Обнова на Офицерскиот дом

не знам зошто се фаќате на муабетот за вредноста на Офицерскиот дом
според мене најлчогично мислење е дека Офицерскиот дом нема голема историска и културна вредност, туку само бил маркантен и ништо повеќе, нема големо значење за развитокот на градот, туку само одбележува многу краток периот од скопската историја, се друго не ме интересира, ни кој го изградил, ни кој не сакал да го реконструира
а тоа дека е големо архитектонско постигнување, баш и не е, без разлика кој го изградил

и сентименталната поврзаност со одреден период не треба да се меша со одлуките и планирањето на градот, туку треба прво за сето тоа да се размисли и да се разработи, тоа е исто како утре не дај боже да се сруши нешто, па јас чисто од емотивна поврзаност со него после 50 години да се запнам да го изградам, а да нема реална потреба од него или да постои подобар избор за негова замена
а за тоа дека тие што не го поддржувале возобнувањето на објекти срушени во земјотресот, не значи дека не се Скопјани, и јас сум Скопјанец (што би рекол N23, со поколенија ) и го обожавам Скопје какво што било и пред земјотресот, заедно со офицерскиот, но знам како треба да се планира еден нормален град и треба народот да почне да ги разбира тие работи


Edited by zabegan - 26-Mar-2011 at 00:42

http://www.ii.edu.mk/predmeti/mm/20052006/mmproekti/Skopje_Oficerski_Dom/index.html

Веб страна на која може да се прочита за историјатот на објектот како и да се погледнат слики, видеа и 3Д анимации.

http://www.vesti.alfa.mk/default.aspx?mId=36&eventId=48431

Кондоминас поднесе документација за Офицерски Дом

понеделник, 09 април 2012, 17:49 Документацијата за изградба на Офицерскиот Дом на плоштадот Македонија стигна до надлежните институции. Грчкиот инвеститор Кондоминас, според информации на АЛФА, поднел барање за одобрение за градба на објектот до општина Центар. Истовремено, основниот проект за зградата стигнал и на проверка кај министерството за транспорт, што беше услов, кога пред една година, грчкиот бизнисмен ги купи парцелите за Офицерски и Хотелот на плоштадот. - „Комисија од Министерството за транспорт и врски треба да го одобри основниот проект во однос на фасадно обликување на градбите и во однос на просторот предвиден за изградба на резиденцијалниот дел согласно дадените услови, како и матична служба која ќе се предаде во сопственост на Република Македонија“ – велат од министерството за транспорт и врски. Во моментов не се знае кога точно би почнала изградбата на Офицерскиот Дом, инаку еден од последните објекти предвидени во проектот Скопје 2014-та. Пред дваесетина дена, од компанијата на Кондоминас одговорија дека тоа ќе се случи по добивањето на правосилно одобрение за градба. Грчкиот бизнисмен ја купи парцелата за офицерскиот Дом заедно со уште една соседна за Хотел, пред една година, на јавно наддавање во министерството за транспорт. Плати околу 100 евра од квадрат за вкупна површина од 6308м2 на плоштадот Македонија. Негова обврска е на едната парцела да го изгради Офицерскиот дом,а потоа дел од него да го врати на државата. На другата треба да изгради Хотел во соработка со светски бренд. Крајниот рок за поднесување на документацијата за Офицерскиот Дом истекуваше за неколку дена. За хотелот, Кондоминас има речиси уште една година. Александар Димитриевски

Edited by Dexter26 - 09-Apr-2012 at 22:25

Мене ми се допаѓа да биде истиот.

Ако планираат да го заебат и да направат глупост како што испадна на локацијата на стара Народна Банка, тогаш подобро ништо да не градат на локацијата на стариот Офицерски Дом.

neka dobie moderna interpretacija ako ne

" со тоа што имаше и услов еден спрат да припадне на државата каде што во иднина ќе биде градската куќа, но тој простор ќе може да се користи и за други приеми итн."-

Нешто не ми е јасно. До сега имав впечаток дека тој што ќе го гради хотелот на плоштад има обрска да го изгради Офицерски Дом и да го предаде целосно во сопственост на градот. И таму да биде сместена резиденцијата на градоначалникот и матичната служба. Но сега читам дека само еден спрат имал обрска да им отстапи. Дали тоа значи дека и Офицерски ке биде хотел од кој само еден спрат(не е наведено дали приземјето, најгорниот или некој друг) ке биде матично и резиденција на градоначалникот. Од изјавите некако многу малку може да се дознае. А и на новинарите им е најважен надворешниот изглед и ништо друго.

ДВЕ ГО­ДИ­НИ ОТ­КА­КО ГРЧ­КИ­ОТ БИЗ­НИС­МЕН КОН­ДА­МИ­НАС ГО КУ­ПИ ЗЕМ­ЈИШ­ТЕ­ТО НА ПЛОШ­ТАД

Офи­цер­ски­от дом има гра­деж­на доз­во­ла, ама град­ба не­ма

Од Ми­нис­терс­тво­то за тран­спорт и вр­ски ве­лат де­ка ид­ни­от ин­вес­ти­тор за­се­га се при­др­жу­ва до ро­ко­ви­те пред­ви­де­ни со до­го­во­рот, од­нос­но из­ва­дил гра­деж­на доз­во­ла од Оп­шти­на Цен­тар и се­га, во рок од шест го­ди­ни, тре­ба да ги из­гра­ди Офи­цер­ски­от дом и хо­те­лот до не­го

Не­ма абер да поч­не из­град­ба­та на Офи­цер­ски­от дом на плош­та­дот Ма­ке­до­ни­ја. Ре­чи­си две го­ди­ни от­ка­ко грч­ки­от биз­нис­мен Ди­мит­ри Кон­да­ми­нас, пре­ку фир­ма­та ДЦ "Прајм про­пер­тис", ја ку­пи ат­рак­тив­на­та пар­це­ла во цен­та­рот на гра­дот, не­ма ни­как­ви гра­деж­ни ак­тив­нос­ти. Прос­то­рот ни­ту е ог­ра­ден ни­ту, пак, неш­то на­вес­ту­ва де­ка нас­ко­ро ќе ник­не но­во гра­ди­лиш­те на Плош­та­дот.
Од Ми­нис­терс­тво­то за тран­спорт и вр­ски ве­лат де­ка ид­ни­от ин­вес­ти­тор, кој пок­рај Офи­цер­ски дом тре­ба да из­гра­ди и хо­тел, за­се­га се при­др­жу­ва до ро­ко­ви­те пред­ви­де­ни со до­го­во­рот.
"До­го­во­рот за оту­ѓу­ва­ње гра­деж­но зем­јиш­те на две гра­деж­ни пар­це­ли ме­ѓу Ми­нис­терс­тво­то за тран­спорт и вр­ски и фир­ма­та ДЦ 'Прајм про­пер­тис' е склу­чен на 4.4.2011 го­ди­на. Ин­вес­ти­то­рот из­ва­ди гра­деж­на доз­во­ла од Оп­шти­на Цен­тар во пред­ви­де­ни­от рок од 12 ме­се­ци. Во мо­мен­тов те­чат ро­ко­ви­те за за­поч­ну­ва­ње на из­град­ба и за­вр­шу­ва­ње на из­град­ба на об­јек­тот. Ку­пу­ва­чот е дол­жен да ја за­вр­ши из­град­ба­та на об­јек­тот во рок од шест го­ди­ни од до­би­ва­ње­то на одоб­ре­ни­е­то за град­ба", ве­лат од Ми­нис­терс­тво­то за тран­спорт и вр­ски.
Гра­деж­на­та доз­во­ла Кон­да­ми­нас ја из­ва­ди ла­ни.
Од прав­ни­те зас­тап­ни­ци во Ма­ке­до­ни­ја на биз­нис­ме­нот Кон­да­ми­нас, ад­во­кат­ска­та ку­ќа "Чу­киќ и Мар­ков", не ус­пе­ав­ме да до­би­е­ме од­го­вор ко­га нив­ни­от кли­ент ќе за­поч­не со из­град­ба на два­та об­јек­та, кои се дел од про­ек­тот "Скоп­је 2014". От­та­му во не­кол­ку нав­ра­ти ни ре­коа де­ка ад­во­ка­ти­те се на служ­бе­но па­ту­ва­ње.
Грч­ки­от биз­нис­мен Ди­мит­рис Кон­да­ми­нас пред две го­ди­ни ги ку­пи пар­це­ли­те на јав­но­то над­да­ва­ње во Ми­нис­терс­тво­то за тран­спорт и вр­ски за вкуп­но 630.000 ев­ра. На ли­ци­та­ци­ја­та тој бе­ше един­ствен по­ну­ду­вач, па са­мо за 100 де­на­ри по­ве­ќе од по­чет­ни­те 6.000 де­на­ри за квад­ра­тен ме­тар, ста­на сопс­тве­ник на 6.300 квад­ра­ти зем­јиш­те на плош­та­дот Ма­ке­до­ни­ја.
Спо­ред ус­ло­ви­те, ин­вес­ти­то­рот тре­ба да из­гра­ди хо­тел во ба­ро­кен стил и град­ска ку­ќа со из­глед на не­ко­гаш­ни­от Офи­цер­ски дом, во ко­ја ќе би­дат смес­те­ни ка­би­не­тот на гра­до­на­чал­ни­кот на Скоп­је и Ма­тич­на­та служ­ба. (А.А.)

lele radi "obnovata" na narodna banka, lugevo si imaat uplav od modena interpretacija na objekti  

http://www.utrinski.com.mk/default.asp?ItemID=37960707E6FA2B4BB08F25C5E275E07B

Се расчистува теренот за новиот Офицерски дом



„Градски паркинг“ деновиве и целосно ќе се повлече од земјиштето кое со години го користи како паркинг-простор

ДЕСПИНА ТРАЈКОВСКА

По речиси две години откако ја купи атрактивната парцела на плоштад „Македонија“, грчкиот бизнисмен Димитри Кондоминас се подготвува да почне да го гради хотелот и Офицерскиот дом. Неговите правни застапници, адвокатската куќа „Чукиќ и Марков“, почнуваат да му го подготвуваат теренот за градба. Побарале дислокација на постојниот паркинг поради неопходното заградување на просторот за да се отвори градилиште. Во меѓувреме тие веќе ја обезбедиле и градежната дозвола.

Детали кога ќе отпочнат со градежните активности, со која динамика ќе се работи и слично, застапниците не кажуваат. Воопшто, од адвокатската куќа „Чукиќ и Марков“ не се достапни за какви било информации во врска со нивниот грчки клиент, кој, всушност, ќе гради два објекта кои се дел од „Скопје 2014“.

Но, очигледно, се бројат денови кога локацијата ќе почне да се заградува. Завчера од паркингот во непосредна близина на парцелата беа отстранети рампите, а „Градски паркинг“ деновиве и целосно ќе се повлече од земјиштето кое со години го користеше како паркинг-простор.

„Добивме допис, а остваривме и средба со адвокатот и ни беше укажано дека во рок од седум дена треба да го отстапиме просторот бидејќи новиот сопственик на парцелата планира да почне со околчување на просторот“, ни рекоа накусо вчера од „Градски паркинг“. Од таму не знаеја да кажат дали целиот постоен паркинг се наоѓа на парцелата во сопственост на Кондоминас.

Грчкиот бизнисмен, пак, пролетта во 2011 година ги купи двете атрактивни парцели на плоштадот „Македонија“ наменети за изградба на Офицерскиот дом и хотелот веднаш до него. Урбанистичкиот план дозволува објектите да бидат изградени до максимална висина од 29 метри, односно предвидена е изградба на објект од седум ката со потпокрив. Кондоминас стана сопственик на земјиштето по пат на лицитација на која беше единствен понудувач. Плати околу 630.000 за речиси 6.300 квадрати земјиште. Според условите на лицитацијата што ги постави државата, тој требаше да откупи и уште околу 500 квадратни метри од приватни сопственици, а потоа да го изгради хотелот во барокен стил и градска куќа со лушпа на некогашниот Офицерски дом, во која ќе биде сместен кабинетот на градоначалникот на Скопје и Матичната служба.

Неодамна, од Министерството за транспорт и врски информираа дека Кондоминас засега ги почитува роковите за изградба што ги налага договорот за отуѓување на земјата.

„Договорот за отуѓување на градежно земјиште на две градежни парцели меѓу Министерството за транспорт и врски и фирмата ДЦ 'Приме пропертис' е склучен на 4 април 2011 година. Инвеститорот во предвидениот рок од 12 месеци извади градежна дозвола од Општина Центар. Во моментов течат роковите за започнување на изградбата и завршување на објектот. Купувачот е должен да ја заврши изградбата во рок од 6 години од добивањето на одобрението за градба“, рекоа од ресорното министерство.

Инаку, Кондоминас влезе во Македонија преку фирмата „ДЦ приме пропертис СА“, како филијала на грчката „Демко прајм пропертис“, а партнер му е синџирот хотели „Мериот“.

Паркингот на плоштад веќе не е во функција

Јавниот градски паркинг веќе не е во функција. Всушност, на него од вторникот може да се паркира, но користењето не е регулирано и не се наплаќа. Од „Градски паркинг“ информираа дека на сопствениците на месечни и годишни билети за овој паркинг ќе им биде понудено користење на алтернативни паркинзи. Во случај тоа да не им одговара, најверојатно ќе им биде вратена разликата во парите што ја платиле за месечно или за годишно користење на конкретниот паркинг. (Дс.Т.)