Скопски сообраќај (општо)

А мор чоек, шо те гледам чуден. Како ќе излезат со оделата да се сликаат, господ да чува и да брани.

Реконструирана улицата во близина на градинката „Морковче“ во Јурумлери



Општина Гази Баба деновиве изврши реконструкција односно асфалтирање на улицата 2А, на делот пред новата градинка „Морковче„ во населеното место Јурумлери.

Станува збор за асфалтирање на потег во должина од околу 100 метри, како и изградба на нов тротоар по целата должина на улицата и дренажен систем за одведување на атмосферските води.

Општина Гази Баба исто така, инвестираше во изработка на оградата за новата детска градинка која е со вкупна должина од 250 метри и висина од 1,7 метри.

Вкупната вредност на извршените работи изнесува 2.200.000,00 денари, а работите ги изведе фирмата Адра од Скопје.

http://lokalno.mk/rekonstruirana-ulicata-vo-blizina-na-gradinkata-morkovche-vo-jurumleri/

Пуштена е во употреба улицата „Питу Гули“ во населбата Водно

Пуштена е во употреба реконструираната улица „Питу Гули“ во скопската населба Водно.

- Првпат откако постои населбата, поставена е нова фекална и атмосферска канализација и интервенирано е во водоводната мрежа. Комплетно е реконструиран и коловозот со површина од 2.160 метри квадратни или 340 метри должина. Обновени се и тротоарите со површина од 1.340 метри квадратни и канделабрите. Целата инвестицијата е 13.000.000 денари, средства обезбедени од буџетот на општина Центар, рече градоначалникот на Центар Андреј Жерновски.

Градоначалникот на општина Центар им се извини на граѓаните поради доцнењето со изведувањето на проектот бидејќи, како што рече, првата фирма изведувач на време не ја заврши работата. Во текот на работите пукна и цевката која ЈП „Водовод и канализација“ ја немаше заменето 50 години.

http://www.press24.mk/pushtena-e-vo-upotreba-ulicata-pitu-guli-vo-naselbata-vodno

Конечно и за првпат во Македонија колку толку ниски тротоари (иако рабниците не ми се по ќејф и ги сметам за непотребно гломазни) и нивелирани шахти (барем од тоа што може да се види на слика) 

Еј со оваа улица многу се развлече и многу проблеми имаше. Во моментот кога се правеше фекалната канализација скинаа неколку електрични кабли за кој 2 дена незнаеа од каде се. Добро е што ја завршиле конечно и го поздравувам тоа што се нивелирани шахтите.

Се проширува улицата Скупи

Зголемениот сообраќаен метеж на улицата Скупи веќе подолго време бара решение со кое долгорочно ќе се растовари метежот што се прави на крстосницата помеѓу „Хубо“ и салонот на „Тојота“



Деновиве почна проширување на една коловозна лента на оваа улица, која води до булеварот 8 Септември. Нарачател на активностите е градот Скопје, а изведувач е ЈП „Улици и патишта“, кој ги почна активностите пред десетина дена.

- Поради големата сообраќајна фреквенција на улицата Скупи, градот Скопје му издаде налог на ЈП „Улици и патишта“ да изведе привремено сообраќајно решение за вртење надесно со проширување на постојната коловозна лента од бензинската пумпа, па до свиокот на „Хубомаркет“ - ни изјавија од градот.
Планирано е активностите да се изведуваат 45 работни дена.
- Почетните работни позиции се ископот на земјен материјал, а моментално се вградува тампонски слој - велат од ЈП „Улици и патишта“.

Вработените во фирмите по должината на улицата Скупи велат дека метежот секојдневно создавал проблеми и за учесниците во сообраќајот, но и за фирмите што работат тука и често имаат потреба од дотур на стока.

- Секој ден има колони од автомобили долги по триесетина метри. Метежот стануваше неподнослив, особено во работните денови околу 16 или 17 часот или рано наутро, кога сите доаѓаат на работа - истакнуваат вработени во бензинската пумпа што се наоѓа на почеток на улицата.

Овој проект пред изборите го промовираа тогашните кандидатите за градоначалници на градот Скопје и општината Карпош. Тогаш градоначалникот на Скопје, Коце Трајановски, истакна дека пред сѐ ќе се обидат да го уредат сообраќајот со кружен тек, но доколку не успеат ќе постават дополнителна сообраќајна лента. Ова е значајна раскрсница, бидејќи поминуваат голем број возила од Чаир, Бутел и од Гази Баба што сакаат да одат директно во Карпош или да продолжат кон Ѓорче Петров. На промовирањето проектот беше проценет на околу 35 милиони денари.          

http://novamakedonija.com.mk/NewsDetal.asp?vest=10251397395&id=14&prilog=0&setIzdanie=23010

Не би рекол дека се трошат доволна сум на пари на изградба на нови булевари. Ни 5% не се.

Настрана муабетов овој гиф е за тука.
Скопска возачка култура...
http://i.imgur.com/5sjz9W9.jpg

Edited by alexsend - 09-Nov-2013 at 18:38

ТРИ ВАРИЈАНТИ НА ГРАДОТ И МИСЛЕЊЕ НА ИЗИИС зА МЕТЕЖОТ ВО ЦЕНТАРОТ

Зградата на „Даме Груев“ да се пресече, а улицата да се прошири

Јорданка Ивановска

Со децении сите претходни градоначалници зборуваа и посакуваа, а овој состав на градската власт реши сериозно да ги разгледа сите опции за проширување на улицата Даме Груев, поточно делницата од трговскиот центар „Палома бјанка“ до Собранието на Македонија. Изградбата на две ленти плус е дамнешна идеја, предвидена и со Генералниот урбанистички план на Скопје, но кочница за реализација секогаш беше зградата на „Макотекс“, поточно нејзиниот пасаж, кој стрчи преку тротоарот. Сега се размислува столбовите на пасажот да се исечат и да се отстранат неколку ката од зградата.

Kоловозот ќе се шири за сметка на паркиралиштата, кои се дел од Градски ѕид, а улицата ќе има вкупен профил од 17 метри. Паркирањето во овој реон ќе биде решено со катната гаража кај поранешно „Беко“, која е во изградба.

Објектот ќе се потпре со мост

Во контекст на реализацијата на нова и поширока „Даме Груев“ во блиска иднина, градоначалникот Kоце Трајановски информира дека веќе имале неколку состаноци со претставници од Институтот за земјотресно инженерство и инженерска сеизмологија (ИЗИИС), на кои разработувале неколку варијанти за решавање на проблемот со столбовите од пасажот на „Макотекс“. Експертите оттаму се задолжени да понудат опции за отстранување на столбовите, а притоа да не се наруши статиката на зградата.

Директорот на ИЗИИС, професор д-р Михаил Гаревски, потврди дека состаноците со Градот се интензивни. Информира дека им понудиле три варијанти за пасажот на зградата на поранешен „Макотекс“. Таа сега е во сопственост на „Макоил“, а Градот со нив треба да договори обесштетување или друго решение за отстапување на дел од површината за да се реализација овој градски проект од голем јавен интерес.

Гаревски објасни за какви варијанти станува збор, со став дека допрва ќе се одлучат за некоја од нив, заедно со градоначалникот Трајановски.

- Со цел да се оствари потребната ширина на коловозот, потребно е да се оди две полиња внатре во пасажот. Првиот предлог се однесуваше за сечење три модула од објектот, односно дел од пасажот и дел од зградата во висина. Втората варијанта, која е отфрлена, предвидуваше да нема уривање на голем дел од зградата, напротив, горниот дел да остане и со мост да се поврзе со зградата отспротива. Третото решение е сечење на три модули, но не во висина на сите катови. На пример, во висина на првите два ката, а товарот од другите да го преземе мост. На мостот ќе се направи и голем отвор за непречено движење на повисоки возила - изјави директорот Гаревски појаснувајќи дека по прифаќањето на најдобрата опција, ќе изработат основен изведбен проект.

Центарот ќе биде пешачка зона

Градоначалникот Трајановски вели дека по проширувањето ќе се смени и режимот на сообраќај во центарот.

- Решен сум оваа улица да стане двонасочна, а „Димитрија Чуповски“, каде што е станицата „Рекорд“, да биде пешачка зона. Таму ќе се движи само трамвајот бидејќи на таа улица поминува неговата траса, а автобускиот сообраќај ќе се префрли на „Даме Груев“ - изјави за „Дневник“ скопскиот градоначалник.

Целта на градската заложба, појасни тој, е решавање на сообраќајниот хаос, кој со години го оптоварува овој реон, особено строгиот центар во делот на станицата „Рекорд“. Фреквенцијата на возила и на автобуси е голема, а со тоа и аерозагадувањето. Откако на „Димитрија Чуповски“ ќе се забрани автомобилски сообраќај, всушност и ќе се заокружи проектот за целосно пешачка зона во „Малиот ринг“, заедно со улицата Македонија.

http://www.dnevnik.mk/?ItemID=C37565DB2C784646B528C606A28C1E65

Jas mislam deka ova e edno dobro resenie, pa bas super sto mislele za prosiruvanje na ova ulica. Pozitivno e sto ulicata dimirtia cupovski da stane persacka zona. Bas super! Sto deka nema da ima parking? Sto e najdobro, da si ima graganite siroki ulici ili da imat stanarite parking? Parkingot e najmal problem.Go pozdravuvam ovaj cekor i se nadevam deka navistina kje se sluci vakvo nest a ne samo prazni vetuvanja!

- Решен сум оваа улица да стане двонасочна, а „Димитрија Чуповски“, каде што е станицата „Рекорд“, да биде пешачка зона. Таму ќе се движи само трамвајот бидејќи на таа улица поминува неговата траса, а автобускиот сообраќај ќе се префрли на „Даме Груев“ - изјави за „Дневник“ скопскиот градоначалник.

Ова ми било од секогаш желба. Средување на ова улица и правење од неа пешачка зона со се дрвореди и се што треба за да заличи.