Фасади (општо)

Се знаеше, но вака е и официјално.
 
http://www.vesti.alfa.mk/default.aspx?mId=36&eventId=60776
 

Зградата на ЕВН/ЕЛЕМ преслечена во нео- класика

 

четврток, 27 декември 2012, 18:06     Планираниот неокласичен изглед на зградата на ЕВН и ЕЛЕМ на плоштадот Македонија излезе во јавноста. Во име на двете компании, државните електрани се обратија до општина Центар да ја смени соодветната програма за место сегашната комбинација од мермер и стакло зградата да добие елементи од архитектонскиот стил типичен за проектот Скопје 2014-та.   „Објектот се наоѓа во непосредна близина на Порта Македонија. Сметаме дека со новото фасадно обликување објектот ќе добие репрезентативност, усогласување со контекстот и подобрување на енергетска ефикасност и заштеда во однос на одржување на објектот“- се вели во дел од барањето на генералниот директор на АД ЕЛЕМ, Дејан Бошковски до Градоначалникот на општина Центар, Владимир Тодоровиќ.   Освен нов изглед на зградата на ЕВН и ЕЛЕМ, за очекување е центарот на Скопје ќе добие уште пет споменици. Обележје на генералот Михајло Апостолски да се постави на кружниот тек кај хотелот Континентал. Револуционерот Никола Петров Русински да се постави на влезот на подземната гаража кај МНТ. Пере Тошев да добие споменик зад МНТ, кон чаршијата. Обележје на револуционерот Андон Јанев Ќосето ќе се постави близу МТВ. Во близина на комплексот пресвета Богородица пак, да се постави обележје на Света Лидија Македонска- според енциклопедиите прва личност крстена од апостолот Павле на европско тло и со тоа прва христијанка на стариот континент.   За спомениците се знае дека нема да се плаќаат од државниот буџет. Парите би се собираат од донации и спонзорства од иницијаторот- здружение за духовно обединување на сетници, попадинци и крушорадци од Лерин во Македонија. Кој ќе ја плати новата фасада на зградата ЕВН, засега не се знае.   Александар Димитриевски

нема да кошта многу,неколку милиони евра и све ќе се среди.доволно е пола денар да се покачи струјата и фасадата ќе биди готова

...објектот ќе добие репрезентативност, усогласување со контекстот и подобрување на енергетска ефикасност и заштеда во однос на одржување на објектот....

no comment

Се согласувам потполно.

Edited by HugoGoulding - 28-Dec-2012 at 15:47

Originally posted by xnx ...објектот ќе добие репрезентативност, усогласување со контекстот и подобрување на енергетска ефикасност и заштеда во однос на одржување на објектот.... no comment

Сега ова го користат во своја полза, а зошто не го почитуваа истото пред 3 години? Кога барок не се уклопување никаде!

За контрастот ќе си се мерат во квалитет,идеа,убавина,цена...во тоа ќе има контраст.Но стилот е логично и пожелно да биде ист (без разлика дали зборуваме за овој стил или било кој било каде),освен ако не се работи за ептен "уметнички дела" во секоја смисла на зборот,па во тој случај преку адаптирање и унифицирање на урбаните површини (зеленила,тротоари и сл.) кои ги опкружуваат да се добие некој целина во просторот.
Никој не сака "чирови" биди реален xnx

Originally posted by zdravozivo За контрастот ќе си се мерат во квалитет,идеа,убавина,цена...во тоа ќе има контраст.Но стилот е логично и пожелно да биде ист (без разлика дали зборуваме за овој стил или било кој било каде),освен ако не се работи за ептен "уметнички дела" во секоја смисла на зборот,па во тој случај преку адаптирање и унифицирање на урбаните површини (зеленила,тротоари и сл.) кои ги опкружуваат да се добие некој целина во просторот. Никој не сака "чирови" биди реален xnx

Неверојатно. Сега ЕВН, ГТЦ и слични објекти излезе дека биле „чиреви“ и дека не се вклопувале. Па зошто Портата не ја вклопија во опкружувањето ако веќе е потребно се да биде во ист „стил“? Зошто наопаку одиме, и која и каде ќе биде границата? Дали цел град треба да се префасадира во „барок“ за да бидеме раат со „стилот“?   

umeshnosta se sostoi vo toa kolku imas oset za forma, boja, kompozicija i sl. na primer berlin e grad kade site objekti se vo razlicen stil i seto toa mnogu interesno izgleda.

a cirovi nemaat vrska so toa dali se ist stil. na primer, spored mene, markicata do ustavniot e mnogu pogolem cir, iako e vo ist stil otkolku da receme kolku ubavo bi izgledale edna do druga merriot i san marko bas poradi nivniot kontrast

Edited by xnx - 29-Dec-2012 at 21:17

прашањето е, зошто да се изгради нов објект тотално неадекватен на објектите околу него, па потоа да се префасадираат објектите околу него, наместо секој нов објект да се прилагодува на претходните?
и тоа не значи дека сега во градов треба да ги воскреснуваме стиловите кои биле модерни пред 30 години на пример, туку да најдеме решенија кои соработуваат со нив и ќе формираат артикулирана средина... поради истите причини се следат и градежни линии и претходни урбанистички планови
дури и оние постоечки објекти, да беа тотални катастрофи од невидени размери, најадекватно ќе беше да се реконструираат, ама онака како што самите објекти дозволуваат, а не според чудниот свет на фантазијата

Обновена фасадата на Беговата куќа во Гостивар



Министерката за култура Елизабета Канческа-Милевска денеска во Гостивар ја посети Бегова куќа (куќата на Даут Болетини), споменик на културата кој беше надворешно реконструиран во рамки на проектот на Владата за санација на фасадите на објекти-примероци на староградска архитектура.

Беговата куќа е изградена во 18 век и била дел од комплекс. За двете фази на заштита на објектот, Министреството за култура минатата година му одобри 1,7 милиони денари на Конзерваторскиот центар-Гостивар.

- Задоволство е да се види дека ветеното е направено. По двете фази на заштитата, ќе се премине и на ентириерот. Во оваа година треба да заврши и уредувањето на Саат-кулата, со што Гостивар ќе има да им покаже на посетителите дел од културното наследство, изјави Канческа-Милевска.

Целта на проектот е да им се врати автентичниот изглед на објекти од стара градска архитектура низ државата кои, според анализите на регионалните заводи и музеи, ги има околу 250. Тие ќе бидат конзервирани етапно во наредните неколку години.

- Се работи за обемна активност која е предвидено да се реализира во наредните четири години според добиените информации од надлежените инстиуции и степенот на заштита на спомениците на културата. Финсирањето ќе биде од буџетските средства кои Министерството ги доби, рече минитерката за култура.

Во првата фаза на проектот е обнова на фасади на објекти во Крушево, Старата скопска чаршија, куќата на Бектешовци во Прилеп, поранешниот Англиски конзулат во Битола и куќа на Бојаџиеви во Охрид.