Поздрав и од мене! Значи џабе 6 нови дестинации и тоа во празничен месец.Се знае лекот - подобра економија (за повеќе наши граѓани да можат да патуваат и повеќе бизнисмени да доаѓаат), како и мнооогу подобар туризам од сегашниов.

Приштинскиот аеродром парче прави.Скоро дупло повеќе патници од Скопје.

900 000 само за Скопје? Со задоволство ќе те частам пиво, дај Боже да си ти во право.

Tav February: 55.077 patnici +12%. ( Jan&Feb vkupno +6%)

http://ekonomski.mk/?p=30130

„Александар Велики“ со зголемен број на патници во март

Раст на бројот на превезени патници за 24 проценти забележа аеродромот „Александар Велики“ во Скопје  во март годинава во однос на ланскиот март, покажуваат податоците од ТАВ.

Според овие податоци, во ноември се превезени 71.598 патници, за разлика од минатиот март кога биле превезени 57.607 патници.

Кога станува збор, пак, за бројот на слетувања и полетувања на двата македонски аеродроми, тие бележат раст од 6 отсто и тоа од 854 во ноември лани на 904 истиот месец годинава, извести ТАВ.

http://faktor.mk/archives/41473

Kolku carteri imase za izborite?

На македонските аеродроми 46 нови лета

Ваквиот пораст на бројот на летови во најфреквентната авиосезона во текот на годината е резултат и на новото зголемување на субвенциите од Владата


Се повеќе туристи доаѓаат во земјава
Субвенциите го преполнија летниот ред на летање
Македонските граѓани ќе имаат на располагање дополнителни 46 лета од Скопје до атрактивните европски дестинации во летната авиосезона, која започна на 31 март и ќе заврши на 26 октомври годинава, а ќе ги реализираат авиокомпаниите што вршат редовен воздушен сообраќај. Ваквиот пораст на бројот на летови во најфреквентната авиосезона во текот на годината е резултат и на новото зголемување на субвенциите што Владата ги дава за поттикнување и развој на воздушниот сообраќај, при што за оваа намена годинава се проектирани 86 милиони денари, а за 2014-та дури 135 милиони денари.

Милион патници

Притоа, според најавите од воздухопловните власти, односно од Агенцијата за цивилно воздухопловство и концесионерот на македонските аеродроми, турски ТАВ, целта е годинава да се заокружи со еден милион патници, а веќе 2015-та со два милиони патници, кои полетале или слетале на скопскиот аеродром „Александар Велики“ и на охридскиот „Св. Апостол Павле“.

- Зголемувањето на бројот на авиофреквенции во оваа летна сезона и ставањето на Македонија на мапата на примамливи дестинации, од кои ќе се оперира до повеќе европски градови со евтини авиобилети, јасно покажуваат дека македонското воздухопловство се движи во вистинската насока - авиотранспортот да стане достапен до сите категории граѓани, во духот на светските трендови. Веруваме во нашиот стремеж, барем еднаш годишно секој Македонец воздушниот транспорт да го искористи како средство за превоз до посакуваната дестинација - вели директорот на АЦВ, Дејан Мојсоски.

Според овој летен ред на летање, утврден од страна на Агенцијата за цивилно воздухопловство, унгарската нискобуџетна авиокомпанија „Виз ер“ најави дека ќе го зголеми бројот на летови за дополнителни 24 во однос на претходната летна сезона, кога леташе само пет пати неделно на линијата Лондон - Скопје и обратно и Венеција - Скопје и обратно. Веќе од април „Виз ер“ ќе лета до Базел, Ајндховен, Дортмунд, Бергамо, Малме, Менингем и од 3 мај за Стокхолм, а од 31 мај и за Гетеборг.

- Навистина сме среќни што сега македонските граѓани можат да летаат до толку многу дестинации од скопскиот аеродром. „Виз ер“ започна со Лондон и со Венеција, потоа отворија база во Македонија и воведоа шест нови линии, како и најновите дестинации - Стокхолм и Гетеборг. Очигледно „Виз ер“ се задоволни со услугите на аеродромот „Александар Велики“ во Скопје и ние со задоволство ќе продолжиме да ги опслужуваме и „Виз ер“ и нашите драги патници во 2013 година и понатаму - вели Мурат Орнекол, главен оперативен директор на холдингот „ТАВ аеродроми“.

Брисел и Дубаи

Инаку, најави за дури шест лета повеќе има од авиокомпанијата „Хелветик ерлајнс“, која продолжува да оперира на линиите од Цирих за Скопје, како и за Охрид и обратно. Практично, годинава компанијата ќе лета за Скопје секој ден во неделата, наместо како досега, само во недела, а за Охрид еднаш, и тоа само во недела. Турскиот авиопревозник „Туркиш ерлајнс“ годинава ќе оперира четири пати повеќе, или секој ден двапати дневно до Истанбул, а бројот на летови во летната сезона го зголеми и нискобуџетната авиокомпанија од Дубаи, „Флај Дубаи“, која на македонските патници ќе им овозможи летови и во четврток и во недела, наместо како досега, само во понеделник и во четврток. И српската државна авиокомпанија „ЈАТ ервејс“ ќе има три лета повеќе, споредено со минатата година, на дестинациите Белград - Скопје и Белград - Охрид - Скопје - Белград. А нискобуџетната компанија „Пегасус ерлајнс“, која оваа сезона одлучи да не ја оперира дестинацијата Скопје - Измир, има зголемување од по еден лет во однос на минатата сезона, само на Истанбул - Скопје, од вторник до недела. Двапати дневно на релацијата Брисел - Скопје (наместо по еднаш) во вторник ќе лета компанијата „Туи ерлајнс“, а еднаш дневно, во недела, таа ќе врши авиопревоз од Брисел до охридскиот аеродром „Св. Павле“. Оваа летна сезона веќе од 1 април во редовниот авиосообраќај, и тоа со четири лета неделно, секој понеделник, среда, петок и недела, е најавено дека ќе се вклучи и „БХ ерлајнс“, на релацијата од Сараево до Скопје.

Минатата година преку нашите аеродроми беа превезени 906.871 патник, а најмногу патници превезле „Виз ер“, „Туркиш ерлајнс“ и „Аустријан ерлајнс“, при што најатрактивни дестинации беа Цирих, Истанбул, Виена, Белград и Загреб.

     
Автор: Благоја Јанев      Фотографија: Емил Јовановиќ     
     
     
http://www.novamakedonija.com.mk/NewsDetal.asp?vest=41213857314&id=10&prilog=0&setIzdanie=22854

Си мислат дека за сите бројки и за сите именки е возможно да се направи бројна множина

Врв на новинарштината ми е си го одземал животот (колку пати, 100?), нормално треба одзел, и со нејзе (треба со неа) е еднакво смешно како битолското му реков на мајка ми.

Толку од мене на тема скопска новинарштина

Годинава во Охрид со чартер ќе слетаат 20 илјади туристи

Во петок во Охрид доаѓа првата тура холандски туристи оваа година. Станува збор за група од земјите на Бенелукс кои во Охрид и Струга ќе допатуваат преку аранжманите на тур-операторот „ТУИ – Аркефлај“, со посебен чартер лет.

Туроператорот „ТУИ – Аркефлај“ заедно со „Корендон“ се агенциите кои веќе трета година ја нудат Македонија како дестинација на своите летни туристички понуди.

Според планот „ТУИ Аркефлај“ од 10 мај треба да реализира по два лета седмично во понеделник и петок, со последен лет предвиден за 4 октомври.„Корендон“ ќе оперира со три чартер-лета седмично, во периодот од 7 мај заклучно со 13 октомври.

За ова лето двете агенции треба да направат вкупно 114 чартер-летови за Охрид и да превезат околу 20 илјади туристи.

Досега за летување во Македонија „ТУИ“продадал 2.500 аранжмани, додека „Корендон“ над 5.600 аранжмани за странски туристи во Македонија. Тие овде ќе останат од 7 до 10 ноќевања.

http://faktor.mk/archives/44139