Трговски објекти (општо)

Во Штип почна да се гради нов трговско станбен комплекс
Почна изградбата на новиот трговско-станбен комплекс на Луна комерц, во штипската населба Сењак. Во првата фаза, инвеститорот ќе гради подземна гаража, деловен простор, а потоа и станбен дел. Според првичните калкулации почетната инвестиција е околу 600.000 евра.

Освен овој објект овде ќе се гради спортски комплекс од страна на универзитетот „Гоце Делчев“, а исто така ќе се градат и шест висококатници.

Захариев вели дека има многу инвеститори кои сакаат да градат, а најголем интерес има за централното градско подрачје. Важно според штипскиот градоначалник е што и многу странски и домашни инвеститори сакаат својот бизнис да го шират во Штип.

http://iris.mk/index.php/vesti/lokalnivesti/10106-2014-05-28-15-00-39

Само ова со 600 илјади евра не ми е баш најасно што спаѓа под оваа инвестиција зошто многу работи се наброени.

Што се однесува за трговскиот центар кој треба да го изгради косовски Елкос, засега работите се стопирани, бидејќи во моментов оваа фирма гради два вакви објекти во Титоград и Тирана, а веќе се и средени и проблемите со банките. Сепак се очекува наскоро да заврши изградбата на трговскиот центар, а рокот за изградба е пробиен веќе два месеца.
http://iris.mk/index.php/vesti/lokalnivesti/10106-2014-05-28-15-00-39

Штип е здивеен....Секоја чест навистина...Добро градско раководство во комбинација со универзитетот го препородуваат Штип.

Edited by kultuzin - 28-May-2014 at 18:16

Дома Мебел во Ѓорче Петров, Скопје





disinternacional.com.mk

Набизи, Струга

Originally posted by гитардемон Lacka е Љацка веројатно

На нивната официјална интернет страница стои „Лачка“, со латинично Ч... Проверив пред да објавам.

Гледате, не било страшно ако компанијата не ти се вика Džeki Prom, можело и на кирилица нешто.

Отворање на трговскиот центар РЕМ во Тетово
   


Во центарот на Тетово денеска свечено ќе биде отворен трговскиот центар РЕМ, инвестиција од 40 милиони евра и најголем трговски центар во западна Македонија.

Инвеститор на РЕМ (REMall) е Шефки Идризи, директор и сопственик на „Ренова“. Покрај трговски центар, комплексот ќе има и станови и хотел.

На отворањето ќе присуствува и вицепремиерот задолжен за економски прашања Владимир Пешевски.
http://sitel.mk/mk/otvoranje-na-trgovskiot-centar-rem-vo-tetovo

ГРАДОНАЧАЛНИКОТ БАКРАЧЕСКИ СЕ ЗАПОЗНА СО НОВИОТ ТРГОВСКИ, ШОПИНГ И ЗАБАВЕН ЦЕНТАР ВО ИЗГРАДБА НА КАМ ВО ОХРИД

Градоначалникот на Охрид Никола Бакрачески денес оствари работна посета на Трговскиот центар кој компанијата КАМ го гради во поранешната фабрика на „Отекс“ во Охрид.





Од страна на првиот човек на КАМ Гоце Камчев, Бакрачески беше запознаен со визијата на проектот, кој ќе биде вистински регионален центар, насоките во кои ќе се развива целиот комплекс и со богатата понуда која ќе се нуди за охриѓани и гостите.

Првиот човек на Охрид ја поздрави идејата и најави широка поддршка за непречено да се реализира целиот проект, во кој според првичната проекција ќе работат на 300 луѓе.





Со површина од над 12.000 м2, Трговскиот центар на КАМ ќе биде најголемиот регионален трговски, забавен и шопинг центар, а четврти по големина во Македонија. станува збор за инвестиција од над 8 милиони евра, најголема во последните години во Охрид.

Трговскиот центар располага со сопствен отворен и покриен паркинг за преку 350 возила, а ќе содржи над 50 продавници, банки, менувачници, кафулиња, ресторани, спа центар со затворен базен, супермаркет, внатрешна шопинг улица и најголем и најмодерен забавен центар.

Покрај богатата природна и туристичка понуда, градот добива нова дестинација со многубројни содржини на едно место, за сите гости во и вон сезона.











http://www.ohrid.gov.mk/index.asp?PodatociID=4072

Edited by Џоле - 14-Jul-2014 at 11:15

Originally posted by Џоле ГРАДОНАЧАЛНИКОТ БАКРАЧЕСКИ СЕ ЗАПОЗНА СО НОВИОТ ТРГОВСКИ, ШОПИНГ И ЗАБАВЕН ЦЕНТАР ВО ИЗГРАДБА НА КАМ ВО ОХРИД Градоначалникот на Охрид Никола Бакрачески денес оствари работна посета на Трговскиот центар кој компанијата КАМ го гради во поранешната фабрика на „Отекс“ во Охрид.   ...   http://www.ohrid.gov.mk/index.asp?PodatociID=4072

 
Ова е од пред недела дена ?
 
Доколку е, тогаш слободно можеме да дојдеме до заклучок дека тој нов трговски, шопинг и забавен центар ќе се гради уште долги, долги години, бидејќи изминативе 3 (ТРИ) години го имам видено токму ваков каков што е однадвор.
 
Дури и доколку најголемите градежни зафати се прават одвнатре, сепак 3 и повеќе години е премногу за вакво влечкање.

Нова инвестиција на компанијата „Белина“ во Општина Илинден


     
По повод одбележувањето на Денот на Општина Илинден „Илинден 2-ри Август“ и националниот празник на македонскиот народ, во економската зона Марино-Кадино на свечен начин беше предаден во употреба нов стопански објект, инвестиција на компанијата „Белина“. Пред поголем број гости објектот го предадоа во употреба градоначалникот на Општина Илинден, Жика Стојановски и сопственикот на „Белина“ Љупче Николовски.



Паралелно со отворањето на новиот објект, компанијата „Белина“ која што се занимава со трговија на големо со алати, земјоделска механизација, железарија, авто козметика, бои, лакови, фасади...го одбележа и 20-ет годишниот јубилеј од своето постоење.





Новиот стопански објект во кој ќе бидат вработени 18 лица располага со магацински и деловен простор на површина од 4.000 метри квадратни. Вкупната инвестиција изнесува 600 илјади евра.

http://ilinden.gov.mk/nastani/nova-investicija-na-kompanijata-%E2%80%9Ebelina%E2%80%9C-vo-opshtina-ilinden

Edited by Џоле - 24-Jul-2014 at 09:24

Жито Маркети го отвори својот десетти маркет во Велес

Големото семејство на Жито Маркети оваа сабота доби проширување, во Велес се отвори 10-тиот маркет во овој град. На површина од 240 метри квадратни, маркетот ќе ги нуди сите поволности и бенефиции потребни на современиот македонски потрошувач, додека квалитетот на производите и услугата на персоналот ќе бидат во согласност со високите стандарди на компанијата.



Навистина сме задоволни од динамиката на проширувањето на Жито Маркетите на низ цела Македонија. Особено не радува што новиот маркет се отвора токму во Велес, од каде и започнува приказната на Жито Маркети. Секако, нашата приказна не завршува тука – во план ни е понатамошно проширување, со цел да ги покриеме сите градови низ Македонија како и да ја зголемиме нашата мрежа во градовите во кои веќе сме присутни, изјави Далибор Ѓошевски, Генерален менаџер на компанијата.

Отворањето на десеттиот Жито Маркет во Велес, компанијата го одбележи со бројни изненадувања за посетителите на првиот работен ден, акции, попусти, промоции, презентации и дегустации се само дел од нив. Маркетот ќе работи седум дена во неделата, од понеделник до сабота од 6 часот наутро до 22 навечер, а во недела од 6 наутро до 14 часот. На отворањето беше присутен и Градоначалникот на Општина Велес, М-р Славчо Чадиев.

Маркетот, кој донесе девет нови вработувања во Велес, се наоѓа на улицата 8-ми септември, во центарот на градот. Со тоа вкупната бројка на Жито Маркети се искачува на 34 на територијата на целата Република.

http://kurir.mk/republika/opstini/168105-Zito-Marketi-go-otvori-svojot-desetti-market-vo-Veles-

Edited by jyvation - 09-Aug-2014 at 13:23