Скопски сообраќај (општо)

Студот ја замрзна реконструкцијата на булеварот Теодосиј Гологанов

Веќе подолго време никој не работи на реконструкцијата на оваа улица, а изгребаниот асфалт дополнително го отежнува возењето, особено во овие периоди, кога температурите се ниски и коловозот е прекриен со голомразица.



-Одложување на работите до пролет

Реконструкцијата и проширувањето на булеварот Митрополит Теодосиј Гологанов започнаа во првите месеци од минатата година и, според првичниот план, целиот проект веќе требаше да биде завршен.По сѐ изгледа, целата работа како да заглави во третата фаза, во која беше планирана реконструкција од крстосницата со булеварот 8 Септември до улицата Московска, во должина од 1.600 метри. Ова проширување резултираше со четири коловозни ленти, по две за секоја насока, а од двете страни на коловозот се поставуваат тротоари со ширина од 3,5 метри. Сепак, градежните машини, кои секојдневно можеа да се забележат како ја вршат реконструкцијата на овој булевар, веќе подолго време не се ставени во функција, а поголем дел од нив може да ги видите паркирани по должината на улицата.

-Дупки, грпки и високи шахти

За жал, највисоката цена за ова одложување на работните зафати ја плаќаат самите граѓани, бидејќи со нивните автомобили никако не можат да ги одбегнат големите дупки и грпки на асфалтот. Доста опасно изгледаат и високите шахти, кои се стационирани на повеќе места од коловозот, па возачите мора рефлексно да ги избегнуваат како да се наоѓаат среде минско поле.
- Секој ден двапати минувам по оваа улица и можам да кажам дека постојат повеќе опасни сообраќајни точки, а мора да ја спомнам и големата вдлабнатина во асфалтот кај „Алумина“ - вели Филип Стаменковиќ од Карпош.
Истото мислење го делат и таксистите, кои велат дека секогаш се обидуваат да го одбегнат минувањето по овој булевар.
- Веќе подолго време никој не работи на реконструкцијата на оваа улица, а изгребаниот асфалт дополнително го отежнува возењето, особено во овие периоди, кога температурите се ниски и коловозот е прекриен со голомразица. Оваа состојба на булеварот не им одговара и на муштериите, бидејќи вдлабнатините и грпките на асфалтот честопати создаваат голем метеж и колони од возила, па така и таксиметрите отчукуваат повисока цена од вообичаената - вели Мишко Георгиевски, возач во една такси-компанија.Според градските власти, ова булеварско решение привремено е во застој поради лошите временски услови, а набрзо ќе се решат и сите тие проблеми што им го отежнуваат возењето на граѓаните.
- Градежните активности за реконструкција и проширување на булеварот Митрополит Теодосиј Гологанов се одвиваат според предвидената динамика.

-Деновиве машините ќе се активираат

Несомнено, поради лошите временски услови и ниските температури изминатиов период, теренските активности се во прекин, но за брзо време тие ќе продолжат со идентична динамика и се очекува да завршат напролет - велат од градот.
Од компанијата „Трансмет“, која инаку е изведувач на градежните зафати, велат дека ситуацијата не е алармантна и дека за многу кратко време повторно ќе проработи градежната машинерија.
- Реконструкцијата на булеварот веќе требаше да биде целосно завршена, но се појавија некои неочекувани проблеми, а и врнежите од снег беа доволна причина за да се направи застој во работата. Стигнати сме до третата фаза на изработка, па се надеваме дека до пролет ќе биде сѐ завршено - вели Сеад Кочан, директор на градежната компанија „Трансмет“.

http://www.novamakedonija.com.mk/NewsDetal.asp?vest=11415174118&id=14&prilog=0&setIzdanie=23370

Кај нас во Кичево замрзнат е цел град,а не работа на една улица.Не треба ова одложување лошо да се свати

иако има адитиви за во бетонот,не е сепак препорачливо да се бетонира ако не се мора.за асфалтрирање да не правиме муабет,барем со нашава технологија(памет)

И кружниот тек на крај на бул.Партизански одреди сеуште не е целосно асфалтиран.Краците кон десно се оставени така со издигнати шахти.Трансмет ептен се сконцентрирани на делниците што ги градат за автопатите а градскава инфраструктура ептен ја запоставија.

Edited by jyvation - 16-Jan-2015 at 18:45

Бит-пазар ќе добие реконструирани тротоари

Реконструкцијата на пешачката и на велосипедската патека на булеварот Крсте Мисирков доаѓа кон својот крај.



Целосното асфалтирање на тротоарите почна во октомври минатата година, а остануваат уште малку активности за да се заокружи целиот проект и Бит-пазар конечно да добие современи пешачки зони. Иако снегот и лошите временски услови ја прекинаа изградбата, сепак градските власти велат дека реконструкцијата се одвива според предвидената динамика.

- Градежните активности се во завршна фаза. Потегот од улицата 26 Јули до Бит-пазар целосно е завршен и останува да се направи мал дел од трасата пред „Мавровка“, кој ќе биде завршен веднаш штом ќе се подобрат временските услови - велат од градот.

http://www.novamakedonija.com.mk/NewsDetal.asp?vest=12015106186&id=14&prilog=0&setIzdanie=23373

Може попаметно е да почекаат да се изградат сите парцели па потоа да ја средат уличкава?

Се санираат ударните дупки на улиците во Скопје



Екипите на јавното претпријатие „Улици и патишта“ ги санира ударните дупки на градските улици и булевари. Минатиот месец за оваа намена се употребени 125 тони асфалт.

Град Скопје денеска информира дека се санирани дупки на булеварите „Борис Трајковски“, „Мајка Тереза“, „Февруарски поход“, „Србија“, „Јужен булевар“, „Александар Македонски“, „Кочо Рацин“, „Христијан Тодоровски Карпош“ и на булеварот „Јане Сандански“. Санирани се и дупките на улиците „Перо Наков, 16,“ „Македонска бригада“, „11 Октомври“, „Маџари“, „Шуто Оризари“, „Ацо Шопов“, „Трета македонска бригада“, „Козле“, „Алија Авдовиќ“, „Павел Шатев“, „Скупи“ и на патот кон средно Водно.

Деновиве е планирано со ладен асфалт да се санираат ударните дупки на улицата „Даме Груев“ и на булеварот „Партизански одреди“, како и на сите градски сообраќајници каде што ќе има потреба.

http://lider.mk/2015/02/10/se-saniraat-udarni-dupki-na-ulicite/

ОБЈЕКТОТ КОЈ ПРЕЧИ ДАМЕ ГРУЕВ ДА СТАНЕ БУЛЕВАР НЕ Е ДОВОЛНО ЦВРСТ

СИТЕ ЧЕТИРИ КАТА НА ЗГРАДАТА КАЈ "КОРЗО" ПРЕД УРИВАЊЕ

До крајот на месецов Градот треба да одлучи кои делови од зградата ќе се уриваат, а за возврат сопственикот ќе добие деловен простор во гаражата Тодор Александров

Сите четири ката на зградата кај кафулето "Корзо" ќе се уриваат, за да може улицата Даме Груев да стане булевар. Првичната идеја на надлежните од Град Скопје да се уриваат само приземјето и првиот кат од зградата, и со потпорни столбови да се зацврсти објектот, најверојатно, не е изводлива. Деновиве стручните служби му посочиле на градоначалникот Коце Трајановски дека градбата не е доволно цврста.
"Прво, заедно со ИЗИИС, се разгледуваше варијантата да се урнат само приземјето и првиот кат, па да се постават потпорни столбови и булеварот да минува под зградата. Но сега ни е кажано дека зградата не е доволно цврста. До крајот на месецов ќе знаеме за која варијанта ќе се определиме, односно дали ќе треба да ги уриваме сите четири ката на објектот. Ако се случи тоа, ќе треба и соодветно да го обесштетиме сопственикот.

Фото Д. Перковски

Во овој дел на зградата, во моментов никој не живее, тоа се деловни простории кои не се користат", вели градоначалникот Коце Трајановски.
Додека Град Скопје да одлучи колку ката од зградата ќе се уриваат, по барање на градоначалникот Трајановски, Советот на Град Скопје вчера донесе одлука за размена на деловен простор со фирмата "Центро" АД Скопје во стечај. За деловниот простор во приземјето каде што некогаш беше "Рубин кармин" и за првиот кат, "Центро" ќе добие деловен простор во катната гаража "Тодор Александров", која се наоѓа отспротива.
Од Град Скопје велат дека со реализација на проектот проширување на Даме Груев во булевар, ќе се стартува кон крајот на оваа година или на почетокот од наредната. (А.А.)


http://www.vest.mk/default.asp?ItemID=F3736094C0CDC1429A7F92443F43068C

Нема тука никакво подобрување. Едноставно префрлање од 2 ленти на 2 ленти во правец. ТОЛКУ! Fail

Еве нешто за Гологанов

http://dnevnik.mk/?ItemID=2E67897FA06BF241AF6AF72F4774831A

Edited by kultuzin - 05-Mar-2015 at 22:42