Културно наследство и археологија (општо)

НА ПРЕСТИЖНАТА НАУЧНА КОНФЕРЕНЦИЈА ВО БРАТИСЛАВА
За тајните на геоглифот кај Свети Николе слушна светската научна јавност

11 декември 2014 - 15:37
Геоглифот во Овчеполието ја заинтригира светската научна јавност. Извештајот со резултатите од археоакустично и електромагнетно истражување што беше извршено во март и во јуни годинава, а го направија група експерти од Македонија и странство беше презентиран на престижната научна конференција АРСА (Advanced Research of Scientific Areas) која се одржа викендов во словачката метропола Братислава.


Промоцијата собрана на 15 страници текст, потпишана од шестмина научници ја изврши професорот Паоло Дебертолис кој и официјално објави дека геоглифот е вештачки рид под кој се крие сакрален комплекс со огромни димензии. Тој им покажа на своите колеги дека на врвот од јајцевидната височинка што е откриена во близина на светиниколското село Црнилиште има џиновски симбол - геоглиф кој изгледа потполно исто како една од недешифрираните букви од микенската азбука, позната како Линеарно Б. Дебертолис пред научната елита во Братислава изјави дека геоглифот дефинитивно е свето место, што се потврдува со водата која е пронајдена околу неговиот центар или околу централната оска.



- Целата структура, заедно со неговата форма и симболизам наликува на космичко јајце, што претставува извор за исконското творештво. Оваа височинка се познава дека е вештачка дури и од авион. Геоглифот е видлив само од небото и е лоциран во овален ров. Неколку мерења, направени со различни методи сугерираа дека долу е лоцирана просторија. Истражувањето со помош на различни методи исто така покажа дека станува збор за верско заградено земјиште, поради водата која се наоѓа во центарот или на некоја точка по должината на главната оска. Освен тоа, бидејќи почвата не се совпаѓа со околната област, се покажа дека оваа височинка била внимателно конструирана со посебна цел. Која е таа цел, останува да се истражи во иднина, пишува во извештајот потпишан од шестчлениот интернационален и интердисциплинарен тим што пред неколку месеци го извршија испитувањето.

Професорот Аристотел Тентов за Вечер изјави дека презентацијата на резултатите од истражувањето на оваа научна конференција во Словачка е од големо значење за нас но и за целата научна јавност бидејќи се промовирани пред врвни научници кои умеат да ја разберат тежината на ова откритие.

- Истражувањата беа презентирани пред сериозен аудиториум кои знаат што прават, а тоа ни беше и целта. Да добиеме верификација од научната заедница. Мислам дека со тоа ќе го завртиме погледот на сериозната научна заедница кон овој комплекс кој нималку не е едноставен. Сепак претставува многу, повторувам, многу сериозен научен комплекс од периодот на антиката. Тоа е многу атрактивно откритие кое мораме да го заштитиме како комплекс кој припаѓа на Македонија и како дело на Македонците. Дело што го покажува нашиот континуитет. Дека нашите антички предци имале свој став во делот на науката и дека тој став бил меѓу врвните. Да прецизирам, се потврдува дека нашите антички предци биле водечка развиена цивилизација, вели професорот Тентов, кој е дел од тимот истражувачи.
Тој се уште не открива дали со истражувањата се потврди неговата хипотеза дека под геоглифот се крие гробница на Големата Мајка, или на Врховниот бог на Македонците, Богот на сонцето Ѕе.

- Треба да се извршат уште неколку мерења за да се прецизираат уште неколку сегменти, по што и официјално ќе ја известиме јавноста. Сакам да напоменам дека сите ние треба да сме подготвени за едно големо епохално откритие, вели професорот Тентов.

Геоглифот стана популарен откако хрватскиот независен истражувач и археолог Домагој Николиќ во емисијата "На рубу знаности# презентираше дека е можно гробот на Александар Македонски да се наоѓа во близина на Свети Николе каде е откриен древен симбол на кралска гробница од времето на Пајонците.



Градоначалникот на општина Свети Николе, Зоран Тасев е задоволен од резултатите од истражувањето и нивната промоција на научниот собир во Братислава. Тој вели дека локалната самоуправа и натаму ќе ги поддржува истражувањата и очекува геоглифот, заедно со археолошкиот локалитет Била Зора да придонесат за развој на археолошкиот туризам. (Е.А)

фото: Н.Батев







http://vecer.mk/makedonija/za-tajnite-na-geoglifot-kaj-sveti-nikole-slushna-svetskata-nauchna-javnost

и мене ме изненади историскиов патепис, всушност изненадува што професор ко Лилчич излегува напред, просто кој ида го водеше ова немаше да биде волку самоуверен и уверлив во презентацијата

камо за секоја област врвните мајстори да си го претставуваа занаетот на ваков начин, биле тоа доктори, свештеници, градежници итн. а не све глумат префинета ителектуала на која испод чест им е да се спуштат на земја и едуцираат народ едноставно, чест на ретките исклучоци, повеќето мака име книга дасклепаат во живот а не па интерактивно да комуницираат со народ

би било интересно ваквиот серијал да го продолжат и во егејска македонија на сличен начин нормално со грчки колеги посреди чисто за да се потенцира дека смешно е кој било на балканов да има екслузивност вез ваква или онаква антика

Археолошки локалитет (базилика) Манчевци, Охрид

На локалитетот „Манчевци“ во Охрид е извршена конзервација на ранохристијанска базилика од периодот меѓу 4 и 6-тиот век...

- Станува збор за една од деветте ранохристијански базилики откриени во стариот дел на Охрид. За проектот спроведен во неколку фази од Министерството беа издвоени 5,5 милиони денари, во чии рамки беа извршени системско археолошко истражување на локалитетот, консолидација на објектот, конзервација на сите мозаични подови, а беа поставени и автентичните столбови откриени на локалитетот, истакна министерката Канческа – Милевска на промоцијата на локалитетот.

Локалитетот „Манчевци“ истовремено е и покриен и целосно илуминиран.









фото: mia.mk

Но затоа торта Македонија беше експресно изгласана за културно наследство...

МОСТОТ „ЕЛЕН СКОК“ СЕ' УШТЕ НЕ Е КУЛТУРНО НАСЛЕДСТВО

Катерина Богоева

Познатиот и мошне атрактивен мост „Елен скок“ кој се наоѓа на Мала Река, Дебарско и кој во изминатиов период го привлече вниманието во јавноста и по евидентните оштетувања најверојатно предизвикани од диви копачи пред околу три месеци, не е заштитен како споменик на културата, туку се смета само за само евидентирано добро. „Утрински весник“ неодамна објави дека непознати лица ископале дупка со големина од два метра и длабока еден метар на завршетокот на мостот на Мала Река, во правец кон Галичник, односно кон селото Сушица, кое веќе не постои и дека оштетувањето во Полициското одделение во Ростуше било пријавено на 10 септември овој месец. Се претпоставува дека дивите копачи кои трагаат по злато, златни и други вредни предмети, се откажале од трагањето бидејќи наишле на огромна карпа која не можеле да ја совладаат, па ја напуштиле локацијата.

Конзерваторскиот центар од Гостивар не беше информиран за оштетувањата на „Елен скок“ со напомена од директорот Аднан Фејзулаи дека тој и не е во нивна надлежност, а потрагата по информациите што и како е оштетено, но и какви се денес статусот и третманот на мостот кој се среќава во многу публикации и книги за културното и природното наследство на Македонија, преку Управата за заштита на културното наследство заврши во Националниот конзерваторски центар – Скопје. Од таму, пак, информираа дека до Министерството за култура веќе аплицирале за изработка на проект врз основа на кој понатаму ќе може и да се изврши потребната валоризација на вредноста и состојбата на мостот. За „Елен скок“ во оваа државна институција не постои графичка документација, освен пишаната документација со историски и други податоци за неговото постоење.

Управата за заштита на културното наследство, пак, беше запознаена со оштетувањата на древниот мост од страна на дивите копачи врз основа на добиените информации од физичко лице на 14 септември. Првично, оваа надлежна институција не била официјално информирана од Министерството за внатрешни работи за оштетување на, како што и посочија, евидентираното добро, мостот „Елен скок“. Го потенцираа тој факт укажувајќи дека „надлежните служби за превенција, безбедност и инспекција при Управата, за да можат да постапат соодветно, е потребно да добијат првични оперативно-технички сознанија за настанати оштетувања на објекти, градби или локалитети, кои од аспект како заштитени добра се подведуваат под нејзина надлежност. Управата појасни и дека под евидентирано добро, се подразбира дека соодветната градба заслужува да биде валоризирана и ставена под соодветен правен режим како културно наследство, со кое имателот како и државата ќе бидат задолжени да се грижат за доброто како за културно наследство.

„За жал, мостот ’Елен скок’, построен на катастарската општина Могорче, општина Дебар, кој ги поврзува двата брега на Гарска Река, и ден-денес има статус само на евидентирано недвижно добро“, велат од оваа институција. На 15 јуни годинава инспекциската служба при Управата за заштита на културното наследство, како што и стои во нивниот одговор, извршила вонреден инспекциски надзор за оштетувањата на мостот и констатирала оштетувања на двете страни во близина на темето на лакот на мостот, најверојатно, како што се посочува, настанати од атмосферски влијанија. И укажала на општината Дебар, како имател на мостот, да пристапи кон негова санација, а на надлежната институција за непосредна заштита - Националниот конзерваторски центар – Скопје кон итна негова валоризација за да се преземаат мерки на заштита и определување на режим на заштита.

Раководителката на Одделението за инспекциски надзор во Управата за заштита на културното наследство, Билјана Пачкова-Куфојанакис, во оваа прилика апелира до граѓаните на Македонија, „доколку забележат оштетувања на заштитени објекти или локалитети, веднаш да пријават и до најблиската полициска станица и до Управата, за да може навремено да се преземат оперативни мерки“.

Како што стојат работите, врз основа на правните процедури кои претстојат, „Елен скок“ најверојатно ќе почека за санација на видливите оштетувања.

http://www.utrinski.mk/?ItemID=5FA88A386B39AC4C9481E60E2CA56E0C

Мозаикот на лани ова време уредениот и заштитен локалитет базилика „Манчевци“ во Охрид се распаѓа. Не знам кој е брилијантниот иноватор кој го проектира кровот одделен од ѕидот 5 цм. Уште кога го поставија се знаеше дека ќе тче вода во мозаикот. Таму кај што капи ги има сосема изронето теселите. А и константната влага ми личи дека потекло има од небото, а не од земјата. За промовирањето на оваа конзервација неколку поста погоре има пост на Џоле.

архео парк Бразда archeo park Brazda (8) by george k. 1981, on Flickr

архео парк Бразда archeo park Brazda (9) by george k. 1981, on Flickr

архео парк Бразда archeo park Brazda (10) by george k. 1981, on Flickr

архео парк Бразда archeo park Brazda (12) by george k. 1981, on Flickr

архео парк Бразда archeo park Brazda (13) by george k. 1981, on Flickr

архео парк Бразда archeo park Brazda (22) by george k. 1981, on Flickr

архео парк Бразда archeo park Brazda (20) by george k. 1981, on Flickr

архео парк Бразда archeo park Brazda (23) by george k. 1981, on Flickr

Иако звучи побомбастично, сепак нема доволно докази за потврда на претпоставката дека се работи за гробница. Исто релевантни се и претпоставките дека се работии за цистерна за вода, или, со оглед на врвниот квалитет на ѕидаријата, „светилиште посветено на водата“. Многу сличен објект има и во подножјето на ридот на кој се наоѓа Билазора (с. Кнежје, светиниколско), за кој    со поголема сигурност се тврди дека бил цистерна.

А проблемот со ѓубрето е таков бидејќи никој не е задолжен редовно да го одржува местото, Археологика пред неколку години го исчисти и уреди, лани површно чистење на трња и треви изврши Менелај од Прилеп, но сето тоа се еднократни подвизи. Не постои стратегија нити некој интерес на институциите за вклопување на местото во некоја туристичка патека.

Така де, ѕидаријата не одговара за цистерна, по наша современа логика, но докази за гробница нема доволно. Секако може да се работи и за нешто сосема трето. Факт е дека недостигаат истражувања. Не ми е специјализација рана антика, но секако е поинтересна од зрелата антика

Повеќе кај И. Микулчиќ и В. Соколовска, во Maceodniae Acta Archaeologica бр. 11, Гробница во Бразда кај Скопје.

Пресушена селска чешма, Горно Соње (со надгробна плоча од - најверојатно - Скупи)

Супер ако е толку стара и ја избушиле пред 30-40 години за цефка. Пошто во римско немале такви пола-цол штопни ?! Може да е камен пренесен од околу селото некогаш порано во инсторијата, а зиписот и пронаоѓањето официјално да е некогаш заведено дека е тука најден каменот.

Edited by user8642 - 19-Jul-2020 at 20:50