Надградба на ГТЦ

Originally posted by Џоле

 
Оваа фотографија е постара, Нептун повеќе нема своја продавница во ГТЦ Скопје.
 
Во истите простории во кои се наоѓаше продавницата на Нептун, сега се наоѓа супермаркет од Рамстор.
 
Каква иронија, замислете дека му се јавувате на некого по телефон и тој/таа ви одговара дека е во Рамстор во ГТЦ.


Edited by Dexter26 - 01-Aug-2014 at 20:18

Преку глава ми дојде од затворени форми на трговски објекти не само во Македонија па пошироко. Не дали се во Австралиаја, некаде низ Европа или некои огромни низ Дубаи. Независно од нивната градиозност или посетеност ретки се тие што имаат таков природен карактер. Голема штета според мене ако објектов се променни во затворен трговски простор, со тој потек ќе се изгуби едно од главните причини што му дава ГТЦ еден пореток карактер и го раздвојва од другите илјадници типични и задушливи (fake) трговски центри.Се разбира му треба освежување но треба да се зачува принципот то е главното, и според мене ГТЦ како што е оргинално проектиран во сегашната форма си ја извршува својата намерена функција од аркитектот добро, и мислам дека си има постигнато своја емотивна белешка до тие што ја препознаваат и ќе се направи голема штета тоа да се скрие со друга фасада. Не сум про или контра некаков стил-лик на градење било барок, бруто бетон, futurism, минимал, итн, или менување на фасади нема врска, све сима своја убавина, но главно е да се има почит кон обележјението што е останато од тоа што било направено предходно, па нешто вреди да се зачува. Па ако треба да се доизградува би требало да ја следи таа оргинална замисла од креторот за да може да си ја врши замислената функцијата како што треба, едноставно тоа е почит кон замисленото на тој што го направил тоа дело. Немора све да биде изградено со ист стил па да се вклопи како една урбана целина, потребно е само да имаат слични линии.

Не го сакам ГТЦ, ама нема некоја преголема причина за да го мразам. Нека остане како што е, само нека го средат, да светне.

Originally posted by Galileo Благодаря много за фотките Џоле Търговския център требва да остана такъв какъвто е.Ако зградата и простора около нея се реновира със съвременни методи и материали, като се запази замисъла на проектанта и архитекта може да стане много модерно.В никакъв случай не трябва да се позволява тази гавра с барокната фасада и надстройаването.

Нормално тоа е и целта.Само да се освежи објектот без барокни зафати.

Ајде па сега нека изградат еден Dome над Скопје и нека го затворат цел град

Дрва неделкани, кога се оди во ГТЦ, не се оди да се гледаат јонски столбови, резбарени огледала и фенси прозорци, туку се оди да се купи КВАЛИТЕТНА гардероба, која во моментот не е ништо поквалитетна од Шутка, дудуци!

Интересен текст за ГТЦ...

Го сакам ГТЦ на архитектот Живко Поповски


Гоце Аџи Митревски (1946-2014)

Нема врати кои се отвораат и затвораат, отклучуваат и заклучуваат, нема работно време, од осум (8) до дваесет и два (22)...!

Таму може да влезете и да излезете, кога сакате и од каде сакате. Кои и да сте!

Од секоја страна на Градот, да ја почувствувате пријатната недоумица да сакате да бидете таму, да застанете, да седнете, да се шетате, да талкате низ неговите улици и улички, или да продолжите понатаму во сите правци, во сите широчини на големиот Град!

На исток кон квартовите и Железничката станица, на запад кон Плоштадот и понатаму, кон Булеварите, на север кон Реката, покрај и преку Реката, на југ кон Паркот и Народното Собрание, и потаму!

Таму можете да пристапите со сите можни механики и моторики!

Рамно, по скали, по рампи, надолу или нагоре!

Лесно и лагодно за секого, сами или заедно, без да го менувате вниманието!

Струењето на воздухот е негова посебна вредност, кое го модулираат промените на времето, исто како и променливоста на текот на времето на луѓето!

И сите овие можности се силно поддржани од едноставноста и јасноста на присвојувањето на просторот!

Вака некако би ви одговорил ако ме прашате што е демократски Простор, што е демократски Град, демократски Урбанизам!

Што е Архитектура?

ГТЦ е, навистина, „Архитектура на град“, еден покриен „плоштад“, можеби би се сетил на една античка Агора, и секако, на Чаршија!

ГТЦ, е повеќе од Зграда, тоа е Модерен градски Предел, Пејзаж низ кој минува „градот“, го поддржува и го обликува движењето како траење и како обновување.

ГТЦ е Етички проект, кој ја препознава и на мајсторски начин ја надградува визијата на Танге за Скопје како Град на иднината, кој е наша суштествувачка стварност, го сакале тоа или не!

ГТЦ не е „Сити мол“, не е „Хангар на ледина“, тоа е „Организам“ кој го одржува и го стимулира „пулсирањето“ на градот! Тој е едно од неговите „градотворни Ткива“!

ГТЦ е, како што забележувате, Крстопат, Чаршија на 20 и 21 век, кој моќно ја означува новата историја на Скопје!

ГТЦ е топографски Предел, кој нема класична Обвивка, нема фасади кои искажуваат ваков или онаков стил, тоа е улица, флуид што трае, пасаж, премин во интервали на чекорот...

ГТЦ е Место! Место на идентификација, поистоветување со градот, кое ја создава свеста за градот!

ГТЦ е Право на Град!

ГТЦ е Архитектонска Творба со висока композициска и уметничка вредност, оригинално дело кое силно ја обележа современоста на Градот во 70-тите години.

ГТЦ е „Прилагодлива Машина“, Мега-Склоп (Сложувалка) кој не престанува да функционира и во време на кризи и транзиции од секаков вид, кој се самопреобразува на чудесен начин!

ГТЦ е Конструкторско Откритие на своето време!

ГТЦ му ја донесе Модерноста на градот, како негово цивилизациско „впишување“.

ГТЦ е голема поука / лекција за студентите по архитектура и за професионалците, но, верувам, и воопшто за граѓаните.

ГТЦ, е помалку Естетика, повеќе Етика (ако го парафразирам познатиот дизајнер Филип Старк).

После 40 години „обзнанување“ на неговите вредности и на неговото делотворно и активно вклучување во животот на Градот, време е ова архитектонско Дело на архитектот Живко Поповски да биде заштитено како Споменик на културата, како Културно добро од Јавен интерес!

Потребни се правни инструменти за Заштита!

Тоа подразбира строги правила за заштитување, проекти за чување на ГТЦ, кои ќе ги заштитат авторството и автентичноста на Творбата, кои ќе ги препознаваат делотворните промени и кои ќе придонесат кон издигнување на неговите основни вредности и ќе гарантираат траење.

ГТЦ. Го сакам бидејќи високо го респектирам како дело и како автор. ГТЦ му е оставено на Градот како вредно културно наследство, на сегашноста и на иднината! Тоа е вредност, како трајна идентификација!

Скопје = ГТЦ!

http://okno.mk/node/42689

Па, тоа нема врска со самото здание, туку со начинот на управување и понудата на производи и содржини.

ГТЦ е вечен, опстојува со прометт и со продажба, без разлика дали робата е кинеска или некој квалитетен бренд... ГТЦ останува жив после толку години, за разлика од љубените ви молови кои просперираат се додека не се отвори нов мол, затоа што се досадни и повторливи, и глумат некаква шопинг елита, која кај нас не постои
ГТЦ треба да биде најпрво чаршија, не е затворен објект, ниту пак е ексклузивно шопинг центар, па затоа во неговите дуќани може да има било што