Возен парк (ЈСП - двокатни автобуси)

GM, сум ти го кажал ова повеќе пати, јас мислам дека и без спомнување е очигледно, ама изгледа не е за сите...
„Убавината“ на автобусите е субјективен критериум, а и како таков е многу понебитен од нивната функционалност, економска исплатливост, приспособливост и ред други објективни критериуми. Но кога веќе ја земаш убавината како главен критериум, зошто расудуваш по I/O логика? Убавината е многу релативна работа... Дали фактот што двоспратните биле убави, значи дека единечните или артикулираните се грди побогу ?!?

Но барем за едно си во право, тој втор спрат освен што ќе предизвика многу проблеми, нема да служи за ништо друго освен „за украс“, затоа што дури и малку поголемиот капацитет што го нуди, кај нас тешко дека ќе биде искористен од причини кои беа веќе нагласени. Е сега ако ти мислиш дека за таков украс вреди да фрламе толку многу пари и да предизвикаме толку нови проблеми, тогаш навистина немам што повеќе да ти кажам по ова прашање.





@ GM & dejan, во врска со „уникатноста“
„Уникатноста“ е уште еден релативен, а тотално небитен критериум кога се одлучува за концепт на јавен превоз. Всушност уникатност не е ни пожелна во случајов, затоа што за вакви работи е добра што поголема униформност и стандардизација, наместо да мораме да зависиме од специфични производители и сервисери, да правиме дополнителни обуки, да ја прилагодуваме инфратруктурата и сигнализацијата низ градот и ред број други „уникатни“ дополнителни товари што произлегуваат од двокатни автобуси.
Зарем уникатност сама по себе е добра работа? Ако целта е уникатност без концепт, а по секоја цена, можеме да бидеме уникатни и по многу други глупости. Всушност како тргнале работите, мислам дека за жал сме на добар пат да забегаме далеку во тој правец. Наместо да бидеме уникатни во позитивна смисла, ние се движиме кон тоа да сме уникатни по нашите глупости. Таква уникатност ама баш воопшто не ми се допаѓа. За таква уникатност ќе платиме висока цена и ќе си го успоруваме развојот како држава и општество.
А вие поставете си едно едноставно прашање - ако двоспратните автобуси се навистина толку добри, зошто се толку ретки и „уникатни“???





@ GM, во врска со правилата на форумот
Правилата на форумот не се случајни, тие се тука со добра причина и тие се тука за да се почитуваат (а не за украс, во контекст тоа што го кажуваше за автобусите). Ако немаш време да го прочиташ правилникот кој е само една страничка, или немаш намера барем да се потрудиш во разумна мерка да се придржуваш до него, тогаш тоа е сериозен проблем во рамки на форумов.


И не знам колку пати веќе треба да кажам дека офтопикот ќе престане на овој или оној начин. Кој има нешто да им соопшти на модераторите, тоа нека го направи по Private Message, а не со испади во нишките!


Edited by Cloverstack - 05-Sep-2008 at 15:40

Двокатните автобуси ќе им ги сменат навиките на граѓаните

Експертите сметаат дека новите возила нема да бидат решение за капацитетот и брзината на превозот

Снежана Калабакова


Скопје ќе добие 100 двокатни автобуси, а граѓаните ќе мора да променат одредени навики и да се адаптираат на нивната употреба. Најавеното воведување двокатни автобуси во јавниот градски превоз предизвика поделени мислења во јавноста. Додека едни ја критикуваат идејата, други воодушевено веруваат дека со нив ќе му се врати духот на Скопје.

Сепак, некои сообраќајни експерти тврдат дека овие возила нема да му дадат нов импулс на јавниот превоз. Нема да се реши ниту прашањето со капацитетот во возилата, бидејќи тој е еднаков на сегашниот во единечните автобуси на ЈСП. Експертското мислење е дека дури ќе се зголеми и времето на задржување на постојките. Од друга страна, ќе бидат потребни и дополнителни вложувања, бидејќи ќе бидат неопходни нови решенија за вертикалните семафори, интервенции на градските дрвореди, а можеби проблем ќе се јави и кај подвозниците, доколку кај некои не се запазени градежните прописи да имаат висина од 4,5 метри.

Во зависност од производителите, двокатните автобуси имаат различни димензии. Оние со две врати се долги 11 метри, а со една 10,3 метри. Висината на возилата е од 3,8 до 4,3 метри. Ги произведуваат фирми во Шведска и Америка. Еден таков нов американски двокатен автобус чини 400 илјади евра, додека еден нов обичен автобус чини од 130 до 250 илјади евра. Возилото е климатизирано, има автоматски менувач, дизел-мотор и рампа за хендикепирани лица. Американските двокатни автобуси во споредба со единечните на ЈСП имаат многу поголема потрошувачка на гориво. Ваквиот автобус има висина од 4,3 метри и должина од 12 метри. Неговиот капацитет е 82 седишта и 28 места за стоење, што значи може да превезе максимум 110 патници, исто како еден соло автобус на ЈСП „Скопје“, кој има иста должина и ист капацитет.

Денес во светот постои тенденција да се произведуваат автобуси-возови, долги 28 до 32 метри, што е колку два зглобни автобуса на ЈСП. Ваквите возила, што ги произведува „Волво“, се пуштаат на долги линии, а излегувањето на патниците е на четири или минимум три врати, што значи брзо тргнување на постојките.

Според анализите на домашните сообраќајни експерти, најголемата оддалеченост на која секојдневно патуваат жителите на главниот град е 3 до 4 километри и пристигнуваат за петнаесетина до дваесет минути. Светските искуства зборуваат дека двокатните автобуси се користат најчесто на подолги релации, заради потребното време за симнување од горниот кат. Поради косината на скалилата за искачување, многу потешко до него ќе стасуваат постарите лица. Домашните експерти велат дека безбедноста во автобусите кај нас ќе биде најголемиот проблем, бидејќи возачот ќе нема можност да контролира што се случува на горниот кат.

http://utrinski.com.mk/?ItemID=DAF38CBB9869D4439A83FE56B5BAE4B5

Originally posted by La Linea П.С. Дали висината на автобусите може да ја искомплицира целата работа со LRT? Што ако автобусите се превисоки така што не можат да поминат под каблите за LRT?

Столбовите и каблите дефинитивно ќе треба да бидат повисоки (најдов податок на интернет за ова). Исто така и пантографите на трамваите ќе треба да се погломазни...

Али којзнае, можда планираат да уведат и двоспратни трамваи, па ќе се исплати

Ете... Се распиша тендер за двокатни автобуси, а никој не не праша НАС, граѓаните што се возиме во тие автобуси.

Мислам, знам, ќе речете, тоа е одговорност на одговорните во државата, ама, сепак оваа идеја ама ИЧ не ми се допаѓа!

GM не ми скоривај стари рани, те молам. Незнаеш колку ме изнервирале комплет сите и влада и трифка и сите релевантни!!!

abe moze mu ponudile na grujo nekoj dobar dil....za sekoj 5ti kupen doubledecker edno englesko taksi gratis....

Имаш кажано, ама искрено во пракса сум добил друг впечаток. Еве токму твоите двојни аршини за Санос се добар пример. По Трифун дрва и камења затоа што не прифаќал спогодба во четири очи, а за владата ловорики иако елегантно го исфрли Санос од игра дури и за тендер.



А за „кавгите“, веќе објаснив што е проблемот - ако имаш забелешки кон модераторите, напиши им private message, а не прави испади по нишките.

Веќе почнувам да губам трпение... Не знам колку предупредувања треба да дадам за да не се оди упорно надвор од тема. Овде се збори за јавен превоз и крајно време е нишкава да се врати во колосек.

Edited by Cloverstack - 09-Sep-2008 at 18:03

dhany , welcome to the club )) site nie sme so tebe, ali tie ne se so nas svakas?

Извадок од интервју со министерот за транспорт и врски Миле Јанакиески од Дневник

АВТОБУСИ ВО ДУХОТ НА ШЕЕСЕТТИТЕ ГОДИНИ * Владата преку Министерството ќе купи 102 двокатни автобуса за потребите на јавниот превоз во Скопје. Која е причината да се замешате во работи што се под ингеренции на градските власти? - Владата, определена да обезбеди подобрување на јавниот превоз во главниот град, првично му додели средства на Јавното сообраќајно претпријатие „Скопје“ кои беа наменети за набавка на нови автобуси. Поради ставот на Град Скопје дека не е во можност да ја изврши оваа набавка и дека ќе ги врати средствата, Владата донесе одлука за обновување на возниот парк на јавниот градски превоз во Скопје. Согласно со одлуката, Министерството за транспорт и врски ќе набави вкупно 102 двокатни автобуса кои ќе може да превезуваат поголем број патници од автобусите што се користат во моментов. Два од овие автобуси ќе бидат отворени и ќе бидат наменети за панорамско разгледување на Скопје и на Охрид. Во тендерската документација строго се пропишува дека надворешниот дизајн на двокатните автобуси треба да биде во стилот на шеесеттите годино од минатиот век. Во тендерската документација има слика како треба да изгледаат автобусите. Производителите на автобуси што ќе конкурираат ќе мора да се придржуваат до тој дизајн. Значи, двокатните автобуси однадвор ќе го одразуваат духот на старо Скопје, а однатре ќе бидат модерни и удобни со најнова технологија, климатизирани, со удобни седишта, со екомотори и со електронски дисплеи.

http://www.dnevnik.com.mk/?ItemID=EDFC10E50231564A92308E46B17E9ACF

Тц тц тц тц....... Па добро бе! Дали духот на Скопје, е духот од пред 100 години. Скопје денеска не ли има дух?! Зашто мене некој ме вреѓа. Зашто некој упорно тврди дека мојата генерација нема ништо придонесено кон духот на Скопје, некој ме вреќа со ова. Зашто е привилно она што некогаш било? Па еднинечните автобуси се 100 пати подолго на скопските улици него двокатните. Е сега што е духот на Скопје?!