Стар Аеродром

НОВИ ОБЈЕКТИ НА АДОРА ИНЖЕНЕРИНГ ВО ОПШТИНА АЕРОДРОМ

Назад на вести

Нови два елитни станбено-деловни објекти „Адора Инженеринг“ ќе започне да гради на атрактивна локација во срцето на модерната општина Аеродром, Скопје, на просторот кај старите воени бараки. Локацијата е во близина на Железничката и Автобуска станица во Скопје, булеварите Кузман Јосифовски-Питу и Јане Сандански, кај црквата Свети Илија, близу до здравствената поликлиника Јане Сандански, Основното училиште Блаже Конески, детска градинка, трговски центри, банки и други институции. Во двата објекти, кои ќе бидат на девет ката, ќе има по 100 елитни станови со површина од 32 до 83 м2, деловни простории на приземјето и модерни паркиралишта на три нивоа, од кои две ќе бидат подземни.




Извршените стручни геомеханички испитувања со длабинско дупчење на тлото, покажаа дека теренот е изразено стабилен, што за идните станари е гаранција дека градбата ќе биде асеизмичка, безбедна и црвста. По подготвување и организација на просторот за градба, наскоро треба да започне изградбата на објектите. Двете елитни нови станбено-деловни згради, „Адора Инженеринг“ ќе ги изгради според најновите светски стандарди, тие ќе бидат сигурни, со темелна плоча од 120 см, со стабилна и цврста армирано бетонска конструкција, висококвалитетни енергетски ефикасни материјали и висок степен на хидро и термоизолација, со вградување на 10 цм стиропор во надорешната фасада. Овие енергетски ефикасни станбени објекти на станарите ќе им озовможат квалитетно домување, со долгорочна заштеда на енергија и пари. Новите елитни објекти ќе бидат со интересна архитектура и функционални решенија на станбените единици, со уредена и хортикултурно оплеменета околина за модерно урбано живеење и релаксација на станарите.