Скопски сообраќај (општо)

"Најкриминалниот" пат   
Што све не поминува од тука

Edited by jyvation - 17-Feb-2014 at 02:40

Originally posted by daci92 Јас колку што знам нема никаква најава ниту намера овој пат да се реконструира и прошири наскоро.

A за коцката од Момин Поток до Визбегово дали се планира некаква реконструкција?

Originally posted by Skopjanecot Originally posted by marko.kostoff Јас навистина не можам да ве сфатам зошто упорно неколкумина инсистирате дека се џабе катните гаражи. Едноставно тоа мојата логика не може да го прифати. Но, ајде доста ја труеме нишкава со паркинзи, кои се комплетно оф-топик... подобро во нишката наменета за тоа. Неможеш да сфатиш?Зборуваме сега за тебе лично, така? Пошто моиве комшии "и те како би сфатиле" затоа те прашувам.За да ти објаснам подобро (т.е. да ме сфатиш мене) ќе те прашам: Имаш жена/деца? Треба секој ден да ги носиш на работа и во школо? После тоа треба да се вратиш дома (кај што хипотетички треба да паркираш)? Живееш во Центар кајшто има доволно паркинг места ама има издадено повеќе картички (по роднинска/партиска/и друга линија)?Не ти е јасен скептицизмот за катните гаражи?Колку пати си видел некој да паркира во катните во Центар? Преполни си ги видел? Си видел полицаец некого да казни бидејќи (претходниот) паркирал на тротоар близу катна гаража?Ми изгледа дека не си од Скопје (или барем не од градското јадро, каде што проблемите со паркинг се нај-акутни)...пиши по однос на ова, па да дебатираме ако сакаш.

Дечки проблем со катните гаражи во Скопје е првин начинот:

1. катна гаража треба да биде катна гаража - а не, катна гаража во комбинација со деловен/комецијален дел.
2. користењето на катните гаражи треба да биде во рамките на нормалните цени ... ко на пр. 8-9 часа за далеку пониска цена во поглед на стандард цените паркирање/час. Да не се лажеме ко во овие учебнициве за перење памет, платите на просечниот граѓанин во МКД, не се 30.000 мкд, туку многу под тоа.
3. локациите кои што се за изградба на катните гаражи се катастрофални - со мал исклучок. Пр. на Партизанска и те како и фали катна гаража, што не им текне таму да прават. Ама таму државен имот нема. ИМа приватен, а од приватнот тешко се профитира, затоа ги набутаа сите во сред центар, па оттаму произлезе катна гаража, па в2, катна гаража со деловен простор, па в3 катна гаража со деловен/стабен простор, за на крај во изведба тоа да биде деловен/станбен простор, со катна гаража која воопшто ни од близу, не ги задоволува потребите на истиот. Ама јбг, Скопје изгледа убаво (генерално за сите што не се од Скопје )
4. Сите, ама баш сите, освен паркингот на Тинекс, не дозволуваат луфта, од 5-10 мин. за бесплатен влез-излез.

НЕМА АБЕР ОД ПОДЗЕМНАТА УЛИЦА ЗАД „РАМСТОР“

Нема абер од почеток на изградба на подземната улица зад „Рамстор“, која треба да ја изведе турски „Лимак“, а за возврат да го добие земјиштето над неа. И по повеќе од две години откако компанијата го купи плацот, на терен ништо не укажува дека таму треба да има подземна сообраќајница.

А, проектот на големо го најавуваа од Град Скопје и од Министерството за транспорт и врски кое го продаде државното земјиштето, додека Турците дури беа и на прием кај премиерот Никола Груевски кој ги промовираше како сериозни инвеститори. Тие, според договорот за отуѓување на земјиштето, веќе требаше да почнат со изградба. Речиси една година го пробија рокот за почеток на зафатите. Но, тоа, како што објаснуваат од Градот, се случило од оправдани причини.

„Компанијата во моментов работи на корекции на архитектонско-урбанистички проект. Проектот за подземната сообраќајница е во фаза на претпостапка, во која инвеститорот има започнато со изработка на архитектонско урбанистички проект, со што се исполнети условите од договорот. Оваа фаза има точно определен почеток, но завршувањето не е временски лимитирано, затоа што изработката на финален проект ќе биде основа за изработка на основен и изведбен проект. Се работи за комплексен архитектонско-урбанистички проект и секогаш има потреба од негово усогласување до конечната верзија која подоцна ќе се преточи во изведбено решение“, објаснуваат од Градот, кој со „Лимак“ потпиша договор со кој се дефинирани роковите и деталите за изградба на подземната улица.

Повеќе на http://www.utrinski.mk/?ItemID=C24054E2496B954A97BCDD2180716891

 
Од ветарот ќе да е, бидејќи и другиот семафор од спротивниот правец е изместен, забележав вчера кога поминував со автомобилот.
 
Освен ако камионџијата бил пијан, а ова сепак не резултирало ниту со жртви, ниту со сериозна материјална штета.
 
Инаку, семафорот е кај раскрсницата Скопски саем - Ќерамидница - Железничка (преку мостот) - МРТВ.


Edited by Dexter26 - 29-Mar-2014 at 11:25

Пред некој ден имав потреба да одам до Клинички Центар...не зборам само за сообраќајот туку општо се во тој реон е такво да ако отиде здрав човек,ќе се разболи!

Дали конечно ќе ми се оствари желбата Димитрије Чуповски да стане пешачка зона. 

За да се прошири булеварот „Даме Груев“ ќе се урива дел од објектот „Макоил“ на улица Македонија?


Улицата „Димитрие Чуповски“ што минува кај „Рекорд“ ќе стане пешачка зона, а целокупниот сообраќај ќе се пренасочи кон булеварот „Даме Груев“, на потегот од раскрсницата кај трговскиот центар „Палома Бјанка“ до Собранието на Р.М. Оваа првична замисла на Градот Скопје би требало да се преточи во реалност ако се изнајде соодветно решение за зградата на „Макоил“ (поранешна зграда на „Макотекс“) на улицата „Македонија“, која во моментов го попречува проширувањето на булеварот „Даме Груев“. За да се надмине овој проблем, градските власти деновиве потпишаа договор со скопската фирма „Геоинг МК“ за изработка на основен проект за рушење и адаптација на овој објект.

Извор:Билд

Доколку се проширува улицата "Даме Груев":

- Просторот е малку тесен помеѓу зградата на Министерството на финансии (Југобанка) и зградата од другата страна, или јас грешам ? (зелено)

- Дали ќе се уништи зеленилото долж целиот булевар ?

- Во делот на црвената линија, пред неполна година, претходниот градоначалник на Центар го среди тој просторот, ја средија патеката, направија жардиниера, го оплеменија целиот простор со цвеќиња и дрва и можам да кажам дека одлично изгледа. Сега, после само ЕДНА ГОДИНА, тоа ќе го рушат.

Како и да е, многу плански се работи... кога станува збор за перење пари и купување гласови на велико.

Нема да се добие добар булевар. Тоа е мое мислење. Ќе се исече целиот дрворед и ќе се изгуби паркинг просторот на целиот овој потег. Оние што живеат таму знаат како е тешко да се најде паркинг сега, а камоли откога ќе се изгради сообраќајницата.

Позитивната страна е дека ќе се добие нова пешачка зона, но не ми е јасно која би била полезната страна од сето ова. Ќе се растерети Рекорд, на само стотина метри ќе се создаде нов метеж, а улицата „Македонија“ повторно ќе биде пресечена од фреквентна сообраќајница. Ако се прашувам јас, Градот Скопје со Општина Центар треба да работат на создавање на нови пешачки зони на споредните улички, онаа кај Италијанската амбасада е добра идеја, а треба да се продолжи со доуредување на Кејот накај влада, улицата Орце Николов, улицата 11 октомври. Да не заборавиме дека Кејот 13 ноември е тотално уништен, неговата санација е итно потребна. Да резимирам, има други приоритети во делот на пешачките зони во Скопје.

Денес размислував за варијанта булеварот да се спушти под земја или да се направи некое решение со делумно спуштање под земја и делумно подигање на улуцата Македонија. Токму на местото каде што булеварот ја сече улица Македонија и се создава критичната точка со зградата која треба да се руши. Според мене потребно е такво решение во спротивно ќе нема поента ако повторно пешаците мора да чекаат на семафор. Што се однесува до паркирањето тоа веројатно може да се реши со подземниа или надземна катна гража а мислам дека една веќе се гради кај Беко.

Како и да е факт е дека Скопје треба и те како да го интензивира вложувањето во велосипедскиот сообраќај и мислам дека тоа е единствено решение кое може да се надополни со зголемување на ефикасноста на градскиот сообраќај. Факт е дека треба да ги менуваме навиките и затоа мислам дека сообраќајните алтернативи кои ги спомнав погоре треба да бидат примарни, додека движењето со автомобил треба да биде од секундарна важност за Скопје. Така да мислам кога веќе размислуваме треба тоа да ни биде појдовна точка. Живеам во град кој е пример за тоа што значи велосипедистот да биде цар. Велосипедските патеки се на некој места со иста широчина и како оние за автомобили. Затоа во централното градско подрачје движењето е многу побрзо и поудобно со велосипед отколку со автомобил. Тоа е причината поради која огромен, навистина огромен процент на граѓаните ги користат велосипедите.

За ова проблематика му пишав и директно на премиерот кој после тоа излезе и најави дека ќе се обидат да изработат стратегија за оваа проблематика. Јас се надевам дека ќе успеам и дел од одговорните да ги донесам во градот каде што живеам за да се уверат со свои очи што значи добро организиран велосипедски сообраќај и да престанат да се залажуваат со нашите смешни и неупотребливи патеки кои ги имаме во Скопје.