошниот извор да се искористи за изградба на водовод за новата населба. Не се оствари ниту замислата за сообраќајното поврзување меѓу Скопје и Сончев град преку шумата Водно, поради реакциите од јавноста за еколошките ризици.

Додека овие проблеми не бидат целосно решени, не е реално да се очекува да ја видиме населбата. Сончев град, според проектот, предвидува на површина од 6,4 хектари да се изградат 11 згради, 600 куќи и други објекти и содржини за 6.000 жители. Инвестицијата се проценува на околу 100 милиони евра.

http://www.dnevnik.com.mk/?ItemID=40024EC52FBC3D43917355815DABF720

Господинот Дејан Дејанов (претседател на Македонско-израелскиот бизнис-клуб) со кого е водено интервјуто покажува незнаење како во врска со исходот од претходниот договор така и со правните процеси во државава. Државата спогодбено му ги врати инвестираните средства на инвеститорот затоа што договорот стана ништовен откако Уставниот суд го укина ДУП-от.

Во моментов немаме информации дали е донесен нов ДУП. Доколку не е, истиот ќе мора да се донесе а врз основа на него да се распише нов тендер. Се разбира дека на тој тендер претходниот инвеститор ќе може да се јави повторно, но останува да се види дали тоа ќе го стори и доколку го стори дали ќе биде најуспешен понудувач.

Во врска со пристапниот пат, во Програмата за работа на владата за периодот 2011-2015 предвидено е изградбата на патот да започне и заврши во 2012. Трасата е суеште непозната. Во декември би требало да дознаеме повеќе детали бидејќи се очекува да пристигнат понуди во форма на проект за изведба на патот.

Нова Македонија, со нов (погрешно-наведувачки?) наслов за текст за Сончев град.

Лично се надевам дека овојпат, барем патот ќе се направи и водата од Патишка Река ќе се спроведе.

Линк
____________________________________________________________________

Сончев град ќе се гради по петгодишна пауза
       
Се планира од септември да почнат проектните задачи, а од декември и изградбата на Сончев град, за кој има заинтересирани инвеститори од Израел, Турција, Унгарија, Словенија, Америка...
На овој рид треба да никне најлуксузната населба во државата
Расте интересот за најелитната населба
По пет години пауза повторно oживеа идејата за изградба на Сончев град на падините на Водно. Првиот проект не одговараше на конфигурацијата на земјиштето, идејното решение не се совпадна со теренот, затоа и не доби поддршка од Уставниот суд, со што се одложи и изградбата на најавената елитна населба. Сега Сончев град почнува пак од нула. Во тек е мерењето, геометрите се на терен за да се изработи нов детален урбанистички план, по кој ќе следуваат објава на тендер и избор на нов инвеститор што ќе го гради овој дел од градот.

- Има заинтересирано неколку инвеститори од Израел, Турција, Унгарија, Словенија, Америка за изградба на Сончев град. Тие доаѓаат, го разгледуваат теренот и едвај чекаат да се објави тендерот. Претходниот план не успеа, не одговараше на теренот, но со тоа не пропадна Сончев град, само се одложи. Сега ќе почнеме од почеток, овој проект ќе заживее и во Сопиште ќе ја направиме најголемата и најелитна населба во Македонија - ни изјави Јован Горѓијоски, градоначалник на општината Сопиште.

Заинтересирани и американски инвеститори

Заинтересираноста за Сончев град е голема. Стојан Дуковски, кој вели дека е творецот на Сончев град, ни раскажа дека го осмислил генералниот план за Сончев град со патишта и инфраструктура уште во 2000 година, но чекал неколку години додека се најде некој да слушне за нивниот проект и да го разгледа. Тој е и еден од потенцијалните инвеститори на Сончев град, кој сега чека да се објави тендерот и заедно со американски инвеститори и банки да учествува на тендерот, затоа што смета дека Сончев град најдобро може да го направи оној што го осмислил, сѐ друго би било плагијат.

- Сите градови и населби во светот се поставени на рид, кај нас е обратно, поставен е во поле, кое нѐ храни. Според светските искуства, решивме најелитното место да го направиме баш на рид, во Сопиште, да го заживееме овој дел од градот затоа што е идеален за ваква населба. Во моментов сме во фаза на длабоки преговори со американски банки и инвеститори. Заедно со нив ќе соработуваме и сметаме дека на тој начин најдобро ќе се изгради најелитната населба. Американците се задоволни од она што го нудиме, од конфигурацијата на теренот. Местото им се допаѓа, со труд ова место ќе ја добие убавината што ја заслужува - вели Дуковски, кој е сопственик на градежна фирма „Клуч на рака“.

Тој смета дека доколку го добијат тендерот, од септември би почнале проектните задачи, а од декември би требало да почне изградбата на Сончев град.

- Тоа е карпест дел, не знаеме на што ќе наидеме. Потребно е прво да се направат патиштата, инфраструктурата, па потоа ќе се прави проектното решение. Затоа ќе видиме како ќе се одвиваат работите. Како што ќе го опипуваме теренот, така ќе се гради. Ова 90 отсто е завршена работа, само се чека да се потпише договорот - додава Дуковски.

Неговата визија била да се изгради енергетски ефикасен и независен град, со сите перформанси на квалитетно живеење.

- Треба да биде елитен од сите аспекти, да е комфорен, обезбеден со сите современи услови за живеење, а не во соседството да има кокошарници, ниви, депонии. Ова ќе биде најелитниот дел во Скопје. Оваа власт и општината Сопиште се заинтересирани за реализација на проектот - нагласува Дуковски.

Лани требаше да биде готов

Израелската компанија „Сан сити“, која е дел од групацијата „Индустриал билдингс корпорејшн“ уште во 2007 година доби право за изградба на населбата. Инвеститорот се обврза да плати 350 денари по квадрат или вкупно 223 милиони денари за површина од 637.000 квадрати. Резиденцијалната населба Сончев град беше предвидено да ја сочинуваат 603 градежни парцели за семејни куќи со површина од 563 илјади квадрати, 11 парцели за станбени згради со површина од околу 48 илјади квадратни метри и две парцели со површина од 25 илјади квадратни метри за спортски терени. Инвеститорот се обврза дека населбата ќе се изгради во рок од четири години, така што до 2011-та требаше да биде готова.

Сепак Уставниот суд на Република Македонија во 2010 година ја укина одлуката за донесување урбанистички план, донесена од страна на советот на општината уште во февруари 2008 година. Судот утврдил дека согласноста од Министерството за транспорт и врски била дадена по одлуката, а не за предлог-планот, а нацрт-планот бил изработен пред да се издадат услови за планирање на просторот.

Edited by KraFT - 25-Jul-2012 at 03:02

И пак нови најави за реализација на проектов, ќе заживее чи некогаш идејава?

Луксузни вили, семејни куќи и станбени згради. Неделава ќе има втор обид за изградба на нова населба на местото на поранешен сончевн град.  Откако општината сопиште го усвои урбанистичкиот план, ја отстарни и последната пречка за населување на овој простор.

Министертсвото за транспорт и врски планираат изградба овој пат на само три објекти. Минималната парцела на една вила треба да изнесува 500 квадратни метри. Покрај објектите во склоп на комплексот инвеститорот треба да направи и заштитно зеленило.

Земјиштето ќе се продава на електронска аукција. Почетна цена за оваа парцела од 83,56 хектари ќе чини 120 денари или 2 евра за квадратен метар. Неофицијално интерес веќе има од изарелска, словенечка, турски компании но и фирми од Австралија и Америка.

Сончев град требаше да го гради израелската фирма Сан Систи,  уште пред  5 години. Но уставиот суд ја укина одлуката поради повеќе правни пропусти и договорот со израелците беше раскинат.

http://www.sitel.com.mk/vtor-obid-za-izgradba-na-sonchev-grad

Edited by Cloverstack - 19-Nov-2012 at 23:17

мислам дека проектот ќе успее од проста причина што денес е тренд во Скопје да живееш во ваква населба(Волково,Сопиште,...),па така овие бизмисмениве(точно е напишано како што ги викаат со потсмев) што се со повеќе пари од углед ќе направат куќи.за да има што да причаат во нивните кругови

Дечки, нека е честито, на денешната електронска аукција е продадено земјиштето за Сончев град по цена од 132 денари за метар квадратен. Ако се земе во предвид дека е постигната основната цена на лицитацијата, може да се заклучи дека учествувала само една компанија и дека најверојатно се работи за турците од Џеваир Холдинг. Подоцна и повеќе инфо.

Ајде и ова да го видиме ,овие многу сериозна компанија изгледаат ,бидејќи за кулите кај нас тука во аеродром се фатија иако е голем проект за македонски стандарди а богами им оди работата (не сум поминал одтаму но гледам постојано камиони натаму).
Ако го направат и Сончев град алал им вера.

Sekoja  investicija e dobro dojdena i sekoe razvivanje na gradot e za pozdrav no sepak imam nekolku prasanje do nekoj koj malku e po upaten za proektot Soncev grad koj ima poveke bolni tocki i tuka se mojte prasanja:
  pat do Soncev grad-preku sredno  Vodno
 - kako preku sredno Vodno koga vo letniot period poradi povisokite temperaturi patot od olimpisko selo nagore e zatvoren za koli
-znaete kolku koli dnevno ke odat  po toj pat
-kolku drva ke bidat unisteni
-kolku seto toa ke vlijae na Vodno-Skopje