Кружниот тек пред влезот на Велес полека го добива својот конечен изглед.Останува уште слојот асфалт.

Тие нивелирани раскрсници се во 10 годишниот план за Скопје. Не верувам дека во овој мандат на градоначалникот би почнале да се градат. Освен овие две многу потребна е и кај Автокоманда. Семафорите премногу го успоруваат излезот и влезот од градот при зголемена фреквенција на возила.

Во Скопје се уште цапаме по 74 километри земјен пат!

За разлика од булеварите каде во континуитет се работи на нивно проширување, обновата на локалните патишта оди многу побавно. Податоците покажуваат дека најмногу неасфалтирани улици има во Ѓорче, Бутел и Сарај

http://vecer.mk/skopska/vo-skopje-se-ushte-capame-po-74-kilometri-zemjen-pat

Па, нашиот градоначалник (Сокол во Ѓорче) нема време и средства за средување на обични улички. Едната на која излегувам е сокак без асфалт, другата џабе има асфалт, кога е направена така шахтата за атмосферска да биде повисоко од улицата, па сета вода се собира во вир на улицата, па ти треба чамец за поминување. Битно во Скопје фасади се обновуваат.

Дечкото паднал на кружниот тек од патот 20 метри погоре. Излетал од прав пат. Треба да стават една банкина за вакви случаи, а од потпорен ѕид би имало потреба доколку се лизга земјиштето.

Град Скопје: Во буџетот за 2015. предвидени се голем број капитални и инфраструктурни објекти
Објавено: 13:33, 03/12/2014 Прегледано: 43 пати.
koce-trajanovski
0 0

Градот Скопје реагира на изјавата на советникот од редовите на СДСМ, Дамјан Манчевски, дадена по повод донесениот Буџет на Град Скопје за 2015 година на 25-та седница на Советот на Град Скопје.

„Прво, би сакале да го демантираме г-динот Манчевски, каде тој во неговата изјава тврдеше дека градоначалникот Трајановски не присуствувал на оваа расправа. Тоа не е точно, градоначалникот Трајановски присуствуваше на расправата по повод оваа точка, се обрати пред Советот и даде образложение за истата, нешто за што сведочеа сите присутни советници и медиумите.

Второ, г-динот Манчевски тврди дека овој буџет е против интересите на граѓаните на Скопје, што не е вистина. Градот Скопје изминативе години сите буџети и програми за работи ги прави заедно со граѓаните во насока на решавање на сите проблеми со кои се соочуваат. На отворен и транспарентен начин, изминативе 30-на дена, градоначалникот Трајановски со претставници на администрацијата и јавните претпријатија, ги посети сите десет општини каде одржа средби со градоначалниците, претставниците на општинските администрации, со граѓаните и претставниците од урбаните и месните заедници. На овие средби се дискутираше за потребите на граѓаните на Скопје и голем број од нивните предлозите се вметнати во буџетот и Програмите за работа на Градот Скопје и јавните претпријатија.

Буџетот на Град Скопје за 2015 година е буџет за коишто сметаме дека е балансиран и во него се предвидени голем број на капитални и инфраструктурни објекти кои се во насока на подобрување на животниот стандард и квалитетот на живот на населението.

Како најважни проекти кои ќе започнат или ќе се реализираат во 2015 година се:

Во општина Аеродром ќе продолжи реконструкцијата и проширувањето на Трета Македонска бригада (втора фаза), ќе биде извршена реконструкција на дел од бул. Јане Сандански, а ќе започне и фазната реконструкција и проширување на бул. АСНОМ на потег од последната автобуска станица број 5 кон населба Лисиче. На територијата на Општина Аеродром ќе биде изграден и колектор долж бул. Видое Смилевски Бато.
Во Општина Центар ќе продолжи проектот за реконструкција и проширување на ул.Јордан Мијалков (поранешна Железничка), како и изградбата на катната гаража на улица Даме Груев. Оваа година ќе започне и реконструкцијата на дел од улицата Тодор Александров (поранешна Салвадоре Аљенде).
Во Општина Ѓорче Петров ќе продолжи реализацијата на проектот за продолжувањето на бул.Партизански одреди до црквата Св.Петар и Павле, а ќе продолжат и активностите за расчистување на имотно правните односи за проширување на улица Борис Сарафов (Поранешна 4-ти Јули).
Во Општина Кислеа Вода ќе започне третата фаза од проектот за проширување и реконструкција на ул. Борис Трајковски, а ќе започне и реконструкцијата на дел од улицата Павел Шатев.
Во Општина Шуто Оризари ќе се реши деценискиот проблем со изградба на водовод во Шуто Оризари
Во Општина Чаир ќе започне реконструкцијата и проширувањето на бул. Никола Карев (т.н. Пластичарска улица), ќе започне фазната реконструкција и проширување на дел од бул. Цветан Димов, како и реконструкцијата на улицата Ќемал Сејфула
Во Општина Сарај ќе започне фазната реализација на проектот за реконструкција и проширување на улица Сарај
Во општина Гази Баба ќе се реализаира проектот за реконструкција на дел од 16-та Македонска бригада и изградба на кружен тек, како и проектот за реконструкција и проширување на улицата Маџари со изградба на нов атмосферски колектор со што ќе се реши проблемот со поплавите на овој дел од Ченто. Дополнително, ќе се работи на изградба на фекална канализација на патот од с.Трубарево до Идризово, како и изградба на фекална канализација во Црешево, Смиљковци, Виниче и Љуботен.
Во Општина Карпош ќе заврши третата фаза од проектот за проширување и реконструкција на бул. Митрополит Теодосиј Гологанов, ќе продолжи реконструкцијата на раскрсницата помеѓу бул. 8-ми Септември и ул.Скупи, како и изградбата на паркот Македонија – 2 дел, а ќе започне и изградбата на фекална канализација на потег од улица Московска до Партизански одреди.
Во општина Бутел ќе биде извршена реконструкција на ул. Александар Урдаревски, ќе се интервенира на атмосферската канализација на подвозникот до кружниот тек Боца Иванова, а ќе продолжат и работите за изготвување на проектната документација и расчистувањето на имотно правните односи за проектот за пробивање на булеварот Христијан Тодоровски Карпош до заобиколницата“, се вели во реакцијата на Град Скопје на изјавата на Дамјан Манчевски.
http://a1on.mk/wordpress/archives/418622

Плаче да. А има и место

Ќе!

Кај Бит-пазар ќе има крстосница на два ката!

Наредната 2015 година Град Скопје планира да потроши нешто повеќе од една милијарда денари или 16,6 милиони евра во инфраструктурни проекти кои се очекува да ја подобрат живеачката на жителите во главниот град. За изградба и реконструкција на улици, патишта, мостови, водоводна мрежа и атмосферска и фекална канализација 850 милиони денари градската власт планира да обезбеди 750.000.000 од приходи од уредување на градежно земјиште, а останатите 100.000.000 од приходи од легализација на дивоградби.

Ова го содржи Предлог-програмата за уредување на градежното земјиште на подрачјето на Скопје за 2015 година, а која на усвојување пред градските советници се најде на вчерашната седница.

Најголем дел од парите, и тоа 818.448.000, ќе се потрошат во изградба и реконструкција на улици и патишта. Новитет за наредната година е најавата од градските власти за раскрсницата на две нивоа што се предвидува кај Бит-пазар, односно меѓу Судска палата и ТЦ-Мавровка и што ќе биде прва ваква во Македонија. За во 2015 година за оваа цел е предвидено само изработка на проектот кој ќе чини 3 милиони денари.

Исто така, друг покрупен проект е започнување на градежните работи за изградба на подземната сообраќајница Јужен булевар. Градот в година за потребите на оваа подземна сообраќајница планира да изгради две крстосници на Јужен булевар едната кај Св. Климент Охридски и другата кај бул. Кочо Рацин. За изградбата на двете крстосници ќе се потрошат 10 милиони денари.

Другите клучни зафати во делот на изградба и реконструкција на улици се: изградба на бул. АСНОМ во делот на Ќерамидница до новата сала; изградба на бул. АСНОМ од последна 5-ка кон куќите во Лисиче во прва фаза; изградба на улица Павел Шатев, ул. Тодор Александров; ул. Борис Сарафов; проширување на бул. Александар Македонски од Агросервис до клучка Дијамант; проширување на ул. М.Т. Гологанов од Св. К.Охридски до Клуб на пратеници; реконструкција на дел од 16-та Македонска бригада, кружен тек; бул. Христијан Тодоровски Карпош до обиколница и проширување; реконструкција на бул. Јане Сандански.

За изградба и реконструкција на тротоари, плоштади и фонтани Град Скопје одвоил 304 милиони денари.

Исто така, в година ќе се доизгради и бул. Партизански одреди до Св. Петар и Павле; ќе се реконструира Гологанов и бул. Никола Карев (Пластичарската) каде што ќе се додаде четврта лента. Во план е и реконструкција на ул. Сарај; реконструкција на раскрсница бул. 8. Септември и ул. Скупи; Трета Македонска бригада прва и втора фаза со кружен тек; реконструкција на ул. Јордан Мијалков (Железничка); на ул. Свети Кирил и Методиј (Мито Х. Јасмин), реконструкција на ул. Маџари, на Цветан Димов, Кемал Сејфула, Александар Урдаревски, Борис Трајковски.

За реализација на овие проекти градот одвоил и средства за експропријација на земјиште вкупно 35 милиони денари и за надомест за одземен имот заради изградба на улици 10 милиони денари.

Водоводен систем во износ од 9 милиони денари ќе се гради во Шуто Оризари и Нерези, додека за атмосферска и фекална канализација се предвидуваат 84.400 000 денари.

Динамиката на извршување на програмата ќе зависи од создадените правни претпоставки и технички услови како и од приливот на средства наменети за финансирање на програмата, наведуваат од Град Скопје.

http://vecer.mk/skopska/kaj-bit-pazar-kje-ima-krstosnica-na-dva-kata

Не ја реновираа веќе еднаш М. Х. Јасмин пред 2-3 години? Која е поентата од проширување на А. Македонски? (булеваров никад не сум го видел да е закрчен)

Од друга страна, има освежувачки проекти како конечното до-реновирање на Ј. Сандански, на Скупи (особено ако го фатат делот кај Ромите, пошто не само што е лоша слика туку и полека ја окупираат и самата улица), а дискутабилна останува реконструкцијата на Гологанов кај клуб на претеници зошто таму има прекрасен дрворед од едната страна, а од другата зградите се премногу блиску до улицата. Се на се, Коце пак бега од големи капитални проекти, се е ова премалку за главен град каде фасадата на Владата кошта 20тина милиони евра.

исто така нека научат дека раскрсница на две нивоа не е вселенски брод, туку надвозник