Булевар Борис Трајковски (Првомајска)

Originally posted by gjoko ????????????

 
На мене ми мириса на споменик.  

Edited by Dexter26 - 02-May-2013 at 00:15

Доколку немаа(т) намера наскоро да продолжат со проширување кон Драчево, јас не гледам никаков проблем во решението. Едноставно ова е точката каде што сообраќајницата се проширува, но воедно таму има и бензинска пумпа, па полниот профил на булеварот почнува после бензинската, а пред нејзе има само кратка лента за исклучување, што не гледам зошто би пречело.

Но како што кажав, проблемот ќе настане кога ќе треба да се продолжи со проширување кон Драчево. Тогаш ќе треба островчето да се отстрани, а уличното осветлување да се помести.

Со тоа се наметнува прашањето дали ова е уште еден пример на кусогледо и неодговорно планирање, или свесно е вака направено затоа што проширување на булеварот кон Драчево во наредните години не е во план?

Без разлика дали ќе прошируваат или не понатаму во блиска иднина ова им е многу глупаво решено. Има место и за пешачки и не пречи на бензинската...не ми е јасно зошто вака

А доколку прошируваат кога и да е ова ќе мора да се санира

За Велигден имав прилика да го извозам новиот дел од булеварот Борис Трајковски. Еден збор: катастрофа! Асфалтот е толку нерамен што е просто несфатливо за булевар кој е штотуку пуштен во употреба.

Вакви сељачишта се секојдневна слика на Првомајска!

Штета што не стигнав порано да го сликнам да се фати и таблицата.

Датум: 02.09.2013, 16:33

ГРАДОТ СО ОПЦИЈА ЗА ПОМАЛИ ТРОШОЦИ

Булеварот Борис Трајковски ќе земе дел од ОХИС



Во процес на изработка е проектот за изведба на третата фаза од проширувањето на булеварот Борис Трајковски (поранешна Првомајска), овој пат од фабриката ОХИС, па с` до населба Пинтија, рече градоначалникот Kоце Трајановски на последната седница на Советот на Скопје, запрашан за кога е планиран почетокот на овој зафат. Делницата, предмет на проширување, ќе добие плус две ленти во должина од два километра.

Трајановски на седницата, на која на дневен ред беа советнички прашања, информира дека во моментов прават проекции дали и колку ќе се навлезе во приватни имоти, односно дали е потребно нечие обесштетување. Улицата треба да се прошири за сметка на десната страна каде што се наоѓа таканаречената индустриска зона. Доколку проектот покаже дека се навлегува во приватни имоти, тогаш улицата, најверојатно, ќе се прошири за сметка на левата страна.

- Во тој случај ќе ја користиме страната на фабриката ОХИС. Имаме согласност од Владата, при што договоривме дел од земјиштето да не влезе во тендерската постапка за продажба на фабриката. На тој начин Градот ќе нема и финансиски издатоци - рече градоначалникот уште еднаш потенцирајќи ја важноста на овој зафат.

Според него, станува збор за важна артерија меѓу приградските населби и градот -Драчево, Студеничани, Зелениково, Батинци и други. С` на с`, оваа сообраќајница опслужува приближно 150.000 жители, а изградбата на две нови ленти е од исклучително значење за растоварување на досегашниот сообраќај.

Оваа улица долго време беше тесно грло, а проточноста - мислена именка. Во својата предизборна кампања Трајановски најави дека за оваа намена предвидени се околу 120 милиони денари.

Првите две фази, кои се одвиваа лани и преклани, опфатија реконструкција и проширување на улицата во булевар во два наврата. Првата фаза се одвиваше од Рампа до Расадник, во должина од 1,3 километар, а потоа се продолжи на друга делница - од булевар Србија, па с` до стакларница. Освен нови коловозни ленти, за пешаците беа изградени и тротоари, а за велосипедистите - патеки, нешто што претходно го немаше. Меѓу другото, беше изведен и поширок профил на атмосферска канализација во должина од 1,1 километар. Целосно беше реконструиран и мостот над Усјански канал.

Изведбата чинеше четири милиони евра, пари обезбедени од Европската банка за обнова и развој и средства од буџетот на Град Скопје.

Јорданка Ивановска

на сегашната улица има многу влезови и излези
најдобро е да се изведе нова траса која ќе поминува низ локацијата на охис позади објектите на прототип, бујото и другите кои се северно од постоечката улица и ќе се вклуќи точно во правец со улицата кај населба драчево
треба нов мост на маркова река и одкуп на ѕемјоделско земјиште од локации кои наеднаш ќе излезат на нова улица
така ќе се избегне тешкиот сообраќај (товарни возила кои доставуваат материјали, бетономешалки од батинци и ...)кој создава проблеми
замисли товарно возило на булевар со четири лоенти кое застанато и чека да прегази две полни раделни линии и две ленти за движење за да влезе во локација

Темава малку ја заборавивме...но изгледа дека и од Град Скопје ја заборавија...
Проширувањето во прв план до Пинтија па понатаму и до Драчево како и кружниот тек на влезот од Драчево не се споменуваат подолг период.

ГРАДОТ СКОПЈЕ ЌЕ СЕ ЗАДОЛЖИ СО 4 МИЛИОНИ ЕВРА

Во Градот очекуваат до јули да завршат тендерските постапки и од септември да почнат градежните активности

Градот Скопје ќе се задолжи со кредит за реконструкција на булеварот Борис Трајковски на потегот од влезот во фабриката "Стаклара" до населбата Пинтија. Ваква одлука на последната седница донесе Советот на Град Скопје. Кредитот од 258.300.000 денари ќе се обезбеди од домашни банки со склучување на Договор за подзаем со Министерството за финансии во рамки на средствата обезбедени со Проектот за подобрување на општинските услуги финансиран со заем од Меѓународната банка за обнова и развој - Светска банка.
Според Предраг Трпевски од СДСМ ова задолжување е непотребно бидејќи парите на градот се трошат нерационално.
"Станува збор за една многу битна сообраќајница и ние не сме против изградбата на овој булевар. Но, ние како советници од опозицијата сметаме дека средствата во градот Скопје се трошат нерационално, за фасади, тркала и врби. Во буџетот има многу трошоци кои не се продуктивни и ако ги собереме сите ситни трошоци ќе собереме една поголема сума за да не дозволиме ново задолжување", рече Предраг Трпевски од СДСМ.



Градоначалникот на Скопје, Коце Трајановски пак рече дека задолжувањето е важно за да може да се направат сите планирани проекти.
"Ниту фасадите ги финансираме, ниту тркалото, ниту врбите, тие пари се добиени од Владата и не можеме да ги пренамениме. Ние располагаме со нашите пари и ние можеме да го направиме овој булевар без кредит, но што правиме со другите булевари, затоа секој си планира, од мои пари можеме толку, од кредит ќе земам олку и ќе се завршат сите работи, а вакви кредити како овој со каматна стапка под 1 отсто ги посакува секоја општина", истакна Трајановски.
Трајановски очекува до јули годинава да завршат тендерските постапки и од септември да започнат градежните активности.
Претходно Булеварот беше реконструиран на потегот од Стара рампа до фабриката "Стаклара".
Вкупна вредност на инвестицијата изнесува 317.366.110 денари од кои 258.300.000 денари ќе се обезбедат преку заем, а останатиот износ од 59.066.110 денари од буџетот на Град Скопје.

http://www.vest.mk/default.asp?ItemID=B5CF98B166347243A81D674E15357C7B

Ги откупија имотите покрај патот или го поместија кон имотот на ОХИС? Би требало да размислат и за комплетирање на тесните грла што останаа во првата фаза.